مشكلتي مع الدوره

[هيااا]

السلام عليكم عليكم

عندي مشكله بنات وابيكم تساعدوني تكفون من تجاربكم

مشكلتي تنزل الدورة يوم واحد وبس واليوم الثاني تقطع

قبل ماكانت تجذي تنزل خمس او 6 ايام

الحين يوم وبس

ابي تنزل عدل شلوووون

ومشكووووورين

 

[صمت الرمال]

شوفي حبيبتي انا جربت الكركم ونزل علي الدوره حتى خفت اني يكون نزيف لا تنسيني يالغلا من دعواتك

 

[لينة2009]

حبيبتي ممكن معاك خربطه بالهرمونات وخصوصا هرمون الحليب (هذا إذا كنتي تهتمين بنفسك بدوره وما تشربين الغازيات والبارد)

 

[لينة2009]

والله يعينك

 

[bambena]

شربي حليب الصويا مرتين بالاسبوع تلقينه بمركز سلطان

منظم للدوره يرفع هرمون الاستروجين

 

[sweet noni]

وعليكم السلام ورحمة الله وبركاته

حبيبتي جربي مغلي أوراق البقدونس الطازجه وإن شاء الله يفيدك لاني دايمه اسمع انه زين لإضطرابات الدوره

وكليه بانتظام مع وجبات الطعام والسلطه حيث يحتوي على الفيتامينات المفيده (سي) و( أ) و( ب) ويحتوي على نسبه عاليه

من الكالسوم والحديد.

وابتعدي عن الاشيا البارده والمثلجات والحمضيات والموالح والبازنجان قبل متجيك الدوره بفتره واثناء الدوره .

 

[مستقبلي احلى]

شربي حبو حلوة تنزلها على طول

 

[هيااا]

خواتي صمت الرمال ***لينة 2009 ***bambena***sweet noni *** مستقبلي أحلى ***

عساكم عالقوة وبارك اللهم فيهم

اسمحولي على التأخر لظروف خاصة

المشكلة احس بلووووووووعة لما آكل وتقل شهيتي للأكل والله معاااانااااه

بجرب اللي قلتوه وعسا الله يرزقكم باللي تتمنونه ويجنبكم اللي تخشونه

 

[ندى ودموع]

حبيبتي انا عندي نفس المشكلة

من سنة تقريبا انقطعت الدورة وصارت يوم واحد بس

طنشت

بس بهالسنة زاد وزني فوق ال20 كيلوو تقريبا

وصار جنبي اليسار تحت ناحية المبايض كله يعورني

مرة من التعب دخلت المستشفى

وتحليل ورى تحليل اخر شي حولوني عيادة النسا

وبعد تحاليل عرفت دكتورتي ان عندي ضعف بالمبايض

وعطتني حبوب اسمهم داايان 35 اخذت 4 ايام وماتحملت

احس اني حامل دوخة ونفسية وترجيع وبجي بدون سبب

رجعت لها وقالت خلاص وقفيهم وتعالي بعد اسبوع على اساس ينظف جسمج من الحبوب واعطيج غيرهم

وفعلا راجعتها بعدها باسبوع وعطتني نوع ثاني

والحين لي شهرين ماشية عليهم

وزني نزل 4 كيلوو

والدورة بالشهر الثاني ننزلت عندي 3 ايام كانت قوية

قبل يوم واحد ونقطة بس وتنتهي

وبراجعها بعد انشالله الشهر الجاي بعد ماخلص حبوبي بعد دورتي هذي

وبتشوف اهي اذا لازم اكمل كورس العلاج 6 شهور ولا خلاص اوقفه لاني صرت زينه

وعلى فكرة انا مو متزوجة وعمري 26 يعني ماهي مشاكل بسبب الزواج صارت بروحها

هذرت على راسج وايد بس جد لاني دخت السبع دوخات يالله عرفت شفيني

وصج .. عندي هرمون الحليب مرتفع ..مدري شكوو :krkrkr:

وهذا اللي مأثر بعد مو بس ضعف المبايض

وسلامتج وماتشوفين شر انشالله .. وطمنيني شيصير معاج بليييييييييييز :tek:

 

[chakletaA]

لا شربي عصير البقدونس
ينزل الدوره بسرعه وحافظي على غذاء صحي
وحاولي تاكلين عسل الصبح على الريج

 

[>>روضـة الحسـن<<]

اشربي دارسين
مرقدوش ( ينظم الهرموناااااااااااااات )
حطي مره وشوى مسمار مطحون بالقهوه والله خطيره (هذه وصفه لاختنا ام وليد انا جربتها ممتازه)
لاتشربين اي شئ بارد هذا اللي يوقفها
خليج بس ع السوائل الدافية
واخيرا لازم تراجعين الطبيب يمكن هرمون الحليب مرتفع

الله يشفيج يارب

 

[هيااا]

ندى ودموع
غلا الرووح
روضة الحسن

لا خلا ولا عدم وعساكم عالقوة

 

[كعبية]

شربي مرامية تقويج ان شااللة

 

[مدرسة دين]

السلام عليكم عليكم

عندي مشكله بنات وابيكم تساعدوني تكفون من تجاربكم

مشكلتي تنزل الدورة يوم واحد وبس واليوم الثاني تقطع

قبل ماكانت تجذي تنزل خمس او 6 ايام

الحين يوم وبس

ابي تنزل عدل شلوووون

ومشكووووورين

حبيبتي أول شي لاتسبحين أول أربع أيام من الدورة .وأستعملي عشبة البردقوش تلقينها عند العطار(الحواج) وأنقعيها بماء سبق غلية لمدة 10 دقايق مع تحليتها بالسكر او العسل .((طبقي هذي النصيحة وأنت مراح تخسرين شي وأهم شي الأستحمام والله العظيم سمعت أحد صديقاتي تقول إن الماي إذا وصل منطقة الراس وأنت عليك الدورة يكون سبب رئيسي في عدم نزول الدم كرم السامع .أسألي أحد جداتك أو حريم أول ​

 

[هيااا]

كعبية بارك الله فيج

اختي مدرسة دين
صحيح اتفق معاج بان الاستحمام يقطع الدورة
للأسف اول يوم خذيت دش مرتين وثاني يوم خذيت لي دش
وادري انه غلط بس كنت مضطره مناسبات كانت عندنا
بارك الله في جهودكم الطيبه

 

[الباحثه]

حبيبتي طبقي نصايح البنات اثناء الدوره واخر يوم الدوره استخدمي مسك الطهاره الاسود
من عبد الصمد القرشي صج انه غالي اشوي بس روعه ومضمون
نصيحه لا تجازفين وتستخدمين اي مسك لا ن اللي عند عبد الصمد القرشي الاصلي وخالي من الكحول والعطور
والمسك يا الغاليه اموصيه فيه السيده عائشه رضي الله عنها قالت (تتبعي به مجري الدم) طهاره ونظافه وتطبيق للسنه
ولا تخافين اذا حسيتي بحرقه بسيط مدتها دقايق معدوده هذا دليل علي انج استخدمتيه صح لانه قاتل للبكتيريا الضاره وطارد للشياطين سبحان الله ومن بعدها بساعه او اكثر علي حسب طبيعه جسمج راح تشوفين الدم المتخزن بالرحم اشلون راح يطلع كأنه قطع ونزيف وبعد ما تنزل عليج الطهاره من الدوره وتتسبحين راح تحسين براحه وانتعاش سبحان الله صج نظافه وطهاره

ما تشوفين شر انشاءالله

 

[صمت الرمال]

>روضـة الحسـن<<, post: 10251303, member: 27766"]اشربي دارسين
مرقدوش ( ينظم الهرموناااااااااااااات )
حطي مره وشوى مسمار مطحون بالقهوه والله خطيره (هذه وصفه لاختنا ام وليد انا جربتها ممتازه)
لاتشربين اي شئ بارد هذا اللي يوقفها
خليج بس ع السوائل الدافية
واخيرا لازم تراجعين الطبيب يمكن هرمون الحليب مرتفع

الله يشفيج يارب

اختي الغاليه جعل الجنه دارك (كيف خلطة المره والمسمار وكل يوم والا ايام الدوره