أسيل العوضي !!!!!

[NeG6a]

صراحة السفهاء اهما الي موفاهمين
اولا تجديد واستخراج جواز السفر ممنوع على المراة ولو كان عمرها 100 سنة
لازم زوجها او والدها
وتعالوا شوفوا معاناة الكثيييييييير من النساء
تنحرم من السفر حتى لو لعلاج او عمرة لان زوجها الي معلقها لاي سبب معاند ومايبي يستخرجه لها او يجدده
اعرف وحدة من رفيجاتي يدتها عيوز مريضة بالسعودية ماكانت تقدر تزورها وماتت هناك حتى عزاها ماقدرت تحضرة
لان زوجها الي معلقها معااااااااااااااند ومستلعن
رغم انها ببيت اهلها من 3 سنوات
بس جذي لعااااانة يبي يذلها

وفي وحدة اسمها رباب خاجة كذا مرة تحاول تتطلق وقضيتها معروفة وريلها معلقها لعانة بعد ومن سنين واهيا معاه بالمحاكم
وعيالها بامريكا يدرسون ماكانت تقدر تروح لهم

فهذا حق المراة انسان وله كرامة موبهيمة وصخلة تنجر
والفاسدة فاسدة لو محكورة ببيتها
والطاهرة طاهرة لو دارت العالم بروحها

وتحية كبيييييييرة لاسيل العوضي فعلا نحتاج لمرأة تحس بالنساء وبمشاكلهن

عدل كلامج ,, واعرف حرييم تطلقو ويبون يطلعون حق عياالهم جواااز عشان بسافروون مع الاهل والزووج معيي ولا راضيي يطلع لهم عشاان يحر طلييقته , وعيزو يحاولوون معااه انذلو عشانه ..

يمكن راح يستغل هالتعدييل من هالقانون بس هم راح ينفع ناااس واايد

 

[كوارين]

عادي
ساعات الاب يكون عاجز عن الطلعة
او مريض
او عايشين الاولاد عند امهم
مافيها شي

 

[سمو]

صراحة السفهاء اهما الي موفاهمين
اولا تجديد واستخراج جواز السفر ممنوع على المراة ولو كان عمرها 100 سنة
لازم زوجها او والدها
وتعالوا شوفوا معاناة الكثيييييييير من النساء
تنحرم من السفر حتى لو لعلاج او عمرة لان زوجها الي معلقها لاي سبب معاند ومايبي يستخرجه لها او يجدده
اعرف وحدة من رفيجاتي يدتها عيوز مريضة بالسعودية ماكانت تقدر تزورها وماتت هناك حتى عزاها ماقدرت تحضرة
لان زوجها الي معلقها معااااااااااااااند ومستلعن
رغم انها ببيت اهلها من 3 سنوات
بس جذي لعااااانة يبي يذلها

وفي وحدة اسمها رباب خاجة كذا مرة تحاول تتطلق وقضيتها معروفة وريلها معلقها لعانة بعد ومن سنين واهيا معاه بالمحاكم
وعيالها بامريكا يدرسون ماكانت تقدر تروح لهم

فهذا حق المراة انسان وله كرامة موبهيمة وصخلة تنجر
والفاسدة فاسدة لو محكورة ببيتها
والطاهرة طاهرة لو دارت العالم بروحها

وتحية كبيييييييرة لاسيل العوضي فعلا نحتاج لمرأة تحس بالنساء وبمشاكلهن

صج كفيتي ووفيتي ...وقلتي اللي كنت بقوله :ggdw:

اللي ايده بالماي غير اللي ايده بالنار ... يعني الحين اللي اخوها ولا ابوها ولا ريلها اللي مطلع لها جواز ما تكون سايبه :krkrkr:

 

[dectora 7elwa]

يمكن يعدلون بالقتراح ويصير بضوابط يعني مثلا للمطلقه او اللي في بينها وبين زوجها مشاكل بالمحكمه اواللي مثلا فوق ال35 وما تزوجتاو للارمله اللي مساوله عن عيالها اللي بقوله انهالاقتراح ممكن يحل مشكله شريحه من النساء وان شاء الله لا يساء استغلاله ترا الديره بعدها بخير واغلبنا ناس محافظين ونعرف ربنا

 

[kuwaitya-frawla]

عاشت اسيل العوضي



هذي البداايه و ان شاء الله ايينا كل الخير يا حريم الكويت اصحووووووووو ترى وايد مضلومين احنا بس بلا تخلف

 

[شمـ رغم الجروح وخ]

أنا مع هالقرار مافيها شي
واذا عالبنت الصالحه صالحه والفاسدة فاسدة​

 

[miss_avocado]

والله مافيها شي اصلا يزاها الله خير
تخيلو عمتي كان ريلها مسافر علاج بره الكويت و انتهى جوازها و بتسافر امبي شلووون و الله الوضع حده ويييع لوما الله سبحانه ثم واااسطة الوالد الله يحفظة جان مالها امل بجواز يديد حتى عيالها ما بيدهم شي تخيلو اصلا الوضع كلش مو حلو الحمدلله خوووش قرار

 

[أفرض هيبتي]

الله ع الاقتراح الفاشل اللي مسويته

 

[الأنوااار]

اتوقع اعضاء المجلس ينوا وضرب مخهم
هذا اللي ناقص بعد
احنا جذي و مو ملحقين على بناتنا

 

[Little_Queen]

شفيها خو ؟!؟؟!!؟


د.أسيل قالت وزعو مع كل جواز بطل مشروب ؟!؟!!؟؟؟!؟!؟!؟!!؟!؟!؟


شسالفة ترى اقصاها تجديد و استخراج جواز سفر !!!!!!!!!!!!!!!!!!!!!!!!!!!!!!!!!!!!!!!!!!!!!!!

والله بالعكس اقتراح يهبل

الحين المره الله يخليكم اهي الي تروح تسوي معاملات و تطلع اوراق و شهادات حق نفسها و حق عيالها و حق اهلها ! يت عالجواز ؟


و الحين عبالكم الي تبي تخربط .. واقفه على انه ولي امرها يطلعلها جواز ؟؟


الي تبي تخربط بتخربططططط داخل الديرة ! بتصرف نفسها يعني مو ناطرة تسافر عشان تخربط



فتحوا عيونكم و عقولكم شوي يا جماعه .... مو عشان انتو ضد اسيل العوضي تصيرون ضد كل حجيها

خلكم موضوعيين !!



و انشالله متفاءلة بالعضوات و بقراراتهم الحلوة

 

[Little_Queen]

اتوقع اعضاء المجلس ينوا وضرب مخهم
هذا اللي ناقص بعد
احنا جذي و مو ملحقين على بناتنا

شفيهم بناتنا ؟؟


الي مربي بناته صح ... ما رح يشوف منهم الا كل خير

و الي مربي بناته غلط ......... الله يهديه و يهديهم له !

 

[~*~الملكة~*~]

خلييييهم يعترضوووون


باجر لي نحطو بهالمووقف ولا احد قريب عليهم انحط بهالموووقف


ذيييك الساعه بتعرف معنى اعتراضها شنوووو


والحمدالله انه الموافقه والاعتراض مو بيدهم جااااان لعبو فينا لعب



ان شاءالله يطبقوون هالقرار لاني احس بمعاناة غيري ومابي غيرهم يعاني




لو الي مقترح هذا الاقتراح عضو ثاني غير اسيييل جانو سوو له حفله


وعااااش بوفلان وعاااشوا الفلانيين


عجبا !!!!!

 

[مفرفشة]

لو تفكرون فيها مافيها شي بلعكس في وااايد حريم محتاجين هالقرار انا اشووف مافي شي

 

[عبق الورد]

صراحة السفهاء اهما الي موفاهمين
اولا تجديد واستخراج جواز السفر ممنوع على المراة ولو كان عمرها 100 سنة
لازم زوجها او والدها
وتعالوا شوفوا معاناة الكثيييييييير من النساء
تنحرم من السفر حتى لو لعلاج او عمرة لان زوجها الي معلقها لاي سبب معاند ومايبي يستخرجه لها او يجدده
اعرف وحدة من رفيجاتي يدتها عيوز مريضة بالسعودية ماكانت تقدر تزورها وماتت هناك حتى عزاها ماقدرت تحضرة
لان زوجها الي معلقها معااااااااااااااند ومستلعن
رغم انها ببيت اهلها من 3 سنوات
بس جذي لعااااانة يبي يذلها

وفي وحدة اسمها رباب خاجة كذا مرة تحاول تتطلق وقضيتها معروفة وريلها معلقها لعانة بعد ومن سنين واهيا معاه بالمحاكم
وعيالها بامريكا يدرسون ماكانت تقدر تروح لهم

فهذا حق المراة انسان وله كرامة موبهيمة وصخلة تنجر
والفاسدة فاسدة لو محكورة ببيتها
والطاهرة طاهرة لو دارت العالم بروحها

وتحية كبيييييييرة لاسيل العوضي فعلا نحتاج لمرأة تحس بالنساء وبمشاكلهن

تسلم ايدج اللي كتبت هالكلام .. كفيتي وفيني .. انا مع هالقرار اميه بالاميه

 

[مطيريه ماركه]

لي متى بيضل تفكيــــــــرنا رجعي !!؟؟

عاشت أسيل العوضي على هالاقتراح وانشاء الله يوافقون :ggdw::ggdw::ggdw:

قطوة مآشآء الله عليج تدورين موآضيعي وردودي دوره

:eh_s(6):

مرة مآفهم مرة رجعية

الوكآد هذآ رآيي وآنا قلت مسألة البطآقة بسيطة وآنا متوقعة من الحريم الأجرأ

اللي بتقتبس رآيي تحترم حآلهآ وبلآش هالألفآظ والا تحمل اللي بيجيها !!!

:eh_s(6):

 

[مطيريه ماركه]

بنآت آنا ماني ضد هالقرآر 100 % لأن له ايجابياته أكيد

بس يمالنا من هالأفكار التحررية وآنا ضد التمآدي ليس إلآ

وأخشى أن نتمآدى بالتحرر وننسى أنّا مسلمين

وثآني شي شهالحجي بنآت شنو خرآبيط !!

شنو لعب !!

والله عيب يالكويتيات تحطون بنفسكم العيوب

ليييييييش مآشفنآ خير نسآفر عشآن نخربط

تذمون بنآت الكويت ولي وحدة قآلت فيهم شي طبيتوآ

أولى لكم ثم أولى ينبع الاحترام من ذآتنا

 

[meme_alq8]

اشوف القرار راح يفتح ابواب مالها داعي بس لو يعدلون فيه شوي احسن للحالات الخاصه

 

[*&* المميزهـ *&*]

وين الحرام او المشكله بالموضوووووووووووووووع؟؟؟؟؟؟؟؟؟؟؟؟؟؟


ترى مكتوب جواز مو زواج :*

 

[grumpy22]

مافيهاا شي
شي زين هذاا ليش مكبرين الموضوع ؟؟

 

[رائحـة المطـر‘]

ما لنا حق نحكم على الاقتراح إلا لما نقرأ نص القانون و نشوف شنو الشروط و الضوابط ،

أنا مع الفكرة في حالة واحدة بس و اللي اهي تحديد شروط معينة لقبول طلب المرأة بتجديد أو استخراج جواز السفر ...

مثلا وحدة ما عندها ولي أمر لا زوج لا أبو لا أخو شتسوي !

أو ظرف طاريء مثل القصة اللي ذكرتها وحدة من العضوات بأول الردود ..

إنه يكون ولي أمرها معلقها و اهي تبي السفر لشي فيه مصلحة مو مفسدة ..

صحيح إني ضـــد فكر و مباديء و توجهات أسيل العوضي،

لكن الحق يُقال اقتراحها ما نقدر نحكم عليه الآن و خلونا شوي نفكر بالعقل مو بالعاطفة ..