خـــاص: طالبات التربية (جامعة الكويت) ضروري اتدشون ... ((( قائمة شرف الدكاترة )))...

[فديتـ♥ترابـ♥الكويتـ]

السلام عليكم
مشكوره عــ الموضوع
(( المها ))
المهم قبل لا اتكلم عن افضل الدكاتره
حابه اوضح في فرق بين دكتورين يتكلمون عنهم البنات هم

عل حبيب <<واعتقد هذاا اللي تكلمو عنه البنات تربيه بيئيه
وعلي الحبيب<<اعتقد هذا اللي يعطي تدريس و ورشة تطبيق

وياريت توضحون اذا انا غلطانه بالاسماء


>>>>>>>>>>>>>.................<<<<<<<<<<<<<

افضل الدكااتره


التربيه:

1_ الرميضي <<اصول تربيه ..دكتور تعامل اخلاق ودرجاته حلوه والامتحان اووبن بوك

2_جيلالي بوحمامه تربيه اسلاميه <<طيوب على نياته وو هادي ..ساعات كنـــا نبي ننام بمحاضرته

3_نهى رويشد مفاهيم رياضيه <<قمه بالاسلوب والشرح والتعامل والاخلاق

4_تربيه حياتيه <<النائبه الدكتوره سلوى الجسار الله يذكرها بالخير

5_صلاح مراد مقدمة مناهج +اساليب تقويم الطفل <<للامانه االمواد غثيثه لكن الدكتور اقيمه بروفيسور
بشرحه وتعامله
مايرضى بتاخير ومايقبل الا بعذرين غياب مو اكثر ..شاركوو معاه واحضرو وافهمو الماده منه

6_علم نفس تربوي عواد الغريبه <<هالماده يعادلونها مع مبادى علم النفس
دكتوره تعامل واخلاق لازم حضور ومشاركه لكن اغلب الشرح على البنات (برسنتيشن )
واسئلة الامتحان فيها فهم يعني مواقف وجاوبي عليها من فهمج.

7_الحاسوب في التربيه :اقبال بهباني <<عجيبه لكن امتحانها عقدنا يعني ازم ندرس اللي على الانترنت
(الانترا نت،يعني الشبكه الداخليه ))+ كتاب + نوت -_- لكن جد استمتعت.

8_اداره تربويه :المحيلبي تعامل واخلاق لكن انا مماعطيت الماده حقها .

9_لغه عربيه واتصال:هند الميعان <<حبي هالدكتوره وتعاملها وتشرح نفس الكتاب بالضبط امتحاناتها هم زينه مو صعبه ولاسهله.

​

 

[روح الدنيا]

سعد شريع << رافعني يمكن 4 قريدات مع انه لو يشوفني ما يعرفني بس خوش دكتور


ابراهيم الخليفي << يعجز الكلام


و لما اتعمق بالتربيه بقولكم منو الدكاتره الزينين

 

[فديتـ♥ترابـ♥الكويتـ]

.
.

تكملة دكاتره التربيه :

10 _ فيولا فارس الببلاوي، العاب الاطفال"سيكولوجية اللعب " +خبرات تربويه <<هالدكتوره قمه في التعامل والشرح وحبوبه
ما اقد اوصفها صــج صــج احبها واحب محاضرتها ..وتعطي بوونس وايد ..وعندي خبرات كانت اسهل من العاب بوايد .


11_ سيكولوجية نمو ،ابرهيم الخليفي <<عجيبه هالماده والدكتوره حضوره حلوو ..لكن انا ماعطيتها حقها ..

12 _تربية فئات خاصه ياسر الحيلواني.. حلوه الماده يبيلها فهم للحالات عن الاعاقات بكل اشكالها وصعوبات التعلم


**الاداب **


1_تاريخ حضاره اسلاميه ..جمــال الزنكي <<ما اقدر اوصف هالدكتور شخصيه اخلاق شرح امتحاناته حلوه بعد
محاضرته عجيبه.


2_ثقافه اسلاميه سلمان العنزي <<عجيب لكن امتحاناته فيها صعوبه. ""هالماده بالشريعه"".

3_مدخل الى علم اعلام """ حسن مكي "" <<اخذو عنده ولاتسالون عنه ..هالماده حلوه لرفع المعدل..اروع دكتور مر على وكله ادعي له من شر حضور ..المحاضره كلها عن شنو يعجبكم بالاعلام وشنو مايعجبكم سواء بجرايد او تلفزيون او سينما..ووووووووايد خفيف الماده.

4_تاريخ كويت حديث ومعاصر <<عبدالله الهاجري ..طبعا غني عن التعريف هالدكتوره .



.
.

و بنـــات بالختام ..ترى كل ماده تبي حضور .. فهم ..تركيز .. فكـــل ماده لها حقهــا

وبالتوفيـــق للجميع ان شاءالله

​

 

[[..كـــــرك..]]

تاريخ كويت حديث ومعاصر <<عبدالله الهاجري ..طبعا غني عن التعريف هالدكتوره

احلى يادكتوره ههههههههه

 

[[..كـــــرك..]]

انا استغرب من اللي تمدح أشرف حافظ

يمكن بالكورس اللي خذته من قبل 2 سنتين تغير الرياال

 

[المـــــها]

احم احم:wqedqw: اخجلتم تواضعنا<<<استريحي:dddds:
اذا ما زرنا مهاوي بمنزلها المبارك<<<هييييي شفيني قلبت
قصدي موضوعها المبارك من نزور<<اي جذي تعدلي:dddds:

:bye22:

يا قلبي يا غلويه ،، و الله الموضوع تبارك فيج :hjy5jewf:​

 

[المـــــها]

انا استغرب من اللي تمدح أشرف حافظ

يمكن بالكورس اللي خذته من قبل 2 سنتين تغير الرياال

شكله تغير ،، أنا ما خذيت عنده ،، بس ما شاء الله البنات اللي ماخذين عنده ما قصروا كاتبين اسمه ،، و لي الحين 3 مرات ،، يعطيهم العافية ...​

 

[المـــــها]

إخــــــــــــتي الـعـــــزيـــــزة

(( كـــــارلـــــو فــيــــفــــاري ))

الله يعافيـــــج يا عمري ،، و مـــا قـــصــــرتي ....

تدرين القريدات تعتمد على طريقة الدكتور ،، و الله المفروض البنت تعرف الدكتور اللي بتاخذ عنده ،، و إن شاء الله الكل يستفيد من هالموضوع للتسجيل ....

و مشكووورة

 

[المـــــها]

((( فــــــــديـــــــــت تـــــــراب الــكــــــــويــت )))

يـــا هــــــلا و مــــرحــــبــا فـــيـــج يـالـــغـــــااااليـــة

مشكوووووورة يا قلبي على التوضيح ،، جزاج الله ألف خير

و الله نورتي الصفحة و ما قصرتي ،،،

 

[المـــــها]

سعد شريع << رافعني يمكن 4 قريدات مع انه لو يشوفني ما يعرفني بس خوش دكتور


ابراهيم الخليفي << يعجز الكلام


و لما اتعمق بالتربيه بقولكم منو الدكاتره الزينين

يـا هـــلا و غـــلا فيــج إخــــتي (( روح الدنـيـا )) :hjy5jewf:

مشكووورة يا قلبي ما قصرتي ،، و بانتظار عودتج مع دكاترة زينين إن شاء الله ،،،​

 

[|| NouF ||]

السلام عليكم ورحمة الله وبركآآته


مشكورة مهآآآويىى عالموضوووع


انا بالنسبة لي ... اعتبر نفسي محظوظة بإختيآآري لدكآآترتيىى ...
صارلي تقريبا ً 3 كورسآت بالجامعه مآطحت بدكتور شييين


والحمدالله على كل حآآآل :eh_s(6):




د. حمود المقـــآآطع ....
مآدة : مبادئ علم نفس تربوي ..


من أروع الدكــآآترة .. دكتور ينحط عالجرح يبرىى ..
الدكتور الوحيد اللي يشرح بظمييير ... ويشرح النوت حرف حرف
ومع ذلك ماودج يسكت ... عنده تقرير مقابلة مع معلمة مميزة عليه 20 درجة
والحظور عليه 10 درجــآآت .. والميدتيرم عليه 30 درجــة ..
والفآينل عليه 40 ...
ملتزم ،، يآخذ الغيآب كل يوم ويحآسب عالتأخيــــــــر ...
إمتحآنآته متوسطة الصعوبة ...
لكن محآظرته ممتعه جدا ً جدا ً ... انا بس مآسكه بطني واضحك ...
رفيجآتي يترجوني اطوف محاضرته وحدة بسس .. مآ أقدر اخاف يطوفني شي من سوآلف دكتور حمود . :dddds:




د. صالح الصفآر
المآدة : تربية بيئية

دكتور مميز ،، انا عن نفسي لازم كل ما امر عنده اسلم عليه .. :klhfl:
يرفع كل الشعبة قريدين .. امتحآنآته سهله كل الاسئلة من شرحه
عطآنآ خيآرين يا ننزل مقالة بالجريدة او نجمع مقالات تتكلم عن البيئة
انا نزلت مقآله ..
محآضرته كلها سوآلف وضحك ... وكلها امثله
يعني كل سطر بالكتآب لازم يطرح عليه مثآل ..
وهالشي سآعدنيىى وآجد بالإمتحآنآت ...



د. ممدوح سليمآن
المآدة : مفاهيم رياضية معاصرة

هذا الدكتور اللي صدمني صدمة عمري
هالمآدة هذي اكثر مآدة كنت مقفلة فيها
لدرجة اني ماشريت كتآب .. عارفه نفسي راح اجيب فيها F
لدرجه اني كنت اطلع من المحاضرة ابجي .. اهوه خوش دكتور حبوب ودمه خفيف
وكله ينكت بس امتحاناته واجد وانا كل الامتحانات زفت فيهم
لدرجه كنت اجيب 5 من 20 ،، و1 من 5
انصدمت بالسستم حآطلي B+
شلون مآدري
ووآيد بنآت قالولي دكتور ممدوح اذا كلمتيه حزة القريدآت يرفعج حيل .. وانا شفت مجموع درجآتي
مجموعي كان 65 وعطآني B+ :eh_s(6):


بنآآت انا بروح الصآآلون لما ارد أكمل ... :dddds:

 

[المـــــها]

يــــا هــــلا و غــــــــــــلا فيــــــــج إخـــــــــــتي

((( NouF )))

إي والله د. حمود المقاطع قمممممممة ،،، و ما شاء الله على الشرح و السوالف اللي ما تنمل ،، و المادة معاه تصير سهلة ،،،


و د. ممدوح تخيلي توه رفيجتي راحتله لما علق النتايج ،، حاط لها B+ ، و قالتله مشكور دكتور ،، يوم جت بتروح جان يقولها ،، تعالي تعالي ،، إنتي شكلج طيبة ، و رفعها A- ،،

 

[الحــور]

يــــا هــــلا و غــــــــــــلا فيــــــــج إخـــــــــــتي

((( nouf )))

إي والله د. حمود المقاطع قمممممممة ،،، و ما شاء الله على الشرح و السوالف اللي ما تنمل ،، و المادة معاه تصير سهلة ،،،


و د. ممدوح تخيلي توه رفيجتي راحتله لما علق النتايج ،، حاط لها b+ ، و قالتله مشكور دكتور ،، يوم جت بتروح جان يقولها ،، تعالي تعالي ،، إنتي شكلج طيبة ، و رفعها a- ،،

ياحليله هالدكتووور شكله كاان راايق

 

[الحــور]

انا عن نفسي

الاداب الدكتوور عبدالله احمد نحو1 قمه بالاخلاق هالدكتوور وامتحاناته سهلة ويرفع وعنده بوونص يعني عجيب

الدكتور حموود المقااطع صج انه عطاني سي بلس بس يفهم عدل ومحاضرااته وااايد حلوه وامتحاناته مو صعبة وااايد بس الفاينل ما درست لاني مريضه

الدكتور صلاااح النااجم (مدخل علم لغه ) دكتووور خلووق وحبوب حيييل والله العظيم عطاني a وانا ما قدمت عدل بالامتحااان صج الامتحاناته الميدتيرم سهلة بس الفاينل شوي صعب

الدكتور سلمااان العنزي (ثقافه اسلاميه) عطاني a ويستااهل المدح يسااعد وااايد وكله عنده بونص فوق 10 درجااات

الدكتووورة سلوى الجسااار (تدريس اجتماعيات ابتدائي )عسل هالدكتوررة بس اللحين شكلها ما تدرس لانها نائبة بمجلس الامه الله يوفقهاا

الدكتور محمد عبدالغفوور (تربية اسلامية ) محتررم هالدكتور والله يوفقه دنيا واخره ودرجاته حلووه عطاني a

الدكتووورره زهاء الصويلان(اصول تربية) تهبل هالدكتوررة وهادية بس الغياب مهم عطتني b+


تعبت اكمل بعدييين

 

[المـــــها]

يــا هـــــلا و غــــلا فــيـــج إخــــتي

((( الــحـــــــــور )))

منورة يا قلبي ،، مشكوووورة ما قصرتي

بانتظار عودتج :hjy5jewf:​

 

[فديتـ♥ترابـ♥الكويتـ]

[..كـــــرك..]

احلى يادكتوره ههههههههه

:krkrkr::krkrkr::krkrkr:

والله ما انتبهت تعبت وانا اكتب عنهم:dddds:
حسافه ...اذا مو مبينه انها بدلية بيظنون البنات انه دكتوره :krkrkr:

الله يذكره بالخير هالدكتور <<عبدالله الهاجري ..

و
المهـــآآ حيـــاج ياقلبي..
ترى ناطرين القائمه السوداء
عندج اسبوع اذا ماسويتي الموضوع انا بسويه عشــان نطيح حش بهالدكاتره :gathering::tomato2:
​

 

[المـــــها]

:krkrkr: :krkrkr: :krkrkr:

لا لا لا ،، بخليها لج ،، أفا عليج و أنا جاهزة بالأسماااء ،،

بس حرااام نكسب ذنوووووب من وراااهم


لا لا خلااااص لا تسوين تتحملين ذنوبهم :dddds:​

 

[فديتـ♥ترابـ♥الكويتـ]

.
.
لــــوووول
اي والله كــافي حشنـــا بالدكاتره بالكليــه مع البنــات:krkrkr:

متــى نتــوب ويعجبنا العجب بهالدكاتـــره
مــره قريت مقاله لبنــت عن جامعتنا ..تقول ليش كله نظرتكم تشاؤميه !!؟ يعني بس تشتكون
من سوء الدكاتره وسوء المظلات و سوء الكفتيريا !!؟ وكارهيين كــل شي !؟ وماعندنا وليش هالشي ناقص وغيره
يعني انظرو لــكل شي بنظرة تفاؤل وحب و وناسه <<وطبعا اقتنعت فتــره بهالفكــره >>لكن بو طبيع :dddds:
الله يعين ..والحمدالله على كـــل حــال والله انه احنـــا احسن من غيرنا
جني طولتها و هي قصيره !!؟ :krkrkr: ​

 

[|| NouF ||]

بـــآآك من الصـــــــآآلون ... \\:eh_s(6):




د.سعود الدوسري
المآدة : ثقآفة إسلامية


دكتور طيب وحبوب ... اغلب الشعبه خذوا قريدآت حلوة
إمتحاناته سهله حيييل وموجودة بمكتبة الشريعه ...
يعطينآ الميدتيرم مرتين .. ويأخذ الدرجة الأحسن ...
وعاد الإمتحان المره الثالثه حق اللي يبيىى ...
رفعنيىى قريد جزآه الله خير ... ويحآسب عالغيآب بكل محآضرة ومآيحآسب عالتأخير ..




د. غآزي الرشيدي
المآدة : نظــآآم تربوي في الكويت


صرآحة انا اعتبر دكتور غآزي صديقي الصدوق :dddds:
إنسآن متمكن وفآهم .. محآضرته كلها سوآلف وضحك يعطي مجآل حق كل البنآت يشآركون ..
امتحآنه الميدتيرم يعطيج الاسئلة قبل الإمتحان وإنتي تدورين الأجوبة ..
نفس الاسئلة كل كورس ..
والفآينل اوبن بوك
مآيعطي بونسآت بس يرفع قريد حق اللي حآلتهم متعسرة :eh_s(6):




د. عيسى البلهآن
المآدة : العاب الأطفال في الروضه


نظامه قديم .. يخليج تلخصين الكتاب كله .. كل اسبوع فصل
والفصل اللي لخصتيه تسوينه بالبوربوينت وتعرضينه كل اسبوع
يعطي بونس 5 درجآت حق اللي مآتغيب
وبونس حق اللي تفوز باللعبه
وبونس حق افضل مجموعه
يعني دكتور يمشي ويوزع بونسآت ...
إمتحانه شوي صعب بس الكتآب سهل جدا ..

 

[|| NouF ||]

تعبت اكمل بعدين .. \\


برب ..