أسيل العوضي !!!!!

[Love \ Hate]

اي عادي زين تسوي ..

تدرون ليش ؟؟ لي انه في اباء متعسفين !! مايطلع حق عياله جوازات وخصوصا في حالة الطلاق ويقعدون يبتلشون !!

انا رفيجتي عمرها 20 ماعندها جواز منتهي وامها منفصله عن ابوها والابو معاند الامو مادري شكو مايطلع حق العيال جواز !!

البنت بتروح عمره مو قادره غلا لما تتزوج ؟؟ وريلها يطلعلها جواز هذا اذا صار ادمي !!

 

[coffee mad]

الصراحة عجيبة!!!! بدال ما تستانسون بهالقرار!!!

يعني إذا وحدة ريلها بارد وما يسوي شي بالبيت!!! والله أعرف حريم حتى جراج يروحون وكل شغل البيت على راسهم! يت على جواز!!!

مسكينة جوازها وجوازات عيالها منتهين من سنة ولا يروح يجدد

ومليون مرة بتسافر مع اخوانها ولا عيالها ولا اهلها وما تقدر لان الجواز مو متجدد

انتوا ما تعرفون ظروف الناس
اصلا قرار ان ولي الامر يطلع جواز حده تعسفي وما في منطق

 

[[[ عيون جابر ]]]

عاااااااااااشت أسووووله

 

[غيدآء]

ماراح يصوتون لاقتراحهااا

 

[princess89]

ما اشوف فيهااا شئ

يعني احنا نررروح الجامعات ونستخررج هوياتنا واوراقنا حتى شهادتناا

فشنو يعني اذا طلعت وحده جواازهااا

انتي مكبرره الموضوع ؟؟

احنا صح الوحده لازم زوجها ولا ابوها يطلعلهاا
بس الي ابوها متوفي وزوجها مريض او مسافر شتسوي فرضااا ؟؟؟

انا اواااافقج الرأي

 

[white~heart]

يا ليت يطبقونه البنت مو اقل من الريال يعني اهو عنده مخ واهيا لا
وشنو فيها يعني اذا البنت طلعت جواز سفرها بدون اذن ولي امرها
خو ولي امرها مو جاريه شاريها بفلوسه عشان يتحكم فيها

 

[barbie girl]

انا مع القرار

شكثر بنات نعرفهم تطلقوا وقعدوا عند اخوانهم وذاقوا المر من اخوانهم وحريمهم ومرت الاخو تسافر والاخو سكانتها مو راضي يطلع جواز لاخته


ونفس الشي رفيجتي مره كبيره بالثلاثينات ريلها هاجرها متزوج وحده ثانيه والمسكينه ما قتدر تسافر مع امها ولا خوالها لان بنتها ما عندها جواز والابو معااند والاهل يستحون يشتكون عليه


وهم انا مره بالثلاثينات ماني صغيره ودي ايدد جوازات عيالي بنفسي الحمدلله عيالي 4 ودهم يسافرون مع خوالهم وعيالهم بس ريلي باااااارد ما يحب يراجع واستحي اقول لاخواني .


انا ودي ان يسمحون لنا نسوي فيزا للخدم والله انا تمرمطت بسبة ريلي صارلي دهر ما عندي خدامه واذا يبت خدامه بالحسره يفيز لها ويسوي اوراقها واذا الخدامه طنقرت وراحت المكتب قامت علي القيامه وشوفوا متى اييبلي وحده ثانيه

 

[ام شباصه]

مافهمت وين الغلط في الموضوع
اشفيها اذا طلعت المره جوازها؟؟!؟!
بالعكس هالشغله وايد زينه
اهي ماقالت خل كل وحده تسافر بروحها
واشحقه انحط شروط لا شروط ولا شي
اصلا انا استغربت ان المره ماتقدر تطلع جوازها
بس اللي عنده نقطه مقنعه يفهمني ليش لا!!!

 

[النجوم]

هذا اللي قدرت عليه احنا وايد تحسفنا ليش انتخبناها 0 ليش ماتتكلم وتسعى في المواضيع الاهم مثل ابناء المتجنسين متى بيعطونهم جناسي عيل يصير بيوت فيها الابو والاخوان عندهم جنسيه وعيالهم اللي بلغوا سن الرشد ماعندهم جنسيه وينهم وينها عن هالمواضيع وينها عن مواضيع لجنة المراه ليش اهي مع معصومه مع رولا دشتي ليش مايخلصونا ويوافقون على حقوق المراه ويخلصونها 0
انا اقول الله ينتقم من كل واحد يوقف بطريج حقوق المراه الكويتيه وحقوق عيالها 0 بس كان همهم ينجحون بالانتخابات 0 اشوف العضوات مو قاعدين يسوون شي 0 للاسف 0

 

[ام شباصه]

ماتبي بعد البنت اذا تمت 18 سنه تسكن بروحها؟؟

واي شكووووووووو!
شصار يعني
كل شي احنا قاعدين نطلعه ونسويه بروحنا يت عالجواز يعني

 

[Ocean]

اولا برااااافو عليها و انشالله يارب يطبق و اللي موعاجبها عادي اتخلي ريلها او ابوها يسوي لها ...... ما قالوا غصب ..... ماقالت الا لحالات لا حول لها و لا قوه........... وانشالله نسمع اقتراحات احلا و احلا الصراحه محتاجين تطور ذهني

 

[قـشطه]

كنت متأمله خير ومتفائله بدخولها المجلس
لكن للاسف خاب ظني

 

[FOZQ8]

ياسلام يعني الحين قرار تجديد الجواز بأمر ولي الامر اهوا اللي بيقضب البنت عن الخراب !!
يعني لازم نسلط احد على البنالت لانهم شبهه ويبيلم احد يقضبهم !!
لا والله الزينه زينه والشينه و عندها 100 ريال ماترسوا عينها وسوت اللي فبالها
خوش قرار ياريت يتطبق واذا كان العمر صغير يكون بإذن الاب او الام مايفرقون
وللعلم انا ما تعجبني كفاءة أسيل كنائبه وتوجهاتها لكن بهالقرار كانت موفقه
وهذا المفروش يصير منكم يابنات
مو لأنها أسيل اصير ضدها حتى لو شنو قالت !!

 

[*peace*]

عن نفسي ماتفائلت باي عضوة كثر رولا دشتي
اهي الوحيدة في ظني تستاهل المجلس

خلها تتحجى كويتي عدل اول وبعدين يصير خير !!!!لاتقولون عني عنصريه بس هذا الصج

اللي تمثلنا بالمجلس ماتتجى كويتي @@ياااااااااااااااااااااالهي

 

[فراشه]

بالعكس زين تسوي يعني الام اذا راحت بتسوي حق ولدها جواز مايصير لازم الابو يعني ليش مايصير الام شفيها

 

[كويتية و لكن]

استغفر الله ياربي
بنات شفيكم تبون كلشي وما فكرتوا ان في وعيه من الحريو والبنات يمكن يضيعون بهذا القانون المراه مهما كبرت ومهما مسكت اكبر المناصب هم ما تستغني عن الرجل -- الرجل ستر للمراه وافقتوني او ما وافقتوني واللي ما توافق علي كلامي انا متاكده انها تايدني ومهما كبرت اللي تحركها عواطفها عكس الرجل وانا اقصد الرجل السوي العاقل يتصرف بعقله وهذا القانون اكيد بصالح المراه بس لانها همها تساوي الرجل وما تبيه احسن منها تعارض هذا القانون لمجرد العناد --يا مشاكل كبيره صارت والسبب الجواز بيد المراه وضاعت اطفال والسبب الجواز -- اقول خلك مراه وخل الرجل رجل وعطيه فرصه يكملك لا تصيرين رجل ينفر منك --

 

[ألماس q8]

ما فيه شي


لا تكبرون الامر بنات

 

[Queena_85]

ويعني شنو فيها


بالعكس شي حلووو وجان زين يوافقوون على الاقتراح


انتوا تتحلطمووون وماتدرون عن ظرووف الناس الثانيه


خو جواااز مو زواج الي محتاج ولي امر


يعطيييج العافيه

و انا معااااج اهوا جواز مو زواج ..و في نااس واايد يعانون من هالسالفة و عيالهم ينحكرون
و اذا سافرت من غير محرم اهني نقوول ما يصير ...
واذا لازم اذن ولي الأمر تاخذ اذن منه و اهيا تخلص الإجراءات >>>> حليتها :ggdw:
رياييل الحين مو مثل رياييل قبل ...مالهم خلق يسوون شي
على قولة المثل مادري اذا صح ولا لأ
((راحت رجال تحمي الدورازه و بقت رجال المطنزه و العازه ))>>>>> ترى ما ينطبق على الكل هذا المثل شريحة منهم
بس انا شفت نااس يبون يسافرون يزورون أهلهم بس ظروف أولياء امورهم ما تسمح انهم يطلعون جوازاتهم واذا طلعوهم بطلعة الرووح ...

 

[ام خالد 78]

ماعتقد يصير

 

[viva la glam]

خوش قرار بس مااعتقد بصير