بيبي فاطمة اللي شرفنا حضورها للدنيا هي بنت حماتي
ما شاء الله تبارك الرحمن
توزيعات فرحة قدومها انا اللي سويتهم
يمكن هي المرة الاولى اللي اقوم بهالشغلة لهالسبب حبيت اراويكم اياها واعرف رايكم فيها
بالاول امها جابت لي الستاند اللي وهقتني فيه لانه ما ينكفس ويظل مفتوح وهو عبارة عن صينية خشبية
والمشكلة الثانية ان من فرحتها وأهي تجهز ما ظل شكل ما شرته وحيرتني واياها
عموما هذا أهو الستاند
وعلشان اغير من شكله ثبت سياج خشبي من الخلف والجنبين للنص علشان يعطي منظر سور حديقة
وبالطبع صرت ارتب الشوكالاتات في الاشكال الكثيرة اللي اهي اختارتهم وصفيهم
وفي طلع لي الشغل لي بهالمنظر
طبعا بين السياج مدينا حبل وعلقنا عليه ثياب البيبي بس يمكن مو واضح كثير لكم بس هذه صورة اقرب
وكمية الشوكالاته زادت فرتبها في سلة ثانية
والشي اللي فاجأت امها فيه وماكانت تدري فيه
انها كانت ماخدة مخدة صغيرة على اساس انها تبيني احطها في الستاند مع التوزيعات
بس ما حسيت لها مكان وهذا هو شكلها مكتوب عليها BABY GARIL
قمت غيرت شكلها وكتبت اسم FATIMA عليها
وثبت عليه قران كريم علشان ينحط عند راسها
وفي يوم ولادتها قبل ما اروح لهم المستشفى سويت طبق بسبوسة ورتبته في صحن
وهالصحن نفسه رتبت ليه سلة كانت عندي وزينتها بالوردي علشان امها تستانس
وفي النهاية اقول
wellcom baby FATIMA
