swim suit من وين؟؟!!

[brat]

هاي بنات

آنا إنشالله من باجر (يوم الأحد) بشترك بفلكس

بس حق السباحه مو عارفه من وين آخذ swim suit بحيث إن ما تكون بكيني (طبعاً رحت debenhams، go sports وحتى النصر الرياضي) أول مكانين كله بكينيات والنصر الرياضي ماعجبوني. مافي مكان ثاني؟ أبي إن يكون من فوق حفر وتحت صاير شورت.

 

[سمبوسة]

شوفي ماركس اند سبسنر , مورغان أو طلبي من فكتوريا سيكرتس حلوين

 

[brat]

ok مشكوره حبيبتي

 

[أوشال]

اليوم شريت من دينهامز مرتبين
بس مو شورت لا ميني شورت يا دوب يغطي ...

 

[brat]

هلا أوشال، اي شفتهم وايد قصار وانا أستحي، لما أضعف يمكن أجربهم :q

عاد أمس رحت دبنامز الأفينوز وسوق شرق. بس مادري

خل أمر ماركس سبنسر وبعدين أقرر

مشكوره

 

[ii DareeN ii]

انا اذكر خذت من اولا بوبكن ودبنهامز ولبست تحتة شورت اسود لاني ماحصلت شي حلو بشورت

 

[سمسميه]

سيرز عنده مايوهات على شكل نفنوف حلوين بس عيبهم بسرعه يختربون
وتقدرين تاخذين مايو حفر عادي من اي مكان وتلبسين معاه شورت حتى لو من ملوت النصر او تنوره موجودين بالنصر ايضا

 

[كوب حليب]

يمكن تحصلين عند آثليت فوت .... ماركة أديدس أو نايك من هالسوالف عندهم مايوهات الكاملة التي تيي بشورت بس أهوه بالأساس مو مايوه لأ حق الركض أو شي عند الأجانب و أحنا نستخدمهم كمايوهات

 

[brat]

هلا دارين، أولا بوبكن وين صاير؟

سمسميه شكله هذا اللي بسويه، أشتري مايوه ويا تنوره (شفت تنانير النصر حلوين)

هلا كوب حليب، مشكوره بروح أجيك اليوم

مشكورين كلكم عالإفاده

 

[COOCOO-STYLE]

حبيبتي شوفي go sport او الركن الرياضي اللي بالسالميه بلاند مارك بعد في حفر وشورت

 

[dla3_princess]

والله نفس حالتي قاعده ادور و قالولي سيرز فيه بس مارحت ليلحين

موووفقه