تذكرونها ولا ناسينها ؟ خل نعيد أمجادهاااااا !

[Little_Queen]

:ggdw:




سلااااااااااااااااااااااااااااااااااااااااااااااااااام




بنات قسم نادي الكتاب الاحباء .. سيداتي آنساتي سادتي ... لالالا اقصد مو سادتي ! ممنوع سادتي بالمنتدى هني _03BA:




شلوناتكم ؟ شخباراتكم ؟؟ عساكم بخير ؟


الحمدلله


طولت السالفة و اهي قصيرة


الحين اشوف المنتدى هابين كلهم حملات حملات .. حملة نبيها حنه

حملة حق الريجيم

حمله حق العناية بالنفس

حملة ختم القرآن

اللهم زد و بارك و اشوف إقبال على هالحملات الحلوة



فانا فكرت .. ليش بعد ما نسوي حملة حق بنات نادي الكتاب ؟؟


شنو يا هنادي تسوين شنو يا هنادي تسوين ؟؟؟ فكرت وايد

جاااان اقول


اييييي لقيتها


بنات ... احنا شخبارنا عن المكتبات العامة ؟؟؟


انا آخر مره دخلتها كنت داخلتها عشان اسوي تحقيق حق الجريدة و لاعت جبدي


الموظفات سامحهم الله يايين و قاعدين و طالبين برجر كنج اهما و عيالهم !! و هذي قاعده تدرس ولدها و تعض الصمونه !

ما جنه قاعدين بمكتبه !


و طبعا ريحة المكتبة كلها أكل !

و اليهال يناقزون و يلعبون و يايبين لاب توبات و عفسه


المكتبة مغبرة تصصصصصفر مافيها بشر


الحين يا بنات صيف

و فاضين


و اشوفكم وايدتسألون عن الكتب ..من وين نشتري و من وين انييب ..


ليش تشترون و المكتبات موجوده حبيباتي ؟


ترى والله مكتباتنا العامة بالكويت عمراااانه كتب .. والله عمراااانه كتب


و مكتبة الجامعة - حق طالباتنا الحلوات الي هني - مترووووووووووووووووووووووووووسة اشياء ما تتخيلونها


اهي كتب .. اهي روايات .. اهي قصص ..


فلسفة .. لغات ... علم نفس ... علوم .. اجتماع ... غرائب و عجائب


تحبين تقرين بالمكتبة قعدي و اقري ..


ما تحبين

استعيري .. الاستعاره سهالات


الكتاب ياخذون عليه تأمين 5 دنانير اعتقد " فسوي حسابج تاخذين فليسات وياج بالمكتبة "

و ياخذون بياناتج من بطاقتج المدنية

و خلاص !

استعييري كثر ما تشاءين من كتب


و من تردينهم .. يرجعولج كل فلوسج يعني ما ياخذون ولااااااااا شي هذا مجرد تأمين


والله بنات احنا بالكويت عندنا وايد اشياء بس ماندري عنها


فهاااا ؟ شرااايكم ؟؟

كل وحده تروح المكتبة تصورلنا رحلتها و تقولنا شنو شافت و شنو قرت و شنو استعارت


يلا عاااد لا تفشلونا جدام الاقسام الثانية كل من سوى حملة .. يت علينا إحنا الاقلية المستضعفه في المنتدى ؟ :dddds:

 

[opera]

خبري بالمكتبه العامه من قبل 10 سنين

هههههههههههههه

للحين موجودين عبالي شالوهم !!


بس اذكر مكتبة منطقتنا كانت قديمه مو شي

بس مكتبه الجامعه كانت حلوه وكبيره كنت احب اروح اقعد فيها

 

[ScarletteO'Hara]

انا افضل الكتب الانجليزية و صعب اني القى الكتب الي ابيها في المكاتب العامة عشان جذي ما افكر اروح لها, و لا المكتبة ورا بيتنا بس اخر خبري فيها لما كنت بالجامعة

 

[مـاريانا]

أهنيـك ع الفكـرة الرائعـــة
وخصوصـآ إنا على وجـه العطلـة حلوو نستغل الوقت بشيء يفيدنا وينفعنـآ

 

[Eng.shosha]

ههههههههههههه
صاااجه .. وايد هاجرين المكتبه :>

يبييييييييله ..

ويعطيج العاافيه

 

[opera]

انا افضل الكتب الانجليزية و صعب اني القى الكتب الي ابيها في المكاتب العامة عشان جذي ما افكر اروح لها, و لا المكتبة ورا بيتنا بس اخر خبري فيها لما كنت بالجامعة

موجوده الكتب الانجليزيه بالمكتبات

انا اذكر لمن كنت بالجامعه سويت برزنتيشن عن والت ديزني ... الكتب كنت ماخذتها من المكتبه العامه .. عاد من يصدق انه موضوع مثل هذا كان موجود بالمكتبات

 

[rawona]

خبري فيها من 13 سنه!!!!



بس والله صاجه اهي متروسه كتب لكن الواحد ايتعيز يروح!! ومثل ما قلتي في مكتبات ما تفتح النفس!!



ان شاءالله اشوف اقرب مكتبه لي واروح اتطمش ليش لا؟ ​

 

[A7bni_1]

أكو كتب انجليزيه طبعات جديده من الـ2006 تقريبآ .. مستحييل القاهم بالمكتبة العامه .. وبصراحه المكتبات العامه شكلها تعيس للأسف ..!!

أنا كنت استعير من مكتبة الجامعه بس عقب التخرج سلمتهم رخصة الاستعاره وصرت ماأقدر استعير .. وإنحرمت من الفايده بصراحه ...!!

 

[ام حديجان]

الصراحه المكاتب العامه اللي بالمناطق موو شي ..

لي دشيتيها تحسين بكآآآبة ..

عندنا الحمدلله مكتبة الجامعة تهبل ..

المفرووض يطورون المكاتب العامه ويعدلووونهم عشان يحببون الناس فيهم ..

ويسلمووو عالفكرة .. وايد حلوه

يعطييج العافيه

​

 

[KittyCat]

موضوعج عجيب حيل....بس ترى بنات اى احد يقدر يستعير من مكتبات الجامعه او التطبيقى بس تدفعين مبلغ ضمان و الى تبى كتب اجنبية اتروح حق البرتش كونسل..اهناك تقدرين تشتركين بالسنه بسعر رمزى و تستعرين كثر ما تبين

 

[حبيبه امها]

السلام عليكم


هلااااااااااااااا هنووووووووووودة شلونج جبيبتي ؟

الله يعطيج العافية على الفكرة

بس اسمحيلي انا ماراح اطبقها السبب الاول والرئيسي اني احب اقتني الكتاب
لاني احب اخط تحت الجمل الي تعجبني او اكتب بهالوامش وخصوصا اذا الكتاب حلو ومميز

الشي الثاني طبعا للاسف انتوا شايفين حال المكتبات هذا شي متفقين علية لكن انا احس انه الكتب الموجودة للدراسة اكثر شي
او لبحوث الطلبه ..

ما ادري انا هذا رايي هنودة انتى شرايج ​

 

[شكليطه]

صراحه انا فاقده الامل بالمكتبات العامه

بسبب صدمه صارت لي......واهي لما كنت باخر الثانويه مادري اول الجامعه رحت اطلع موضوع حق بحث.....وانصدم (بالمرااااااجع)
سلسله مراجع جزء منها ضايع واللي موجودين بعض الاوراق فيهم مشقوقه@@ !!!


غير القحط اللي تشوفينه في المكتبه

عشان جذي طلقت المكتبات العامه من زماااااااان.............للاسف

 

[نماين]

تصدقـــــــــــــــين عمري ما دشيت مكتبة عامة

اما بالنسبة لمكتبة الجامعة يا حلوها ويا حلو ايامها

مرة كنت ماخذة صيفي بروحي بدون رفيجاتي بروحـــــــــــــــي فكنت وقت الفراغ اروح لمكتبة الاداب واقرا رواية ( لا تطفيءالشمس )

والي ساعد انه الرواية عودة وطويلة والله ما كنت احس بالازعاج او الناس واحط منبه عشان ما يروح علي الوقت

بس ما ظني بروح المكتبة ما ادري ليش مو متقبلة بس لك مني بحـــــــــــــــاول امرها واكتشفه

ومبروك النجاح بالمحاسبة ( ياركرهي لهمادة )

 

[ماغنوليا]

لتووووول ..


وآنا بعد وياكــــــــــم .. :gathering:


بس آنا عمري بحياتي مادشيت مكتبة عامة .. :050103nbh_prv:


ولكــــــــــــــــــــــــــــــــــن ..


كنت مطيحة بمكتبة الجامعة فيها كل شي أذكر مرة استعرت مجموعة روايات عشان اتسلى فيهم بعطلة الربيع..


أيــــــــــــــــــــــــام .. << اللي يسمعني ما يقول صاير لي سنة من تخرجت >> :eh_s(1)::eh_s(1):​

 

[^_^ حوراء ^_^]

ولا عمري دخلت مكتبه عامه احم احم

لأني أأيد حبيبه امها في اني احب اشتري الكتاب

وانا عندي طبع ان الكتاب اذا قريته و عجبني احب اهديه حق اي شخص عزيز علي يكون بحاجه له


وفكرتج حلوه و اتمنى لج التوفيق بالفراره بالمكتبات العامه لوول


^_^

 

[C'est La Vie]

قبل فترة قلت نفس هالكلام
ان عندي مكتبة الجامعة عامرة بكل الكتب وانا اروح اشتري من برة؟
المهم رحت ذاك اليوم ادور عن تاريخ ايران
لفيت ودورت ما لقيت الا عن الدولة العباسية
وانا اساسا ما احب الكتب العربية وتشكيلة الكتب الانجليزية هناك ما يازتلي
عشان جذي ما خذيت شي منها
ميرسي يا قلبي

 

[نيــلــوفــر]

والله فكرة حلوة وااايد
بس تهقون في روايات مثلها مثل اللي بالمكتبات اللي بره ؟؟؟؟

ولا بس كتب و مراجع لانه بس الروايات تستهويني ؟

 

[ذكريات]

كتبهم مغبرة و انا اتضايق ما حب غبار في ايدي + فيني حساسية و ربو

مع ان صح عندهم اشياء الواحد ما يتوقع انها عندهم

بس وضع المكتبات تعيييييييس

 

[CoCoa Pr!nceSS]

انا قبل كنت اكره شي اسمه كتاب وماحب اقرا كلش الا قصص قصيرة ويادوب بعد

لكن دراستي حتمت علي اني احب هالمجال مجال الكتب بما اني خرية قسم علوم مكتبات

حسيت ان الكتاب والمكتبة جوانب مظلومة في حياتي فـ حبيت اني اعطيها اهتمام اكبر

وفعلا مع القراءة بدأت اتعلم اكثر واستفيد كمان

 

[عسجـoroــد]

صاجة المكتبات العامة كنوز
وفيها كتب حديثة مثل مؤلفات الكاتب عبدالوهاب السيد

و في رواية لليوم ما حصلتها بس بين فترة و فترة أستعيرها أسمها لن أنسى للمؤلفة فطامي العطار

و أنصحكم انكم تقروها