o0o0o يابنات الكويت جايتكم هاليومين وابي منكم خدمة .. تردون على استفساري o0o0o

[سعوديهـ ذوق]

السسلام عليكم ..

يابنات الكويت الحلوات

باجيكم الكويت لمده 3 ايام و اول مرة يعني لاتكسفوني ..

1| ابي فندق سعرة رخيص وحلو وبكم ؟

2| اماكن تنصحوني ماافوتها ابدا ..:eh_s(22):

3| احلى مول عندكم يكون يستاهل اروح له

4 | مطاعم تستاهل اروح لها ..

5 | محل يبيع اكسسوارات مطبخ ممييييييزة ..


الله يسسعدكم مقدما .. :eh_s(17):

 

[سعوديهـ ذوق]

مشششكورات ,, والله ماكان عشمي فيكم ..هذا وانا ضيفة ..

 

[DaShTeYa_Q8]

فنادق ماعرف
بس المجمعات طبعا أحلى مجمع الأفينيوووز كبيير وايد وكل شي تبينه فيه
اككسوارات مطبخ عندج هووم سنتر و عندج إيكياا موجود بالأفينيووز مبنى بروحه كبير

ومطاعم هم وااايد عندج بالأفينيووز

يعني الأفينيووز يستاهل يوم كاامل كل شي يخطر ببالج موجود فيه وماايخلص من كبره ..

و أهم شي ذووقي pink berry توه فاتح بالأفينيووز يديد يهببببل و طق عليه لووولز

و المجمعات الماركات عندج الرايه .. الصالحية كله ماركات عالمية ..

وباجي المجمعات العادية عندج الفنار و المهلب وشرق و مرينا

وإنشالله الباجي يساعدونج وحياج الله منورة

 

[ScarletteO'Hara]

| ابي فندق سعرة رخيص وحلو وبكم ؟
سوري ماني ذيج الخبرة بالفنادق بالكويت

2| اماكن تنصحوني ماافوتها ابدا ..
سوق المباركية سوق شبعي اينن و سوق السلاح هناك كله محلات عطور عربية

3| احلى مول عندكم يكون يستاهل اروح له
اكيييد الافنيوز في كل المحلات من الغالي و الرخيص, 360 مو طبيعي بس عيبه محلاته مو كلها فاتحة, الصالحية كله ماركات غالية و الراية نفس الشي

4 | مطاعم تستاهل اروح لها ..
المطاعم موجودة بالمولات الي ذكرتهم مثلا الافنيوز فيه مطاعم عالمية لا تطوفينهم, و اذا تبين تغيريين عن المولات عندج شارع الخليج من السالمية و طالع كله مطاعم على البحر

5 | محل يبيع اكسسوارات مطبخ ممييييييزة ..
امممم عندج فياصل ايد راقي... و الله ما عندي خبرة قوية فيهم

عسى اكون فدتج حبوبة

 

[tolay]

1| ابي فندق سعرة رخيص وحلو وبكم ؟

مع الاسف موخبره بالفنادق :/ حطي بقوقل عن هالموضوع


2| اماكن تنصحوني ماافوتها ابدا ..:eh_s(22):

المركز العلمي بمنطقة السالمية ... فيه اكواريوم وقاعات استكشاف وسينما اي ماكس ومن برا فيه قعده عالبحر حلوووه وسفن شراعية

عندج مدينة الترفيهية بمنطقة الدوحه ... اكبر مدينة ملاهي بالكويت

او حديقة الشعب منطقة السالمية .... مدينة ملاهي حلوووه بعد

حديقة الحيوان زوروها دام الحين الجو حلوو بس بليل يسكرون صوب الحيوانات يعني خلكم هناك الظهر والعصر .... منطقة العمريه

يوم البحار منظقة شويخ الديره ..... مكان تراثي فيه العاب الكويت القديمه ومحلات وبحر وكل شي قديم وتراثي



3| احلى مول عندكم يكون يستاهل اروح له

مجمع الافنيوز اكبر مجمع بالكويت .. منطقة شويخ

سوق شرق ... نهاية السالمية

الكوت ... فحيحيل



4 | مطاعم تستاهل اروح لها ..

فريج صويلح .... اكل كويتي

برج الحمام ... اكل لبناني

مطعم الابراج

مطاعم وااااااايد بشارع البحر





5 | محل يبيع اكسسوارات مطبخ ممييييييزة ..

محل اكسسوار قصدج ؟؟ نوران توب شيك الحفار وايد

 

[حصة]

حبيبتي دشي هالرابط بيساعدج:

http://www.q8yat.net/showthread.php?t=373751

 

[cat walk]

فندق رتز بالسالمية اتوقع اسعاره زينه لانه مو 5نجوم
المجمعات الافنيوز, مول360, المارينا, الفنار, سوق شرق,
اكسسوارات المطبخ هوم سنتر او صفات الغانم بالشويخ وايد حلو
المطاعم يم الابراج فش ماركت اكل بحري , لانوتر على البحر شارع الخليج العربي ,مغل محل اكل صيني وهندي بالسالميه بجانب المارينا مول عمارة مارك سبنسر الدور الخامس

روحي سوق المباركيه سوق شعبي وروحي ابراج الكويت والمركز العلمي

 

[همامة]

الفنادق و الله ما عندي خبرة فيهم بس الديرة اكيد ما تخلى
المجمعات و اسواق و منها شعبي مو كلها مجمعات كشخة <يعني جذي و جذي >>: الافنيوز ، مول 360 المارينا ، سوق شرق ، الفنار ، الراية ، الصالحية ، المهلب ، البحر سنتر ، سوق السالمية المعلم ، سوق السالمية القديم ، المباركية ، برج الزاحم <<<<< ما اعرفة بس سمعت عنه ،البيرق ، سوق الفحيحيل ، مجمع الكوت ، الفروانية كلها مجمعات صغيرة و اسعارها مختلفة و مناسبة < المغاتير / الحمراء مول / العربيد بلازا > المنطقة الحرة..سليل الجهرا / الخيمة مول .

المطاعم :تقريبا اغلب المجمعات فيها مطاعم حلوة حيل بس راح اذكر غيرهم . مغل محل هندي و صيني / برج الحمام لبناني/ فريج صويلح كويتي / أوتار لبناني/ ابراج الكويت /فرايديز / شارع المطاعم مليااااان اقصد شارع الخليج العربي / روحي مطعم موفنبيك بالمنطقة الحرة راد تتعبين نفسيا من الاكل بس غالي شوي / فندق كراون بلازا في كذا مطعم في الاحمدية / و ايام زمان / و في مطعم ايراني بعد نسيت اسمه / و مطعم الشيراتون >>>> بس بصراحة غالي على الفاضي في مطعم قيصر >>>>>>> ما احبة

محمل اكسسوارات مطبخ >>>>>>ايكيا بيفيدج و في بعد سنتر بوينت بس شغلات بسيطة
في اشياء واجد في بالي اذا رتبت افكاري برجع اكتبهم
اتمنى تستانسين بالديرة

 

[أم علي الرفاعي]

في شقق فندقية بشارع المطاعم

خوش شارع وأسعارهم زينه

مجمع الأفنيوز
فيه الرخيص الغالي المطاعم
الماركات العطور ألعاب للأطفال


كل ما يخطر ببالج

وحياج الله بالكويت