<<<lمنـــو الشـــاطرة والذكيـــة>>>>

[شهرزاد الحكايا]

<<lمنـــو الشـــاطرة والذكيـــة>>>>

اخــواتي ...
بكل صراحة وبختصار اغراش وزجاجات العطور

مالت سيد جنيد والشايع واجمل وغيره بعد ماتخلص

شتسووون فيها انا احيانا اقطها اواعطيها البنات يلعبون فيها

بس والله لازم لها صرفة افضل شكلها حلو

انتو تعرفون بعضها كرستال يبرق وبعضها فصوص فخمة

واحيانا شكلها عجيب ...

امــانة كل وحده تقول تجربتها خل نستفيد..

بليز ابي تفاعل موعشان هذا اول موضوع لا بس مابي اقطهــــم!!!​

 

[إشــراقـــ**]

إيه والله أنا بعد عندي عطــور فــاضيه بس محتفظه فيهم عشان شكــلهم حيــل حلووو

وللأســف ما أدري شسـوي فيهم

>>>>> نــــداااء لمدرســــات التربيه الفنيه >>>> وروونــــا شطـــارتكم >>>>> حلولنااا المشـــكله ^_^*

 

[(كويتيه عسل)]

اذا تبين تشترين نفس الخلطات مره ثانيه بدال لاتقطين الزجاجات

يرد المحل يحلطلج نفس العطور وراح يطلع عليج بسعر اقل

او ممكن اذا شريتي خلطات قراشهم موحلوه تقدرين تحطين الخطات في الزجاجات الحلوه بعد ماتنظفيهم علشان ماتختلط العطور

او تحطين فيهم زهور مجففه خصوصا اذا كانت شفافه وعريض يعطيج منظر حلو

او لما يتخلص العطور اللي عندج يبقى شويه بالزجاجه تضيفين عليها ماي

وتحطينها بالرشاش اللي تستخدمينه حق رش الملابس قبل لاتكوين

بالاوتي يعطر الملابس بريحه حلوه ومخففه موثقيله

 

[ريما_الحلوه]

شوفي حبيبتي انا بس يخلص عطري افتح راسه وادعسه بين هدومي وبادراج الاندر وير لانهم يعطررون الهدوم وعن تجربه هالكلام