بدايه حملة (بياض روسيات وشعور هنديه وجمال طبيعي ) تـــاريخ 1/7/2009

[" أضـــــوى "]

مســـــــــــــــــــاء الخير ..وصبأأأأأأأأح الورد لأحلا عضــــــــــــوات





بهالموضــــــــــوع راح نتشارك بيومياتنا مع البرنامج ونشجع بعض ونتنافس فيه ..

بعد ماكان الجزء الأول مخصص للتسجيل والاستفسارات ..

وهذا رابط الجزء الأول

http://www.q8yat.net/showthread.php?t=396448&page=7


وان شاء الله بنوصل لهدفنا ونفرح بالنتايج مع بعض يارب



وراح انسخ لكم البرنامج مره ثانيه للي ماشافته ..


وماابي منكم غير النشاط والاهتمام اولا ..والدعاء لي ولكل البنات ثانيا

 

[" أضـــــوى "]

بسم الله الرحمن الرحيم


جدول العنايه بالوجه :

بكتب الطلبات اللي احتمال ماتكون متوفره بالبيت :
(ماي ورد /زيت لوز مر/إسكينول ليمون او بابايا /صنفره ستيفيز بالجمعيه /غسول من اي ماركه تحبونها /صابوونه البابايا /مرطب يولاي بالتوت البري/زيت جنين القمح / للزياده موضروري اللي حابه تشتري كريم فيتامين سي من ماركه رجوفي بالصيدليه لان يمدحونه حيل/كريم بين من الشايع فقط للي حابه تستخدمه ويناسب بشرتها )


العنايه اليوميه :
صباحا :
1/غسل الوجه بالغسووول
2/غسل الوجه بصابونه البابايا
3/رش ماي الورد على الوجه <<حطوه بمرش بالحمام ورشو منه
4/ترطيب الوجه بكريم يولاي بالتوت البري او كريم فيتامين سي

مساءا:
نفس 1 و2 و3
4/ دهن الوجه والهالات بجنين القمح كل يومين والثالث استخدام كريم (بين ) الاصلي من الشايع << اللي موحابه تستخدم الكريم موضرووري واللي مايناسبها لاتستخدمه ..بس انا استخدمه من سنين وماشاء الله عجيييب ويبيض وناس صاروا زبده وللحين يستخدمونه
يعني اوضح اكثر ..أللي موحابه تستخدم كريم بين ..تحط يوميا قبل ماتنام جنين القمح ..واللي نفسي تبي تستخدمه الطريقه انج تحطين جنين القمح لمده يومين والثالث نستغني عنه ونحط كريم بين وهكذا ..يعني يومين بيووم


العنايه الاسبوعيه : كل يومين بالاسبووع نتبع هالخطوات :
1/سنفره ستيفيز من الجمعيه غسلي وجهج بالصنفره هذي

2/ تختاروون وحده من هالخلطات وتحطونها : اي خلطه تختارونها بكيفكم بس مهم نحط خلطات مرتين بالاسبووع :
* 2 م حليب بودر +ام عسل +2 م ماي ورد
*ماسك رووب + شويه خميره
*بالخلاط (بطاطه +2م حليب بودر+م متوسطه نشا) <<خلطه مزبونه وشقرا فديتها
*هرده +حليب بودر
*مره + هرده
*م شوفان +روب + ماي ورد
*للمسامات <<( 4 م ماي ورد + 4 م نشا +سكانه ماي ) يوضعون عالنار ..بعدها نتركه يدفا ونحط عالوجه



3/ نغسل الوجه بماي باي بارد جيدا
4/ نكون حاطين ماي ورد بمكعبات الثلج وناخذ ثلجه ونمررها بالوجه عشان شده وتوريده ونتأكد من اغلاق المسامات



ملاحظات :
1/انسو الكريم الاساس نسيان نهاااااااااااااااااائي الا بمناسبات ضروريه
2/ لاتعتبوون الباب الا وانتو تارسين الوجه كريم حمايه
3/ اذا كنتوا طالعين من البيت ورجعتوا ..نظفو الوجه باسكينول وقطنه
4/اللي تعالج عند دكتوور ..عادي تكمل مع علاجاتها وتتبع هالجدول بس تحرص على التنسيق بينهم




خلصت الوجه ..وبهالطريقه بنووصل لبشره تجننـــــــــــــــــــــــــــن ..

لحد يرد لين اكمــــــــــل​

 

[" أضـــــوى "]

بسم الله الرحمن الرحيم

جدول العنايه بالشعر :

الطلبات :
( تونيك سورسير من الصيدليه/فيتامين هيرفت /دابر املا /زيت خروع /زيت سمسم /حنه /سدر )

العنايه اليوميه :
1/ حبه فيتامين هيرفت بعد اي وجبه
2/وضع تونيك سورسير بفروه الراس وخاصه اماكن التساقط وتدليك الفروة لمده 5 دقايق


العنايه الاسبوعيه : يومين بالاسبوع والشاطره 3 ايام

اليووم الاول :
خلطه دابر املا
طريقه اعداده ( بالجدر دابر املا + شويه حلبه + فصووص ثوم) ونحطه بالعلبه <<والله والله هذا افضل شي للشعر وتسوا تحملون الريحه ..من بغى الزين يتحمل


اليوم الثاني :
الحنه او السدر واختاروا من هالطرق:
*حنه او سدر +ماي مغلي بصل وثوم فقط الماي وبيكون اصفر /شويه زيت خروع + شويه زيت سمسم
* حنه اوسدر +عصير ليمونه + مايونيز


اليوم الثالث : للشاطره واللي تبي تزيد الاهتمام

* خرمه جرجير بالخلاط وتدلكوون الشعر فيها


ملاحظه:
1/طبعا مااقصد باليوم الاول والثاني والثالث انهم يكون ورا بعض ..اقصد اقسم لكم الخلطات والايام متروكه لكم بس مهم يكون يومين بالاسبوع عالاقل

2/ قطعوا الاستشــــــــــوار والفوووم والبلسم

3/ نقطه مهمه جداااااا: غسلو شعركم بماي بارد ترى الماي الحار يقطع الشعر ولاتخلوون الدووش قوي علا فروة الراس ترى يقطع الشعره

4/الشامبو لازم نخففه بماي عشان مايكوون مركز وقوي

5/ لاتحطوون الدهن او الحنه على شعوركم اكثر من 3 ساعات ترى تتسكر المسامات وماتتنفس الشعره هذي نصيحة دكتوري وخبيره الشعر بصالون رنيم



انتهيت من العنايه بالشعر ..​

 

[" أضـــــوى "]

بسم الله الرحمن الرحيم

العنايه بالجسم :



اول شي بكتب الاغراض
( صابونه بابايا/الخلطه الصابونيه من مزيون وشقرا /سنفرة كاب /كركم جسم/ملح الحليب/صابونه الغار /جلسرين/جيلوسوليد/زيت خروع /فازلين زبده الكاكاو /لوشن فيتامين سي )




راح اشرح طريقه بعض الخلطات قبل مااحط تقسيمهم عالايام :

**خلطه شسالفه :
لمقادير :
1- صابون الغار
2-ماءورد
3- علبتين جلوسليد الاحمر حجم صغير
4- علبة جليسرين السائل
5- فنجال قهوه من ( زيت الزيتون + زيت الخروع + زيت اللوز المر )
6- ملعقتين كبيره كركم للجسم مو للطبخ (وهذا بتلقونه عند العطار قولو كركم للجسم وهو بيعرف وش تبون )
7/علبه فكس صغيره

واليكم الطريقه :

تبشرون الصابونه برش ناعم وبعدين تحطونها في كاس ماء ورد من الليل الى الصبح عشان يذوووووب الصابون في المويه وبعدين اذا اصبحتو تضيفون الجلوسليد والجليسرين السائل والزيوت وملعقتين كركم وعلبة الفكس الصغيرهاخلطو المقادير جميعها في خلاط كهربائي عشان تختلط زين بعدين تحفظونها في علبه زجاج عشان تبقى نظيفه وحطو عالعلبه ستيكرز كتبو عليخ خلطه شسالفه



**الخلطه الصابونيه وطبعا الاغلبيه تعرفونها وتطلبونها من الغاليه مزيونه وشقرا



** خلطتنا الخاصه وبنسميها خلطه (لندن ) :<<هالصيف انا فاصله علا لندن وابي ارووح لها غصب طيب ههههههه
هذي الخلطه علمتني عليها المغربيه وتقووول انها سر بياضها

مقاديرها (نصف علبه صنفره كاب +نص كيس ملح الحليب +1مكركم+2 م نشا+4م حليب بودر )وحطوها بعلبه وكتبوا عالاستيكرز خلطه لندن )))








الحين بكتب لكم الطريقه بالضبط بعد ماعرفتوا هالثلاث خلطات اللي فووق :



العنايه راح تكون اسبوعيه : 3 ايام بالاسبووع

اولا عنايه قبل الاستحمام :

يومين بالاسبوع :
راح نحط خلطه شسالفه علا كامل الجسم ونلبس بيجامه نسميها بيجامه الخياس )) اما ننام فيها قبل يوم السبوح او نحطها قبل السبووح ب6 ساعات


اليووم الثالث :
راح نستبدل خلطه شسالفه << ترتاحون منها وعشان التغيير
قبل السبوح وانتو بالحمام اختاروا وحده من هالخلطات وانتو بكيفكم وحطوها قبل السبوح ربع ساعه كافي
** 3م سدر +ماي دافي +2 م حليب بودر
**حليب بودر+ليمونه +ماي دافي
** هرده +1م نشا +2م حليب بودر


يعني الخلاصه ان احنا راح نتسبح 3 ايا بالاسبوع ..يومين راح نكون حاطين قبل السبوح خلطه شسالفه ونقعد فيها مده طويله ..واليوم الثالث نحط خلطه من الخلطات المنوعه اللي ذكرتها





ثانيا العنايه اثناء الاستحمام :

1/ نغسل الجسم بصابونه البابايا
2/الخلطه الصابونيه نحطها عالجسم ونتفرك بالليفه ونغسل بالماي
3/ نحط خلطه لندن ونتفرك ونغسل بماي بادر
4/ نرطب جسمنا بلوشن فيتامين سي او فازلين الكاكاو



العنايه اليوميه :
ترطيب الجسم لان الجفاف هو سبب السواد واحلا شي فازلين الكاكاو او لوشن فيتامين سي


ملاحظات :
1/ تسبحوا بماي بارد عشان يشد الجسم والصدر
2/لبسوا شورت قطن عشان مايسبب سواد الفخوذ
3 /للي تعاني من الخطوط البيضا بالجسم ..تستعمل جنين القمح واحسن ماركه اسمها وادي النحل يقولون فضيعه بس موجوده بالسعووديه او زبده كاكاو وتخلط معاها جنين القمح
4/ للي تعاني من السيليولايت تستخدم كريم نيفيا للسيليولايت وتسوي رياضه وتمشي
5/ للعرايس بالاضافه للي فوق يسوون حمام مغربي بالصالون او ييجيبون احد يسوويلهم مرتين بالشهر





ملاحظه مهمه : يرجى حفظ الخلطات خاصه خلطه لندن بالثلاجه عشان نحفظ مكوناتها ..لان الحمام فيه رطوبه ويسبب التعفن للخلطه ..حطو العلبه بكيس ودخلوها الثلاجه
__________________
استغفر الله وأتوب اليه
سبحان الله وبحمده سبحان الله العظيم​

 

[" أضـــــوى "]

بسم الله الرحمن الرحيم :


العنايه بالمنطقه الحساسه : عالاقل اربع مرات يوميا ندهن المنطقه قبل النووم

طريقتين :
اما تختارين الطريقه الاولى فقط / او تختارين الثنتين " يومين الاولى ويوم الثانيه وهكذا يعني يومين بيوم "

الطريقه الاولى :
خلطه الفازلين:
جيبوا فازلين الاصفر وشيلو نصه تقريبا عشان يصير عندنا مكان للخلطه
وضيفوا على النص اللي موجود بعلبه الفازلين (م جلسرين+م زيت لوز مر+م زيت زيتون+م ماي ورد )



الطريقه الثانيه :
كريم سودو من الصيدليه وخلطي معاه بالعلبه زيت لوز مر


ملاحظات :
1/ تجفيف المنطقه بالكلينكس جيدا اثناء غسلها
2/ مكعبات ثلج ماي ورد تفيد في شدها وتوريدها..مرروها عالمنطقه​

 

[" أضـــــوى "]

بسم الله الرحمن الرحيم

العنايه بالرجل والاكواع والركب :

نفس خلطه الفازلين مالت المنطقه الحساسه بس مهم جدا انكم تسوونها بعلبه فازلين جديده وتحطون عليها علامه انها للرجل لان موزين تستخدمون نفس العلبه اللي مخصصه للمنطقه الحساسه

قبل النوم:
خلطه الفازلين:
جيبوا فازلين الاصفر وشيلو نصه تقريبا عشان يصير عندنا مكان للخلطه
وضيفوا على النص اللي موجود بعلبه الفازلين (م جلسرين+م زيت لوز مر+م زيت زيتون+م ماي ورد )


حطوها قبل النوووم ولبسوا دلاق ضروري وحطو منها عالركب والاكواع



الصبح :
1/فركو الرجل بصنفره ستيفيز اللي نستخدمها للبشره
2/دهنوا الرجل بكريم جيلوسوليد الاحمر ولبسوا دلاق




ملاحظات :
1/ لبسوا طول اليوووم دلاق
2/حاولو ماتلبسوون صنادل او جواتي مفتوحه اذا طلعتو واللي مضطره اذا جعت تمسح رجلها باسكينول​

 

[" أضـــــوى "]

بسم الله الرحمن الرحيم

العنايه باليد :

عنايه اسبوعيه : كافي 3 مرات بالاسبووع



الخطوات :

1/ فرك اليد بليمونه او / زيت زيتون وسكر
2/فرك اليد بهرده او خلطه لندن او صنفره ستيفيز
3/ ترطيب اليد بكريم نيفيا الوردي او كريم جيلوسوليد الاحمر
4 /قبل النووم نحط كريم (بين) عاليد وفوقه فازلين << تبييض حييييييييل 3 مرات بالاسبوع



ملاحظه :
1/لاتطلعوون الا بدسوووس ضروووووووووووووووووري
2/ترطيب اليد يوميا​

 

[" أضـــــوى "]

بسم الله الرحمن الرحيم

التغذيه :

اهم نقطه وبدونها بيكوون كل شي ضايع وماله فايده

1/ اشترو فيتامين بالاضافه لفيتامين للشعر ...انا راح اشتري فيتامين زيت كبد الحوت يقولون ممتاز للبشره والاظافر والشعر بعد
2/ شرب الماي ..كثروا كثروا كثروا من الماي ..هو اساس الجمال والصفاء والصحه


3/يوميا :
** سلطه واللي ماتحبها تتغصبها
** عصير برتقال
** روب مع خيار

وكثروا من الخضراوات والفاكهه(سلطه الفاكهه عجيبه ) والسمك (اللي ماتحبه تاكل تونا )
​

 

[ضايعه بالزحمه]

الله والله وناااسه انا بعد برووح للجزء الاول واسجل لانه عندي خبره واااااااسعه بالسوالف هذي وكل الاشياء اللي جربتها وفادت ويااي بشاركهااا ويا البنااااات

يصير سر من اسراري للشعر بس شنووو وصفه ولا بملييوووون دينار تطوول الشعر وتكثفه وفوووق هذاا تعطييه لمعه من اول استعمال بس طبعا التطويل على الاقل يبيين بعد شهر وماشالله ماشاالله بعمري ما عطيتها احد ومافااادت ويااه حتى صديقاتي اللي شعوورهم مصبووغه ومنهريه من اللون الاشقر تعرفووون عاد اللون هذا بالذات شنو يهبب بالشعر

اذا مسمووح لي اقووول راح اقووول احلى واخطر الوصفات هههههههههه لا عاد اهيا مو خطيره بمعنى البشع بس يعني مو طبيعييييه والله الشاهد

 

[" أضـــــوى "]

بسم الله الرحمن الرحيم

الاهتمام بالرموش والحواجب :

راح انقل لكم طريقه العضوه الغاليه حيادر ..واللي شجعتني عليها حبيبتي الغاليه الخجل طبعي :

وانا راح اطبقها باذن الله بعد ماقريت نتايجها اللي تهبل من البنات : واللي مالها خلق تسويها في عضوه اسمها مريوما تبيعها بالمنتدى


بنقلهــــــــــــــا مثل ماكتبتها حيادر

طريقتها انج تحطينها مثل اي ماسكارا وتنامين فيها للصبح وتغسلينها علشان ترتاح العين

وتقدرين اي وقت تحطينها

بس احسن شي بالليل لأن تكونين نايمة ومرتاحة وماتفركين عينج او شي

بس لا تغرقين رموشج لأن يمكن يسيح الزيت ويدخل بيعونج بعدين يحرقج

انا مالي شغل ترى


اللهم بلغت اللهم فاشهد






المقادير :

قفشتين وسط زيت الحبة السودا ( حبة البركة )
قفشة وسط زيت خروع بريطاني مركز ( تلقينه بغرشة زجاج صغيرة شفافة وعليه لزقة لونها ازرق ) عند الحواي
قفشة وسط عسل نحل طبيييييييييييييييييييييييعي
قفشة شاي من :
نواة تمر محموصة ومطحونة ( نواة التمر معروفة من حديث الرسول عليه الصلاة والسلام بما معناه انها تحد البصر وتنبت الرمش ) وكذا وحدة مجربة هالطريقة
يعني تاخذين النواة وتغسلينها زين وتحطينها بالفرن لما تتحمص وتصير سودا
وبس تدقينها بايد الهاون او تحطينها بخلاط البهارات بتشوفينها تتفتت بسرعة
انا اسوي كمية كبيرة لما يصير عندي كمية مطحونة ومتى مابغيت اخذ منها قفشة شاي صغيرة
واللي تبي تستبدل النواة بالاثمد لو هي خايفة او شي مافي مانع

وهذا سر هالخلطة



الحين
تخلطين هالمكونات كلها في طاسة صغيرة وبعدين تعبينها بغرشة الماسكارا
وتستعملينها عادي مثل ماقلتلج بالليل احسن


وايضا عندكم ماسكرا اكرينال بالصيدليه تنفع للحواجب والرمووش​

 

[ضايعه بالزحمه]

ويييه وانا داشه بالعرض هههههههه اسفه ما اقصد

 

[" أضـــــوى "]

الله والله وناااسه انا بعد برووح للجزء الاول واسجل لانه عندي خبره واااااااسعه بالسوالف هذي وكل الاشياء اللي جربتها وفادت ويااي بشاركهااا ويا البنااااات

يصير سر من اسراري للشعر بس شنووو وصفه ولا بملييوووون دينار تطوول الشعر وتكثفه وفوووق هذاا تعطييه لمعه من اول استعمال بس طبعا التطويل على الاقل يبيين بعد شهر وماشالله ماشاالله بعمري ما عطيتها احد ومافااادت ويااه حتى صديقاتي اللي شعوورهم مصبووغه ومنهريه من اللون الاشقر تعرفووون عاد اللون هذا بالذات شنو يهبب بالشعر

اذا مسمووح لي اقووول راح اقووول احلى واخطر الوصفات هههههههههه لا عاد اهيا مو خطيره بمعنى البشع بس يعني مو طبيعييييه والله الشاهد

حبيبتي شاكرتلج يالغلا

بس احنا حددنا الوصفات والبرنامج خلاااااااص

عالعمووم عشان البنات يستفيدون حطي خلطه الشعر بالجزء الاول ..لأان هنا بس حق البرنامج

ومشكوووووووره ياقلبي

 

[ANGELICA]

وانا بحاول لاني عجاازه

زين انا بسوي كيراتين وممكن اصبغ الحنا عادي؟؟؟ لاتي قبل 6 شهور امكن ماحطيت معته تبرد عالراس

شرايج؟؟؟

 

[" أضـــــوى "]

ببدا بنفسي
اليوووم دهنت جسمي بخلطه شسالفه من العصاري وحطيت بشعري خلطه دابراملا الساعه 9 تقريبا وشوي بقووم اتسبح واتفرك بخلطه لندن وبعدها الخلطه الصابونيه ..حدي مستانسه اني صايره سنعه الله يتمم علي


امممممممممممممممم بنات انا باجر مسافره باذن الله ..يومين وراجعه ماوصيكم عالموضووع ..أبي ارجع القاكم شعله من النشاط


احبكم في الله

 

[" أضـــــوى "]

وانا بحاول لاني عجاازه

زين انا بسوي كيراتين وممكن اصبغ الحنا عادي؟؟؟ لاتي قبل 6 شهور امكن ماحطيت معته تبرد عالراس

شرايج؟؟؟

حبيبتي والله ماادري ..انتي سألي اضمن لج

 

[ضايعه بالزحمه]

لا لا لا اختي حطييي بالج لا تسوييين كيراتين وبعدييين حنه يخرب لج الاولي والتالي ترااا

اكيييييد والله انا صديقتي صاحبه مركز تجميل بالكويت وكبييير وايد ومشهوووور كنت اتناااقش مره وياهاا عن الكراتين وسولفتلي سالفه وحده نفس جذي وقالت لهااا غليتي فلوووسج بالزباله سالفه طويله عريضه قالت لي ياهاا من باااب انهااا تقوول شوفي فييه ناس ذابحه عمرها على اشيااء وتكلف وبغلطه صغيره يرووح كل شي

 

[حلوه مره]

مرحباااااااا
اضوي انا حطيت خلطة شسالفه ولبست بجامه خليتها بس حق الخلطات بس الخلطه كلها انمسحت بالبجامه عادي؟؟؟

 

[" أضـــــوى "]

مرحباااااااا
اضوي انا حطيت خلطة شسالفه ولبست بجامه خليتها بس حق الخلطات بس الخلطه كلها انمسحت بالبجامه عادي؟؟؟

اي اي عادي ياعمرررررررررررري

راح يتشربها جسمج

فديتج وعقبال ماشووفج جميله الجميلات يالزين كله

 

[مس لوتس]

ببدا بنفسي
اليوووم دهنت جسمي بخلطه شسالفه من العصاري وحطيت بشعري خلطه دابراملا الساعه 9 تقريبا وشوي بقووم اتسبح واتفرك بخلطه لندن وبعدها الخلطه الصابونيه ..حدي مستانسه اني صايره سنعه الله يتمم علي


امممممممممممممممم بنات انا باجر مسافره باذن الله ..يومين وراجعه ماوصيكم عالموضووع ..أبي ارجع القاكم شعله من النشاط


احبكم في الله

الله يردج سالمه غانمه ..

بس شوفي انا بحرس المكان بعدج :dddds:

تري اللي ماتلتزم بوريها العين الحمره وبقول اضوي طلبت كذا :tomato2:


شرايج ؟؟؟ :dddds:

احبكي ف الله :tek:

 

[سلطـ زمانها ــانة]

اللللللللللللللله ونااااااااااااااسه اخيرا بدااااا الموووووضوع

بنات مانبي سوالف جانبيه

بس دخلي قولي شنو سويتي اليوم عشان مايتشتت الموضوع بليزززززززز

انا اليوم ماسويت شي

بس بشرت صابونه الغار وحطيتها بماي الورد وباجر بخطلها واحطها بليل على جسمي وادهن شعري وانام