بما إن العقار نازل يريت اللي شرت بيت تفيدنا شنو سوت ؟؟

[engnera]

عندي فكره حق الي تبي بيت بس لازم تصبر عقب 5 سنين
الي تبي اقولها؟ بس تقول جم معاشها اهي وريلها

 

[أخصائية تغذيه]

اراضي بو فطيره مناسبه جدا للي مو مستعيله يعني تقدر تنطر 5-7 سنوات لان البنيه التحتيه بعد ما اشتغلو فيها و السالفه امطوله و في اراضي فيها ب 65 الف و احتمال تنزل اكثر

اختي بما ان الوالد مل من الفراره قاعدين ندور ارض والاراي الله لا يواريج والله بعدها غاليه وابو فطيره بعد سنتين انشالله تكون جاهزه بس والله صارت اراضيها على 110 و115 هم غلت شلون يقولون الاراضي قاعده تنزل...؟

 

[ام خالد 78]

الله كريم

 

[versace]

حبيباتي ودي أقولكم شي مافي شي بعيد عن رب العالمين
أنا توني شارية بيت بجنوب السرة بس كنت أحس أنه مستحيل نشتري بيت
بس بالدعاء والله يابنات تسهلت علينا الأمور والحمدلله والله يرزقكم كل وحدة فيكم ويرزق أختي توأمي يارب

 

[أخصائية تغذيه]

مساااء الخيرر...

بشروا حبوبات ماكو خبر...؟؟
عن الاراضي انزلت والا بعد..؟؟

 

[laura mercier]

ـ ـ للبيع بالفنيطيس ارض فضاء 400م بطن وظهر وساحة مراجعة 130 الف ـ ت: ‌ 97998711

* ـ للبيع أرض سكنيه بالعقيله 500م قطعه 3 مقابل المسجد والخدمات 99036256

ـ ـ للبيع أرض بالصديق فضاء 400م شارع واحد رئيسي السوم 190ألف مراجعة 200ألف ـ ت: ‌ 97998711

للبيع أرض فضاء ـ أبو فطيرة ق6 483م2 شارع واحد ـ ت: ‌ 99553996 ـ 22442698

للبيع ارض ـ في ابوفطيره قطعه 3 قسيمه 18 زاويه إرتداد مساحه 500 متر السعر 155 الف ـ ت: ‌ 94452772 ـ 94419404

للبيع ارض ـ في ابو فطيرة مساحه 500 م موقع زاوية 130 الف حد يمنع الوسطاء ـ ت: ‌ 97332612


بس حبيت اعطيكم فكره عن الاسعار الي يقولون بتنزل شهر 6 !!! يا عمي العقار الاستثماري ينزل مو السكني...

 

[عالمة الحب]

فعلا بنات مافي عقار في الكويت ينزل وبعدين هذا الكلام يوم كان في قضية علي بيت التمويل الحين بيت التمويل كسب القضية وراح ترتفع الأراضي والبيوت ونصيحه لا تسنعجتون يبي أرض وقرض من تاحكومة أحسن وبعد لازم تجمعون من الحين ولا تفكرون في القروض والله يعينكم علي الإيجار

 

[فروحة الكويتية]

ررررفع

 

[أخصائية تغذيه]

امممم...اي والله العقار قاعد يرتفع
الله كريم...

 

[ندوشة الحلوة]

انا سمعت ان الحكومة قاعده اتوزع البيوت بسرعه هالايام
صج هالكلام ولا لاْ

 

[احلى الحور]

يعني اللحين بيت التمويل عنده يشتريلي بيت ويكون اقساط معاشي مع معاش ريلي ؟؟

 

[laura mercier]

اي الحين عندهم نظام التورق ... ما يضر روحي وسأليهم...

 

[احلى الحور]

مشكورا حبيبتي يبيل نسأل

 

[SweeTa_4ever]

اللهه يكتبلناااااا بيت العمر انشالله

 

[القرآن ربيع قلبي]

اكثر موضوع شاغلني هالموضوع والله كريم

 

[الـــريـــم]

والله البيوت نار

واذا بناخذ قرض مع 70 الف مالت الحكومه

يصير 130 او 140

وماكو بيوت سنعه شهالسعر

 

[بحر الرمال]

انا غاسله ايدي

 

[espresso]

بنات العقار ترى صج نزل أبوي خذا بيت بالعقيلة من سنة ب 325 و ألحين البيت اللي يمنا ومثل ديزاينه انباع ب 260
وماادري ليش أراضي بوفطيرة ارتفعت يمكن لأن عليها اقبال !!

وجهة نظري الشخصية : التجارة لكسب المال أو الزوج يدور وظيفة ثانية ""مو انتي " ويجمع راتب هالوظيفة وما يجيسه أو انتظار بيت الحكومة و التحلي بالقناعة
ترى الكويت تغيرت وراح تتغير قبل 50 سنة محد كان متوقع يسكن عقب الدائري الرابع و ألحين الناس عادي وصلت القرين و جابر العلي و غيره .. و الخدمات طالت كل مكان .. و السيارة موجودة تودي و تييب
ما نقدر نعيش زمن غيرنا لأن ظروفنا غير عنهم !!

الأستاذة ناعمة الهاشمي تقول وتنصح : لا ترمين بمساعداتج على الريال تكدحين وتتعبين على حساب العناية بأنوثتج و ذاتج علشان تقدمين له فلوس ومساعدات ... خليه يتعب ويشقى كافي علينا طالعين من بيوتنا نشتغل ونساعد

لا تعرضين المساعدة على الريال بهالطريقة " هذا كلامها"

"السكن" مشكلة يحلها رب الأسرة وانتي الزوجة مشكلتج في الحياة انج تسعدينه وتهنينه وتكونين له سكن !!

مو احنا كويتين الحمدلله ؟؟

خلاص الي ماعنده موني هاف توو ويت !

اقروا قصة " ام الوليد "

أكرر ... هذا رايي الشخصي

 

[SweeTa_4ever]

ررررررررررررررفع وصح كلامج اسبريسووو بس ملييينه من اجار الشقه الي ندفع حق غييرنا

 

[لميس]

ان الله مع الصابرين,,,,