عندي مشكله باااااااااااااااااااااااااااايخه حدها ,, تفضلوااا

[فيفالدي]

السلام عليكم






-







-







-







-


السلام عليكم بنات عندي مشكله وملوعه جبدي حيل وحاولت ولا اكو فايده


نظام شقتي مطبخ ومبطل على صالتي يعني كاونتر

المهم المطبخ انا ماطبخ فيه نهااااائيا ماستخدم شي بالمطبخ الا الثلاجه بس

وكل مادخل صالتي القا فيها ريحته مجاري عزكم الله

واستغرب من وين الريحه

اكتشفت ان الريحه من المغسله الماي الراكد الي فيها اهو الي يطلع لي الريحه

وبالصيف تزيد حيل

لاتقولين بخري وعطري انا ابخر كل حزه واعطر كل حزه

لكن في اوقات نكون نايمين ولما نقوم الصببح نلقا الصصاله ريحتها تلوع الجبد

ولا مرات نكون طالعين نرجع لها صالتي ريحتها مو اوكي


شسوي يابنات حلووووووووني

مت وانا اعطر وابخر تروح الريحه وتصير ريحته شقتي تهبل بس فتره مدتها 4 سااعات تقربيا وعقبها ترجع

 

[جوري!]

جيبي سبآك يشوف المغسله أو ينظفهآ يمكن في شي تحت مسكر أو مآشيآت ..

 

[happy&single]

اشتري هاااربك من الجمعية وصبي بالبالوعه تكرمين كل ليله
وحطي جم حبة اسفنيك اعتقد اتعرفينه بالمغسلة
ولازم اتصبين فيها ماااي كل يوم لا تخلينها ناااشفة عشان ما تطلع ريحه
واذا هذا كله ما فاااد فتحي المغسلة من تحت غسلي القطعه البلاستيك اللي تحت اكيد مسدودة وفيها شي
وسلااامتج

 

[صلاتي-حياتي]

مادري والله بس شوفي حل للمغسله او حطي السداده السودة لما تخلصين من الغسيل يمكن تساعد وماتنتشر الريحه

عالعموم نرفع الموضوع لعيونج يابنت الوعلان

 

[طيرشلوا]

جيبي سبآك يشوف المغسله أو ينظفهآ يمكن في شي تحت مسكر أو مآشيآت ..

نفس الراى

 

[فيفالدي]

شلون في شي مسكرها وانا ماستخدمها كلش

وبعدين عزكم الله اهي مو مفتوحه اهي مقضضه صغار

يعني مافي مجال يدخل ويسدها شي

والاسفنيك جربته من قو ريحته تصير صالتي ريحته اسفنيك عشان جذي شلته



---------

مشكورين على الردود

عجبتني طريقه السداده السوا لكن مالها مكان تنحط فيه



وهذي صورتها عشان تفهمون شقصد

 

[^_^ نور ^_^]

في فالبالوعات الجديده تنشال وتنظفينها وتقطين إللي فيها بالزبالة إللي عالق مثل الفلتر
ومثل ماقالو إللي قبلي هيربك مال الحمامات بعد يستخدم كذا استخدام اهو اساسا للبواليع بكل البيت مو بس الحمام انا استخدمة للحمام والبواليع
وريحتة حلوة اخذي البرتقالي احلى شي احلى ريحة وسلامتج

 

[^_^ نور ^_^]

جربي ماتنشال إذا ماتنشال مالج إلا هيربك

 

[فيفالدي]

مشكوره حياتي بشتريه ان شاءالله

 

[.jana.]

فتحي ماي حار نص ساعه على فترات جربي هالطريقة اذكر بيتنا القديم كانت هالمشكله مسوية لنا قلق وخاصة انها كانت بحمام الضيوف الي بالصالة العوده
اعتقد هالشكلة تصير من قلة الاستخدام
جربي فتحي الماي الحار وانشالله تفيدج هالطريقة

 

[شرووفي]

صح حتى احنا عندنا هالمشكله وصرنا نصب فيها مويه هيتجي من قله الاستخدام

 

[OmYousif]

حطي بيكربونات صوديوم مع ماء حار بالليل

 

[{عسوله مطير]

^_^


عسى بنآآت يفيدونج

 

[ضماي هو وهناي]

انا بيت كبير وعندي نفس المشكله وجيراني بعد يقولون من المنطقه صرفها الصحي مو سنع الله يعينج يااختي وترى مو شرط الشقه اللي يمج تعاني لان انا جيراني اللي يمي ما يعانون اللي يعنون اللي وراي وفيه بعد اللي بقطعه ثانيه الاغلبيه يعاني وهالشي من الصرف الصحي وانا متأكده لانهم حاليا يشتغلون فيه

 

[حصووونه]

سمي بالرحمن واقري المعوذات لي صبيتي ماي بالمغسله ديري بالج موزين..باللنسبه للريحه والله مادري جربي طرق البنات

 

[ذهب]

انا كان عندي نفس المشكلة في حمامي لم سكنت في بيتي :0bee2e8d89:
جبنا سباك و قال ما في مشكلة في الصرف هذا من قلة الاستخدام لان البيت كان غير مسكون بعد البنيان مدة خمس سنوات
الحين بعد 3سنوات من الاستخدام راحت الريحة لكنها ترجع لما نسافر او لما نترك البيت فترة
علشان تتحلصين من الريحة كل يوم صبي ماي فترة في المغسلة مع ديتول
ان شاء الله تستفيدين و تنحل المشكلة​

 

[@Miss Dio@]

انا صارت بحمام اليهال فجأه ونفسج متضايقه مع اني استخدم الحمام وايد صج ريحه تضيق الخلق

 

[CoCoa Pr!nceSS]

جربي تصبين عليها كلوركس

 

[~Luxury]

تطلع لنا هالريحه احيااانا


اتوقع من الصرف

 

[ذهب]

الحمام اذا طلع ريحة فجأ يمكن في الانابيب شرخ
يحتاج تبديل الصحي