بالنسبة للايبود المتوفر منه الموديلات اللي تشوفينهم بالصورة وراح ابتدي من الصغير الى الكبير
1- iPod shuffle
وهذا ارخصهم سعرا واخفهم وزنا (15 جرام بس!!) يشبه الفلاش ميموري ويشيل 2 جيجا (اخر موديل) من الملفات الصوتية بصيغ مختلفة مثل mp3, aac, wave & AIFF متوفر بتسعة الوان واسعاره بحدود 25 دينار وهم تقدرين تستخدمينه كفلاش ميموري تقريبا يشيل 400 اغنية<< حسب كلام الشركة مو كلامي
2- iPod nano
الاخ هذا اهو اللي مكتسح السوق (مبيوع منه لحد الان 150 مليون قطعة) وهو مثل اللي فوقه يشبه الفلاش ميموري وهم تقدرين تستخدمينه كفلاش ميموري وفي منه ثلاث موديلات: 4 و 8 و 16 جيجا كسعة تخزين وفيه شاشة حوالي 3 انش ووزنه حوالي 37 جرام متوفر بتسعة الوان - بالاضافة لتشغيل ملفات الصوت يشغل فيديو وفيه العاب وفيه مسجل صوت كذلك.
3- iPod mini
هذا تقريبا طاح سوقه بعد ظهور النانو وتوقف انتاجه سنة 2005 وكان متوفر بسعة تخزين 6 جيجا (على هيئة هاردسك صغير) وباربعة الوان ومايشغل ملفات فيديو وكان وزنه بحدود 100 جرام.
4, 5 - ipod classic
وهذا هو كبيرهم او الفل اوبشن مالهم توصل سعة التخزين مالته لـ 160 جيجا بايت وسعره يعدي الـ 100 دينار ويوصل لي 130 دينار ومتوفر بلونين السلفر والاسود وبالاضافة لتشغيل ملفات الصوت والفيديو هناك استعراض الصور والالعاب وغيره من المميزات.
اعتقد الحين ماله داعي اتكلم عن mp3 و mp4 لانه وااااااااااضح الفرق
ملاحظة الاسعار المذكورة تقريبية ومصدرها الانترنت مو المحلات
طبعا اماكن البيع هي نفسها اماكن بيع الكمبيوترات - يوريكا، الغانم، كارفور، جرير والخ
