~q8ia~
New member
- إنضم
- 17 أبريل 2008
- المشاركات
- 2,664
- مستوى التفاعل
- 0
- النقاط
- 0
عوامل النجاح
سئل احد قواد جيش:كيف استطعت أن تولد الثقة في نفوس افراد جيشك؟فأجاب:كنت ارد على ثلاث بثلاث، من قال لا اقدر قلت له حاول، و من قال لا أعرف قلت له تعلم، من قال مستحيل قلت له جرب.
***
هذا مثال وايد حلو نطبقه في حياتنا فالواحد كل يوم يتعلم شي يديد و يتطور و اطلب العلم من المهد الى اللحد يعني العلم ماله حدود فحلو الواحد يتعلم و يتثقف مو عيب ولا حرام بالعكس الواحد يشغل وقت فراغه سواء بالقراءة او فلم مفيد او دورات او حتى مواقع مفيدة و مهما الواحد يتعلم و يتعلم همن يظل اللي تعلمناه قطرة في بحر لان العلم كلما و يتشعب و يزيد ما شاء الله و بعد حلو الواحد يساهم بمجتمعه و يكون له دور فيه و يخدم ديرته و اولا يخدم نفسه يعني الواحد بدون ثقافه شنو قيمته
العلم يبني بيوتا لا عماد لها و الجهل يهدم بيوت العز و الكرم
و بعدين بما ان الواحد الحمدلله بنعمة و صحته بخير خل يحمد ربه و يستغل صحته و وقته ان ضاعوا ما يردون.. و ياما ناس مقعدين او مشلولين الخ.. و ما شاء الله اصحى منا و واصلين بمجالات وايد سواء بالرياضة او العلم و ليلحين نشوف طلاب على ويل جير و على كل هذا يداومون معانا و يحظرون محاظراتهم و لا يطوفون ولا محاظرة و احنا الصاحيين على اتفه شي نقول ملينا من الدراسة و الخ. الفرق بينا و بينهم الارادة يعني متى ما الشخص قال يبي الشي خلاص راح يجتهد و يوصله بس اذا اهوا يبي الشي بس جذي بدون هدف و على اول عتبة ينسحب فشنو الفايدة لازم الواحد يتمسك بهدفه لما اخر لحظة اذا كان يبي الشي صج"عندما تريد شيئا ما، حقا، فان الكون بأسره يطاوعك على تحقيق رغبتك"
و بعدين الواحد يحاول و يحاول لما ينجح و اكبر مثال توماس اديسون حاول فوق ال100 مرة لما نجح و ما يأس فلا حياة مع اليأس و ماكو شي مستحيل على الله تعالى اذا بذلنا الاسباب و اسع يا عبدي وانا معاك وبعدين في شي اسمه التفكير الايجابي او قانون الجذب اهوا لما الانسان يفكر بالشي الايجابي و يفكر انه راح ينجح و يتفاءل فالشي الجيد راح يصير له و العكس صحيح و هذا حديث يثبت هالكلام ((تفاءلوا بالخير تجدوه))
اصنع من الاحجار التي تعترض طريقك سلما ترتقي به الى اعلى
و عشان الواحد تسهل عليه عملية تحقيق اهدافه لازم يحط ورقة و يكتب عليها عالاقل 3 اهداف و يحققهاو يخليها دايما معاه عشان يتذكر و هالطريقة وايد سهلة و مفيدة و تنفع و كل هدف تحققه اشطب عليه مثلا 1/اقرا كتاب معين
2/اشترك بالدورة المعينة
3/اتطوع بعمل خيري
و طبعا اهم عامل عشان تحقق اهدافك الثقة بالنفس و تثق بقدراتك فاذا انت ما وثقت بنفسك منو يثق فيك
و بس ...
