تجمع امهات 2008 حياكم

[داريني]

توما
صج ما تشوفين شر
ديري بالج لا تعادين صلوحي
وانشالله الحين اطرشه لج

الاستاذه
طرشت هالايمل حق ريلي 3 مرات
هههههههههه
امبيه يطبق شي من هذول

احلى حركه هذي
عندما تطيل لسانها عليك ( قبلها وقل لها انك تحبها )
ههههههههههههه


والله يعطي امج الصحه والعافيه و طولت العمر انشالله

 

[داريني]

تصدقون مشكله اذا بدوام
الناس تفهم شغلتج غلط

انا الي معاي محامين كله عبالهم انا بتاع كلوو
طباعه وبرمجه وصيانه

 

[love love]

توما اي ياذي وايد

داريني والله ماادري اذا له علاج انا اذا حاشني خفيييييف سيده اروح اسبح بماي حار احسه يريحني بس اذا حيييييييل مالي الا التسدح وانطر الفرج والله انه ريلي يشيلني شييل ويسندني بس علشان اروح اتوضى ولا اصلي

حمدالله اهم شي البيبي زييييين وانا عادي اتحمل عسل على قلبي

 

[الاستاذة]

عالم ماتشوفين شر انشالله

اقولج عالم مره انتي سويتي كيكه حق بنتج من محل بالسالميه على كب كيك كانت صح؟؟؟؟شسم المحل وشلونها لذيذة؟ابي رقمهم او مكانهم بليز

 

[love love]

اي والله لذييذه وخفييفه الكل حبها وخصوصا الكبار يقولون خفييفة وخذو مشاءالله اكثر من حبه

رقم ماعندي شوفي بالموضوع موجود

مكانه بمجمع الوطنيه بالسالميه فوق بالدور الاول يصير المحل على الزاويه

 

[love love]

استاذه نسيت اقولج اني خذيت الحجم الاصغير وكان حجمه مناسب والله

واي اشحلات اليهال لما مسكووه وقاعدين ياكلوونه وكان كبر ايدهم


وتقدرين تسويينه بعلب شفاافه بس يكلف اشوي

 

[HaPpY_SpiRiT]

الشر ما اييج دردر دزيته لزوجي _03ba:
واااي بنات يوم الخميس عندي عرسين وحدة من الأهل و الثانية رفيجتي ماني عارفة أروح لمنو!
بس قلت لأمي اذا ماهي رايحة للأهل بروح حق رفيجتي الصراحة ولهانة على الربع رفيجات الثانوية

واليوم ودي أروح جمعية قرطبة مسوين سيل على المكياج و بروح الأفنيوز ودي اشوف منوش مشتهية شي قصير
لاحظوا كل هذا و أنا مريضة و على فراشي ههههه

 

[الاستاذة]

توما حتى جمعية الجابرية مسوين 50% عالعطور والمكياج

والله يعينج عالعرسين

عالم باي موضوع حاطته؟

 

[داريني]

حتى جمعيه سلوى مسوين 50% على مكياج

ذكرتيني ناقصتيني اشياء بروح

 

[love love]

روحي دبنهامز امس شفت اشياء بسييطه واقصيره حلوووه والوانهم حلوه

 

[love love]

http://www.q8yat.net/showthread.php?t=349243
هذا الرابط يا حلووه



بنات قاعده ادور كونسيلر بوبا ماحصلته بجمعيتنا اذا لقيتو بجمعيتكم قولولي بليييييييييز

 

[كويتية1]

شلونكم بنات
انه رديت الدوام وليتني ما رديت مغيرين علي الشغل ولويه
المهم
كويتية الله يبلغج بودج ان شالله وياما ناس كانوا بين الحيا والموت وصاروا بضل الله اصحاء
دردر ياحلات بناتج والله اسمله عليهم عسل ((عقب حركة علاوي فيني خلاص شلته من قائمة الحلوين هههه))
ام جوجو اذا ما ولدتي هالاسبوع ترا اييج اولدج
الاستذاه جاردينيا وتوما ورقى الغاطة وباجي البنات شلونكم؟

 

[HaPpY_SpiRiT]

عاد تهقون صج ينزلون على المكياج؟
و عالم اشلونه كونسيلر بوبا انا كله أستعمل الديور بس مدحولي الكانيبو قلت أبيه و ان شاء الله بعد ما أتعنى و أنسى ههه صايرة فيني من قبل

كويتية 1 الله يعينيج على الدواااام

 

[HaPpY_SpiRiT]

واااي عالم شكلها صج يشوق شهيتيني عليها هذا أي محل؟ ليتل تريتس؟ حسيت سوالفهم

 

[الاستاذة]

مشكوره عالم

كويتيه احنا بخير وانشالله دوامج يتعدل هونيها وتهون

 

[love love]

العفو استاذه


اي توما اهو نفس المحل

وعلى كونسيلر جربت تقريبا كل شي بس جنه شانل كان حلو وماحصلته مره وبغيت كونسيلر ضرووري وجربت بوبا لانه ارخيص ويمشي طلع علي احلى من شانل ويوم خلص ابي بعد مالقيت الي ابيييه قالو امخلص وبدوره بمكان ثاني

اهو على حسب السواد تحت العين ودرجه بشرتج

 

[HaPpY_SpiRiT]

عالم لقيته بقرطبة و شريته عجبني والله

 

[HaPpY_SpiRiT]

صج بسألكم شنو أحسن سن بلوك حق اليهال، ملوح بشرته حيل حساسة و حق الشاليه بعد

 

[love love]

عالم لقيته بقرطبة و شريته عجبني والله

صج زين والله

انزين اي واحد لونه رماادي كله وعليه خط عنابي؟؟؟؟؟؟؟

لانه عندهم 3 انواع

 

[HaPpY_SpiRiT]

لونه رمادي و مكتوب عليه بالعنابي و خذيت رقم 01 و على طول حطيت منه على ويههي لوووول لمعته حلوة