ملفي للسلطات المبتكرة والسندويشات المميزة ...

[امبراطورية ميم]

ما شاء الله عليج شرحج مفهوم وسهل

 

[جوري وبنفسج]

السلام عليكم

الغالية امبراطورية ميم ... حياج الله يا قلبي وتسلمين على الطلة الحلوة :tek:

والحين بحط لكم طبق سلطة جديد وسالفة طريفة صارت لي :krkrkr:

أول شيء طبق السلطة

أنا موصية الصبي اللي يشتغل عندنا يجيب جرجير فجاب لي جرجير وبربير لوووول الظاهر تخربط وما عرف قال أجيب الأثنين أحسن

المهم كمية البربير اللي جابها وايد ففكرت وقلت أسوي عليها سلطة

* سلطة البربير بالرمان *


المكونات


أوراق بربير



خس مشكل



رمان




جبن تشدر مبشور




خبز لبناني الخفيف مقصص مربعات ومحمص بالفرن




نخلط مكونات السلطة ما عدا الخبز نخلي آخر شيء


والحين مكونات الصلصة

زيت زيتون + خل البلسمك + دبس الرمان + ملح بالثوم والأعشاب + بقدونس مجفف




نخلط مكونات الصلصة ونصبها فوق السلطة وقت التقديم وآخر شيء نحط مكعبات الخبز وهذا الشكل النهائي



وصحتين على قلبكم



أما السلطة الثانية وموقفها الطريف والخطير في نفس الوقت يأتيكم بالرد الثاني ​

 

[جوري وبنفسج]

السلام عليكم

والحين مع الموقف الطريف والخطير

ذاك اليوم كنت رايحة مركز سلطان وشفت لي فلفل بارد مجكنم وصغير عجبني شكله قلت حلو يصلح لطبق سلطة أسويه من أبتكاري الخطير وفعلاً كان خطير مرة

تجيكم السالفة المهم سويت السلطة وصورتها وبعدين قدمتها للجنة الذواقة خواتي لوووول

المهم أنا حاطة من ضمن مكوناتها سويت شلي صوص فأختي تذوقت أول لقمة جان تلفظها وتقول حاااااااااارة وقلب وجها أحمر وقامت تهف على وجها وأنا مستغربة وقلت مو حارة بس حاطة فيها سويت شلي صوص

المهم أكلت أول لقمة وألا ذيك الحرارة اللي طخبت مخي وحسيت الحرارة نار بلساني لين أذوني ومعدتي شبت حريجة :cxxxp: وقمت أركض أدور لي شيء يطفي الحريجة في الثلاجة قعدت أدور شي يبرد ... واختي المسكينة تهف على وجها وهي شابة من الفلفل وتقول حرام عليكم أنا ما آكل فلفل :eh_s(16): وأنا أحوس أدور على أي شيء ... دورت زبدة فول سوداني بس للأسف ما لقيتها لأني كنت قارية أنها تبرد حرارة الفلفل ... المهم آخر شيء أخذت خيارة وعطيت أختي نصها وقلت أكلي وشربنا قلاصين لبن بس هم ما في فايدة وما أستمتعت بالغدا لأنه شهيتي أختربت بسبب حرارة الفلفل

المهم شنو طلع السبب تتوقعون




السبب الفلفل الصغير اللي شريته فأنا تذكرت >>> لووووول حرارة الفلفل ردت لي الذاكرة :krkrkr:


تذكرت أن هذا الفلفل أحر وأشد أنواع الفلفل حرارة في العالم

وهذي صورته علشان تديرون بالكم من خطورته


شوفوا شلون مجكنم هذي حبة فلفل داخل ملعقة الطعام الكبيرة




بس والله حرارته تحرق ديرة أختي تقول لو بالعة اللقمة جان مت ( أسم الله عليها ) وحتى الخدامات اللي متعودين على الفلفل ما قدروا عليه :krkrkr:




ديروا بالكم منه مو تنغشون نفسي وتشبون حريجة هههههه :dddds:

والله للحين أحس بطني معفوس من حرارته :krkrkr:

المهم بسوي السلطة مرة ثانية بفلفل بارد وأصورها وأحطها لكم :tomato2:​

 

[ام سلومd]

هههههههههههههههههههههههه :krkrkr::krkrkr: واي عز السلام موتيني من الضحك ترى انا كنت بشري عبالي فلفل عادي جان يقول الهندي الي بكيفان كانوا منزلين منه نمونه يقولي ماما هذا فلفل حااااااار جان اوخر عنه يامعودة الله حفظكم والله ضحكت من قلب

 

[اسراء205]

الله يعطيج الف الف عافيه على الاطباق الروعه

من زمان موداشه المطبخ بسبب الدراسه والامتحانات

 

[جوري وبنفسج]

السلام عليكم

الغالية أم سلوم ... حياج الله يا قلبي :dddds: وزين نبهج الهندي أنا محد نبهني وكليتها أنا وأختي لووووول المفروض كاتبين عليه تحذير رسمي علشان ما يستاثمون بالعالم

الغالية اسراء205 .. حياج الله يا قلبي ومروج الأروع وما عليه هانت كلها هالأسبوعين وتخلصون من الأمتحانات ولدي يخلص هالأربعاء بسوي حفلة من الوناسة لووووووووووول لأني بفتك من تدريسه شوي واقطع شعري من كثر ما حرق أعصابي :krkrkr:​

 

[login]

انتي بصراحه خطييييييييييييييييييييييييييييييييره ويعطيج ألف عافيه

شكلج تحبين الطبخ


انزين ممكن سؤال الصلصات من وين تشترينهم؟؟ من مركز سلطان؟؟ من أي فرع؟؟؟

 

[كوتوموتو*]

بصراحة يعطيج ألف عافية على هالاطباق الفنتق موفقة حبيبتي

 

[athora]

حبيبة قلبي مبروك النك اليديد
عاد صج شكل الفلفل يشوق عنونو...بس الحراره:eh_s(14):...
تدرين اللي صار فيني مغلب:dddds:
قعدت ادورج واقول منو هذه اللي
بايقه افكار زوزو ..وقعدت اقرا
الصفحات اللي طافت عشان اتاكد:dddds:

 

[حور الحلوة]

الله يعطيج العافيه ياقلبي


ماشاالله سلطاتج روووووووووووووعه


لايوقف


لايوقف




لايوقف

 

[حور الحلوة]

اي مركز سلطان تروحين ؟؟

وجبن الباركزان انا دورت عليه ما لقيته

زين اقولج او بطلبج طلب نبي طبق رئيسي من ايديج باستا جذي سوالف

والصدقين صرت اروح مركز سلطان ما الدور واقرا لا عارفه الشكل اخذ وبس هههههههههههههههههههههه

وريلي يا مرا شنو هذا هذا حق السلطه كل هذا ايه ايه

خخخخخخخخخخخخخخخخخخخخخخخخخخخخخخ

 

[كادي سويت]

ماشاء الله عليج تعجبني شغلاتج الغربيبة

 

[جوري وبنفسج]

السلام عليكم

الغالية login ... حياج الله يا قلبي وبالنسبة للصلصات تلقينها بمركز سلطان السالمية أو شرق أو الفحيحيل الصناعية أما مراكز سلطان الجملة مو كل شيء عندهم .

الغالية كوتوموتو* ... حياج الله يا قلبي وتسلمين على الطلة الحلوة

الغالية على قلبي athora ... الله يبارك فيج ههههه الظاهر ضيعتي من تأثير الأمتحانات ... وناسة ولدي خلص وأفتكيت من التدريس بس باقي بنتي الكبيرة تخلص الأسبوع الجاي ... وبالنسبة للفلفل باقي عندي كرتون مو عارفة شلون اتصرف فيه حتى الخادمات ما يبونه ههههه لا يحوشك :dddds:

الغالية حور الحلوة ... الله يعافيج يا قلبي ومروج هو الأروع أنا أكثر مركز سلطان اروح له فرع الفحيحيل . وعندي أطباق باستا روعة مصورتها بس أفضى راح أنزلها ... وبالنسبة لجبن البارميزون في أنواع في المبشور وفي اللي يكون دخل مبشرة تفرينها وينبشر لج فرش وفي اللي يكون قطعة وأنتي أما تبرشينها أو تقطعينها على حسب الرغبة والحين بحط لج الصور


طاحونة البارميزون



بارميزون المبشور


وهذا نوع ثاني مبشور


وهذا نوع يجي قطعة وحدة تبرشينه أو تقطعينه شرايح



الغالية كادي سويت ... حياج الله يا قلبي ومنورة الموضوع يا حلوة وأبشري بالوصفات الجديدة ​

 

[أم حسون]

تسلم ايدج قلبي
رمضان عالابواب ويبيله اطبق من سلطاتج الفنتق

 

[مرااااحب]

تسلم الايااادي

 

[جوري وبنفسج]

السلام عليكم


الغالية أم حسون ... حياج الله يا قلبي والله يبلغنا رمضان وأن شاء الله أدور لكم وصفات مميزة

الغالية مرااااحب ... يسلم لي مرورج يا قلبي ​

 

[رووري]

موضوع مووووووووو طبيعي
ويعطيكم الف عافية

 

[Super_Star]

يعطيج العافية و مشكورة

 

[رووري]

السلام عليكم

واليوم موعدي معاكم مع سلطة واو حدها لذيذة وسر روعتها في صلصتها

أنا أخذت طريقتها من كتاب الذواقة لعبير الراشد بس غيرت نوع الخضار وأضفت لمساتي بالصلصة

* سلطة الروبيان والخضار بصلصة الأفوكاتو *

المكونات

روبيان >> ممكن تسلقينه أو تحمسينه ( ستير فراي ) أنا حمسته بس لا يصير يابس خلو نص ونص يعني جوسي




كوسا وجزر مقصص حلقات ومشروم مقصص حلقات >> نحمسه ستير فراي نص ونص



بصل أخضر مفروم + علبة ذرة صغيرة >> من زود العجلة نسيت أصورها ههه




خس هولندي




نخلط مكونات السلطة ونحطهم بطبق التقديم


والحين الصلصة الخطيرة


حبة أفوكاتو + نص حبة فلفل أخضر حار + شريحة من الفلفل الأخضر البارد + 3 أو 4 ملاعق كبار زيت زيتون + ملعقتين كبار مايونيز + كزبرة خضراء + شبنت مجفف + عصير ليمونه + شوية صلصة صويا + ملح بالثوم + بقدونس مجفف +ملعقة وسط كمون حب










نحط كل مكونات الصلصة بالخلاط ونخلط


نصب الصلصة فوق السلطة وهذا الشكل النهائي للسلطة




وأتمنى أنها تعجبكم وصحتين على قلبكم ​

حبوووبه هاذي السلطة الخطيره ودي اسويها بس بسإلج حمستج مالت الربيان شلون حمستيها يعني مع شنو لآن شكل الربيان في لون احمر شوي ...؟

 

[جوري وبنفسج]

السلام عليكم


الغالية Super_Star حياج الله يا قلبي وتسلمين على الطلة الحلوة

الغالية ​