شنونااخذ معانااااااااااااااااااااااااااااااا

[ريماا]

والله استفدت مشكووورين
بالنسبة لى
لجنطة اليد: بوكى عطرى مقلمة صغيرة فيها مكياجى اغلبة عيناات صغاار وغسول للايد ومناديل وعلبة تقليم الاظافر الصغيرة وجم لزقة جروح للحالات الطارئة عشان عيالى
الجنطة الكبيرة : ملابس زوجى ماتخلص طبعا
وبجامتين حقى وبجامتبن لكل واحد من عيالى وزوجى وسجادة صلاة
عباياتى وملفعين ولكل واحد من عيالى 4بدل حلوة وثنتين سبور للمطارات او الطلعات الطارئة وملابس داخلية ولكل واحد تكرمون جوتى تبديلة وفوط للحمام
وبجنطة صغيرة احط عدة الحمام فرش اسنان وخيط للاسنان وكريم حماية وبيبى اويل والمشوط والاولويز وشور معطر لجسمى وغسول مطهر للجسم
وجنطة صغيرة ثانية فيها ادويتنا كلها ومقياس حرارة
كثر مااقدر احاول مااكثر اغرااض معااى ..عشان الشوبنق

 

[ظبية الامارات]

اهم الاشياا ..

سجاده صلاة + بوصله + ملفع ساتر للصلاة + مصحف صغير

واطبع من الانترنت مواقيت الصلاة للدولة اللي بروحها واخذها معااي

بدي لوشن وشامبو صغير لاتقولون لي الفنادق فيها .. مايعجبووني .. ديودرنت + عطر.. مناديل معقمه ديتول .. سليبر للحمام + عدة خيااطة

مشط شباصاات . جحل بودره وكريم اساس .. نظارتي الشمسيه اللي مااستغنى عنها ابداا ..

جارج تليفون + الكاميرا والشاحن مالها + وسوكت مناسب ..


فرشاة اسناان ومعجوون والادويه وهاي اهم شي انا اشوفها لأن في بعض الدول الصيدلياات ماتصرف لج ادويه إلا من ورقة من العيااده
.. دواء البلاعيم والحمى والزكام وادويه الاسهال والامسااك وفكس وفازلين ..

نعاااال كروووكس عجيييييييييييييب هذا الصرااحه اتحسين نفسج ريشه وخفيفه وعندهم تشكيلات الفلاات الحين حلوة واايد هههههههه..

 

[ALSHD]

ماشالله البنات ماقصروا

عن تجربتي مااااااااااكو شي فادني كثر مناديييييييييل ديتووووووووووووووووووووول

تروحين وترجعين بالسلالالالامه حبيبتي

 

[الام المحبه]

هاااااااااااااااااااااااااي
بنات بروح انا واليهال الاسبوع القادم فندق اتلانتس ))))))))))) شنو اخذ وياي ؟!؟!؟!؟!؟

 

[فروحة البطوطة]

يا حلوين تآخذون استشوار واوتي اتوقع في بالفندق

 

[حبـــاري]

يا حلوين تآخذون استشوار واوتي اتوقع في بالفندق

حبايبي لا تعتمدون على اوتي الفندق
في اوتي شريته من الكتروزان اللي بشويخ يم سنتر بوينت خذيته معاي يوم رحت الحج الصراحه استفدت منه و اهو ماركة الكتروزان اوتي بخار بس تترسينه ماي و اتشغلينه و ما ياخذ مكان بالجنطه و رخيص اتوقع ب 5 دنانير​

 

[حلوى كويتيه]

حبيت اضيف شغله كنت مستخدمتها بسفرتي اللي طافة حق اللي معاهم يهال او وحده زوجها ماله شغل بالسوق يعني يقولها انطلقي وانا بقعد بالكفي

اهوى جهاز اللاسلكي بدال التلفون وتكون فيه فتحه حق الهتفون علشان محد يسمع يمج من عريبيا اللي يقطون الويه

وشكرا

 

[مزيونه وشقره]

للرفع


مع تحياتي ياحياتي

مزيونه وشقره ​

 

[q8yaa_amOra]

حبيت اضيف شغله كنت مستخدمتها بسفرتي اللي طافة حق اللي معاهم يهال او وحده زوجها ماله شغل بالسوق يعني يقولها انطلقي وانا بقعد بالكفي

اهوى جهاز اللاسلكي بدال التلفون وتكون فيه فتحه حق الهتفون علشان محد يسمع يمج من عريبيا اللي يقطون الويه

وشكرا

هذاا وين يبيعونه ماعليج أمر؟؟ اعجبتني فكرته

 

[أم نوني]

بنات بالنسبة لرش الديتول ( قصدي السبرية)
عادي ما يقولون شي اذا بحطة بالجنطة و دخله مع الشحن مو معاي طبعا ( مع انه ودي بصراحة اخذه و رش على خلق الله داخل الطيارة ههههههههههه_03ba: خصوصا مع هالانفلونزا استغفر الله)

 

[frfoora]

خوش موضوع بنات انا بسافر الاسبوع الجاي واستفدت منكم الله يجزاكم خير
بس عندي تحذير من ((((الكروكس)))) مادري اذا تابعتو برنامج انسايدر في حلقه من حلقاته المثيره وصراحه احنا غافلين عن النقطه اللي اثاروها صارت عندهم حادثه شاب لابس الكروكس بطريقه ما وهو على السلم الكهربائي دش جزء منه بالسلم طاح الولد ودشت قدمه بالحديد بس مادري شصار عقب المهم الولد اصابته جايده ....عاد حطو فقره يجربون الكروكس على السلم الكهربائي وفعلا دش بالحديد واكله السلم اختفى الكروكس الصراحه خفت قطيت اللي كانو عندي مع اني مالبسهم بالطلعه بس مادري كشيت منهم
وتقبلو مروري

 

[غلاي غير]

يووووووووووووووووه

اهم شي مكياجي وكريم الترطيب والحمايه

صابون سائل للجسم

طشت صغيرون لغسيل الملابس الخفيفه عالسريع
غلايه ولبتون وكرنيش وكبتشينو ونسكافيه وسكر وبسكوت
بطاط وشبس وعصير كيدي دي لان انا مو اي نوع اشربه ولا شبس اكله (وبيني وبينكم خخخخخخ عشان اعبي الجنطه لما يخلص الاكل صوغات ومشتروات من السفر)
وماشاء الله ماخليتم شي كل شي قلتوه لازم اخذ دوا اسهال لووووول وبنادول كوتكس وعطر

 

[مدرسة طفشانة]

مشكورين حبايبي كلكم
الصراحه استفدت وايد منكم وما عندي شي زود اضيفه
الله يسهل سفركم وتروحون وتردون بالسلامه ان شاء الله

 

[Loving Stella]

مشكورين عالنصايح وتردين باذن الله بالسلامه وتستانسون

 

[bambena]

عمري ماخديت ماجله ماحب

اهم شي شحت التلفون والكاميرا

والاوتي ادز للفندق ايميل اتاكد موجود ولا لا عشان اخد معاي

 

[أم الغلا كله]

ولا تنسون بعد كريم ( فيكس ) واللي تلبس عباية تاخذ جم عباية سبير وتخلي معاها وحدة بالمطار وخاصة اللي عيالهم صغار مرة ولدي عمره سنة ونص تقريبا تكرمون تلفني ترجيع بالطيارة من حجابي إلى أخمص قدمي سبحان الله مادري شفيه لا مريض ولا شي وطبعا قعدت أنظف عمري مع المضيفة بفوط ماي حار وغيره بس كان يوم لا ينسى تمنيت لو كان معاي غيارات حقي بعد مو بس حق ولدي وبعد ممكن ناخذ غلاية صغيرة مع عدة الشاي ( استكانات بو نقطة ومطارة صغرة) خاصة انا وزوجي كييفين شاي وانا مجربة مرة بفيينا وميونيخ نشرب عالجبل يوم الرحلة وبالسيارة بعد

 

[بنت الكويت1]

حبايبي في شغلة مهمة حق اللي يسافرون دول فيها ضريبة على الشقة انا ما سويتها من قبل بس بسويها الحين اخذ معاي السجادة اللي تنباع بالاسواق الشعبية بدينار ونص عشان افرشها بالشقة اذا اليهال قاموا يلعبون ما يوصخون على السجادة حقت الشقة لانه بنتي ماشاءالله عليها المرة اللي طافت ماخلت عصير ولالون ما حطته لهم على سجادتهم وبعدين اخذوا من عندنا الضريبة كانت 300 دولار وقال ما تكفي ابي بعد

 

[ظلال القرآن]

موضوع اينن مشكورين بنات على الي ذكرتوه :ggdw:

انا ما كتبت لك شي لاني ولا مره رحت الا وناسيه نص اغراضي يعني ما راح افيدكم:dddds:

اخر سفره رايحه شهر عسل مع ابونا متاخر 15 سنه ومو ماخذه اليهال من زود الرومانسيه :33_1185028183:

وشنو نسيت>>> الاستشوار والشعر ماشاء الله اعجيب توحفه :0bee2e8d89:

حمدالله والشكر خرعت الريال بكشتي بدال ما اونسه:lololoe:

 

[ام الفوارس]

:حتى يكون السفر ممتع ومريح خصوصا بوجود أطفال لازم تحطين خطه ماتخرش الميه للسفر .:ggdw:.وراح اقولكم خطتي الي اتبعها اذاسافرت والحمدلله كل سفره انجح من اللي قبلها..واحيانا أستغني عن أشياء كثيره من هاالأغراض اذا كنا بنسكن فندق..أما اللي راح تسكن شقه مفروشه أو بانسيون أفضلها تاخذ ::::
أولا"أدوات النظافة اشخصية من: صابون ديتول-جل معقم-معجون اسنان وفرشاة- -شامبو-كريم مرطب-ديودرنت-بودرالجوتي-شامبوعبايه((حق المحجبات اوالمنقبات)-علبه متوسطه مسحوق غسيل-فحم بخور-خلطه للفراش-نعال حمام(عزكم الله)-غوري حمام أو الهوزالشطاف اللي يبيعونه خواتنا بالمول-كوتكس(عزكم الله):eh_s(6):
ثانيا:الأدويه. حبوب بنادول-شراب المغص-شراب خاص للقيء-شراب بنادول(اللي وياه جهال بالسفر)-علبة اسعافات اوليه صغيره-.(أحط كل ماسبق في كرتون متين وألفه بالتيب.والصق عليه(قابل للكسر)احتياط..بتقولون ليش بكرتون مو جنطه؟ لأني راح استهلك كل ماسبق وماأرده وياي والشنطه انا آخذ ثنتين كبار واخلي فيها فراغ عشان الي بشتريه من هناك..
ثالثا:: الأحذيه.. اذا معاج جهال اخذي هاند باق(ترولي) وحطي فيها الصنادل أو الكروكس أو الأحذيه الرياضيه..وأنصحج ماتبالغين في هالشي..يعني اذا لبستي عيالج حق المطار جواتي سبور حطيلهم بديل واحدفقط بهالجنطه والعكس.
رابعا": جنطة الملابس..يكفي ثلاثة بناطيل مثلا" اثنين جينزغامج وفاتح و واحد برموده..والبلايزيكفي ثنتين بأكمام..وثنتين نص كم حسب جو الدوله اللي رايحتلها وجاكيت خفيف.واذا اخذتي البجايم ::لاتاخذين شي جديد اخذي بجايم عيالج اللي مليتي منم وبتقطينهمبالعربيالكحيانه والمجلحه))لاتنسين كاب حق الشمس.
خامسا" الماجله..هذي عاد اهم شي بالسفره بالنسبه لي..خبرج اوروبا مثلا ماعندهم تنويع بالمطاعم اللي ذبح اسلامي اوحلال..وانا بصراحه تلوع جبدي من مطاعمهم((واذكر مره شفت كويتيات ب ماكدونالدز اللي ب زلامسي يطلبون اصابع السمك او ناجتس على ابو حلال بس ناسين ان الدهن الي يستخدم بهالمطاعم للقلي شحم خنزير))
المهم سلمج الله.انا اخذ حق الماجله الشناط اللي مالت البر اللي يكون بداخلهاصندوق عرفتيهم؟؟ احط فيها غنجه وسط-استكانات مالوت اول -فناجيل قهوه-قفاش حوس-جدرواحد للمجبوس وصغير حق المرق(ماحب جدورهم)-صحن استيل حق النجب- معكرونة المطاحن-شاهي قهوه-هيل-زعفران-نعناع جاف-نسكافيه-علبة حليب نيدووسط-سميدوجوز هند(لزوم البسبوسه العصاري)-بلاليييط-بهارات مشكله-داقوس الاحمر-كشمش-كيس عيش بوعشره كيلو(ادمان عيش مانستغني عنه)-كرتون بسكوت المطاحن-شابوره-كرتون بونجوم(حبيب الكل)..وبس...طبعا هناك اللحم أو الدياي تشترينهم من اي محل ذبح اسلامي هناك..وانا عن نفسي كنت أريق عيالي ريوق عدل ونطلع واذا ردينا حزة قبل المغرب حق السكن أخلي الخدامه تجهز كل شي وتقصه وانا اتفنن بالطبخ..شنو مجبوس ومقلوبه ومشخووول وباشاميل..._03ba: والله عيالي كانوا ياكلون بشراهه..مولأني انااللي طبخته!!! لأن الجو والطبيعه هناك يخلون نفسج مفتوحه على طول..الحين مطلعين روحي ماياكلون كلش الا عقب مايطلعون روحي...وللعلم الطريقه هذي وفرت علينا مصاريف مو شويه وفكتنا من مطاعمهم اللي مايندرى شحاطين فبها.
وي ي ي تعبت وانا اكتب ..بس لعيونكم كل شي يهون..وسامحوني اذافيه خطأمطبعي[/

ما شاء الله
استفدت واجد من اللي كتبتيه .. الله يجدد سفركم بالخير والعافية دايما

انا احتمال اروح لندن
وافكر اسوي نفس الشي واخذ كل شي يمكن انه ينحمل بالشنط خصوصا ان احنا بنسكن في شقة
ومثل ما قلتي ما اثق في مطاعمهم من زيوتهم والكحول وهالسوالف وفي نفس الوقت توفير وما ابي اضيع وقت في تقضي سوبرماركت
باجهز القائمة من الحين

الله يعطيكم العافية

 

[almyasa]

الاشياء المهمه : مخدتي , بندول,كيـمرتي شي اساسي