..:: Sticky date cake with caramel sauce ::.. لذيــــذة

[el 7abeeba]

السلام عليكم حبيباتي كويتيات ..

هذي كيكة تمر ماخذه طريقتها من موقع أجنبي .. تهبببببببببببل


Sticky date cake with caramel sauce

مقادير الكيكة :
250 غرام تمر بدون نوى مقطع

1 م ص بيكربونات الصودا

كوب و نص ماء مغلي

اصبع زبدة صغير لين ( مو سايح )

ثلاثة أرباع كوب سكر أسمر

1 م ص فانيليا سائلة

بيضتين بدرجة حرارة الغرفة

2 كوب طحين ذاتي الاختمار منخول ( انا حطيت 2 كوب طحين عادي + 2 م ص بيكنغ بودر )



مقادرير صلصة الكراميل:

كوب سكر أسمر

300 مل قيمر

نص م ص فانيليا سائلة

ربع اصبع زبدة مقطعة





الطريقة :

افتحي الفرن على درجة حرارة 180 ْ س .

صبي الماء المغلي على التمر و أضيفي لهم بيكربونات الصودا و اخلطي جيدا .. و اهرسي التمر بظهر الققشة أو الشوكة .. مو لا زم ينهرس عدل .. و خليه على جنب لما يبرد حوالي 20 دقيقة .

ثم بخلاط الكيك و على سرعة متوسطة اخلطي الزبدة مع السكر مع الفانيليا حتى ينعم الخليط و يصبح هش و لونه فاتح.

أضيفي ببيضة و خلطي لما تمتزج عدل .. ثم أضيفي البيضة الثانية و خلطي ..

خففي سرعة الخلاط و أضيفي مهروس التمر ثم الطحين المنخول.. خلطي لما يمتزج و ينخلط زين و موتبالغين بالخلط.


صبي مزيج الكيك بصينية كيك دائرية مدهونه مسبقا و دخليها الفرن لمدة 40 إلى 45 دقيقة أو ليما تقزينها بعود خشب و يطلع نظيف .

خليها تبرد لمده 10 دقائق بعدين طلعيها من القالب ..



ألحين سوي صلصة الكاراميل :

خلطي المقادير كلها في قدر صغير على نار متوسطة و حركي لمدة 3 دقائق خليها تبرد لمدة دقيقتين ثم صبيها و هي دافئة على الكيكة .

(بالنسبة لي ماحطيت زبدة بصلصة الكاراميل و طلعت لذيذة ) .




و هذي صورة تطبيقي :

صورة ثانية :

جربوها ترا خطيييرة .. جربو تقدمون معاها ايسكريم فانيليا .. مممممممممم روووووعة

 

[جارة القمر]

مشكوووووووووره



حبيبتي

 

[*-زينه-*]

تسلم أيدج شكلها روووووووووووعه و لذيذه

 

[ღ❤سـنــيـــڪـرز❤ღ]

حلوة وبنجربها مشككوووووووورة

 

[كنزو]

امممم شكلها لذيذه احب كيكة التمر .... ثسلم الايادي

 

[el 7abeeba]

مشكوورين حبايبي على مروركم

و الله يسلمكم و يعافيكم

 

[نووووونا]

وايد احب كيكة التمر


بجربها ان شاءالله تسلم الايادى ,,

 

[78MariMar78]

واااو
يمي يمي

تسلم الأيادي

 

[عسووولة]

وااااااااااااااااااااااو

لذيذ

 

[حصباة قطر]

تسلم الايادي

احب كيكات التمر

 

[**فراشة الكويت**]

تسلم ايدج
والله يعطيج العافيه

 

[حصوص الكويتية]

واااااااااااااااااااااااااااااااااااااااو اموت بالتمر

 

[<<لمار>>]

تسلم ايدج حبووووووبة

 

[(بنت زايد)]

شكلها تشهي
تسلمين ياقلبي

 

[mem-q8]

باين عليها لذيذه


تسلم الأيادي

 

[el 7abeeba]

الله يسلمكم حبيباتي و مشكورين على ردودكم

 

[el 7abeeba]

بناات ترا سويتها مرة ثانية و ضاعفت كمية التمر بدال 250 غرام خليته 500 غرام .. صارت أحـــلـــــى

 

[catwiti]

يمممممممممممممممممممممممممم
تسلم ايدج

 

[Tom ♥ Jerry]

.

تقريبا نفس الي تسويها بنت عمي ينيييينا عليها (= !
يعطيج العافيه و تسلم الآيآدي ..

 

[sondos]

رد : ..:: Sticky date cake with caramel sauce ::.. لذيــــذة

تسلم الايادى