@locanda7 || locanda || تجربتي مع مطعمـ لوكاندا

[avector]

والحلم اصبح حقيقة مع بنات الكويت والصديقات سناء وسارة
يمكن هالمطعم الطابع طابع بيتوتي بحت
الكويتي locanda مطعم

اول ما وصلت

المرر المؤدي الي المطعم

وفي المرر على اليمين واليسار كلة كتابات زوار المطعم

والحلو انة كل التعليقات عن المطعم سلبية او اجابية
فالمجال والتعليق مفتوح للجميع
soft opening المطعم الي الان
وان شاءالله على شهر 6 راح يتم استقبال زوار المطعم في الفترة الصباحية والغدائية والعشائية
والاوقات الان من الساعة 5:30 الي الساعة 11:30 مساءا

اول ما دخلت المطعم

حسيت اجوائه بيتوتية فالقعدة راح تكون مريحة

والضيافة

والديكور وااايد الوانة عجيبة والتفاصيل فيها خطيرة

والسويت يكون جدامكم

والـ bread

كنت اتابعم ببرنامج الاستقرام فكانت عندي فكرة بالاكل
وصل لنا المنيو

نبذة عن مشروع لوكاندا

ويا الحين وقت الاختيار
​

 

[avector]

انصحكم فيها

على ما يتم تجهيز الاكل بهذي الحالة والوضع طبيعي شسوي غير اقوم اخذ لي جم صورة للمكان قبل لا يصير زحمة

اختيار نوعية قماش القعدات وااايد خطيرة وراقية ومريحة فشكرا لكم على هذا الاختيار

وادق التفاصيل

واول الواصلين
basket bread

المشروع المفضل للمطعم والاكثر طلب
مشروب البرتقال مع الباشن فروت مع زنجبيل

واايد حلوو انصحكم فية
واختي طلبت شاي وحليب لانة الاخت ما تشرب مشروبات غازية

appetizer والبداية مع
بطاطس مهروسة بالجبنة والذرة

عجييبة الاضافات فيها خطيرة
سيركل البانجان

ما ادري شقول لكم بس كانت تحتاج اعادة نظر قوية - وفعلا ابدت اختي رايها فية وقالو لها فعلا مو جذي الطريقة
كبرياتي

يا كبيرة يا انتي هذي مجرمة مجرمة شوية عليها واايد حلوة .. هذا كان طلب امني بس وعليه ما عطيت احد ياكلها
قضيت عليها بروحي والي ما يطلبها خسران
سلطة سيزر

امي تقول حلوة بس تحتاج الي صوص اكثر
وناخذ قسط من الراحة ونبتدي مع
main dishes
طلبي فيتوشيني بالمشروم والدجاج

واايد خفيف وحبيت الطريقة
طلب امي ستيك

طلب اختي الدجاج المشوي مع السبايسي

مو طبيعية واايد حبتها وتلذتت فيها
ولازم ما نطلع من مطعم وما نجرب السويت
بسبوسة لوكاندا الخطيرة ومافي مثلها بالكويت

وافضل تطلبونها حارة لانها شي خيااااال

 

[avector]

لدرجة من كثر حلاوتها طلبنا وحدة توقو
حلاوه الفستق خفيفة

وبعد ما خلصنا قالت لنا الاخت سناء عندنا طريقة للتقديم وفريدة من نوعها وهي قهوة تركية قلت يالله يبيله نجربهاا
ووصلت العربة القهوة التركية

وبدا التحضير لها وحلو التحضير يكون جدامكم

وهذي قهوتهم التركية وايد حلوة لعشاق القهوة التركية

وبهذا اليوم كان المزاج بالتصوير غير عن اي يوم لانة المكان كان واايد مريح
والتصوير يحلى مع القهوة

وبعد ما خلصنا طريقة تقديم الفاتورة حلوة في بوكس من معدن

وبالنهاية لازم نبصم للزمن ونسجل ذكرى

وبالنهاية انصحكم فية من قلبي كاجواء هادية واستايل مختلف عن المطاعم والاحلى هوية الكويتية تحسونها موجودة بالمطعم
كل التوفيق لكم يا بنات الكويت سارة وسناء على هالمطعم​

• Location : شويخ - مجمع روابي
  اشرح لكم بالضبط مكانة خلو هوم سنتر على يمينكم وفي تقاطع كملو شوية سيدة راح تلقونه على اليمين مقابلة لزوام المكتبات
  Tel : 60666711
  Tnstagram : locanda7
  Twitter : @locanda7

 

[غـــنـــوجـــه]

امبييييييييه باين انه حلووووووووو

عوافي يارووووووحي

 

[كوشيه فوشيه]

الاكل شكلله حييل قليل

يعطيج العافيه

 

[Roty]

بالعافيه حبيبتي

يشوق بس شلون الاسعار

 

[الشيخه فطامي]

ثانكس

في اماكن تفتح او يسوون دعوات من قبل حق فئه معينه او اللي عندهم بلوقز او مدونات مادري ليش

 

[!! دلوعته !!]

????????????????????????????????????????//

 

[كويتية بروما]

اول ما اوصل الكويت سسسسسسسسسسسسيده بروح له
شكرا حبوبه موضوع روعه وصور اروع

 

[معزوفة عشق&]

الفيتوتشيني يممممممي اشتهيتها والله

عوااااااااااافي

 

[هولنديه اياكسيه]

يشوووووق خصوصا البسبوووسع غرامي هالبسبوسه

بس جنه الاكل شويه
يعني وجباتهم احسها وجبات اطفال

ستيك اللحم بس حاطين وحده وصغيره

 

[!! Ba6a 7lwa !!]

يعطيج العافيه

 

[عسوله ودلوعه]

اقل مايقال عنه روووووعه

 

[((غلاي))]

عووووااااااااااااااااافي

 

[مس بطيخه]

رووووعه اي كام مستخدمه

 

[Om_Ksha]

حلووو بس احس الطاولات لاصقه اب بعض .. مافيه قعده بره ؟ و صح الاكل شوي و شنو هذا صمون همبرجر بالشوايه فوقه باذنجان !! :\

 

[واثقة بجمالها]

شكله يشوق عليكم بالف عاافيه

 

[مـزعلـة النسـا]

حبيبتي شلون الاسعار ماتكلمتي عنها!!؟؟

 

[حجيه هيونه]

شكله لذيذ

بس صح شكل الوجبات وايد صغيييرة احس ما تشبع !!

 

[noor salam]

شكله وايد راقي