united states of america - summer 2009

[شنووفه]

ماشالله وايد حلو والتصوير واضح وعجيب الله يرزقنه مثل سفرتج انشالله :>
متابعه @@

 

[law love]

كملي متابعيينج
جوود جووب

 

[dreaming heart]

مششكورين حبايبي على مرووركم الحلو
اليوم بالليل ان شاءالله اكيد انزل لكم الصور

ام خلودي

اخذنا سبع ساعات بالسياره
ورحنا الصوب الامريكي :d

 

[dreaming heart]

بآآك

آكمل لكم التقرير حبايبي :eh_s(6):

طلعنا من نياغرا فولس ووتوجهنا الى اوهايو _ ديتون

احنا مخلينها بس حق تسسوق ورايحين نزور قرايبنا

وصلنا ع المغرب وكنا تعبانين من المشوار ونمنا اما الباقي الصبيان اطلعوا لقرايبنا الشباب
وهذي كانت اطلالة الغرفة على جامعة ديتون





جلسنا ع الصبح فطرنا وقال ابوي بما انه جاي لديتون من قبل بياخذنا لـ مول حلو نتسوق فيه

كان المول مفتوح مثل الاوت لت

واسمه THE GREENE

لما وصلنا شفنا المحلات كلها مسكره ليشش ..اكتشفنا انه الأحد لووول
وبعض المحلات كانت بتفتح الساعه 12 وتمشينا شوي فيه لين افتحوا بعض المحلات واخذنا بس حق اخواني الصغار لان المحلات حق البنات مافتحوا للأسف بس المول باين عليه حلوو







بعد ما اشترينا اتصلوا الشباب قالوا انهم بيروحون لمدينة العاب وقلنا نروح معاهم نستانس لوول
ورحنا الى KINGS ISLAND وطلعنا من ديتون الساعه 3 العصر

الالعاب موجوده في سنسناتي 45 دقيقه عن ديتون



وهذي كانت تذكرة الدخول اشتروها الشباب من KROGER



اول مادخلنا





فجأه الا قالوا الشباب انهم بيروحون للحديقة المائية لانها تسكر الساعه خمس
انا واختي تحطمنا كنا متشجعين نلعب عشان احد معانا وبيكون وناسة
قلنا امرنا لله ونلعب لوحدنا ورحنا لهذي اللعبه
وانتظرنا فيها عشان ندخل تقريبا نص ساعه





لوول ركبنا اللعبه وانواع الصراخ :dddds: كان مقابلنا بالكراسي ابو وولده
حتى تعابير بوجهم ماكو مستغربة منهم شلون لوول واحنا الصريخ واصل لأخر الدنيا

بعدها ركبنا هذي اللعبه ونفس الشي انتظرنا تقريبا 20 دقيقه




بعد ماخلصنا اللعبه حسينا بملل لووول

والالعاب الي هناك ماتشجع وايد قليلة مره
تمشينا شوي وجلسنا ع الطاولات







جلسنا سوالف شوي وننتظر الشباب يخلصون ولا شفنا منهم لا حس ولا خبر وبعدها قلنا بنطلع لأن ملينا لوحدنا وماكو حماس ابد
ورجعنا الفندق ع الساعه ست ونص طلبنا لنا عشا وسوالف وبعدها نمنا

بعدها يوم ثاني طبعا طلعنا للسوق نسيت اسم المول بس كان حلوو عوضنا فيه عن الاول

وظلينا طول اليوم بالسوق
يوم ثاني طلعنا الى مارتن - تينسي المدينة الي يدرس فيها اخوي لان كان يحتاج ياخذ اوراق من الجامعه للملحقيه

وبعد ما اشوف ردودكم اكمل لكم ​

 

[شنووفه]

ماشالله عليج حلو التقرير ومرتب :>
ومتابعه

 

[ام _خلودي]

:ada: :ada: :ada:

 

[....q8....]

مشكوووووووووووووووووره حبيبتي على التقرير الروووووووووووعه .


عااد انا امنيه حيااتي اني اروح لامريكا

 

[g_jjjg_jjj]

ما شاء الله تقرير روعه
شوقتينااا نروح عامريكااا
صج لي قالو امريكا شيكااا بيكااا
عليج بالعافية حبوبة​

 

[الجعده]

احس ان سفرتكم لويه ما فيها استقرار او تركيز للمدينه اللى زايرينها وسامحينى على هالكلام يعنى لو كل مدينه اسبوع او خمس ليالى احسن من ليله او ليلتين وانصحكم السفره اليايه تكون اريح من هذى

 

[منورة الكويتية]

رووعه كملي
انا باوهايوووو
مليقققه لووووول صح
كملي متابعتج

 

[dreaming heart]

ماشالله عليج حلو التقرير ومرتب :>
ومتابعه

يعطيج العافيه حبيبتي تابعيني :eh_s(6):

:ada: :ada: :ada:

:ada:

مشكوووووووو
وووووووووره حبيبتي على التقرير الروووووووووووعه .




عااد انا امنيه حيااتي اني اروح لامريكا

العفوو حبيبتي تابيعيني:eh_s(6):

ان شاءالله يارب تروحين قريب

ما شاء الله تقرير روعه
شوقتينااا نروح عامريكااا
صج لي قالو امريكا شيكااا بيكااا
عليج بالعافية حبوبة​

الله يعافيج حبيبتي

لوول من صج

مشكورة على طلتج تابعيني :eh_s(6):

احس ان سفرتكم لويه ما فيها استقرار او تركيز للمدينه اللى زايرينها وسامحينى على هالكلام يعنى لو كل مدينه اسبوع او خمس ليالى احسن من ليله او ليلتين وانصحكم السفره اليايه تكون اريح من هذى

آي عارفين واحنا كنا مخططين لهالشي ان تكون جلستنا بكل منطقة اكثر شي 3 ليالي
لان احنا تقريبا رايحين اغلب الاماكن بسفراتنا الي قبل وهالمره بتكون آخر مره ننتقل فيها بامريكا عشان المره الجاية بنستقر بمنطقة وحده بس
مششكورة ماقصرتي :eh_s(6):

رووعه كملي
انا باوهايوووو
مليقققه لووووول صح
كملي متابعتج

:dddds: عليج بالعافيه

:krkrkr: ذكرتيني باللي مضى لووول

تسلمين حبيبتي ع المرور :eh_s(6):

 

[baby johnson]

خوووووووووووش تقرير
عليكم بالعاااافيه

 

[dreaming heart]

back :eh_s(6):


نكمل ونروح مارتن

مارتن في ولاية تينسي قرية صغييره مررره ومافيها شي ابد المولات عن ساعتين لها واقرب مطار بعد ساعتين
يعني جوها دراآآسي فقط

طبعا هذي القرية الي راح أروح لها بس فترة مؤقته وبعدها ننقل

جلسنا في مارتن يومين طبعا مارحنا مكان لان مافيها شي

هذي جامعة مارتن




هني كان بيجي تورنيدو وصاحت صفارات الانذار لوول خفنا بس الناس عندها الوضع عادي



وهني قريب تمطر




بالطريق واحنا طالعين

شفت مسجد

حلو الشعور تشوف مسجد بدولة غير اسلامية






طبعا وصلنا الى ديترويت
هني كانت الرحله تلخبطت شوي بس كنا لازم نروح وناخذ اوراق اخوي

وصلنا ديترويت وعلى طول رحنا مطعم الأمير
طبعا سامعين عنه من قرايبنا ومدحوه لنا
مطعم لبناني

المنيو الي حقهم



الاكل



التبوولة شششي خيالي احلى تبولة اكلتها بحياتي



بعد ما خلصنا آكل طلعان نتمشى شوي بديترويت
لــوول كنا مستغربين حدنا شلون اللوحات بالعربي





بعدها رحنا محل حلويات بعد لبناني
الكنافه الي حقه خططييييره والكيك الي فيه يهبلون



هذا الكيك
اشكالهم عجبتني






ورجعنا الفندق وكان عندهم حفلة عرس
هذا الي قضيناه بديترويت بس وبعدها رجعنا لأوهايو وجلسنا فيه 5 ايام في شقة قرايبنا لانهم كانوا مسافرين
حسينا شلون عيشتهم تونس من صج الحياة حلوه هناك
طبعا في هالـ 5 ايام طلعنا بارك ومتحف بس للأأسف صور المتحف مصورة فيه اكثر من 200 صورة وكلهم راحوا مع الفورمات ومابقت الا كم صورة قهرر الي اقدر عليه بحطهم

واكمل لكم بالبارت الثاني ان شاءالله ​

 

[خد تالين]

خيال انا عايشه بامريكا وبصراحه روووووووووووووووووووووووووووووووعه

 

[اشراقة الحياة]

عليكم ....بالف عافيه ......
وما شاء الله ...
الصور مفسره كل شي .... بدون تعليق .........
متابعه .........

 

[shai6ona19]

واااااااااو امريكاااا روووعه وتقريرج حيل حلو

تتهنين ياقلبي ^_^

 

[om_maria05]

واااااااااااااااااي قلبي عورني لم شفت التايم سكوييييييييير يتني البجيه .. يا ما قزينا فيه قز قعدت 3 شهور بمنهاتن بس كانت شييييييييييي لا يوووووووووووووووووووووصف .. و حسافه ما تعيشيتوا بمطعم بوبا قمب شرمب ماكو احد يروح اهناك و ما يزوره و متحف الشمع اهناك و فيه متحف غريب عجيب .. شكلي بنزل صور سفرتنا لووول .. و اللي انتي مصورته و تقولين انه البيت الابيض هاذا يا حبيبتي البنتاغون لووووول عادي انا عبالي البيت الابيض بس لم تشوفين البيت الابيض بتستوعبين وعليكم بألف عافيه حبيبتي تقريرج يشوق

 

[dreaming heart]

خيال انا عايشه بامريكا وبصراحه روووووووووووووووووووووووووووووووعه

الله يهنيج يارب صج العيشه حلوه هناك

عليكم ....بالف عافيه ......
وما شاء الله ...
الصور مفسره كل شي .... بدون تعليق .........
متابعه .........

الله يعافيج حبيبتي

:eh_s(6):

واااااااااو امريكاااا روووعه وتقريرج حيل حلو

تتهنين ياقلبي ^_^

الاروع مرورج =)

تابعيني

واااااااااااااااااي قلبي عورني لم شفت التايم سكوييييييييير يتني البجيه .. يا ما قزينا فيه قز قعدت 3 شهور بمنهاتن بس كانت شييييييييييي لا يوووووووووووووووووووووصف .. و حسافه ما تعيشيتوا بمطعم بوبا قمب شرمب ماكو احد يروح اهناك و ما يزوره و متحف الشمع اهناك و فيه متحف غريب عجيب .. شكلي بنزل صور سفرتنا لووول .. و اللي انتي مصورته و تقولين انه البيت الابيض هاذا يا حبيبتي البنتاغون لووووول عادي انا عبالي البيت الابيض بس لم تشوفين البيت الابيض بتستوعبين وعليكم بألف عافيه حبيبتي تقريرج يشوق

لوول منهاتن شي ثاني الصرآآحه
اذا كنتي تقصدين مطعم هندي اتوقع ان رحنا له بس ماصورته :eh_s(6): لان رحنا مطعم هندي مشهور ومو ذاكره اسمه لووول وسمعت عن المتحف بس الايام ماكفت خساره بس آكيد لنا رجعه لنيو يورك اماكن وايد مارحنا لها :eh_s(6):
هههههههههههههه من صجج صدمتيني الجي بي اس لعب علينا :dddds:
اجل يبيلنا رجعه لواشنطن :eh_s(6)::eh_s(6):
>> منصدمة من سالفة الييت الابيض رايحين واشنطن عشانه هههههههههههه


الله يعافيج حبيبتي تسلمين

 

[om_maria05]

[/url][/IMG]
هاذي صورة البيت الابيض و مسحت صورة اخوي الحين تستوعبين ان هذا البنتاغون صح لوووول عادي انا جذي عبالي البنتاغون البيت الابيض بس لم شفت البيت الابيض قلت اي و الله هاذا اهو اعرفه لووووول

 

[dreaming heart]

om_maria05

لو ما قلتي ليي وروييتني اييياه كان للحيين على ببالي ان البنتاغوون اهو البييض الابييض خخخخخ

مشكووووره حببيبتي والله ^_^