kloOot diet 2 kloOot diet2 kloOot diet2 19-6(شهر من تاريخه)

[LUXURY]

قوه بنات

غلاها افا عليج حياج الغدا كله لج

وعشانج هذي صورة الغدا سعبلي لين تشبعين خخخخخخ

كان لذييييييذ بس حااااار فلفل
اعتقدر باللحم بيطلح احلى والذ يم يم

بوب كورن
يعافيج يا قلبي
وانتي عليج بالعافيه ودوريلج غدا لا يقظ بطنج العصير

 

[LUXURY]

اعتقدر = اعتقد
يطلح = يطلع

امبيه لوووووووووول اشهالبدليات كله لاني دايخه ابي اخذ قيلوله لوووووول

لا انا صج يبيلي اخذ صيفي يعدل نومتي والا على جذي بارد على ايام العزوبيه سهر وتخرييييييييف لووووووووول

 

[غــلاهــا]

قووووووووووووووووووووووووة بناااااااااااااااااااااااااااااااااااات وبالعاااااااااااااااااااااااااااافيه

ريوقي كان عصير اناناس وكيوي ولي الحين ماتغديت

بعافيه نفيشوووه :tek:

 

[غــلاهــا]

بعافيه فديتج لكسري من الكلام شبعتي قطتيتي بدليات

شنو تتبيله لي حطيتيها ع خضار؟

اكلت روب و خوختين و كوجه قبل الغدا ساعه 12

توني الحين تغديت فتوش وعصير اناناس

 

[pop corn]

الله يعافيكم حبايبي

وبالعافيه لولو وغلوية

لولو شكله يشوق شلون مسويته علمينا شنو حاطة فيه وعليج بألف عافيه قلبي

<<<<<<<<< لوووووووووول ناشبتج

تغديت 2 همبوجر دياي مشوي + بروكلي وجزر مسلوق + سلطة

 

[oum 5ald]

قوووووووووه عليييييييكم بعد غيااااب

المهم انا مو ملتزمه برجيم معين

واليوووووووم اول يوم لي ..
ابقووولكم وزني رد لل76 ...
طقووني كفخوني وربي حلالكم سوو فيني اللي تبونه ..
والله ببجي دمعت عيوني لوووول ...

انا اليوم اكلت بطاطه من الجمعيه اللي فيها مايونيز وكتشب وجبن وهالسوالف وبيبسي دايت ..
وبما ان غدام متأخر ماني ماكله الا اذا صج يعت بسويلي عصير اناناس وكيوي ..

وباكل حبه سليم ماكس عشان تسد شهيتي المسعوره لووووووول ..

وسوري لاني مو موجوده وايد ..

 

[^kloOot^]

علييييييييييييييييكم بالعافيه حبايبي



غلاها والله انا بينيى وبين رفيجاتى 70 دك



للاسف




بنات ريوقي اليوم


توست شريحتين +دايت +جبن فيتا+خس


سناك تمر 3 حبات +حليب



غداى 3 همبرجر مشوي




وبعد شوي بشوف يمكن اشرب لي شي

والعشا بخليه


توست +جبن +خيار وطماط

 

[غــلاهــا]

بعاافيه كلوت

 

[جنان2006]

السلام عليكم

الزينة
عليج بالعافية وإن شاءالله توصلين للي تبينه

لاكجري
يزاج الله خير على نظام د.محمد ربيع مال رمضان أكيد راح يستفيدون منه اللي بيصومون دينهم أو صيام التطوع...
وعليج بالعافية الغدا


قزووومة

هلا وغلا الله يسلمج من كل شر يارب
وعليج بألف عافية إن شاءالله


غلاها
الله يعطيج العافية إن شاءالله
وعليج بألف عافية


بوب كورن
عليج بألف عافية


أم خالد
عليج بألف عافية وشدي حيلج بالريجيم وإن شاءالله توصلين للي تبينه

كلوت
عليج بالعافية إن شاءالله

 

[جنان2006]

اليوم تريقت 5 حبات تمر + حليب خالي دسم

والسناك : عصير برتقال

والغدا: كنت معزومة بيت حماتي وماشاءالله السفرة متروسة كل مالذ وطاب

وتغديت 1 كباب مشوي + 2 شيش طاووق + سلطة فتوش
وكليت قطعة حلو صغيرة حماتي حلفتني إلا أذوق شغل إيدها


وإن شاءالله المغرب بشرب جاي أخضر

والعشا: بإذن الله راح يكون لبن أكتيفيا + 1كيوي

 

[جنان2006]

لاكجري تسلم إيدج وعليج بألف عافية الغدا ما شاءالله شكله لذيذ

 

[oum 5ald]

عوافي على قلبج ياقلبي ..

ان شاء الله بشد حيلي ...
مع ان مادري شسالفتي هالفتره احس اني مو شي اضيييق الخلق

 

[b6o6a]

هاي بنات

انا مادري شلون رجيمي مليق

مو ماكله شي للحين مالي خلق افكر او اسوي شي

وباجر عندي موعد دايت كير ومحتاره احس اريحلي بدال لا افكر شنو آكل كل يوم قلت اجرب اسبوعين ومااااااادري


شلووونكم انتوو

 

[جنان2006]

أم خالد الله يعاااافيج يارب
وميخالف لا يضيق خلقج دام الإرادة موجودة إن شاءالله ربي يعينج على إنزال وزنج بصحة وعافية...
واحنا موجودين بهالتجمع الحلو عشان نشجع بعض ونفيد بعض...
والله يوفقج إن شاءالله


بطوطة
احنا بخير الله يسلمج والله يوفقج بالموعد إن شاءالله

 

[oum 5ald]

ان شاء الله الله كريم فديتج ..

انا بغير الوزن اللي بتوقيعي عشان اتشجع لان اذا شفت الرقم الموجود بصدق عمري لووووووووووول
واحسن عقاااب حقي لاني خربطت بايديني وريولي

فديتج بطوطه احنا بخير
انتي شلوونج ..؟

تصدقوون زوجي يمدلي كاكاو ام اند امز يقولي عشاااني اخذيه قلتله ترى اذا رد وزني 100 محد بيبتلش غيرك لووووول

 

[oum 5ald]

عدنا يالحلوات
وااااااااااي ضايق خلقي قاعده بروحي رايحه راده تكرمون عالحمام خخخخخخ
المهم
انا قلت باقلوكم ان شاء الله اذا الله تمم علينا وسهل يا رب باكمل ان شاء الله بهالريجيم اسبوعين بعدين لازم اصوم ديني قبل لا تييني الدوره مره ثانيه ومابقى شئ على رمضان
عاد طبعا مو معناته اني باصوم ديني اقوم اخربط؟؟؟ لااااا والف لاااااااا
عندي ريجيم محمد ربيع مال رمضان باطبق منه بس اسبوع لان ديني اسبوع
ووقتها باقولكم بالتفاصيل
انا جربته برمضان بااااااخر اسبوع مع شوية تخربط قل وزني شويه بس الحين باتاكد عدل جم ينزلني بالاسبوع

شوفوه حلو؟؟؟



الفطور
-------
3 تمرات + ماء او لبن

(1) صحن تشريبة + 2 قطعة لحم او نصف دجاجة + سلطة

(2) ملعقتين من كل من (تشريبة+هريس+جريش) المجموع 6 ملاعق+سلطة+ربع دجاجة+لبن


بعد التراويح
------------
قطعة حلو او صحن مهلبية


السحور
--------
(1) 2شريحة توست+قطعة جبن او 4 ملاعق فول او 2بيض+سلطة+حليب

(2) سلطة+لبن او روب+2حبة فاكهه
انا قلت بافيد اذا وحده عندها دين وبتصومه

عجبني حييييل هالرجيم شكله حلو ..
وشكله مال طالب بعد ...؟؟؟

مادري جم ينزل بالاسبوع ..؟
عساس اذا كنا بالبيت يكون هاذا فطوري واذا طلعت اكل على راحتي لوووول

 

[جنان2006]

أم خالد

ما شاءالله عليج زين ماخذيتي منه الككاو
عندنا وعندج خير كل ما أروح بيت أهلي ويدرون اخواني إني امسوية ريجيم تعالي شوفي شيسوون
اللي يمد إيده ويعطيني ككاو وإلا يشترون معجنات ويحروني بس الحمدلله لم ألتزم بالريجيم مالي شغل فيهم أقولهم عليكم بالعافية وألهي نفسي بأي شي

 

[LUXURY]

الله يعافيكم حبيباتي
الدياي كتبت تتبيلته امس
والخضار خلطت كاري وبهارات تندوري ورشيتهم عالخضره وطلع لذيذ
تره عصرت الليمون عليه قبل لا اكله لذيذ صج
بعد عمري ان شاء الله المره اليايه اسويلكم كلكم معاي


غلاها
لوسمحتي كلش ولا بدلياتي تره هذيل لهم رونق في حياتي خخخخخخخخ


بوب كورن
طريقة الدياي امس حطيتها اللي بالروب واجار منجا



ام خالد
تو ما نور المكان
انا باييلج اطقج متبرعه
لييييييييييييش جذي حرام عليج عقب كل التعب اللي تعبتيه
بس النظام اللي حاطته مال محمد ربيع
وريلج حطي بينج وبينه ستار فولاذي والا تدرين لبسي لبس فضاء لا قعدتي يمه عشان تقاومين الاغراءات الكاكاويه لووووول <<<<اشدعوه
ويويييييييييييييييييييييلج ان خربطتي الريجيم مره ثانيه ديري بالج



كلوت
بالعافيه حبيبتي
انا اليوم ريلي بايي يتعشى عندي وبينام عندنا عاد مسوين ستيك باعلمج طريقته (شوفي النحاسه اعلمج بروحج لان ماشيه بريجيمي خخخخخ)
لا كلكم عليكم بالعافيه
التتبيله مقادير متساويه من صلصة الثوم اللي عليها لزقه بنفسجيه + صلصه عليها صورة طباخ متين لابس كبوس ابيض بالبابايا والطماط + خل بلسميك (اهو احلى من الخل العادي) وشوية زيت زيتون
دقدقي الستيك ونقعيه فيه اقل شئ 3 ساعات واذا من الليل احسن
واذا ييتي تشوينه او تحطينه بالفرن دهني الويهين بصلصة hp اللي بالفواكه
شئ شئ شئ عجييييييييب
قبل كنت احطه له مع ماشد بوتيتو او عيش مصري طابخته بخلطة كنور المكسيكيه (يستاااااااااااانس)
بس اليوم لزوم الريجيم باحط خضار عالبخار
انا الصراحه باسويلي سلطة خضار مع شرايح برتقال (كله اشوف فتافيت يسوون جذي) عشان تنسحن جبدي وما اكل ستيك وايد
وعاشوا دايت كلووووووووووووووووووووووت ايوا ايوا ايوا


بطيطه
واخيرا توه ايي دورج عندهم
الصراحه انا ما اايد الاشتراك عندهم لان احس ان وايد مكلف 200 بالشهر احس وايد
صج اييبولج كلشي بس لو انتي بتشترين ماجلة الريجيم وايد اقل بيطلع عليج
انا اغراضي اللي شريتهم تقريبا قاعده اقط بمعدل 10-15 بالاسبوع اذا باشترك عندهم جني قاطه 50 بالاسبوع
بس اذا حاسه بتجربينهم وتفتكين من التفكير والطباخ جربيهم بالف عافيه
بس تره لا تحطين ببالج انا سي قحطه خخخخخخ لا لا لا كلش مافيننا جذي بس لان احس حتى الوزن اللي ينزلونه منج مو وايد يعني ما ايي 7 كيلو بالشهر من تجارب البنات
بس جربيهم وبالعافيه
انا فكرت ادق اسال اذا يسوولي بس الغدا اوكي واكل ريوق وعشا كورنفليكس فيتنس
بس بعدين هونت قلت مالي خلق

 

[LUXURY]

جنان
اشلونج مع الريجيم
انتي مسويه ريجيم قاسي؟؟؟ <<<<الاخت دايخه شوي لووووووول

 

[LUXURY]

بوب كورن
خفت مالج خلق تدورين بالصفحات اللي قبل طريقة الدياي فيبتها لج
جربيها على لحم روحي اللحام قوليله ابي لحم جتف بدون عظم ولا شحم
وسوي التتبيله يصير طعمه جنه كباب بوتي اللي باشاز يم يم يم
والثانيه نظام هنود
روب ومبشور قشر ليمون وثوم مهروس وبصل مفروم وفلفل احممر حار فتته وبهارات تندوري وكاري واجار منجا وخلطة تكا هنديه ماختها من الجمعيه وحليب جوز هند وخل شويه


كلوت باستأذنج بشي حبيبتي
مابي اقيس هالاسبوع خخخخخخ
لا من صجي لان يايتني الدوره ووايد قالولي وزنج ماراح يتحرك اذا يايتج فقلت مابي اشوف الرقم بالميزان واتحبط ابي انطر للاسبوع اللي وراه واحط توتال النزول
عادي والا السالفه فيها طق؟؟؟؟ خخخخخخ
الفكره ان مابي احبط عزيمتي ومابي احد يقرا الموضوع ويشوفني مو نازله ويتحبط من الريجيم