أسيل العوضي !!!!!

[BaTTy]

حلو اذا صار يتطبق من عمر معين

 

[hiroshima twinky]

الله يعطيها العافية
وتسلم ايدينها

 

[$حبيبة عبودي$]

مااعتقد انه يصير ..
دام اسد المجلس موجود محمد هايف فأحنا بخير..
تربت يداك يامحمدهايف ..

 

[انا كويتية]

لحظة ... الجواز والبطاقة المدنية والجنسية هذي اثباتات شخصية ... ماله داعي يكون تجديدها بإذن الزوج ... هذا ماله اي علاقة بالحلال والحرام ... اهي ماقالت تسافر بدون اذن الزوج .... وبعدين الاف الحالات معلقين زوجاتهم وقضايا ومخافر ولا يصرف عليها ولا على عياله ومايدري عن زوجته ( اقصد اللي معلقها ) اذا نايمة ببيت اهلها ولا ببيت رفيجتها ويرفض ان يجدد جوازها مو خوف عليها او غارية ... لا . عناد بس فيها ... يعني اعرف وحدة علقها زوجها 6 سنين .. شلون يعني تنطر قيس ابن الملوح لما يحضر علشان يتكرم يجدد شي اهو خاص فيها .... الفكرة ان الجواز شي شخصي

 

[بطه فيها نطه]

هذي ثقه كبيره للمرأه ...بس مو كل مرأة تستاهل هالثقه ... ياريت يكون معاه شروط

معينه ... ولا على الدنيا السلام ...

 

[Sparkle]

صراحة السفهاء اهما الي موفاهمين
اولا تجديد واستخراج جواز السفر ممنوع على المراة ولو كان عمرها 100 سنة
لازم زوجها او والدها
وتعالوا شوفوا معاناة الكثيييييييير من النساء
تنحرم من السفر حتى لو لعلاج او عمرة لان زوجها الي معلقها لاي سبب معاند ومايبي يستخرجه لها او يجدده
اعرف وحدة من رفيجاتي يدتها عيوز مريضة بالسعودية ماكانت تقدر تزورها وماتت هناك حتى عزاها ماقدرت تحضرة
لان زوجها الي معلقها معااااااااااااااند ومستلعن
رغم انها ببيت اهلها من 3 سنوات
بس جذي لعااااانة يبي يذلها

وفي وحدة اسمها رباب خاجة كذا مرة تحاول تتطلق وقضيتها معروفة وريلها معلقها لعانة بعد ومن سنين واهيا معاه بالمحاكم
وعيالها بامريكا يدرسون ماكانت تقدر تروح لهم

فهذا حق المراة انسان وله كرامة موبهيمة وصخلة تنجر
والفاسدة فاسدة لو محكورة ببيتها
والطاهرة طاهرة لو دارت العالم بروحها

وتحية كبيييييييرة لاسيل العوضي فعلا نحتاج لمرأة تحس بالنساء وبمشاكلهن

كلامج على راسي صج هل قرار مفروض ينحذف كل واحد له مشاكل وظروفه الخاصه وقهرني سالفة البنت الي ما قدرت تسافر حق يدتها علشان ريلها حرام عليه يعني بتروح حق اهلها مو رايحه تسافر بروحها حق وناسه صج الناس هل ايام لا تعليق انشاء الله ينحذف أنا ما أشوف فيه شىء لي متى ننحكر وما عندنا كلمه !!! زين تسوي اسيل

 

[*مارلين_مونرو*]

والله خووش اقتراح !! ومحد بيعطي المره حقوقها غير الحريم بالمجلس و ان شاء الله بيتطبق دااام الحريم موجودين محد يقدر عليهم ..

وتركوا عنكم التفكير السيء اللي المرة بتسافر حق الخربطه واللعب..

و فكروا بهالحريم المساكين اللي متأذين و متغربلين من رياييلهم ..

 

[روح الدنيا]

!!


يا ليت يكون مع شروط مع انه معصي

 

[كندية]

ويعنييييي شفيكم بس تدووورون الهوااااش....لو ريااال قاايل القراار جاان محد تكلم.....

يااماا تصيييير وحدة ريلهاا معلقهاااا ومايدري عنهاا ومتلييعن مااايسوي لهاا جوااز وياما ويااما......شفييييكم تااخذوون الموضووع من الذيييل.......​

 

[قطوه ورديه]

خوش قرار

 

[Heaven Light]

والله حبيبتي انا مع القانون لأن شنو مره متزوجه ما يطلع لها جواز الا بإذن زوجها ..

وبعدين الناس االلي متأكدين من تربية بناتهم ما يخافون من جذي قوانين ..

والافضل أن تكون صيغة القانون كالآتي ..


يسمح باستخراج جواز السفر للمرأة المتزوجة .. والمرأة الغير متزوجة واللتي تبلغ من العمر 30 عاما فأكثر ..

لأن وايد حريم مظلومات ,, خصوصا المطلقات أو اللي ما تزوجوا وعندهم خلافات ويا اخوانهم ..​

 

[توت عنكبوت]

صحيح الكثير من النساء يعانون من سيطرة بعض الأزواج السفهاء

عساها تنحل هالمشاكل .

 

[مزونة]

هو الخبر مافيه شي
بس الله يستر من الجاي​

 

[softlady]

والله في ناس حرام الله ادرى بظروفهم

وياما رياييل سووا بلاوي لمجرد العناد

انا مع الاقتراح

 

[قطوه مكحله]

هذآ أول الغيث

صج أنه بسيط لأني متوقعة الأكبر بس الخير بقدوم

:eh_s(6):

عقبال الـ والـ بدعوى أنه ينعش الاقتصاد الكويتي وخلوآ عقولكم أوبن شوي يآجمآعة

لي متى بيضل تفكيــــــــرنا رجعي !!؟؟

عاشت أسيل العوضي على هالاقتراح وانشاء الله يوافقون :ggdw::ggdw::ggdw:

 

[لآ بيرلآ]

واااااااي عليكم !!!
انا بفهم شفيها ؟!!

شبيصير ؟!

مو شرط السالفة فيها مشاكل و عناد رياييل و طلاق و سوالف ..
ممكن السالفة ابوها ريال كبير .. متوفي .. اي شي !!

امبيه مو صج مو صججججججج !!
وين قاعدين احنا بالعصر الحجري ؟ و الا بالجاهلية ؟!
المرة قالت كفروا ؟ قلبوها سمردحة ؟ ما قالت شي !!

اختي ترا اذا اهيا مو عاجبتج و الا انتي ضد ترشيح المرأة لا تعممين نظرتج على قرار اذا ما فادج بيفيد غيرج !!

هذاااااااااا احنا ..
لو ريال قال هالكلمة خصووووووووووووصا اذا من الاهل و الا من الربع ياااااااااي
جان ودكم تبوسون راسه

تكفون بسنا بسنا نخلي الاشياء المهمة و ندقق على هالامور وين نتغير و نتطور اذا احنا جذي ​

 

[pama girl]

اايده لبعض الحالات للي عندها ظروف مثل ماقالو بعض الخواااات

 

[DLO3T AMHA]

ما فيها شي

 

[رند]

بالعكس انا اششوفه شي حلووو
اخذو الجانب الايجابي مو السلبي

 

[*برونزيه شقره*]

بالعكس انا شايفته خوش اقتراح
الله يعطيها العافيه