بما إن العقار نازل يريت اللي شرت بيت تفيدنا شنو سوت ؟؟

[أم سيف وسلطان]

الله يفرجها علينا مالنا غير الله والله كريم .............. يارب ويرزق كل وحده فينا بيتها اللي تتمناه


استغفرالله العظيم وأتوب اليه

 

[حلوى البحرين]

يا بنات البيوت الكبيره هم وغم وتبى تنظيف وخدم لا تستعجلون وتحنون على البيت من الحين نصيحتى لكم قعدوا يالشقق الصغيره الحلوه او عند الحموله وافتكوا من المسئوليه واذا عيالكم اكبروا وجمعتوا بيزات تالى اشتروا بيت عدل والله يوفق الجميع

 

[هنودة 26]

اللهم ازقني منزلا يارب العالمين

 

[ام _خلودي]

الله كريم

الله يرزقناا ويرزقكم

 

[هنودة 26]

اللهم ارزقنا في مسكن بدنياك وبجنتك

 

[Om_Ksha]

بنات العقار ترى صج نزل أبوي خذا بيت بالعقيلة من سنة ب 325 و ألحين البيت اللي يمنا ومثل ديزاينه انباع ب 260
وماادري ليش أراضي بوفطيرة ارتفعت يمكن لأن عليها اقبال !!

وجهة نظري الشخصية : التجارة لكسب المال أو الزوج يدور وظيفة ثانية ""مو انتي " ويجمع راتب هالوظيفة وما يجيسه أو انتظار بيت الحكومة و التحلي بالقناعة
ترى الكويت تغيرت وراح تتغير قبل 50 سنة محد كان متوقع يسكن عقب الدائري الرابع و ألحين الناس عادي وصلت القرين و جابر العلي و غيره .. و الخدمات طالت كل مكان .. و السيارة موجودة تودي و تييب
ما نقدر نعيش زمن غيرنا لأن ظروفنا غير عنهم !!

الأستاذة ناعمة الهاشمي تقول وتنصح : لا ترمين بمساعداتج على الريال تكدحين وتتعبين على حساب العناية بأنوثتج و ذاتج علشان تقدمين له فلوس ومساعدات ... خليه يتعب ويشقى كافي علينا طالعين من بيوتنا نشتغل ونساعد

لا تعرضين المساعدة على الريال بهالطريقة " هذا كلامها"

"السكن" مشكلة يحلها رب الأسرة وانتي الزوجة مشكلتج في الحياة انج تسعدينه وتهنينه وتكونين له سكن !!

مو احنا كويتين الحمدلله ؟؟

خلاص الي ماعنده موني هاف توو ويت !

اقروا قصة " ام الوليد "

أكرر ... هذا رايي الشخصي

شنو قصه ام الوليد ؟

وصح كلامج .. انا اول ماتزوجت واخطط واقوله وريلي بااااااااارد وطاف وترا والله لو ايمع نقدر نيب بيت بس بعدين قعدت افكر الحمدالله شقتي ابيت حمولتي زينه شالله حادني اقعد احسر على نفسي لا سفرات ولا غيره خل استانس الحين بحياتي بعديييييييييين لي الله رزقنا وكثرت المسؤليات يصير خير .. بس توني بالبدايه ليش مستعيله على رزقي ..:68_asmilies-com:

 

[طير الحب]

اللهم انزلني مُنزلاً مباركا وانت خير المنزَلين
اللهم انزلني مُنزلاً مباركا وانت خير المنزَلين
اللهم انزلني مُنزلاً مباركا وانت خير المنزَلين
اللهم انزلني مُنزلاً مباركا وانت خير المنزَلين
اللهم انزلني مُنزلاً مباركا وانت خير المنزَلين

 

[Heaven Light]

أنا أمي وأبوووي حطوا قروض على ظهورهم بس علشان نشتري بيت العمر .. وتخيلي عايشين 9 انفار ب 600 دينار بس .. وكلنا كبار ولنا مطالب وللحين ما حصللنا بيت يناسب فلوسنا ..

لا من البيت ولا من المعاش .. ياربي والله كبرنا انا عمري 21 واصغر اخواني 6 سنين .. متى متى يصير عندنا بيت واسع ..

ملينا من 3 غرف وحمام ..

يارب توسع علينا وعلى جميع المسلمين
يارب توسع علينا وعلى جميع المسلمين
يارب توسع علينا وعلى جميع المسلمين





​

تذكرون مشاركتي بنات ؟؟

تذكرون شكثر كنت متضايقة ؟؟

الحمدلله حبيت ابشركم ان الله رزقنا بيت طيب وراضين عنه صج شوي بعيد بس الف الف الحمدلله ..

بليز قولوا ما شاء الله لا حول ولا قوة الا بالله

وتدرون شنو السبب .. السبب بدعاء امي كل يوم تقوم الليل وتدعي الله وتدعي اللهم انزلني مُنزلاً مباركا وانت خير المنزَلين


يارب يوسع عليكم وعلى جميع المسلمين .. ويكفينا شر عيون الناس ..

​

 

[Om_Ksha]

^
^
آآآآآآآآآمين يارب العالمين الله يوسعها عليكم دنيا وآخره .. ويزاج الله خييييييييير على تذكر تجربتج وتخلين الواحد يتفااااائل ..

 

[سعودية!!!]

8
8
8






مبروكـ ياحلوة

جعله منزل مباركــ

 

[Heaven Light]

الله يبارك فيكم حبيباتي والفال لكم عاجلا غير آجل ..

​

 

[ليتني ما حبيت]

بنات تبون تنصدمون البيوت في السعودية طبعا انا اتكلم عن الاجار لان ابوي الله يحفظة باني بيت عود في الخبر ومؤجرة نظام شقق والله ان الشقة في السنة ب1800دينار بس لاحظو بالسنة لان ماعندهم نظام تدفعين بالشهر بالذات الشقق وازيدكم من الشعر بيت ولدخالتي توة مؤجرة فلة في الجبيل والله يابنات انا رايحة لها انها طل على البحر ومن وراء على حديقة المنطقة يعني جنج في اوروبا تتوقعون بجم اجارها بالسنة ؟والله انها ب4000الاف كويتي يابلاش مو احنا ندفع 400 دينار بالشهر على بيةت قديمة من عصر يدتي اللة يفرج همومنا للدرجة اني فكرت اعيش بالخفجي عشان بس الاجار رخيص بالسعودية

 

[om-3abodey]

اللهم ارزقني منزل مبارك يارب وانت خير المنزلين

 

[frketa1]

تذكرون مشاركتي بنات ؟؟

تذكرون شكثر كنت متضايقة ؟؟

الحمدلله حبيت ابشركم ان الله رزقنا بيت طيب وراضين عنه صج شوي بعيد بس الف الف الحمدلله ..

بليز قولوا ما شاء الله لا حول ولا قوة الا بالله

وتدرون شنو السبب .. السبب بدعاء امي كل يوم تقوم الليل وتدعي الله وتدعي اللهم انزلني مُنزلاً مباركا وانت خير المنزَلين


يارب يوسع عليكم وعلى جميع المسلمين .. ويكفينا شر عيون الناس ..

​

حبيبتي انا متابعة الموضوع ولما قريت مشاركتج حسيت ان أكو ناس حالتهم أصعب من حالتنا وكسرتي قلبي ودعيتلج والله يوم شفت ردج فرحت لكم حييييل عسى ربي يجعله منزل مبارك ويبارك لكم فيه تستاهلوون كل خير ولا تنسون تشغلون سورة البقرة كل يوم عشان يتبارك البيت وتحرسكم من الشياطين وعيون الناس

 

[Heaven Light]

حبيبتي انا متابعة الموضوع ولما قريت مشاركتج حسيت ان أكو ناس حالتهم أصعب من حالتنا وكسرتي قلبي ودعيتلج والله يوم شفت ردج فرحت لكم حييييل عسى ربي يجعله منزل مبارك ويبارك لكم فيه تستاهلوون كل خير ولا تنسون تشغلون سورة البقرة كل يوم عشان يتبارك البيت وتحرسكم من الشياطين وعيون الناس

يا قلبي يزاج الله الف خير ,, اي والله من يشوف بعض أحوال الناس يهون عليه حاله ..

والله العظيم انه يكون عندنا بيت ملك كان من سابع المستحيلات لا مو من سابع اخذي اكبر رقم وحطي يمه كلمة مستحيل ..

بس سبحآن الله هذا الدعاء وما يسوي ولما انسان يسوي بحياته خير ويقطه بحر الله يجازيه وما ينسى له هالخير وهذا كان حال امي

والحمدلله الله ما قصر وياها ..

ويارب يرزقج باللي تتمنينه عاجل غير آجل ..


​

 

[أم سيف وسلطان]

يا بنات البيوت الكبيره هم وغم وتبى تنظيف وخدم لا تستعجلون وتحنون على البيت من الحين نصيحتى لكم قعدوا يالشقق الصغيره الحلوه او عند الحموله وافتكوا من المسئوليه واذا عيالكم اكبروا وجمعتوا بيزات تالى اشتروا بيت عدل والله يوفق الجميع

وصح كلامج .. انا اول ماتزوجت واخطط واقوله وريلي بااااااااارد وطاف وترا والله لو ايمع نقدر نيب بيت بس بعدين قعدت افكر الحمدالله شقتي ابيت حمولتي زينه شالله حادني اقعد احسر على نفسي لا سفرات ولا غيره خل استانس الحين بحياتي بعديييييييييين لي الله رزقنا وكثرت المسؤليات يصير خير .. بس توني بالبدايه ليش مستعيله على رزقي ..

 

[لاتنسى الحب]

العقار لانازل زلاشي صاير ضو ماندري شنسوي وان عن نفسي ماقدر اتحمل اعيش الى إلحين في بيت الحموله تخيلو الوضع معاي انا عندي بنت اسمالله عليه بتكمل شهر 10 (5سنين) وقاعدين بغرفتين وطبعا بهالعمر الياهل يفهم كل شي على اي حركه او كلمه زانتو فاهمين قصدي وغير الدثره والاغراض بس الله يصبرني ويرزقني البيت يارب ويفرج علي وعلى كل مسلم

 

[أوركيد]

العقار بالكويت عمره ما ينزل

كله قهر للكويتيين ...ما ادري من وين 200 و260 الف عشان نشتري بيت !!!!!!!

شالسالفة !!!! الحكومة وتعطي 70..الباجي من وين !!!!!!!

 

[أوركيد]

كله من حظ هالبنوك...وعلشااانها

 

[شانييل]

الله يعينكم
لااااااااازم يا ورث يا بورصة يا تجارة لأن القروض ما تلحق على البيوت