اول رواية قراتيها في حياتك

[سعودية من نجد]

ماهي اول قصة اوكتاب قراتية وكم كان عمرك هي السبب بعد اللة في حبك للقراءة بالنسبةلي قرات اول قصة في لحظة من لحظات اوقات الفراغ لدى الطفولة كان عمري 13 سنة اسمها لازال عالق في ذهني(دماء على الجليد)لبنانية تركت كل شئ حتى اكملتها وانتم

 

[لينة2009]

اول كتاب قريته عمري 14كتاب رومنسيات مشهوووووووور
(روايات عبير)او اسمه (حكايات عبير)
جاني هديه من صديقه لي
صج مراهقة هاهاهاهاهاهاها

 

[استبرق أم علاوي]

اول كتاب قريته
رواية ( في هذا الليل الطويل)
قصة بنت تتنتقم من مدرستها بانها تحول تاخذ ريلها منها
كنت 14 او 15 سنه تقريبا

 

[Dancing^Queen]

اول قصه قريتها رسميا كانت نساء صغيرات
بعد بجي وانهيار وسوالف لان اهلي كانو يشوفون ان مو من سني
كان عمري تقريبا تسع سنين
ويومها اول مره افكر ان في شي اسمه حب !
وقعدت افكر ليلتها ابيه يعني انا بحب؟ واتزوج؟ ابي اصير طيبه وقويه بنفس الوقت مثل جو
وقلت بحب ابو ريلي <<<مادري ليش فكرت ان ماعنده ام الله يخلي خالتي ويحفظها يمكن متاثره بشخصيه لورنس

المهم هذي اول قصه رسميه
وغير رسميه الف ليله وليله

 

[Rimova]

اول روايه قريتها كان عمري 13 او14 ماني ذاكره
روايات عبير (مالت اختي) كان اسم القصه تنايه سيدي عجيييبه
ولما كبرت قريتها مره ثانيه لان حيييل عجبتني (شخباري)

 

[blue rose]

اول مره قريت كنت بالمتوسط يعني كان عمري تقريبا 11 سنه وكنت اقرا رجل المستحيل وروايات احسان عبدالقدوس ولي الحين اقرا بس الحين حولت على روايات عبير

 

[حلم الطفولة]

أول روايه كانت : ثقوب في الثوب الأسود

 

[lavander]

أول رواية قريتها كانت رواية00 أنثى العنكبوت00للروائية السعوديةالمتميزة..قماشة العليان.. وبعدها أدمنت كل روايتها؛
عيون على السماء.
بكاء تحت المطر.
دموع في ليلة الزفاف.

 

[naba6a]

اول روايه كان اسمها الطريق المسدود حق احسان عبدالقدوس خخخخخ من اولها طريق مسدود كانت وايد حلوه احس جني كنت اشوف فلم مصري ابيض واسود

 

[zeeen]

أول رواية قريتها لعبير تقريبا كان عمري 13
وبعدها ادمنت كل روايات عبير شطبت عليهم كلهم
والحين ما افكر ارجع لهم
وصرت اقرا لأحلام مستغانمي وهالطقه احس احلى واقوى بالاسلوب _03ba:

 

[^_^ حوراء ^_^]

انا اول روايه قريتها قبل فتره صراحه انا مو من هواة الروايات بس هاذي شدتني

اسمها ( خيال ساخن ) ..

 

[برونزية رشيقة]

أول رواية قريتها كانت لغز ( تذكرون ألغاز الجريمة البوليسية مالوت تختخ وربعه ؟؟؟؟ شخباري ) اسمها :

صاحبة النظارة السوداء .. وجنه سووها فيلم بطولة : فريد شوقي .. كنت يا 13 يا 14 سنة

الرواية الثانية : الأصلية .. الرسمية !!!

كانت رواية :

لا أنام

تأليف : إحسان عبدالقدوس ..

وشفت الفيلم بطولة فاتن حمامة .. ما عجبني ما ضبطت الشخصية .. الرواية أحلى بواااااااااااايد

 

[سعودية من نجد]

سبحان اللة اول رواية الواحد يقراها لها طعم خاص خاصة اذا كانت حلوة وعاجبتك المخ نظيف لسة ماانحشى فما تنسينها لازلت اذكر ذهب مع الريح يالها من رواية قوية تشد القارئ شدا والارض لبيرل باك ونادية ليوسف السباعي قصة رومانسية حزينة

 

[سكادا بلو]

اووول روااايه قريتهااا كانت روايه من رواايااات عبير بس للاسف مايحضررني اسمهاا

واوول كتاااب قررريته كان تحليل شخصيتك من برجك للكاتبه نينااا زغلوول

 

[Eng.shosha]

أول كتاب قريته يمكن كان عمري 14 او 13 اسمه " في الجانب المظلم "

ويعطيج العافيه

 

[سعودية من نجد]

_03ba:شكرا للجميع على الردود

 

[برونزية رشيقة]

إنتي أللي مشكووووووووووووووووورة على الموضوع .. الروعة

على فكرة لمن عجبتني رواية : لا أنام .. لإحسان عبدالقدوس .. رحت المكتبة وشريت كل رواياته .. بصراحة مو نفس قوة رواية : لا أنام ..

في رواية اسمها : الهزيمة اسمها فاطمة ( مجموعة قصصية .. الظاهر عن حياته في شبابه ) سخييييييييييييييييييييييفة ..

وعنده رواية : في بيتنا رجل .. سووها فيلم بطولة : عمر الشريف حلللللللللللللللللللللللللللللللللوة القصة والفيلم أحلى من الرواية ضابطينه

 

[برونزية رشيقة]

آمبي توني أقرا ردودي عليج .. كله مستشهدة بأفلام مصرية لووووووووووووووووووووووووووووووووووووووووووووووووووووول ..

مو القصد والله بس شسوي ذوقي الظاهر جذي ههههههههههههههههههههههههههههههههههههه .. الروايات أللي تعجبني على فكرة أشتريها وأقراها بعدين أكتشف إن مسووينها فيلم عربي ( أبيض وأسود )

 

[برونزية رشيقة]

سبحان اللة اول رواية الواحد يقراها لها طعم خاص خاصة اذا كانت حلوة وعاجبتك المخ نظيف لسة ماانحشى فما تنسينها لازلت اذكر ذهب مع الريح يالها من رواية قوية تشد القارئ شدا والارض لبيرل باك ونادية ليوسف السباعي قصة رومانسية حزينة

رواية نادية .. أهي نفسها إللي سووها فيلم عربي .. بطولة سعاد حسني عن أختين توأم ... هذي وإلا وحدة ثانية ؟؟؟

خلاااااااااااااااااااااااااااااااص مصختها هههههههههههههههههههههههههههه كل الردود رازة الأفلام المصرية :dddds:

 

[MGhola-Q8ya]

.
.

اول كتاب قريته كان الارجوحه وبفضله قمت أقرأ روايات الغموض والرومنسيه