law love في ايطاليا 2011 :)

[نهايتنا قبر و موت]

ما شاء الله
عليكم بـ الف عافيه

 

[ام حمد 85]

رووووعه ما شاء الله

 

[اللهم الجنة]

عليكم بالف عافيه
خووش تقرير

 

[فجورتي الحلوه]

هااااااي حبيبتي
الحمدالله ع السلامه
بغيت اسالج شلووووون الجو بارد حييييل والا شوي
وفندقكم حلو بس حسيت انه ضيج يضيق الخلق
في فتادق اكبر صوب فندقكم وياريت تذكربن اساميهم لان ناويه اروح هناك
ومشكووووووره حبيبتي

 

[Unusual]

ماشاءالله تقرير عال العال ،، شوقتينا حق ايطاليا ..
بإنتظااار باقي التقرير ..

 

[عزاااه]

اب وينج طولتي علينا

 

[law love]

سامحوني بنات عالتاخير بس قاعده اصبغ داري ههههههه و لوووويه ان شاء الله بكتب جزء كبير من التقرير باجر و اللي عقبه بعوظكم

سامحوني مره ثانيه و ان شاء الله ارد عليكم وحده وحده خلكم متابعين

 

[كول قيرل]

تقريرك حلو

مشكورة

 

[ا ح ب ك]

اب اب اب اب

متابعه

 

[شنوووفه]

الله انشالله برووحلها :>
متااابعه مو تتاخريين

 

[عزاااه]

ننطرج ان شالله

 

[جواهر روعة]

الحمدالله على السلامة
الفندق يشوق و يونس بجم حجزتوا الليلة ؟؟؟

 

["*آآآنؤؤؤقهـ*"]

اب


اب



اب

 

[عزاااه]

اب اب اب ننطرج

 

[الدلـــع كله]

الحمدلله ع السلامة

الرحلة تشوق لا اطولين علينا حبيبتي نااااطريينج

 

[remoo_007]

ماشاء الله شكل التقرير حلووو ومرتب

كملي حبيبتي .

كنت بسويسرا قبل سنتين ومت عشان اروح ميلان كانت تبعد ساعه عن لوقانو بس سبحان الله ماصارت

ان شاء الله اعوضها

نبي كل تفصيل عنونو وميرسي حبي 

 

[law love]

بسم الله نكمل و اعتذر عن التاخير

بعد ما رجعنا الفندق ونمنا

قعدنا و بدينا اول يوم في ميلان و كالعاده بكل سفراتنا لازم اول يوم نروح اوت لت عشان نعرف شنشتري من السوق :eh_s(15):

واللي ما يعرف الاوت لت اهوه سوق تكون اسعاره ارخص من المحلات اللي بالسنتر سواء ماركات او محلات عاديه يكون في بضاعة السنه اللي طافت و ساعات تلاقون اشياء يدد ملوت السنه و عليهم خصم انتو و حظكم :eh_s(7):

احترنا نروح اوت لت سيرفالي اللي بميلان و لا اوت لت فوكس تاون بسويسرا و كلهم يبعدون عن ميلان ساعه و شي و اخترنا الفوكس تاون

اول شي بعطيكم معلومات عنه :

اهوه مجمع مسكر موجود بسويسرا يبعد ساعه و ربع تقريبا عن ميلان يفتح يوميا من 11 الصبح ليه 7 بليل :eh_s(7):

و اللي بتروحله من ميلان لازم معاها الجواز طبعا ماكو حدود ولا شي لكن ممكن يطلبونه منكم

و كالعاده طبعا كنت مسويه سيرج قبل لا نسافر و عرفت انه في طريقتين للوصول للفوكس تاون بسويسرا


1- الباص عن طريق شركة zani viaggi و الباص ينطلق من الدومو من مقر الشركه قريب من فندقنا :rerrerek: الشخص ب20 يورو روحه و رده

الباص يوميا يطلع من ميلان الساعه 2 الظهر
يوصل الاوت لت الساعه 3,15 العصر
يمشي من الاوت لت الساعه 7 بليل
يوصل ميلان 8.15 بليل

يعني عندكم اربع ساعات الا ربع تسوق و احنا ما عجبنا هالشي لانه راح نتقيد بالوقت و الباص يطلع من ميلان 2 الظهر يعني حتى الصبح ما راح ناخذ راحتنا بنحاتي الباص لا يمشي عنا :eh_s(16):

فقررنا نختار الطريقه الثانيه :eh_s(10):

2- قطار من محطة ميلان الرئيسيه milano centrale الى منطقة مندريسو و منها للفوكس تاون فباص عليه شعر الفوكس تاون


نزلت اللوبي و تاكدت من معلوماتي اللي خذيتها من النت قبل السفره و اشوه كلها صح

بس سئلتها شلون اوصل محطة القطار الرئيسيه اللي ناخذ منها القطار و اقترحت عليي المترو و طبعا المترو عند باب الفندق :rerrerek: :rerrerek: :rerrerek:

و عطتني هالخريطه



خطنا اهوه الخط الاصفر :eh_s(15):

احنا موجودين عند الدائره الحمرا و نبي نروح عند الدائره الخضرا و المترو اللي بنركبه محطته الاخيره اهيا الدائره الزرقا

يعني المترو راح يوقف 3 مرات و المحطه الرابعه ننزل طبعا سهالاااااااااات حده سهههههل


نزلنا عند المترو و سئلنا عن مكان التذاكر و دلونا على كشك الجرايد منه نشتري تذاكر المترو على يورو و نص


وهاذي التذاكر






يتبع......

 

[law love]

ركبنا المترو







و وصلنا محطة ميلانو الرئيسيه للقطارات

و اكتشفنا انها كبيييييييره و ادواار واايد حلوه و شرررحه و فيها محلات و مطاعم





و على طول رحنا صبو التذاكر عشان نحجز و وصلنا لمكان بيع التذاكر بعد ما اتبعنا اللوحات





لقينا صوب فاضي و صوب زحمه :eh_s(10):

اثاري الفاضي للدرجه الاولى و الزحمه للسياحيه طبعاااااا رحنا صوب الزحمه خخخخخخخ


شوي عانينا و احنا نحجز لانه احنا ننطق اسم المنطقه غييييير و اهما غييييييير فنصيحه كتبو اسم المناطق بورقه بالانجليزي عشان يفهمونكم

طبعا احنا عارفين انه الفوكس تاون موجود بمنطقة مندريسو بسويسرا لكن للاسف ماكو قطار دايركت لازم ننزل محطه و نبدل القطار عشان نوصل مندريسو

فخط الرحله راح يكون من ميلان الى كياسو و من كياسو الى مندريسو :eh_s(10): و الرده نفس الشي

توكلنا على الله وحجزنا و عطتنا التذاكر

هاذي التذكره اللي من ميلان ليه كياسو


و هاذي التذكره اللي من كياسو الى مندريسو



لو تلاحظون بهالتذكره مكتوب كومو مو كياسو عاادي يكتبون المحطه الاخيره للقطار ما يكتبون المحطات اللي يمر عليها و هالشي شويي يدوده بس ما خاب من سئل كنت امشي و اتاكد من الاستعلامات و من السكيورتي اللي عند القطار

نسيت بجم التذاكر بس تقريبا 3 اشخاص ب 48 يورو روحه بسسس

يتبع ...


​

 

[law love]

و كان باقي وقت على قطارنا و طبعا لا تحاتون متى تروحون المحطه عشان تركبون القطار لانه على مدار اليوم فيه قطارات رايحه راده بس احنا رايحين مبجرررررر:eh_s(9):

رحنا نتريق و ماكان خوش ريوق بس لانه ما لنا خلق نحوس نقينا اقرب كفتيريا للقطارات









طبعا الشي الغريب فايطاليا انه في مطاعم يحاسبونكم على الطاوله و الكرسي اللي تقعدون عليه :rgewrg: صج غباااء

و هالمطعم حسب علينا الشخص بيورو و احنا 3 يعني خذا 3 يورو فلا تستغربون اذا دخلتو كفتيريا و لقيتو الناس موقفه

ترى ما يبون يدفعون اليورو

هاذي فاتورة الطاوله





عمار يا كويييت :yaaaaaarb:


خلصنا و رحنا نسئل عن رقم قطارنا عشان نركب و تقدرون تقرون الرقم من الشاشاة المنتشره بكل مكان و يحطون معلومات القطار قبل انطلاقه ب 15 دقيقه تقريبا فلازم تحطون بالكم

سيفورا بالمحطه :eh_s(22):





وهذا قطارنا مكتوب زيورخ عااادي مثل ما قلت لكم




ركبنا





ماله داعي درجه اولى :eh_s(15):












و مثل ما قلت لكم وصلنا منطقة كياسو chiasso و لانه عندنا التذاكر على طول سئلنا عن القطار اللي يروح مندريسو و ركبناه و الكل يساعد حتى الشعب نسئله و يدلينا :rerrerek:


يتبع ......



​

 

[law love]

وصلنا منطقة مندريسو بسلااام و نزلنا نسئل عن الباص اللي يودي للفوكس تاون وكان لازم نخطر الشارع و نوقف بالمحطه و الباص ايي كل 10 دقايق




هاذي المحطه




طبعا شي حلو الاحساس انج انتقلتي من ديره لي ديره بهالسهوله


وقفنا عند محطة الباص طبعا مو محطه بس هالعامود محطوط طبعا ضيعنا شوي :eh_s(10):




اول ما يا الباص طبعا صغيرونو جنه مني فان تاكدنا انه يودي للفوكس تاون و ركبنا





و هاذي تذاكر الباص



بفرنك سويسري و حولنا ياه يورو و دفعنا باليورو

وصلنا عند الفوكس تاون بس احتجنا نخطر الشارع




المدخل








طبعا وصلنا قبل لا يفتح دقايق و كان ممنوع الدخول ليه داخل المجمع كل الاوادم عند الباب حتى الدري الكهربا مسكر

ونطرنا يفتح







طبعا التصوير ممنوووووع و تمينا نحوووس و نتسوق فيه محلات حلوه و محلات لا

الماركات حلوه و اسعارها حلوه :rerrerek: محلات اليهال حلوه خاصه بولو رالف لورين و فيه محلات ملوتهم ما عندنا منهم

جم صوره عالطاير بالخش و الدس











من داخل برادا يهببببببل و الاسعار حللللوه








يتبع .....


​