افكاركم لحفلة لبس الحجاب .. ضروري

[emynice]

السلام عليكم

شلونكم بناات ..

بنت اختي في الصف الخامس الابتدائي وان شاء الله راح نحجبها .. عاد امها تبي تسوي لها حفلة علشان تشجعها عليه

المطلوب افكاركم للحفلة .. شنو نحط شنو نسوي ؟؟ وشلون الطريقة ؟؟

اللي عندها اي فكرة ياليت ماتبخل علينا فيها ..

الله يجزاكم خير

 

[الساحـره]

وعليكم السلام ورحمه الله وبركاته

طبعا ً بما انه اغلب المعزومين لهذه الحفله , بنات من عمرها

(1) بالنسبه للأكل حطوا كورنر فيه خفايف والشغلات الي يحبونها البنات بهالعمر

(2) زينوا المكان وحطوا عبارات حلوه مثل (مبروك الحجاب) ومن هالحجي

(3) سوولها كيكه ممكن تكون على صورتها وكتبولها مبروك الحجاب يـــا (واسمها)

(4) بما انه البنات اعمارهم صغيره , سوولهم مسابقات حلوه وخفيفه راح يستانسون وايد وخاصة ً اذا وزعتوا هدايا

(5) ممكن تشترون الجياس الصغار الذربه وتحطون داخلها: "توزعونها على البنات الي بيوون الحفله"
- ككاو تكتوب عليه الف مبروك الحجاب (المصاصه الي على ككاو) تحصلينها من حلويات الروماني << قاعده اكتب واشوف اعلانهم جدامي بالمنتدى ^^
- اوراق تطبعونهم صغار وتغلفونهم تغليف حراري مكتوب عليها بعد مبروك الحجاب ومن هالحجي
و و و و هذا الي فبالي لــ فكره الجياس , وممكن تبدلون الجياس , بصناديق صغار متوفره بكل مكان تقريبا ً

ولا تنسون تعطونها هديه حلوه وتناسب عمرها ^_^

وان شاء الله اكون افدتج

 

[emynice]

تسلمين اختي الساحرة .. ماقصرتي

وافكارج حلوووة ..

 

[emynice]

بعد بنااات

لاتبخلون علينا بافكاركم عفية

 

[shai5at_elbanat]

واذا تقدرون تطبعون لو بالبيت شغلات حلوة عن الحجاب على قد مفهومية اللي بالصف الخامس وتوزعونها عليهم بس لا اتحطون الكتيبات اللي ملوت الكبار سووا سغله حلوة وبسيطه

 

[ياشايل الظبى]

الف مبروك

ممكن تسوون لها زفه حلوه بالحجاب .. وتسوون لهم مسابقات مع هدايا حلوه مناسبه لسن رفيجاتها

 

[emynice]

خووش افكار ... اعجبتني الزفه

يعطيكم الف عافية

 

[cuteya1986]

امممم مبروووك اولا وعسى ربي يسترها دنيا وآخرة
افكاري كالتالي
وزعوا باربي لابسه حجاب عندج فله واايد حلوة بالعباة
او سووا بور بوينت عن اهمية الحجاب والستر وحطوه فالبداية
او ييبوا لها ملفع ملون هدية
او ييبو كيكة صورتها بالحجاب
وبسسس هذي افكاري وانشالله اكون ساعدتج

 

[cuteya1986]

ترى حلوة فكرة فلة الي تتوزع

 

[opera]

اذكر بنت خالتي لمن تحجبت نزلوها مثل العروس ببدله حفله بيضه وسولها زفه دخلت عرووس بعدين سولها يلوه .. كانو يايبين ملايه

واذكر بعدين لبستها امها ثوب الصلاه .. صلت ركعتين جدام الناس وقرت سورة الرحمن وبس

ماكان في مسابقات ولا شي .. يعني مثل العرس


بعدين تفضلو عالبوفيه

 

[opera]

ترى حلوة فكرة فلة الي تتوزع

اي صح وايد حلوه بس فله غاليه

الحين في بروي مسوين مثل فله سعرها 1 دينار بالتنزيلات

انا شريت حق بنت حماتي اللعبه مع ملابسها ب 2 دينار بس

 

[emynice]

والله ماشاء الله عليكم ,,, ماقصرتوا خووش افكار

جزاكم الله خير

 

[cuteya1986]

اي صح وايد حلوه بس فله غاليه

الحين في بروي مسوين مثل فله سعرها 1 دينار بالتنزيلات

انا شريت حق بنت حماتي اللعبه مع ملابسها ب 2 دينار بس

=================
تلاقين فلة التقليد بالاسواق الشعبية على 750 او 500 فلس بعد ومولازم تكون للكل بس للي بيشاركون بمسابقات
وعندي فكرة جيبي بالونه واتفخيها وارسمي وجه عليها ولبسيها قماش خفيف جنه حجاب وزيني فيها زوايا الغرفة




ها لاتنسين تقولين لنا شصاار وشنو سويتي

 

[DELY]

تقدرين تسوين شعر على اسمها ابدخلتها

 

[emynice]

والله احترت ماادري شسوي ههههههههههههههههههههههه

ماقصرتوااا والله .. مشكووورين

وان شاء الله راح اقولكم شنو سوينا