Toefl التوفل

[غلا الأيام]

بنااات حبايبي يا ليت تعطوني فكرة عن امتحات التوفل اللوكل

يعني مثلا وين اشتري الكتاب من اي مكتبة ؟؟ وين التسجيل حق التوفل اللوكل ؟؟

شنو اقسام التوفل فيها اسبيكنج ورايتنج ولا اشلون ؟؟!! يعطني تعطينا فكرة عن الامتحان !!!

يعني اذا اي وحدة تقدر اتفيدني واتفيد البنات عن اللوكل او تراسلني على الخاص

لاني صراحة ما ابي اخذ دورة وبعتمد على نفسي وبشوف جم راح اييب

والله يوفق الجميع ان شاء الله

 

[HAD.Lavender]

حتى انا بنات ودي اعرف عن امتحان اللوكل local TOFEL امتحاني بعد جم يوم و في اميديست و صراحة ما ادري شلون راح يصير
اتمنى اللي تعرف تقولي و مشكورين

و الله يوفق الجميع

 

[غلا الأيام]

بناااات حبايبي للافادة حصلت كتاب التوفل اللوكل

واسمه بالضبط toefl 2002 حق الدكتور عباس الشمري معاه 2 شريطين حق الليسنسغ

صرااحة خوش كتااب وسعره رخيص ومناسب

والله يعطيها العافية الي ساعدتني وارشدتني والله يعطي العافية البنات اللي راسلوني على الخاص والي حاولوا

يساعدوني بأي معلومة ، والله يوفق الجميع ان شاء الله

 

[غلا الأيام]

حق البنات اللي راسلوني على الخاص لووول فجرتوا لي الخاص ، للافادة الكتاب هذا شريته من جامعة الكويت في الشويخ

مكتبة الطالب ، وما عليكم من الموظفة لانها صراحة قالت لي ماكو واخر شي لقيته ، شكلها اصلا مالها خلق بس حق مبردهاا ههه

تلقونه صوب كتب الاجنبية صوب كتب العلوم والقواميس

والكتاب على 10 دنانير وبعد خصم الطالب يصير على 6 دنانير

وفيه كتب بعد حق التوفل في مكتبة جرير في حولي بارك بس صراحة واايد اغلى على 15 و 20 دينار

بس انا ابي كتاب واضح وبسيط مو امعقد ، كتاب عباس الشمري واضح ومبسط وفيه تدريب على كل سكشن

من امتحان التوفل واخر شي بعد نهاية كل تدريب حااط اجاباتهم

بناات ما ابي منكم شي بس تدعون لي ان الله يشافي ابوي من مرضه ويوفق اخوي بدراسته

وبالتوفيق حبايبي

 

[نارنجه]

بناااات حبايبي للافادة حصلت كتاب التوفل اللوكل

واسمه بالضبط toefl 2002 حق الدكتور عباس الشمري معاه 2 شريطين حق الليسنسغ

صرااحة خوش كتااب وسعره رخيص ومناسب

والله يعطيها العافية الي ساعدتني وارشدتني والله يعطي العافية البنات اللي راسلوني على الخاص والي حاولوا

يساعدوني بأي معلومة ، والله يوفق الجميع ان شاء الله

ان شاء الله الحق عليه

بس عفيه علميني .. اللوكل فيه كتابه موضوع ولا بس قراءة و قواعد واستماع ؟



وربي يحقق لج كل ماتتمنين

 

[memy-08]

ان شاء الله الحق عليه

بس عفيه علميني .. اللوكل فيه كتابه موضوع ولا بس قراءة و قواعد واستماع ؟



وربي يحقق لج كل ماتتمنين

انا امتحنت لوكل بس توني ما خذيت النتيجه امتحنت في جامعه الكويت الامتحان يتضمن استماع وقواعد وقراءه وما فيه كتابه
المشكله ماكانت في صعوبه الامتحان كان في السرعه المطلوبه شكثر اسئله ما كفى الوقت اني احلها
ادعيلي الله يوفقني في الامتحان

 

[غلا الأيام]

ميمي يا ليت اتردين على اسألتي بالخاص حبيبتي


والله يعطيج العافية

وان شاء الله تكون نتيجة خير عليج

 

[grumpy22]

مشكوووووورييين وااايد استفدت منكم بصراحه
يعطيكم الف الف عاافيه
بس ماعندكم فكره عن الايتلز ؟؟

 

[grumpy22]

بنااات دشوا الموضوع
وعطوني راايكم
http://www.q8yat.net/showthread.php?t=552832

 

[غلا الأيام]

جنه سمعت الايلتز قالوا لي اسهل من التوفل وحتى طريقة الامتحان تختلف ، بس يعتمد حق شنو تبينه


وبالتوفيق

 

[brettey]

بالعكس الايلز اصعب من التوفل واحد اعرفه امتحن الاثنين بس اهو خريج مدارس اجنبيه وخريج اداب انجليزي فياب درجه عاليه ماشاء الله

 

[bader-albdor]

سلااااام
حبايبي بغيتكم تفيدوني بعد من وين اييب الكتب ملوت التوفل الي معاها سي دي أو شريط تعليم و وين الأفضل إني أقدمة بجانعة الكويت ولا برى ؟ و شنو اميديست؟؟ و اذا طالبين مني الجامعة اييب بالتوفل 450 شنو اكثر شي اركز عليه لأن أنا علمي مو ادبي و موذاك الزود بالانجليزي
ياريت تفيدوني
شكرا

 

[Cool Teacher]

450 ان شاءالله سهله درجه مو عاليه

ماقدر اقولج على شنو تركزين لانهم راح يمتحنونج في كل شي محادثة وكتابة وسماع وقراءة

بس اهم نصيحه سرعه البديهه يعني وانتي تقرين اقري بسرعه واستوعبي بسرعه والسمع نفس الشي لانهم مايعيدون القطعه والكتابة لازم تجمعين افكارج بسرعه والحديث نفس الشي لازم تتكلمين بسرعه عن شي يطلبونه منج ...

اتوقع للازم تكونين اهم شي ريلاكس ومركزة وان شاءالله مو صعب

 

[Dr.Nouf]

وااي فديتكم بنات ، شكرا عالإفادة

 

[غلا الأيام]

سلااااام
حبايبي بغيتكم تفيدوني بعد من وين اييب الكتب ملوت التوفل الي معاها سي دي أو شريط تعليم و وين الأفضل إني أقدمة بجانعة الكويت ولا برى ؟ و شنو اميديست؟؟ و اذا طالبين مني الجامعة اييب بالتوفل 450 شنو اكثر شي اركز عليه لأن أنا علمي مو ادبي و موذاك الزود بالانجليزي
ياريت تفيدوني
شكرا

اممممم الكتب تشترينها اما من مكتبه الطالب بالجامعه او مكتبه جرير وعندج وايد مكاتب بعد ابحولي

وبالنسبه حق امتحان اللوكل اتروحين اتسجلين حق الامتحان في الجامعه او اتروحين معهد ايمديست اتسجلينها

بس في الحالتين رحتي اهني ولا اهني امتحان اللوكل كلهم ابجامعه الكويت ما في مكان ثاني

وما اقدر اقولج شنو اتركزين عليه قد ما تقدرين قويي روحج بالبراكتسنج

وبالتوفيق

 

[غلا الأيام]

امممممممممم بنات منو نجحت في التوفل العالمي تعبت وانا احااول لووول

والله العالمي واايد صعب ومو عارفه اقوي نفسي اكثر من جذي لان امتحانهم حده قوي وطريقته تختلف


ما ادري شسوي

 

[English.Teacher]

رد : Toefl التوفل

طيب مكتبة الطالب مفتوحة بايام العطلة؟؟