XxXxتكويت الوظائفXxXx

[sha3ola84]

بسم الله الرحمن الرحيم

(ألم يحن الوقت)

عضوات منتدى كويتيات ومشرفات المنتدى الاعزاء

الم يحن الوقت لتكويت جميع الوظائف في الكويت

كلامي مو تعصب
ولا كره للمقيمين على الارض الطيبه


بس ليش في وظائف وايد بالكويت

فيها مقيمين

تخيلو لو ان وزارة التربيه تكلف على نفسها اشوي وتفتح المجال للتعليم حق الطالبات

حتى لو بره

ويرجعون بشهادات ويكونون مدرسات

ادرك انا واغلب العضوات المجتمع الكويتي

صعب يكون فيه هالشي

بس ليش لا

خلو وزاراتنى كويتين


خلونى نشوف الكويتي بالمطعم وراها

صدقوني بتقل العماله الهامشيه

بتقل الزحمه بننفتح
وترد الكويت الي نعرفها


وشبابنى وبناتنى عندنا ثقه فيهم

بتقل نسبة الاجرام بالكويت بنسبه كبيره

واتمنى من العضوات مشاركتي الراي

​

 

[عنووود]

طبعا معاها

 

[ريشة بيضاء]

والله هم أنا دايما أقول جذي 000 دهنا في مكبتنا000 والوظايف اللي ما يتوظفونها الكويتيين مثل الكاشير بالجمعية كنت أتمنى (بدون) بدل بعض الجاليات العربية اللي يقرق على راسج 000على الأقل فلوس الكويتيين والبدون ترجع للكويت ما تروح للدول الثانية

 

[فوشيه كويتيه]

آكييد مع

 

[sha3ola84]

مشكورين يا بنات على مشاركتكم

 

[جلكسيه اس 3]

والله حبيبتي الموضوع سهل بس الواسطه اهيا اساس كل شيء حبيبتي
عندج واسطه بتتوظفين غصب عن الي ما يرضا و اذا
ماعندج بتقعدين اشهور و اسنين ناطره الوظيفه
وو بالنسبه لتكويت في وظايف ما تصلح للكويتيه
مثل العمل بحضاننه المعاش اشويه و ما يسوا اتعب نفسي
و بالمقابل القى شيء مو ذاك الزود ياليت نلقى احلول
و مشكوره

 

[توتا الكتكوته]

والله زين من جم يوم شفت موظف بالتصوير بدون

جحتوا المصري الزباله حشاكم ما احبهم نبي الديرة تنظف من هالعرج نبي البدون بدالهم والله احسن منهم بوايد على الاقل

مواليد الديرة وماخذين على عاداتها وطبعا يتحذون اجراءات رسيمه معاهم


ياليت الكويتين ينزلون من نفسهم شوي و يشتغلون بوظايف لان وايد عندنا الانا ذابحتهم

ويبون الوظيفه مسمى ؟؟؟ مع الاسف ياليت الشعب يعيد النظر بحساباته ويفضل الديرة

واذا على التدريس ؟؟ ما حرني الا مصريه احنا درسناكم وعلمناكم كاااك الاخت ماخذه مقلب بروحها


شوفي اخواني الكبار اللي لحقوا على المدرسين الفلسطن شلون قوايا وشطر والعراقيين بعد بس مع الاسف


هالجنسيتين خربوا على نفسهم ولا صج بالتدريس والشرح مافي عليهم


خلينا صريحين التدريس ليش اخترب ؟؟؟؟؟


لان بعض بنات الديرة واصلا اللي يدشونه من فئه معينه ما ابي اذكر منو علشان لا تاكلوني اللي اهلهم يبونها علشان مافيها اختلاط وبعض الناس اللي عندنا علشان ياخذ معاشها

بالذات الي من اصل ماني قايله بس ياما مدرسات كويتيات ازواجهم مهندسين وياخذون معاشهم يلبسها النقاب ويصك عليها وياخذ معاشها واغلب بنات الديرة يدشون


هالمجال علشان شنو ؟؟؟؟؟ معااااش المدرسه

محسسسيني ان مافي وظيفه بالدنيا غير المدرسه هههههه والله ساعات اقعد اضحك شهالتفكير

ولا لي قعدت مع هالمخيخ المقفله اذا قلتي لها تخصص غير التدريس هاا شنو اصير بعدين شنو مسماي ؟؟ ههههه


اذكر مره دكتورنا قال لنا بنات عمركم شفتوا وحده بنت تاجر ولا ابوها عنده فلوس يخليها تشتغل مدرسه ؟؟؟ يعني ما يدش هالمجال غير المشفح قصده والدكتور هذا معروف

وذا بقولكم اسمه بتنصدمون على كثر ماهو محترم ويطلع باللقاءات الاسريه بس شوفي النظره الناس

 

[~*~الملكة~*~]

في وظايف صعب التكويت فيها

وفي وظايف محتاجه خبره معينه او شروط معينه ممكن تكون غير متوفره بالكويتي وييبون من بره

شوفي دكاترة الجامعه وايد من بره لييييش لان الجامعه لها شروط معينه

 

[KOKO_284I]

لا مو معاها

الان اغلب الشباب ما عنده استعداد يشتغل اي مكان وما يتحملون الضغط

ولد خالتي 3 وضايف غير وبدل ليش ؟؟

ما احب اتاخر بالدوام احب اتغدى بالبيت ؟ ما اتحمل وايد ضغط بالدوام وغيرها من اسباب وايد سخيفه صراحه

والله توه اختي اتوضفت بالتربيه والله اتقول تعالي طقي على راسج من اللي قاعده اشوفه اتقول في بنات اسمع عنهم للحين ما شفتهم نص كله استاذانات ومرضيات واستهتار

هذا غير الالاستهتار بمعاملات المراجعين اتقول والله امضعين معاملات ما يدرون وينهم .

يعني استهتار وما في انضباط

بس يصير قانون يدين الموظف انا ذيج الحزه مع التكويت بس دام مافي عقوبات انا ضد

لان مو الكل عنده استعداد واندفاع للشغل

 

[متحديه ومتاكده]

ضد ومهمااا كان بالواقع مانقدر نستغني عن العماله الوافده والسبب شبابنا وبناتنا مايحبون يشتغلون باي مكان علشان البرستيج والمسمى الوظيفي !!


هل في كويتيين يشتغلون في المطاعم ؟
طبعا هذا مو غرور ولاتكبر وان الكويتيين حالهم حال الناس لاكن هذا واقع نعيشه بالكويت وكلنا نعرف بعض!! >> اوكي عندنا شييف او مسؤله مطعم بس مايصيرون قرسون ولايغسلون الصحون !! ولاعمال ينظفون ويخمون >> كلهم وافدين


انزين بالجمعيات >> منو الي بيشتغل كاشير >> ؟ او يرتب الارفف >>> قليل وبفضل هيكلة قامو يشجعون الطلبه بفتره الصيف يتوظفون بمركز سلطان وربعه لاكن وظيفه دائمه مافي واذا في نسبه قليله

طبعا الزباليين وهذي تعتبر وظيفه واهم وظيفه بدونهم بتصير امراض وبلاوي >> مستحيييل نستغني عنهم لان الكويتين مستحيل يقبلون بهالشغله لان ماتعودو ع الكراف !! فهمتوني !!

>> رحت كم دوله عربيه واجنبيه زبالينهم من نفس جنسيه الدوله والوضع تمام >> لاتقولون دوله فقيره لالا دوله غنيه لاكن عندهم اقتناع تام ان هذي وظيفه وليست مهانه بالنسبه له


عشان جذي انا اشوف ان مستحيل نطبق نظام تكويت الوظايف ( كلها ) الا اللهم وظايف معيييينه ينعدون ع الاصابع ويقدرون الكويتين يحلون محل الوافدين فيها .. :ggdw:


مثل التدريس بشكل عام بكل مراحله >> خاصه الجامعه استغرب ليش تيبون دكاتره من برا وتدفعون مصروف وسكن واهله وجماعته معاه !!! هذا مايكلف الدوله >>> بسطو شروط الجامعه ونموا كفاءات الدكاتره ووظفوهم ودهنااا في مكبتنا *



عشان جذي بدال لانقول نكوت كل الوظايف خلونا واقعيين ومنطقيين ونقول بعض الوظايف الي تقدر/يقدر المواطن الكويتي ان يشغلهااا بدل الوافد او الاجنبي

وفي بعد كم وظيفه يقدر الكويتي يحل فيها محل الوافد ودي اتكلم عنها بس تعبت من التعبير الي كتبته :eh_s(1):

لووووول


يسلموو حبوبه *



سبحان الله العظيم وبحمده

 

[متحديه ومتاكده]

اقتبسته من الاخت توتا الكتكوته
>>>> اذكر مره دكتورنا قال لنا بنات عمركم شفتوا وحده بنت تاجر ولا ابوها عنده فلوس يخليها تشتغل مدرسه ؟؟؟ يعني ما يدش هالمجال غير المشفح قصده والدكتور هذا معروف

وذا بقولكم اسمه بتنصدمون على كثر ماهو محترم ويطلع باللقاءات الاسريه بس شوفي النظره الناس

شنو هالدكتور الي عمم على الكل ؟؟ هذا ماعنده موضوعيه كلش للاسف

وموشرط كل الي يدش مجال التدريس مشفوح على قوولته وين قاعدين احناااا ههههه

يعني مافي وحده او واحد حب هالمجال !!! ماطرت ع بال هالدكتور


والله حاله هالدكاتره !!!

وعلى فكره عشان ماتضنون اني مدرسه وقاعده ادافع


>> انا توني طالبه جامعيه وحبيت اعلق ع كلام دكتورج الي لفت نظري بكلمة مشفح >>> !! تيااا لووول



اب

اب


صاحبه الموضوع مشكوره انج فتحتي لنا مجال لابداء الراي والتعرف على الراي الاخر لوووول >> ترا موصوب العربي كلش .


,

 

[ياا راسي التعب]

احنا مليون و200 الف وين بنلحق على كل هالوظايف

لا نقص على نفسنا احنا مثل ما اهم محتاجين لنا احنا بعد محتاجين لهم

 

[frawlah_83]

انا مع تكوبت بعض الوظايف بس للاسف اغلب الكويتين وليس الكل مايبي يشتغل صراحه يبي منصب وبرستييج ومعااش ولحد يكلمه و يحاسبه ولا يعاقبه مايبون التزام بالدوام يبون كله تاخير واستئذانات ومريضيات !!! اشلون مصالح الناس تبي تمشي اذا هذا حال الكويتين اصلا الحكومه معتمده على هالاجانب لو مو هالاجانب جان الديره واقفه والمصالح واقفه ... روحي شوفسي الخاص مافي كويتين وايد ليش ؟ السبب لانه التزاام وظيفي وكرف ومافي غشمره ودواام طويل مافي لعب على كيف كيفي وفي نظام عقوبات

اغلب الناس اللحين تبي تصير مهندسين ولا دكاتره ليش ؟؟ عشان منصب وبرستييج ومعاش قوي مو حبا في هالمهنه وحتى مساله التدريس نسبه كبييره منهم ادشون المجال مو عشان احبوونه لاااا عشان مايبون اختلاط ومعاش قوي واجازه فقط ...


لو بتكلم من اللحبن لي باجر ماراح اخلص *