What can u buy from Q8?{ماركات الهنود و سرداب المنصور ... الخ}

[أم خرباش]

السلام عليكم و رحمة الله و بركاته

اخواتي العزيزات

بغيتكم اتساعدوني لو سمحتوا انا يايه الكويت باجر الصبح و ابا اعرف شو اقدر اشتري من مكياج
مابي ماركات عالمية ابي ماركات الهنود و سرداب المنصور ... الخ

ابي اعرف احلا شي و و ين اماكنهم

و سلامي لكم
أم خرباش

 

[infinity luv]

رد: What can u buy from Q8?

مكياج المنصور تلقين اب مجمع البيرق
او ستي سنتر السالميه ( سوق السالميه )

عندهم الحمر المات حلوين و ثابتين
البلشر حلوين
ححتى الفرش في سيت فرش حلوين ناعمين

ماراح تضيعين الي يشتغلون بالمحل ماراح يقصرون لول
بيخلونج تجربين كلشي

و حياج الله بديرتج الثانيه الكويت

 

[أم خرباش]

رد: What can u buy from Q8?

الله ايحييج حبيبتي و تسلمين ما قصرتي

مشكووووووووووووووووووورة

 

[june_m00n]

رد: What can u buy from Q8?

ويالله حيها وبالمهلي



معرض العطووور بيفتح روحيله وبتلاقين كلشي فيه

 

[أم خرباش]

رد: What can u buy from Q8?

تسلمين حبيبتي

 

[UNICORNA]

رد: What can u buy from Q8?

uuuuuuuuuuuup

 

[توفـــا]

رد: What can u buy from Q8?

اخذي الشدوات المخمليه ماركه قولدن ليدي



واخذي بعد المنظره مالت الميك اب خوش ولله تكبر الويهه وفيها ليت فضيعه للميك اب


وحمر ثابته عندج والوان الكحل تحت العين


بس وخري عن البشره سوالف الفاونديشن والبلاشر لا تشترين الا ماركه احسن لج واضمن لج​

 

[manoooram]

رد: What can u buy from Q8?

حياج الله بالكويت وتوصلين بالسلامة ان شالله
روحي معرض الماكياج والعطور بصالة رقم 5 و 6 و 7 بمنطقة مشرف
في عروض واايد حلوة تستفيدين منها ويخفضون بأسعارهم شوي
شنو أحلى شي بالنسبة لي :

ماركة make up for ever كل شي فيها حلو بدون استثناء الشدوات - الحمر - الفرش - الفاونديشن - الكونسيلر - البيس .. كل شي روعة .

الحمر : nouba -YSL - bobbie brown - chanel

الماسكرا : lancom - HR - MAX FACTOR - DIOR SHOW
MAKE UP FOR EVER - SMOKY LASH

الفاونديشن + بودرة الأساس يعتمد على بشرتج شنو تتقبل من اي ماركة
حبيت DIOR NUDE + DIOR FOR EVER - ESTEE LAUDER DOUBLE WARE

البيس للويه : GIVENCHY حق الصبح
CHANEL حق الليل

الكونسيلر : KRYOLAN - MAKE UP FOR EVER


واذا بتروحين السوق روحي MAC

 

[خُزام]

رد: What can u buy from Q8?


يا هلا وغلا بأهل الإمارات
الحين فيه معرض العطور والمكياج بأرض المعارض مشرف
الأفضل تروحين له لأنه كل شي بمكان واحد
الماركات العالمية اللي عندنا عندكم ، بس أنصحج تشوفين بالمعرض
شارمل / جناح ليلى هارموني عندهم شغلات حلوه / المنصور
وعندج بعد سرداب الشايع بالمباركية
وعندج محل بهبهاني صاير بمجمع العثمان تحت

 

[$ النيره $]

رد: What can u buy from Q8?

,

حيآك آلله حبيبتي .. بتنورين الديره


روحي المبآركيه .. ب السردآب تحت [ الشآيع ]
فيه مكيآج هنوود .. تقعدين ب السآعآت ودك مآتطلعيييييين ..
طبعآ بس آخذي الروجآت .. والشدوآت .. واللمعآت وهـ السوآلف

عدي وخربطي ..

آمآ كونسيلر وفآونديشن لآ مآركه

 

[أم خرباش]

رد : What can u buy from Q8?{ماركات الهنود و سرداب المنصور ... الخ}

حبيباتي والله تسلمون و ماقصرتوا

و ديرتكم امنوره بوجودكم فديكم