Tone it Up

[Mrs_Efron]

هل موضوع ان شاالله طويل عريض عن تون ات اب

تون ات اب شركه اسسوها كارينا و كاترينا

Karena Dawn


Katrina Hodgson

كرينا فتنس مودل و كاترينا مدربه شخصيه و دربت مشاهير جنه و اصلا قصتها بالموقع انها ركزت عل زباين و اهملت روحها تالي ركزت علي روحها واشتغلت غلي نفسها

اثنيهم مدربات و دارسين تغذيه و جين فوندا قالت عنهم انهم ال next generation of fitness و منو ما يعرف جين فوندا شوفوها لي الحين تهبل

اول شي الورك اوتس

بقارن بين دي في ديين من نفس المكان و نفس المدربات اللي هم كارينا و كاترينا و هم بعد طبيبات تغذيه

هم سوو اكثر من دي في دي مع جين فوندا انا مركزه مع اللي مالهم لهم بروحهم بس

اول واحد نزل

one day fat blast



هذا مدته ساعه و قسمين كل قسم نص ساعه تقدرين تسوين كل واحد بروح او اثنينهم مع بعض

حلوين اشوف انهم يركزون علي اجزا منفصله تالي يجمعونهم ب شي واحد مثل بيربي او بلانك او جاكس

و هم اصلن روحهم حلوه و كلامهم اهبل التصويد باستديو

بس في اجزا يتخدمون فيهم الاثقال ان ما انصح فيه يا تشيلون كيلو نص كيلو او لا شتيلون شي ابد يعني كلش بطل ماي او ايدج فاضيه احسن اصلا

هذا علي اساس ان تسويننه 3 مرات لان ال ويتس تريننج احسن نتيجه بودن تعضل وبس شد هي انج تسوينه مره بالاسبوع و اذا هذا كله بتسوينه 3 مرات مرتين بدون اثقال و مره بس مع الاثقال ان شاالله فهمتوا شقصد


beach babe


هذا اخر واحد نزلوه وبينزلون جز ثاني منه يديد بعد فتره

هذا الحلو فيه ان هم دارسين شي اسمه fine toneing mthod يعني مادري شلون بترجمها بالضبط لا تصحكون بس يعني ان تضبطون ال tone ا !! لا صراحه حدي مسكته لول
المهم حلو الدي في دي بس اللي اشوفه ان الون دي فات بلاست صج فات بلاست اكتف و سريع و نط وحاله

البيتش بيب عباره عن ٧ وورك اوتس حق كل يوم بالاسبوع بس تقدرين تسوين مكس و ماتش علي اللي عاجبج

مصوريته ب هاوي المنظر اهبل بس الحركات بطيه و هذي هي الفاين توننج اللي عجبني منه قسم ال HIIT لان جد هيت و يسوي شغل هذا عجيب

نصيحتي = ون داي فات بلاست + HIIT = وورك اوت عجيب

وهذا اللي انا حايره بينه و بين البرازلين بت لفت بموضوعي الثاني


شي ثاني بتحجي عنه ان اثنينهم من نفس المدربات + ماسسين شركه و براند اسمها tone it up بدوا من اليوتيوب وتمارينهم تهبل هناك وفيدوياتهم عن السناكس و جذي شي خيالي

عاد انا شريت ال diet plan مالتهم ميزتها ان شي واحد تشترينه و مدي الحياه كل اب ديت و كل شي يديد ينضاف

و يوصلج ايميل وكل فتره عندهم تحدي الحين عندهم تحدي ان يضعفون قبل اجازه الكرسمس




و بالدايت بلان في اكثر من بلان اصلا

في الاساسيه tone it up diet plan



beach babe diet plan

holiday



college

school

workout guide


الخطه الاساسيه اول وحده الثانيه تمشي حق الصيف و حق اللي يسوي ال دي في دي مالها يعني ماكو فدق اهي الاساسي علي جو الصيف و التروبيكال و هل سوالف

ال هوليدي حق الاعياد و المناسبات تاكلين و ما تخربين علي روحج

ال كولج و السكول حق المدارس ،الجامعات طبعا هذا علي نظامهم هم و شنو بالبوفيه مالهم كلش مو علي كافتريا جامعه الكويت

الوورك اوت جايد عباره عن تمارين كارينا و كاترينا الاساسيه اللي هم بنفسهم يسوونهم و شارحينهم و بالصور



و بنهايه البلان الاساسيه في جارتات تقسين فيها قياساتج قبل وبعد هم يعتمدون علي القياسات الكثافه مالت الجسم اكثر من مراقبه الكالوريز و هل سوالف و هم في لسته للجمعيه عشان اتقضين اللازم

و فيه بالاساسيه ال 7 day slim down ان تضعفين باسبوع و كل يوم بيومه

البلان ،ويد حل،و ناس فاهمين شسالفه حق مدي الحياه مو مثل الي تيي مع دي في دي وورك اوت تمشين فيها شهر و تقطينها لا هذي احسن

بالاضافه لكل هذا مثل ما قالت تمارينهم بالقناه ماتلهم بال يوتيوب هذا الرابط

Tone It Up! - YouTube
بس اللي بال دي في دي اكيد ماهم هني بس وايد من اللي باليوتيوب بالدي في دي

و هم كل شهر تنزلج كالندر شتسوين كل يوم اذا ما عندج برنامج وتبين هم يقولونلج و عندهم نادي او مجتمع مالهم تلقون الرابط مالهم بموقعهم الاساسي


Tone It Up!