حمولتـــج والســــــفر ..................حياج

[تفااحة]

كل عام وانتم بخير ياحلوات وسفرة سعيدة للكل ..... وتروحون وتردون بالسلامه ان شاللة .....



يناااااااات


عندنا موضوع واااايد مهم .....








بنااااات اذا سافرتي تقولين لحمولتج ؟؟ _03BA:

متى تقولينلهم ؟
قبل السفر بفترة ؟
قبل السفر بجم يوم ؟؟ا
نفس اليوووم ؟؟
زعلون اذا ماقلتيلهم ؟؟ يزعلون اذا قلتيلهم بنفس اليوم او قبلة بجم يوم ؟؟ :krkrkr:
يستانسون اذا رحتي ولايحترووون ؟؟ :eh_s(14):
يناشبونج بيروحون معاااج ولايبووون فرقاج:tomato2:

والهدااايا تجيبين لهم ولا لا ؟؟ :klhfl:



انا عن نفسي راح ابدي ...:gathering:

انا ماعندي الا خالتي وحماتي الكبيرة اقولهم قبل بجم يوووم اعطيهم خبر الصراحه ومومن النوع الي يخش .:eh_s(1): والصراحه يستانسون ومو من ال_03BA:نوع الي يحترون ولايحبون يروحون مع احد يخافون يضايقوني للعلم انا توني متزوجة ماصارلي سنتين والميانة مو طايحه لالحين :eh_s(6): ... وخلال هالسنتين سافرت فوق العشرمرات وماحسهم يغيرون ....

اما مرت حماي الكبير ماشاللة سافرت وعقب جم يوم دقت على خالتي وقالت انا بالديرة الفلانية وعيالي عند اختي ماشاللة عليها ... الصراحه انا ماحب هالطريقة انتم شرايكم ؟؟؟؟

اما من ناحية الهدايا الصراحه ماقصر ............

بششوووف ارائكم ياللة ؟؟؟؟؟؟؟؟؟؟؟؟؟

 

[سلمى الخير]

شوفي ياقلبي خالتي وامي اهم ناس يعرفون بسفرتي

وبالنسبه للهدايا والله بس المقربين حيل حمواتي خواتي امي وامه واعز صديقاتي ثنين بس

والهديا مو بقيمتها الهديه تدل على انج ذكرتيهم

اما اذا يحبون اني استانس او لا

هذا عند رب العالمين ناس تظهرلج انها مستانسه واهيا بتموت من القهر وناس لسانها يلوط اذانهم بس قلوبهم ماتعرف الحقد والغيره


اممممممممممم


وهذا جوابي ويالله شرفيني بموضوع التصويت بهالبوابه وعطينا صوتج >>>>>>> عبالها بكيفها ههههههههه

 

[سلايل*عبس]

خوووووووووووووووووش موضوع صج حريم
اما بالنسبة لي:
اعلم خالتي قبلها بجم يوم يعني مرات باجر اذا بمشي زوجي يعلمها وانا اروح اسلم عليها قبل اروح المطار --->خالتي حيل حبوبه بس مادري احس جذي احسن (عندي حموات 5 وحريم حمواني 4 مابيهم يدرون حره احلى الفجأه لوووووووول)
وخالتي تستانسلي اما الباجي مادري لوووووووووووول نص نص
وبعدين في ان بالموضوع اذا بغيت اسافر محد له نيه فجاه الكل بيسافر @@ والا يقولون ترا رايحين الديره هذي من قبل
انا لي سنه ونص بالضبط - فماعرف شنو راحو

بالنسبه للهدايا والله اجيب لامي وخالتي-نفس الشي والله بالضبط - لان خالتي ماتقصر فيني اذا سافرت كل شي تجيبلي ولامي بعد- واكييييييييييييييييييييييييييييييد وخواتي بسسسسسس!

لانه حماتي سافرت قبل اول مره اسافر وماجابتلي @@ - واهما نوعيتهم اذا وحده سوت شي يعني اعرفي انه هذا موقفهم كلهم- نوعية اجتماع قبل اي خطوه لووووووول
بس في شي يقهر عندي حماتي -كلهم حبوبات بس هذي غير - سافرت قبلي لااسافر اول مره - وجابتلي هديه - وانا ماجبتلها ادري ماحلو جذي انا ماحب جذي بس اول سفره لي كنت حامل وكله ترجيع ونساة -ماتسوى علي هالسفره
فماجبت لاحد-ماقدرت امشي بالسوق يصير معاي هبوط

والصراحه الصراحه انا مابي اجيب لاحد هدايا بس هذي ماقدر اصد عنها - اشرايكم شسوي ؟؟

 

[بطه فيها نطه]

موضوعك حلو ...

انا متى ماعزمت على السفر قلت لخواتي والوالده ... الصراحه يستانسون ويتمنون لي الخير

حمولتي احبهم ويموتون فيني ... من خالتي وعمي و حماواتي ... المشكله بمرت حماي الله يهديها

انا اصغر جنه عندهم ... واهي مرت حماي اللي اكبر من زوجي ... وعندي غيرها بس غير سبحان الله

تبارك الرحمن بالسنه تروح العمره 5 مرات اقصى حد ... الحمدالله حاجه ... قطت الولد توه بالمهاد والعيال

وراحت ... السياره تغيرها بالسنه 3 مرات ... عليها بالعافيه ... ماعندي عليها اي شي ولا احسدها ... الله يزيدها

ويرزقها ... ساكنه ببيتها ملك ... بدال الخدامه 2 وسايق .... خل تدري اني بسافر ... تشيل اعيالها وتروح

بيت ابوها زعلانه من ريلها ليش مايوديها ويسفرها نفس الديره ... وهالكلام محد قاله لي

والله انها بنفسها تدق علي من بيت ابوها ... وتقول انا تهاوشت معاه البارحه ... ليش مايسفرني

الديره الفلانيه .... اللي بقلبها تقوله اشكره جدام اي احد ماعندها مشكله ...

مشكلة حماي مايحب يسافر برا الخليج .... سبحان الله بس يباعد برا ياه يتسمم او يطيح بالمستشفى

صارت عنده مثل الفوبيا ...

اخر مره سافرت فيها ... قبلها بليله ... دقت علي ... جان تقول ... انا تهاوشت مع ريلي ... قلت له

كيفك يا هالديره ( اللي انا بروح لها ) او اروح بيت ابوي .... عاد اهو قايل لها انتي تدرين بجم التذكره

غاليه ... اذا انتي وعيالك 5 ...

المهم انا سافرت ... وياريت ماسافرت ... اول عشر ايام بناتي بس ترجيع وصخونه ولا طلعت مكان

وعقبها انا مرض غريب سبحان الله مو صخونه ... ليه درجه زوجي ياب الدكتور ليه غرفة الفندق

بغيت اموت ... وكأبه فضيعه ... كرهت كل شي ... لو زوجي يقول حرف ارد بعشر

صرت عصبيه واتنرفز من اي كلمه ... انسانه ثانيه مو انا

بالاخير ماتهنينا بالسفره ... رحنا المطار ولا الطياره رايحه علينا ... اشترينا تذاكر من يديد

ورجعت الديره .... شفت ناس تحسد ... بس بهالطريقه

الحين سفرتي اول 7 وحاطه ايدي على قلبي ... اخاف يصير فينا شي ... بس ربك اهو الحافظ ...

اما الصوايغ احب اهدي الكل .... ومشكوره قلبنا المواجع

 

[قلبي ابيض]

الله وكيلج ثاني يوم حماتي تساااااااااااافر وراي حتى لو البحرين وتتعب وما تكلمني لييييييييييين تسافر خخخخخخخخخخخخخ

 

[قصه طويله]

موضووعج روعه ماشاء الله انا عني اقول لهم شسوي مابي الزعل ابي فرقا المشاكل واهم طريقتهم مالهم شغل بالسفر ولايحبونه<< مومن كثر سفراتي عاد

احسن شي قبلها بيومسن فشله احس اذا ماقلتي لهم

 

[تفااحة]

موضووعج روعه ماشاء الله انا عني اقول لهم شسوي مابي الزعل ابي فرقا المشاكل واهم طريقتهم مالهم شغل بالسفر ولايحبونه<< مومن كثر سفراتي عاد

احسن شي قبلها بيومسن فشله احس اذا ماقلتي لهم

اموووووووووت على المسالــــمة .... فديتج .............. مشكورة على المشاركة

 

[زمــرده]

انا عندي بس خالتي والباقي يهال
واقولها قبلها بجم يوم
ومو من النوع اللي تحقد بالعكس عادي واذا على الهدايا ماشفت شي هههههههههههههههههه

 

[سكووون]

توني يديدة .. صار لي سنة و نص معاهم و ما سافرت الا مرة وحدة ..

يوم سافرت و وصلت الديرة اللي رايحتلها اتصلت بحماتي و قلت لها ..

مو قاصدة الحركة لكن السفرة جت فجاة . .

بس المرات الياية مو شرط اقول لهم لأن علاقتي فيهم شبة رسمية ..

و الصوايغ ماقصرت معاهم ..

 

[سلايل*عبس]

امبيه بطه فيها نطه اول شي الله يسامحج شهويتيني بالربيان عادة النساة والشهيه ياااااااااااااارب اغثني

بالنسبه لكرت حماج يما يما .. الحمدلله حريم حمواني نظام اتموا اموركم بالكتمان وانا اموت على هالشي لانه الطيبه ماتنفع بس موجذي!!

اختي مرة حماها العن من جذي واي واي واي والله في نفس حالتج واغث بس نصيحه اقري سورة البقرة كل يوم مني ليمن تطيرين وبالطياره يمديج تخلصينها ماكو رحله اقل من ساعه تقريبا - البقره لايقدر عليها البطله نصيحتي لج - وفي اسفر اذا ماقدرتي تقرينها كل 3 ايام - اقري اواخرها من (آمن الرسول...) واقري الكرسي ولاتنسين الاذكار - وانشالله الله بيحفظج - هذي سياسة اختي
تقول لمن ارد والحمدلله مافيني الا العافيه ومستااانسه - تقول مرت حماي وهمن اللي اكبر من زوجها لوووووووووووول- تقول المره
منصدمه جنها تقول انا ادري بعيني وحده بوحده وماصارلها شي بل بل خخخخخخخخخخخخ

 

[أم عزيـز]

انا صراحه ما اقول الا حق اهلي وزوجي ما يقول الا حق ابوه
بس اخوانه ما يقول لهم الا بالصدفه

لأن كل شغلهم خشاشي ليش احنا نقول لهم ؟؟
وحتى صوايغ لا ايبون حق عيالي ولا ايب لهم مرتاحه لووووول

 

[فوفو22]

واللي يسلمكم


في احد الحين مايسافر بالكويت؟؟؟؟؟

حتى خدمنا وصلوا اوربا وامريكا واستراليا.........

احس اللي تخش السفر

هي اللي عينها حاره وتحسب الناس كلهم مثلها:dddds:

انا وعيالي وريلي وحمولتي واهلي وكل اللي اعرفهم


يسافرون مو مره بالسنه

كل عطله تجي مع سفرتها

ولله الحمد

الكل شايف خير بالكويت

اما موضوع الهدايا

بالنسبة لي اجيب للمقربين جدا والصديقات اللي يوجبوني دايما

والهديا تكون عاده حلوه ومو موجود منها بالكويت

ويعطيك العافية

فوفو22

 

[ريحانةالروح]

وااااااي 160 دخلوا مارد الا 11 تحسييين الموضوع عواااااار قلب
أولا أنا ماأدري متى أصلا بسافر أسمع من حمولتي أن ريلي بيسفرني المكان والزمان عندهم شرااااايكم؟؟؟؟غريبه صح
بس هذا اللي يصير وكل مكان بالديره أو برا الديره يدروووون قبلي فديييييييييييييت عينه وقلبه قلبه أبيض وكتاب مفتوح
واللي قاسمه ربي بنشوفه وماعلينا ألا الأستعانه بالله من كل شر
بصراحه أول زواجي كنت أزعل بس فهمت قصده باللي يسويه(أصلا ماعنده قصد بس أطباع)لذلك قمت أسألهم ها ماتدروووون وين بسافر؟؟
أهما عبالهم يحب يفاجأني وحلووووو أنهم يفكرووون جذي وبصراااحه حمولتي عسل ماأدري شقول عنهم واللي بالقلوب مايعلمه الا الله
بس أحنا بييتين!!!مرت أبوه وبناتها مو جذي كلش!!عسل أهم وأياااويد بس عندهم خطوووط حمراااااء على كل شي يخص حياتهم
والناس أطباع أهم شي يكون الواحد مسالم مع نفسه مايحملها فوق طاقتها
أأأأأه بالنسبه للهدايااا مانلحق لو بنعطي لذلك بس الأمهات بس!

 

[ريماا]

انا وزوجى كل اشوى لنا راى وفجاة نحجز ونسوى كل شى وقبل السفرة اكيد بجم يوم اهنى نعلم
والحمدالله ماشفت احد زعلااان على سفرى اكيد بيفرحون لنا والحمولة للى تزعل ماتشوف شر ..
واااى شوقتووونى عالسفر

 

[ظلال القرآن]

بنااااات اذا سافرتي تقولين لحمولتج ؟؟
اكيد طبعا امه لازم تعرف

متى تقولينلهم ؟
على حسب السفره

قبل السفر بفترة ؟
لالانج ما تدرين شيصير ياما رحلات تكنسلت وتغيرت وتأجلت ايه ليش اقول مبجر
ما ادري شنو يصير علي

قبل السفر بجم يوم ؟؟ا
سفره الصيف اقول قبل بجم يوم

نفس اليوووم ؟؟
اذا كانت دبي او بيروت لان نكون تونا قررنا على ما حجزنا
ندق نسلم بنفس اليوم وبنت الحلال ما تشره ابد
زعلون اذا ماقلتيلهم ؟؟ يزعلون اذا قلتيلهم بنفس اليوم او قبلة بجم يوم ؟؟
لا خالتي حبيبتي مره جبيره وما تفكر نهائي بهالامور يالله صيامها وصلاتها ويومها كله صلاه وذكر ما عندها وقت للتفكير بالتفاهات

يستانسون اذا رحتي ولايحترووون ؟؟
عادي كلللللللللللل حمواني وحمواتي يسافرون ما ادري اذا يحترون ما شفتهم محترين هههههههه

يناشبونج بيروحون معاااج ولايبووون فرقاج
لا ما عندنا هالحركات ابدا

والهدااايا تجيبين لهم ولا لا ؟؟

خالتي بس من ناحيه حمولتي وامي وابوي بسمن ناحيه اهلي
لان اصلا ماعندي وقت حق التفكير شنو اشتري حق فلانه ولا شنو ايب صوغه ح علانه هذا غير الوزن والتشقل بالمطار
وقتي محسوووووووووووب ومالي خلق ركضه بالسوقه اروح استانس واتمشى باماكن سياحيه

واحنا تقريبا متفقين محد يشتري حق احد فككككككه الحمد لله الكويت الحين كل شي فيها مو مثل قبل كل شي من برا تطير عيون الاوادم فيه
والله اني ما شفت على كثر ما سافرت سوق مثل سوق الكويت الله يحفظها لنا

 

[*عهد*]

واللي يسلمكم


في احد الحين مايسافر بالكويت؟؟؟؟؟

حتى خدمنا وصلوا اوربا وامريكا واستراليا.........

احس اللي تخش السفر

هي اللي عينها حاره وتحسب الناس كلهم مثلها:dddds:

انا وعيالي وريلي وحمولتي واهلي وكل اللي اعرفهم


يسافرون مو مره بالسنه

كل عطله تجي مع سفرتها

ولله الحمد

الكل شايف خير بالكويت

اما موضوع الهدايا

بالنسبة لي اجيب للمقربين جدا والصديقات اللي يوجبوني دايما

والهديا تكون عاده حلوه ومو موجود منها بالكويت

ويعطيك العافية

فوفو22

كلامك عين العقل
انا والله اقول عادي مافي شي يستأهل اخشه والله يستانسون ونسبه للهدياء اجيب حق امي وامه نفس الشي تقريبا او اهو كيفه اذا يبي شي بخاطره حق امه واجيب حق اختي الي ماتزوجة وحق حماتي الي ماتزوجة فشله مافي الااهي في البيت والباقي متزوجين واجيب شغله مميزه من الديره الي بروحلها مثل حلى لحمواتي اذا تجمعنا مايمنع اذا شفت شي مميز وسعره زين اجيبه لحمواتي واخواتي المتزوجات والله على حسب الميزانيه ظروف السفره والمنطقه الي بتروحينه

 

[Om_Ksha]

بعددددددددد نبي آرااائكم

 

[الـحـ الاول ـب]

واااااااااااااي توتاااااااااااا موضوووووعج حلووووووووووو

جا على عوار قلبي

اما انا فالطامه الكبرى
شوفوووووو حمولتي والنعم فيهم خووووووووش ناس
وعندي في البيت مرة حماي الكبير و 5 حموات
وشباب 3 عزابيه <<<<بتصير خطابه لهم
وانا صار لي الحين عندهم سنه بالضبط
رحت مع عمي والبنات وخالتي عمره
اما زوجي باول العرس كانت عنده ظرووووووف
وقررنا نخلي شهر العسل على ردت سنتا يعني بعيد زواجنا الاولي
انا ما اعر ف نظامهم بس وصاني زوجي ما اجيب سيره لاحد نهائي
ختى امه وقال يا ندق عليهم بالمطار او نطلع جدامهم بالجدنط لان اخووووه
ومرته هذي حالهم معاهم ينصدمون حمولتي بسفرهم واحس انه سخافه بالاول
بس انا من زود طيبتي وطبعي ما احب احد يزعل مني لا دروا علمت حماتي
ان بنسافر وانصدمت ان زوجي قالها وبلغتها تقول للبنات ما يزعلون لان مو من طبعي اخش
وقالت بنت الحلال توكلو على الله بس طلعت الديره اللي بنروح لها بخاطر وحده من البنات
وقبل الروحه بيومين تعب زوجي ودخل المستشفى والله ماكتب لنا سفره
واول ماطلع من المستشفى حجز لنا عمره انا وياه ورحنا ومادريت الا قبل موعد الطياره
بـ 6 ساعات تخيلو عاد موقفي وهذي اول سفره معاه ونزلت وبلغت خالتي فشله
وقلت خاله شرايج تخاوينا عمره مع ان خالتي خوووووش مره وبلغتها ان زوجي توه قالي
وعيت بنت الحلال وقالت حافظكم الله والا تنقز 2 من حمواتي وبنت اختهم قالو احنا بنروح وياكم
انحرجت قلت كلمو اخووووووكم انا ماعندي مانع ومن داخلي بنفجر شاللقافه واهما يدرون انه بيرفض
ما قالو له روقعو ان مايمديهم ما بيحرجون نفسهم
والحين بنمشي الاسبوع الجاي وبيروحون معاي 3 من حمواتي مع ان هذي اول سفره مع زوجي
غير العمره ولا جتني وحده منهم قالت بتسافرون قلت مادري عن زوجي قالت اذا بتسافروووون
عادي نخاويكم قلت عادي شرد عليها ولا خالتي كانت موجوده عشان خالتي مو عشانهم
قلت الشقى على الطياره مو علي وانا مابيددي شي قالو لا انتي اقنعني اخووووووونا انحرجت من خالتي
وقلت له الله لايراويكم شر شصار فيني بغت تتكنسل سفرتي بسبتهم وبعد جهد جهيد اقتنع يروحون معانا
بس عبالكم مدحوني لا طلعت انا اللي ما ابيهم واخوهم عادي عنده بس اهما يدرون ان اخوووهم رافض
ولا انا طلعت بالشينه وطبعا هالحجي قالته لي وحده من حمواتي لان خواتها رفضو تروح واختارو 3
واهي من الحره جت تقولي تبينني اعيي اخذه لان طلبو اول شي مرت حماي واهي كل ماسافرت يا تطلع بجناطها
جدامهم او لاوصلو الديره دق حماي على امه حتى امه مايقولها ولما طلبوها هالسنه شقايلين لها نبي نروح وياج
وانتي الكبيره وهالمعاريس مانبي نروح وياهم قالت لهم اشكره اسفه انا ما اخذ احد معاي عيالي ما اخذتهم
وانا مو ناقصه زوجي يصرف عليكم تبونهم ردو عليها لا طلعت اهي الشيخه والطيبه وانا ما احبهم بس اهم يدرون بالصج
ومن هالموقف بعدي هالسفره ععلى خير لان فيزنا وخلصنا ببس مره ثانيه لو بروح البحرين مايحلمون يركبون السياره
وخالتي ندق عليها مو قايله شي...

واما بالنسبه للهدايا عندهم نظام حلوووووو اول سفره يسافرها اي شخص يجيب هدايا
والسفرات الاخرى على هواااااااج
وانا جبت لهم اول مارحت عمره ماقصرت بهدايا غاليه
بس السفره الثانيه جبتت للي كانو معاي بالعمره الاولى وحق خالتي
وحق حمواني الشباب وحق مرت حماي لان ادري بتقهويني
وهالسفره جان بجيب بجيب للشباب وخالتي ووحده من حمواتي احبها
حيل عمرها ماقصرت معاي من جيتهم >>>> ادعوووووو ان الله يرزقها بالزوج الصالح

 

[قلم صريح]

كل مره اقول

وكل مره تتفركش السفره

عليكم الله يابنات شسوي

ريلي طقعة امه لازم يصل كل شي باذنها واهيا وكالة كونا عفوا السي ان ان ولسفراتها وسفرات بناتها متحفظه جدا

جدا يروحون ويرجعون مايعلمون احد

وريلي كلا يقولي انتي مو صاحيه في احد يروح ومايعلم >>>>>> يعني ناقد اقوله امك وخواتك

يقول جذابه المشكله اشوف بعيوني واسمع باذوني ويجذبني :0bee2e8d89:

يقولي انتي الوحيده الي مو صاحية والكل ناقد عليج:eh_s(1):


بنات تعبت

خاص ماابي اسافر

السفرات دايما تتفركش يابمرض او عله الله يبعدكم عنها ( يعطونج اياها وحده بوحده )


والحين صارت فيني فعلا عقده نفسيه اذا سمعت طاري السفر صكرت اذوني

8 سفرات احضرلهم وانخبص وتدهور حالتي وحالة عيالي اشهر الله لايوريكم

واهو اذا بيروح حافظه الرحمن بالسلامه ماتسوى علي هلروحه الي الكل مفتح عيونه عليها خصوصا انهم ما يسافرون

والله على مااقول شهيد

فعلا هالموضوع فجر احساسي المؤلم ياروحي

ادعولي بنات ولريلي لاني خلاص تعبت

وبالنهاية احب اقول ن خالتي عبار امي بس السانها مو ملكها وهالشي رجع سلبيا علي وللامانه اغليها واعزها

بس مو كل شي يصير يقال الا لو كانت امه تحفظ السر وهما كان هذا ولدها واكيد تدور له السعاده

بس خلق الله الي تقولهم مايحمووون

 

[raq6a]

بنااااات اذا سافرتي تقولين لحمولتج ؟؟
اي اكيد راح اقول
متى تقولينلهم ؟ قبل السفر بفترة ؟قبل السفر بجم يوم ؟؟ا
اذا سفرت الصيف قبلها بجم يوم او اسبوع اما بنروح البحرين قبلها بيوم
نفس اليوووم ؟؟
لا مو نفس اليوم
زعلون اذا ماقلتيلهم ؟؟
لا ماراح اروح من غير مااقوول
يزعلون اذا قلتيلهم بنفس اليوم او قبلة بجم يوم ؟؟
اي اكيد عمي اول واحد يزعل اهو اذا قلنا ولا ماقلنه يتضايق واكيد انتو ناوينها من زمان وتوكم تتكلمون
يستانسون اذا رحتي ولايحترووون ؟؟
مايندره الله اعلم
يناشبونج بيروحون معاااج ولايبووون فرقاج؟
ولا يفكرون ايون معاي حمولتي مو من النوع المرح يعني يحبون الضيقة الخلق اما يناشبونج مو يناشبوني الا يطلعون اعصابي كلها بالسفر:eh_s(14): طبعا التلفون اللي مايسكت كل ساعه وحده تتصل الزوارة من غيرك مو حلوة ابوي تعبان ابوي يقول راح وخلاني وابوي سواه وحط حق مرته ( طبعا مرت ابوه ) ريلي مادري اشفيه والثانيه ريلي بخيل ويضايقونه مسكين يقعد يفكر فيهم ويشغل باله على ولا شي .. غير الطلبات اللي مالها داعي وحدة من حمواتي اطلبت خيشة كستن من ماليزيا ههههههههههه فاضيه اييب لها خيشة جنه مافي بالكويت ... اما خالتي حبيبتي عمري غيييييييييييييييييييييير كلش مو صوبهم
والهدااايا تجيبين لهم ولا لا ؟؟
انا من طبعي ما اخلي احد من اكبير لصغير​