بسال عن هالفنادق في ماليزيا وبانكوك

[عمشه المنتفشه]

السلام عليكم

ماعليكم امر بسالكم عن هالفنادق لاننا بنقعد فيهم باذن الله


نوفوتيل كوالالمبور

فيرست وورلد

هوليداي ان بيننغ

هوليداي فيلا بيتش لنكاوي

صن واي بيراميد


وهوليداي ان سليوم اللي فبانكوك




من جميع النواحي : الخدمه النظافه الزحمه الفطور وكلشي


ومشكورين

 

[ArEEj]

فيرست وورلد الله يعينكم على الزحمه اللى فيه
من الزحمه عشان تسوين الشيك أن تأخذين رقم وتنطرين دور
الفندق كبير كبير وداخل موسوعه جينيس كاكبر فندق بالعالم
وفطوره انا نزلت له متأخر فما خذيت الا كرواسون وعصير
بس زززززززززحمه ع البوفيه
بس ها تطلعين من اللوبي على الالعاب الداخليه والمول وفيه كل شي تحتج المطاعم والكافيهات
ومنه تطلعين على الالعاب الكبيره الخارجيه
يعنى افضلهم موقع بس نصيحه انتبهى تروحين له بالويك اند مالهم

بالنسبة لهوليدي ان بييانج واااو يهبل صغير وعلى البحر مباشره وموقعه بوسط السوق الليلي وكل الانشطه البحريه عنده
وفيه نادي للاطفال الصغار وقاعه العاب للاطفال الكبار
انا حبيته مع انه مو فخم حيل بس نظيف وفطورهم يهبل وعلى الحديقه والبحر

هذيل بس اللى سكنت فيهم واقدر افيدج
رحلة موفقه

 

[M!$$.3NoNa]

لووول اسالتج روعه الصراحه مقررين انه نروح ماليزيا وبانكوك

وقررنا نحجز في النوفيتيل الي في ماليزيا
وفي
سلانجور ابراج بيراميد صن لاغون نفسكم يعني ههههههههههههههههههههههههههههههه

وبخصوص بانكوك اخوي بيروح باجر قبلنا وبتابع موضوع الفنادق اهناك ليحين ماقررنا وين

سفرتنا تاريخ 2/7 4 ايام بانكوك
ومن بانكوك الى ماليزيا
سلانجور 3 ايام
7 ايام كولالا لامبور


وبس الله يسهل امورنا ان شاءلله









ناطره وياج

 

[عمشه المنتفشه]

مشكورين وايد

الفرست وورد صج وايد سمعت انه زجمه صج ضاق خلقي

انا مشكلتي اللي بلنكاوي سمعت ان كله حشرات

روزيه

عيل اكيد بنصادفكم انا بروح 7-7 اول شي كزالالمبور

 

[نفـــائس]

هولدي ان بيننغ حلو صغير وموفخم عادي واخذو اللي على البحر احلى من اللي على الجبل

ومثل ما قالت الاخت بنص السوق الليلي والالعاب مكانه حلو والفطور حلو الله على قعده الفطور والعصافير وشروق الشمس لله لله

ذكرتيني بما مضى ايااااااااااااااااام

بس اللي ما عجبني السجاد اللي حاطينه كان فية ريحة اكيد الحين شالوه ولا غيروه

 

[3e6er alwrd]

انا سكنت فندق نوفوتيل كوالالمبور حلو ونظيف ووايد قريب من التونز تاورز وشارع العرب
صنواي لاقون انا سكنت بالريزورت وايد حلو مو بالباراميد بس هم يمدحونه

 

[M!$$.3NoNa]

مشكورين وايد

روزيه

عيل اكيد بنصادفكم انا بروح 7-7 اول شي كزالالمبور

:ggdw::ggdw:
:ggdw:

اكيد بنتلاقى لانه انا رايحه نفس وقتكم وبنسكن في النوفيتيل بذن الله :ggdw:


احنا بنكون قروب
انا وخواتي ثلاث ومرت اخوي(يعني 4 بنات)وخواني 2
وبيبي عمره 6 شهور:ggdw: عاد اذا ضحكت لج ضحكيلي لاتكنشين في ويهي ترا اصيح :0bee2e8d89:






:ggdw:نروح ونرجع بسلامه ياااارب



سؤال صغيرونو وين بتسكنون في سلانجور ! احنا لحد الآن خاطين في بالنا ابراج بيراميد !!:ggdw:

 

[عمشه المنتفشه]

نفائس

عطر الورد


ماقصرتوا ومشكورين

 

[عمشه المنتفشه]

:ggdw::ggdw:
:ggdw:

اكيد بنتلاقى لانه انا رايحه نفس وقتكم وبنسكن في النوفيتيل بذن الله :ggdw:


احنا بنكون قروب
انا وخواتي ثلاث ومرت اخوي(يعني 4 بنات)وخواني 2
وبيبي عمره 6 شهور:ggdw: عاد اذا ضحكت لج ضحكيلي لاتكنشين في ويهي ترا اصيح :0bee2e8d89:









:ggdw:نروح ونرجع بسلامه ياااارب



سؤال صغيرونو وين بتسكنون في سلانجور ! احنا لحد الآن خاطين في بالنا ابراج بيراميد !!:ggdw:

اي والله نروح ونرجع بالسلامه انشالله

احنا بنقعد في صن واي بيراميد اهيا نفسها صح ؟؟

زين شالفرق بين سيلانجور وكوالا ؟؟



لاتحاتين اذا رديتلج الضحكه يعني انا

عاد انا بكوت مع ريلي يعني ماقد راخذ راحتي والا جان قزيت معاج

 

[عمشه المنتفشه]

شكلي بقول لريلي نكنسل هوليدي بيج لنكاوي

يصيرنكنسل عقب ماحجزنا

 

[نورالدنيا***]

هوليدي ان بانكوك تري في اثنين حطي بالج الثاني بعيد حييل
اخذوا اللي شيت لوم يصير يم كونتيننتال روعه وستاف الخطوط الجويه الكويتيه كله ينزلون فيه روووعه
ومره فرق الانديه الكويتيه انزلوا معانا

نوفيتيل ماليزيا مجديدينا وموقعه حلوووووو

 

[سوكند]

فرست ورلد حلو وهاي كلاس بس سبحان الله ما حبيته ...الفندق اللي صج حبيته اسمه كورونيد موجود في كوالامبور في شارع بوكت بنتا اللي هو شارع العرب تخيلي احنا نطلع من الفندق مشي حق المجمعات وقبالنا شارع العرب مال المطاعم يمااااااااااااااااا ذكرتوني بأيام عجيبه...بس صج نصيحه اسكنوه نظيف وراقي واهم شي المجمعات حواليه:ggdw: ولا تنسون تمرون على مطعم طربوش لبناني ومطعم الرافدين وادعولي:eh_s(6):

 

[قدر وملاس]

صراحه ماليزيا معد هي حلوه زي زمان
الحين الناس تروح النمسا تركيا

 

[M!$$.3NoNa]

اي والله نروح ونرجع بالسلامه انشالله

احنا بنقعد في صن واي بيراميد اهيا نفسها صح ؟؟

زين شالفرق بين سيلانجور وكوالا ؟؟



لاتحاتين اذا رديتلج الضحكه يعني انا

عاد انا بكوت مع ريلي يعني ماقد راخذ راحتي والا جان قزيت معاج

:dddds: يبا مافي امل انقز انا وانتي
انتي عندج ريلج وانا وياي قروقوشاتي (اخواني ):dddds::dddds:

وبخصوص سؤالج شنو الفرق بين سلانجور وكولالامبور
ياطويلة العمر
سلانجور عباره عن
عدة بفنادق ومجمعين مادري ثلاثه وكلهاا منتجعات وبرك وشي يشرح الصدر
يعني منتزهات مائيه عرفتي !
مثل شسمونه الي بلكويت الاكوابارك بس على اكبررررر واحلى:dddds:
وكوالا لامبور ياحياتي على كوالالامبور
اهي عباره عن فنااااااادق ومجمعات اشكثرررررر وسوق ومطاعم واسواق شعبيه ومجمعات راقيه وكول حاقه
الفرق انه مافيها منتزهات ! عررفتي حبيبتي !:dddds:وبس هذا الفرق بينهم ..
وان شاءلله يطلع فندق النوفيتيل حلو ونظيف :ggdw:

 

[M!$$.3NoNa]

صراحه ماليزيا معد هي حلوه زي زمان
الحين الناس تروح النمسا تركيا

امبيه !! حدج ابداع !:0bee2e8d89:

كسرتي مجاديفنا وبعدين الناس اذواق :eh_s(14):

 

[ArEEj]

صراحه ماليزيا معد هي حلوه زي زمان
الحين الناس تروح النمسا تركيا

ههههه 3 مرات وما مليت منها
اذا مليت وماادرى امل ولا لا
بغير بروح ديره ثانيه
انا اهم شي عندي عيالى يحبون الديره ويرتاحون فيها
بالنمسا ما اظن ابدااااااا بيحبونها

 

[عمشه المنتفشه]

مشكورين ماقصرتوا

سالنا اذا بنغير الحجز قالوا فلوسك تروح عليكم

 

[M!$$.3NoNa]

ويي ! لا بس عيل روحو دام لفلوس اندفعت خلاص ..

معليه صدقيني بتستانسين ان شاءلله

 

[عمشه المنتفشه]

ريلي امس دق عالسفريات قالوله فيرست وورلد فيه 40 كاونتر يعني شغلك بسرعه يمشي

وانا قاريه هني ان فيه 20 كاونتر

مايندرا شنو الصج

40 كاونتر مره وحده ؟؟ شدعوه

 

[haninoooo]

عموشه حبيبتي انا رحت مرتين ماليزيا وناويه الثالثه انشالله بس عقب ما اولد بالسلامه

بس انا سكنت بكوالالمبور فندق ماريوت بصراحه حلو ونظيف وعجيب بس حده غالي وسكنت فندق كراون بلازا موتيرا صراحه واااايد حلو ونظيف والخدمه اوكي وقريب من السوق تقريبا والمره الثانيه اللي سافرت فيها هم سكنت كراون بلازا موتيرا


بس شوفي بحطلج رابط وشوفيه
كل شي عن ماليزيا من فنادق واسواق وكل شي يطري في بالج ولاتعبين
واتمنى الكل يستفيد منه

http://www.daleel-malaysia.com/modules.php?name=*******&pa=showpage&pid=9