twilight....الشفق

[ام حديجان]

هااااي بناااات

انا ودي اقره الروايه بس تنصحوني اقراها بالعربي ولا بالانجليزي ؟؟

انا اوك بالانجليزي بس ابي الي يشوق اكثر العربي ولا الانجلش

هذا الشي راجع لج



انا افضل الانجليزي لانه تعيشج جو الفلم بطريقة الحوار والاسلوب

ماجربت العربي عشان اقولج منو احسن بس اشوف الانقلش حلوو

:ggdw:

 

[um khaled]

هاي انا اول مره ادش القسم
ودي اشتريه احصله بمكتبه جرير النسخه الانجليزيه

 

[وهج الحب]

السلام:
انا الحين اقرأ نيو موون بس وايد ضايقني بيلا لانها قامت تتلصق بجايكوب وهي تعرف انه يحبها لاصقة فيه ليل نهار وتبين له انها مستانسة واياه وباكر اذا جا ادوارد بتخليه احس انها تلعب على الحبلين ..
اوكيية تصادقة بس مش هذه الطريقة ..

 

[مـاي العـين]

السلام:
انا الحين اقرأ نيو موون بس وايد ضايقني بيلا لانها قامت تتلصق بجايكوب وهي تعرف انه يحبها لاصقة فيه ليل نهار وتبين له انها مستانسة واياه وباكر اذا جا ادوارد بتخليه احس انها تلعب على الحبلين ..
اوكيية تصادقة بس مش هذه الطريقة ..

صح و وايد تمدحه مع اني ماشوفه مزيون هههههه

انا انتظر متى يطلع ادوارد مب حلوه القصه بدونه:0bee2e8d89:

 

[لـــوز]

وآأإو



هذي روآأإييييييييتي المفضله .... حبيتهآ من قلبـ



وكنتـ مآخذتهآ صدفه ... وكنتـ وقتهآ بالامآأإرآتـ .... دخلتـ مكتبه عندهم


اسمهآ عآلم الكتــآأإبـ ... وشفتـ هالروآيه ع الارفف ... حبيتـ ستآيل الكتآبـ


وفتحتـ اول صفحه وقريتـ شوي ... عجبني الاسلوبـ .... واخذتهآأإ ع طوووول



وتوني بحآسب الا اشوف new moon قمر جديد ... الجزء الثآني لوآيه


واخذهآ بعد



خلصتـ من اسبوع تقريبآ ..... الشفق


وشوي واخلص الجزء الثآني نيو مون




بس الشفق .. رومنسي وآيد والاحدآث اللي فيه تجنننننننننننننننننن


واللله اني كنت اقرى شوي شوي ... مابيهآ تخلص .. لآني عشتـ معهم صججججج


وعلى فكرهـ .. شفتـ الفلم اللي مسوينه ... حرآأإم ظآلم الروآيه ووووووآآآآآآآيد



احس لو مو قآريتهآ كآن مآفهمتـ شي




المهم



الجزء الثآني ... نيو مووون .. قآعدهـ اقرى فيه



وآآآآآي يآبنآتـ يقطع القلب ...... والله تحزنين وتقعدين طوول الوقتـ شآيل الهم نفسه مع البطله



طبعآ تكمله للآحدآث الجزء الاول ... بس بعمق وبآشيآء جديدهـ .. كآنت مجرد رؤوس اقلآم في روآيه الشفق




انصحكم تقررررونهآ




وبنآتـ اذا سمعتوآ ان الجز الثآلث نزل يآليت تقولون لنــآ ^_^

 

[غمـــ ^^ ـــازه]

يسلمووووووو بنوتات الي ردو علي

وشكلي بقره الانجلش احسن واحلى

 

[sweet barbi]

ها بشروا مانزلت بلعربى بجرير ترى شلعو قلبى

 

[Megan Rocks]

صح و وايد تمدحه مع اني ماشوفه مزيون هههههه

انا انتظر متى يطلع ادوارد مب حلوه القصه بدونه:0bee2e8d89:

Edward will show in chapter 19. race of New Moon

he play a small role in new moon , new moon is about bella and her relationship with jacob

 

[وهج الحب]

السلام:
كملت نيو موون ..وباقولكم عن انطباعي عن هذا الجزء من الرواية ..انا مثل مثل ما قلت قبل ضايقتني جدا بيلا بتلزقها الدائم مع جايكووب وحسيت انها انسانه انانية وهذا الكلام هي نفسها قالته يوم قالت ان اريد جايكووب ان يكون لي وحدي ....وبعدين حسيت انها انها انسانة لا روح مسؤلية عندها اتجاه احد نفسي ثم نفسي ثم نفسي ..وممكن تضر الاخرين وتخلي الناس يتواجهون بمشاكل هي مسويتها بسبب رعونتها وعدم مسؤليتها ..معليش الانسان يخطأ مرة ومرتين بس مش على طول لو قال لها احد لا تسوين هذا الشئ تروح تسوية وتقوم طوال القصة تبرر فعلتها ..
علقت جاكووب فيها وتلزقت به واحتظنته ولو قال باخليك تزعجة بالتلفون واول ما جا ادودواردو قالت عنه ليش هو خلاني وراح مع عصابة سام وتركني بهذه الفترة ..ثم ترجع مرة ثانية يوم خلاها ولا رد عليها تزعجة بتلفوناتها وقالت انه مجرد صديق اوكيية خلية يمكن يناساك لا ابد حتى الى النهاية تمد يدها له وكأنها تريده بالذمة اي شخص يشوف هذه المشاعر ما يقول صداقة يقول البنت تريدني ...
الزبدة بعد حبي لها طوال القصة الشفق اخذت احللها بالنيو موون فلم تعجبني شخصيتها ابدا ..بنت تلعب على كل الحبال وتريد الجميع لها فقط ..

 

[PinKiSHo]

انا شفت الفلم ايننننننننننننننننننننننننننننننننننننننننننننننننننننننننننننننننننننن

بس الرواية انتو شوقتنوني عليهاااا حدي ولا انا ماكنت ادري ان في رواية بالاساس لوول

عفية بنات وين احصلها واهي اجزاء ولا كتاب واحد؟

 

[وهج الحب]

انا شفت الفلم ايننننننننننننننننننننننننننننننننننننننننننننننننننننننننننننننننننننن

بس الرواية انتو شوقتنوني عليهاااا حدي ولا انا ماكنت ادري ان في رواية بالاساس لوول

عفية بنات وين احصلها واهي اجزاء ولا كتاب واحد؟

السلام:
هو اجزاء ..بس حلو انك شفتي الفيلم قبل لان لما تقرين القصة وتيجي امور شفتيها تعرفين كيف تحصل مثل لما يقولون بالقصة ان جسمة يتلالئ مثل الماس لوماشفتي الفيلم مش راح تعرفين الصورة او لما يحطها على ظهره ويركض بسرعة مش تستوعبين السرعة او الشكل الا لما كنت شايفة الفيلم ..انا زيك كنت اشوف القصة وما اهتميت بها لاني شفت الفيلم بس لما سألت هنا وانصحوني اقراها وقريتها استمتعت اكثر ..يعني مش خسارة انك شفتي الفيلم وقريتي القصة ..لان احداث القصة زيادة ..

 

[Megan Rocks]

انا شفت الفلم ايننننننننننننننننننننننننننننننننننننننننننننننننننننننننننننننننننننن

بس الرواية انتو شوقتنوني عليهاااا حدي ولا انا ماكنت ادري ان في رواية بالاساس لوول

عفية بنات وين احصلها واهي اجزاء ولا كتاب واحد؟

hey how are you

first thing first the novel is so much better than the movie trust me

i kinda hate the movie when i saw it the first time anyway

you can find the 4 books in Virgin Megastore and jarir

good read and tell me what you think about them

 

[anwarCBA]

وااي واخيرا خلصت الكتاب الثالث قعدت فترة طويله ما قريته
ادوارد اينن :] هاذا تعليقي سوو فاار هههه

 

[ملاك82]

بنات اقدر احصل المجموعه كامله بأجزاءها بالعربي بمكتبه جرير ؟

 

[naba6a]

ملاك ما اعتقد حبيبتي بس الروايه الاولى انزلت بالعربي باقي الاجزاء ماترجموها بعد

 

[وهج الحب]

بنات اقدر احصل المجموعه كامله بأجزاءها بالعربي بمكتبه جرير ؟

السلام:
ترجموا بس الشفق وقمر جديد وقمر جديد هذه الاسابيع بينزلونها جرير بس انا قريت هنا ان فيه بنات احصلوا عليها المجموعة كاملة من بيروت بس ما ردوا بعدين قالوا ان السالفة حقيقة ام مجرد اشاعة ..
بنات انا قريت في ويكبيديا عن ستيفاني ماير انها سوت جزء خامس لمجموعتها بس كنسلتها لانها شافت للغة المكتوبة والاحداث ركيكة ...بس انا شايفة من فترة كتاب اسمة host او المظيف ..هل احد قراها وهل لها علاقة بقصتها ..انا بغيت اشتريها بس قلت ان عندي قصص وايد لازم اخلصها واذا واشتريت هذه وبالانجليزي يمكن اتاخر في قرأتها ..
لاني مثل انطباعي عن مجموعة قصصها الاوليه ان احداث وايد ما اخذتها من الفيلم ناسية اسمة الحين بس هو نزل جزء ثاني له بالسينمات من فترة اللي فيه الصراع بين مصاصين الدماء والمستذئبين اللي مخلين سبب صراعهم ان المستذئبين كانوا عبيد عند مصاصين الدماء اللي فيه بنت كلة لابسة جلد اسود ممتحي الاسم كلش من راسي ..
وخايفة ان يكون الكتاب نفس نوعيه الافلام اللي يدخل شئ جسم الانسان ويسيطر عليه ويكون بجسم الانسان ( كمظيف له ) اذا احد قراء هذا الكتاب يقولي حلو او لاء بس ..وهو نوعية ( ال host ) المعروفة المكررة بالافلام ..

 

[**Bella**]

السلام:
ترجموا بس الشفق وقمر جديد وقمر جديد هذه الاسابيع بينزلونها جرير بس انا قريت هنا ان فيه بنات احصلوا عليها المجموعة كاملة من بيروت بس ما ردوا بعدين قالوا ان السالفة حقيقة ام مجرد اشاعة ..
بنات انا قريت في ويكبيديا عن ستيفاني ماير انها سوت جزء خامس لمجموعتها بس كنسلتها لانها شافت للغة المكتوبة والاحداث ركيكة ...بس انا شايفة من فترة كتاب اسمة host او المظيف ..هل احد قراها وهل لها علاقة بقصتها ..انا بغيت اشتريها بس قلت ان عندي قصص وايد لازم اخلصها واذا واشتريت هذه وبالانجليزي يمكن اتاخر في قرأتها ..
لاني مثل انطباعي عن مجموعة قصصها الاوليه ان احداث وايد ما اخذتها من الفيلم ناسية اسمة الحين بس هو نزل جزء ثاني له بالسينمات من فترة اللي فيه الصراع بين مصاصين الدماء والمستذئبين اللي مخلين سبب صراعهم ان المستذئبين كانوا عبيد عند مصاصين الدماء اللي فيه بنت كلة لابسة جلد اسود ممتحي الاسم كلش من راسي ..
وخايفة ان يكون الكتاب نفس نوعيه الافلام اللي يدخل شئ جسم الانسان ويسيطر عليه ويكون بجسم الانسان ( كمظيف له ) اذا احد قراء هذا الكتاب يقولي حلو او لاء بس ..وهو نوعية ( ال host ) المعروفة المكررة بالافلام ..

هلا حبيبتي,,,
أنا قريت القصة وبصرااحة وااااايد عجبتني..هي القصة عبارة عن كائنات فضائية سيطرت على الأرض..والبطلة هي كائنة فضائية بس في جسم بنت (وهذا يشرح العنوان the host) وهذه الكائنة بإمكانها قراءة ذاكرة البنت المظيفة وتقع في غرام شخصية من ذاكراتها...وتذهب للبحث عنه...

يعني هي قصة خيالية بس على رومانس...صحيح مش من حلاوة توايلايت بس فعلا تشوق القصة

اتمنى اكون فدتج حبووبة :eh_s(6):

 

[*روج ـآح ـمـر*]

أنآ قريت هالكتاب خيااال موصج

لآعاد تأثررت حددي لما اشوف احد عيونه حييل سودا عبالي مصاص دماء هع

ومشكووره دوبتي على الموضوعـ’

::أختج::

 

[وهج الحب]

هلا حبيبتي,,,
أنا قريت القصة وبصرااحة وااااايد عجبتني..هي القصة عبارة عن كائنات فضائية سيطرت على الأرض..والبطلة هي كائنة فضائية بس في جسم بنت (وهذا يشرح العنوان the host) وهذه الكائنة بإمكانها قراءة ذاكرة البنت المظيفة وتقع في غرام شخصية من ذاكراتها...وتذهب للبحث عنه...

يعني هي قصة خيالية بس على رومانس...صحيح مش من حلاوة توايلايت بس فعلا تشوق القصة

اتمنى اكون فدتج حبووبة :eh_s(6):

السلام :
زي ما توقعت من قريت اسم the host والله عرفت القصة بتكون اشلون لاني لاحظت انستيفاني ماير تاخذ من افلام مشهورة او قصص مشهورة وتبني عليها قصه ..مثل ما شرحت بالرد السابق ..

 

[shosho27]

قوه بنات شلونكم وشخباركم

انا قبل جم يوم خلصت اخر جزء من الاجزاء الاربعه وال صراحه القصه عجيبه وحدها عجبتني مع اني مو من النوع اللي احب القصص الرومانسيه وايد اول مره اقرى شي رومانسي ...... بس حدي تأثرت مع القصه ولا تشوفوني وانا اقرا مع تعابير ويهي وانا قاعده بروحي .... مره ابتسم ومره يضيق خلقي ومره عيوني تدمع ويييييييييييييييييييييييييييه انا بروحي صرت قصه ..... ومن كثر ما تاثرت طلبت السواره مالت بيللا من يوم لبستها وانا كل يوم اطالع ايدي وابتسم ......... اللي يسمعني يقول انا بيللا الحين ....

بس الصراحه ادورد عجيب وشلون يحب بيللا ويخاف عليها وهم نفس الشي جاكوب .... بس الصراحه ضحكني اخر جزء لما يحب بنتها واهي تعصب هيهيهيهيهيهيهيهيهيهيهي ....

وانا وايد احب اليس وشخصيتها واستناس عليها .......

واحب ابو بيللا تشارلي وايد طيب ......

واحب القصه كلها ......

واحبكم انتو كلكم .....

واللي ما قراهم انصحه يقرا الاجزاء كلها لان القصه صج تخليج تعيشين جو وما تهدين الكتاب .... وترى لا تشوفونه متييين وكبير اسلوبه وايد سهل وبسرعه يخلص .....

وانا الحين ناطره فلم نيو موووون على احر من الجمر ....