zain & viva USB

[bronzya]

:nbvppw: يا هلا والله بالطش والرش وماااااي الورد بالغرش :nbvppw:


السلام عليكم خواتي بنات منتدانا الغاااالي >>>> واااي شكثر تحبكم :fun:

ما ادري مسويلي سحر ولا شنو سالفتكم بالضبط _03BA:

بنات مثل ماتعودت اني ما اخطي خطوه الا بشوووركم ورضاكم ((( صكيتوا على ريلي )) :nocommint:

سواء كان رايكم هذا بطريقه مباشره او غيييير مباشره (( بدت تتفلسف )) :0bee2e8d89:

المهم بدخل بالمووووضووووووع على طووووول ديروا بالكم لا ادعمكم :j013:

انا عندي وصلت e-go zain .. وسمعت الحين بوصلة الفيفا ويمدحونها لي وبسرعتها وانه الداون لود يوصل فيها 200 والسرعه 7.2 وغير جذي الوصلة ابلااااااااش ((( هذا اللي حببني فيييه من أول نظره )) :sfg:
فيارييييت اللي استخدموا هالوصلة يعطوني رايهم بكل امانه عشان انا ناويه اكنسل الاي قو واخذ الفيفا بلييييييييز ابي رايكم باسرع وقت ممكن :gathering:

 

[unreachable]

وانا بعد ودي اعرف

يا ليت يفيدونا الي جربوها

 

[bronzya]

مشكوووره اختي على المرووور ..
شدعوووه يا بنات ابي ردودكم

 

[!!.. غير البشر ..!!]

انا عندي ايقو زين ابي غيرها
يالله انطر البنات اللي استخدموها =)

 

[bronzya]

مشكوووور حبيبتي غيير البش على مرووورج اللي غير مرووور باقي البشر (( اتعب اتعب على التعبير ))

 

[Kuwait_Girl]

هلا بنات ..
انا راح اقولكم من اللي متأكده منه 100% سواء من السايت مال فيفا ولا من الموظفين ساءلتهم ..

قطعه الusb مالت فيفا توها نازله واذا شريتيها قبل نهاية شهر 1 ..
راح تاخذين القطعه مالت الــ usb والخط ماله بلاش .. والاشتراك الشهري 20 دينار كل شهر .. مفتوح .. يعني استخدمتيه او ماستخدمتيه .. حملتي فيه ليمه مات ولا ماحملتي فيه ثابت 20 دينار كل شهر وهذا الحلو اللي فيه .. مونفس زين الحراميه اشتراكهم شي ولمه بغينه نندفه ولا دبل بلاته ..

فا نصيحه الكل فيفا وبس بس تعبنه بوق من زين ..

الخلاصه .. الــ usb والخط من فيفا بلاش لي نهاية شهر 1 والاشتراك الشهري 20 دينار فقط لا يزيد ولا يقل مفتوح سواء استخدمتيه ولا لأ .. سواؤ سويتي داونلود ولا لأ 20 ثابته كل شهر وهذا الحلو فيه والسرعه مالته 7.2 وانا متأكده حبايبي ..

والموظف يقول ماندري عن العروض اليايه لأن في عروض يديده وشغلات غير الــ usb وانشالله اكون فدتكم

 

[bronzya]

حبيبتي يعني نفس الشي فيفا وزين .. وزين الاشتراك 15 وفيفا 20 ونفس السرعه بس الداونلود هذا اللي بسال عنه .. وشلون لما تدفعين لزين
دبل هذا مافهمتها انا استخدمها من زمان وادفع كل شهر 15 بس

 

[Kuwait_Girl]

هلا حبيبتي ..

زين لمه تدفعين 15 كل شهر مو ثابته .. يعني على حسب الداونلود اللي انتي تستخدمينه اذا تعديتي الكيلو بايت اللي معطيتج اياه راح يحسب على كيل كيلو بايت فلس واحد .. وصاير وايد يفصل وعليه ضغط وبطيء ..

اما فيفا 20 دينار ثابته سواء استخدمتيه ولا لأ او سويتي داونلود ولا لأ ثابته 20 دينار .. وعلى الداوتلود اختي الشركه يديده والشبكه يديده فا شي اكيد ان ماراح يكون عليها ضغط وبتكون اسرع من زين خاصه انهم مطورين الشبكه على كلامهم ..
واختي دشي سايت فيفا ودشي على الانترنت مكتوب كل شي عشان تتطمنين

 

[bronzya]

ههههههههههههههههههههههههههه .. حبيبتي انتي فاهمه غلط .. اول شي زين اللمت مالهم مفتوح يعني تشبكين 24 ساعه في 24 ساعه وتحملين كل يوم اخر الشهر تدفعين 15 دينار بس ... فيفا لما تتعدين المسمووووح يصير بطيء وايد .. واذا انتي قصدج على الشبكات ترى فيفا للحين مالها شبكه ثابته وتاخذ شبكتها من زين .. والضغط بليل يزيد على الشبكه ويصير بطيء حبيبتي .. ماعليج من كلامهم ترى اكيييد بيمدحون نفسهم .. أنا كل اللي ابي اعرفه الداونلود جم عندهم بس

 

[ησσя 3εeηн ~]

الدوان لوود لـ فيفا مفتوح مافيه حد معين

 

[Kuwait_Girl]

الداونلود لــ فيفا ماله حد معين والدفه كل شهر 20 دينار فقط لا اكثر ولا اقل ..

الداونلود لــ زين عندهم 3 فئات .. 1- على حسب استخدامج
2- 13 دينار ونص واذا زدتي عن الحد المعين يحسب عليج
3- 27 دينار ونص واذا زدتي عن الحد المعين يحسب عليج

ماكو اختي 15 : ) .. واذا الحين زين مافاموا يحسبون بالنسبه عن الحد الزايد بهالشي صراحةً مادري خاصه ان زين الحين قاموا يقلدون فيفا .. خلوا المكالمات مجانيه قلدتهم زين .. فيفا التعبئه مالتهم دينار .. زين قلدتهم .. فا مو بعيده شالوا الزياده اللي تنحسب عم الحد المعين : )

بس بالنسبه حق فيفا 20 دينار كل شهر ثابته وماله حد معين يعني مفتوح واذا خذيتيه قبل شهر 1 الجهاز الــ usb والخط بلاش ..

وبالنسبه حق الشبكه اختي فيفا لها شبكه خاصه فيها وين قاعدين يستخدمون شبكة فيفا وزين ماراح يسمحون بهالشي : ) وفوق هذا لهم شبكه خاصه فيهم بس مو مغطين لي الحين كل مكان وقاعد يركبون الابراج الحين بكل مكان وحتى قبل جم يوم ركبوا عندنه بالسره : ) فا لهم شبكة معينه فا انتي لا تسمعين كلام اي احد وتصدقينه : )

انا الكلام اللي مو متأكده منه ماقوله بس اللي متأكده منه بقوله وهالكلام من سايتات زين وفيفا ومن موظفينهم بعد ومن مستخدمينهم : )

شكراً : )

 

[bronzya]

حبيبتي انا استخدم الي جو من زمان واهو 17 واذا عندج خط فواتير يصير 15 دينار وغير جذي حبيبتي فيفا تاخذ شبكتها من زين لانه فيفا شبكاتها راح تتبطل اول شهر 3 والابراج اللي على قولتج ترى للحين ما استخدموها .. وتأكدي بالاتصال على خدمة العملاء
وبعدين وانتي داقه عشان تتاكدين ساليهم عن الداونللوود مفتوح ولا يقل وتصير سرعة خفيفه لاني توني الحين سادته منهم ومتأكده ولما تدقين قوليلهم بالضبط اللمت مال الدونلود مبطل ولا محدود عشان يفهمون بالضبط انتي شنو تبين تعرفين وقوليلي شراح يردون عليج .. بس زين لا مبطل و ماياخذون ولافلس ولا خرابيط زياده لو اشبك لي باجر .. اما فيفا الداونلود 200 بس يصييير بطيء اذا في ضغط واذا تعديتي اللمت .. حبوبه انا متاكده من كلامي وانا هني مو عشان اقارن بين الشبكتين حبيت اللي استخدم الاثنين يعطيني تجربته بس
وتأكدي حبيبتي ودقي على خدمة العملاء

 

[Miss-LuLu]

حبايبي خل افهمكم شغلة

انا اشتغل بزين وهالايقو اكو ناس وايده مو فاهمه طريقته

خل اقولكم ان اكو منه 3 انواع (غير القديم الى ب 35 دينار):

1- ايقو تو قو (التعبئة):

هذا الله يسلمكم شغلة كله وخطه ب40 دينار،، وحلو حق الى مايشبكون وايد لانه ب1ونص دينار تشبكين لمده 24 ساعه مفتوح لج .

2- زين ايقو اليديد الى يصير فيه فلاش ميموري:

هذا ب35 دينار مع الخط (مسوين عرض) وبدون الخط ب45 دينار

3- نفس الى قبله بس فيه غطاء

ب45..

بالنسبة حق الشهري

عندج بـ15 دينار مفتوح لج شهر كاامل وسرعته 3.8 ميجابايت.

والى بـ30 دينار سرعته 7.2 ميجا بايت .

وفي عرض على الاشتراك الشهري،، الى عندها خط فواتير (يعني تستخدمه) راح يصير الاشتراك الي ب15 يصير لها 13

والى ب30،، يصير لها ب27..


وأي سؤال انا حاضرة

 

[Miss-LuLu]

حبيبتي انا استخدم الي جو من زمان واهو 17 واذا عندج خط فواتير يصير 15 دينار

لا حبيبتي معلومتج غلط


اهوا بـ15 دينار ، والي عندها خط فواتير يصير لها 13 دينار

والي بـ30 دينار يصير ب27 دينار..

 

[bronzya]

لا حبيبتي معلومتج غلط


اهوا بـ15 دينار ، والي عندها خط فواتير يصير لها 13 دينار

والي بـ30 دينار يصير ب27 دينار..

-----------------------------------------

ايي حبيبتي صار معاي لبس صاجه الاشتراك ب 13 دينار .. بس ياريت توضحين اكثر .. صج انه الاشتراك اللي ب 13 اذا تعدينا الكيلو بايت اللي معطينياه راح يحسب على كيل كيلو بايت فلس واحد ؟؟؟؟
لانه انا اللي اعرفه انه مافي لمت معين وانه مبطل .. وانا ادفع شهريا 13 دينار وماعمره زاد اكثر من جذي وبلافلس مع اني اسوي داونلود واايد

 

[Miss-LuLu]

-----------------------------------------

ايي حبيبتي صار معاي لبس صاجه الاشتراك ب 13 دينار .. بس ياريت توضحين اكثر .. صج انه الاشتراك اللي ب 13 اذا تعدينا الكيلو بايت اللي معطينياه راح يحسب على كيل كيلو بايت فلس واحد ؟؟؟؟
لانه انا اللي اعرفه انه مافي لمت معين وانه مبطل .. وانا ادفع شهريا 13 دينار وماعمره زاد اكثر من جذي وبلافلس مع اني اسوي داونلود واايد

حبيبتي اهو اكو لمت شلون تتعدينه !!

لووول سوري بس صج ماتدش المخ ،، اهوا الجهاز محطوط بلمت.. ماتقدرين تتعدينه

يعني كل شي مسموح سواء تحميل سرعه أي شي حسب اشتراكج ماكو شي شطلع برى او يحسب اكثر

 

[ابلة^روضة]

انا عندي ايغوو اشتراكها 15 وعلى حسب الداون لود ياخذون زياده
يعني ساعات يطلع 16 مره 19 واللي كل شهر بس تدفع 15 هذا يعني انها ماتسوي داونلود يمكن بس منتديات وماستجر مو مثلنا ....

 

[{ سُـgد إلعَيـُـgن ..!]

:

:






للحـين مآجـربت الفيفـآ
بس من استخـدمت الاي قو مـآلت زين والـدفع عنـدي ثآبت على حسب اشترآكي
ولا مره اخذوا مني فلس زايد
مع اني احمـل 24 ساعه ولا زادوا على الفـآتوره شـي
غلطـآنه اللي تقـول يآخذون على التحمـيل
انـآ صـآرلي أكثر من سنـه وشـي أستـخدمهـآ وللحيـن الاشتـرآك ثآبت






:

:

 

[ابلة^روضة]

بنات انا شكيت بروحي وقمت ابطل المسجات اللي بالايغو واجيك دازيلي مسج فاتوره هالشهر 15 و360 فلس
والشهر اللي طاف كانت 16 و60 فلس واللي قبله15 و780 يعني كل مره غيييييير حق اللي يقولون لا ندفع 15 بس شلوووون مره من المرات خذو مني 19 شباقي عالعشرين يعني؟؟؟؟؟؟؟؟؟

 

[Miss-LuLu]

بنات انا شكيت بروحي وقمت ابطل المسجات اللي بالايغو واجيك دازيلي مسج فاتوره هالشهر 15 و360 فلس
والشهر اللي طاف كانت 16 و60 فلس واللي قبله15 و780 يعني كل مره غيييييير حق اللي يقولون لا ندفع 15 بس شلوووون مره من المرات خذو مني 19 شباقي عالعشرين يعني؟؟؟؟؟؟؟؟؟

حبيبتي يمكن انتي تدزين مسجات حق ناس من الايقو مالتج،،


أو مثلا انتي هالشهر دفعتي بتاريخ 22-1

والشهر الياي مادفعتي بنفس الوقت،، وكل شوي يدزولج مسج

مادفعتي بتاريخ 22-2 بس دفعتي بتاريخ 30-2...

اهني راح يحسب عليج الايام الزايده،، هذا القصد بس