مشواري

[الصابرة المحتسبة]

هلا بنجودة حبيبتي ووجودج شرف ودعم لنا.

 

[HearT ChocolaTe]

أنا أشهد يا الصابرة .. كل عضوة أيدها بيد أختها دعم نفسي لها
ما تقصرووون يا أحلى مشرفات

 

[ملكة على عرشي]

للرفع

 

[HearT ChocolaTe]

مشواري مع فلذة كبدي

حركتك كانت تحيي فيني الفرح والسعادة داخل أحشائي ، مع كل مدة أيد وإصبع ومع كل رفسة ريل أقولك حبيبي
حركتك كانت منتظرة من يوم قالوا لي إنك عزوزي نظر عيني وإن الله سلمك داخل بطني بكل نبضة قلب أسمعها

كبرت يا يمه في بطني وأنا أشيلك بحنيه وأمسح عليك بحبي لأجل أحسس قلبك بقلبي .. ويوم دقت الساعه قلت ربي
ببشرني وكانت أحلى ولاده ،، لكن حسيبي على اللي كان السبب في اللإهمال ،، المكتوب مقدر يا يمه وما بيدنا غير الصبر


ما سمعت صرختك يوم وصلت ولا سمعت لك حس جنسك .. وفتحت عيني وأنا مذعورة عليك وينه وين أخذتوا عني!!
لكن للأسف تداركوا الأمر وأخفوا عني اللي ما يخافون الله ،، شفت لونك وخفت عليك لكن جهلت الأسباب

النتايج كلها سليمه !! والكسجين عال العال !! شلووون المرض طلع فجأة !! حسبي الله علي اللي كان السبب !!
أخذتك بحضي وعطيتك حليبي وأخذته من دون اخوانك الباقي رغم التعب اللي فيك !! إرادتك كانت من أول ما حطيتك
بحضني وضميتك لصدري ..إرادتك كانت أقوى حتى مني أنا ،، أقوى من أمك حلوة اللبن

تجاهلت كلام الناس اللي نقال عنك وما صدقت أقرب قريب لي وقلت أبد ما فيه إلا العافيه .. هذي المرحله اللي يقولون
إنها حالة النكران ..

أخذتك للبيت وبعدها بأسبوع راجعت فيك بالعاده للطبيب ،، وقالوا فيك خلع بالحوض .. وإنخلع قلبي وأصيح عليك
يا يمه قلت ولدي حبيبي ليته فيني مو فيه .. قالوا لا تخافين بسيط وبجهه وحده وعلاجه بسيط قلت الحمد لله وبعد شهر
يرجع كل شي عادي !!! لكن للأسف يا يمه هم تداركو الأمر وأخفوه عني آآآآه على اللي يقولون عنه طب

أطبـبك بيدي يا يمه بعد الله محد يعرف غيري أنا لك يا يمه سند وعين وغطا ..


يتبع

 

[مشاعل الشمري]

مشواري مع فلذة كبدي

حركتك كانت تحيي فيني الفرح والسعادة داخل أحشائي ، مع كل مدة أيد وإصبع ومع كل رفسة ريل أقولك حبيبي
حركتك كانت منتظرة من يوم قالوا لي إنك عزوزي نظر عيني وإن الله سلمك داخل بطني بكل نبضة قلب أسمعها

كبرت يا يمه في بطني وأنا أشيلك بحنيه وأمسح عليك بحبي لأجل أحسس قلبك بقلبي .. ويوم دقت الساعه قلت ربي
ببشرني وكانت أحلى ولاده ،، لكن حسيبي على اللي كان السبب في اللإهمال ،، المكتوب مقدر يا يمه وما بيدنا غير الصبر


ما سمعت صرختك يوم وصلت ولا سمعت لك حس جنسك .. وفتحت عيني وأنا مذعورة عليك وينه وين أخذتوا عني!!
لكن للأسف تداركوا الأمر وأخفوا عني اللي ما يخافون الله ،، شفت لونك وخفت عليك لكن جهلت الأسباب

النتايج كلها سليمه !! والكسجين عال العال !! شلووون المرض طلع فجأة !! حسبي الله علي اللي كان السبب !!
أخذتك بحضي وعطيتك حليبي وأخذته من دون اخوانك الباقي رغم التعب اللي فيك !! إرادتك كانت من أول ما حطيتك
بحضني وضميتك لصدري ..إرادتك كانت أقوى حتى مني أنا ،، أقوى من أمك حلوة اللبن

تجاهلت كلام الناس اللي نقال عنك وما صدقت أقرب قريب لي وقلت أبد ما فيه إلا العافيه .. هذي المرحله اللي يقولون
إنها حالة النكران ..

أخذتك للبيت وبعدها بأسبوع راجعت فيك بالعاده للطبيب ،، وقالوا فيك خلع بالحوض .. وإنخلع قلبي وأصيح عليك
يا يمه قلت ولدي حبيبي ليته فيني مو فيه .. قالوا لا تخافين بسيط وبجهه وحده وعلاجه بسيط قلت الحمد لله وبعد شهر
يرجع كل شي عادي !!! لكن للأسف يا يمه هم تداركو الأمر وأخفوه عني آآآآه على اللي يقولون عنه طب

أطبـبك بيدي يا يمه بعد الله محد يعرف غيري أنا لك يا يمه سند وعين وغطا ..


يتبع

الله يخليلج اياه ويخليج له ذخر:ggdw:

 

[HearT ChocolaTe]

ويخلي لج يويو فديتج يا الشمرية

 

[مباركيه]

اللهم اهدنا فيمن هديت وعافنا فيمن عافيت وتولنا فيمن توليت, وبارك لنا فيما أعطيت وقنا وأصرف عنا شر ما قضيت سبحانك تقضى ولا يقضى عليك / الله يطرح فيه البركة وياجرج رب العالمين يا الغالية

 

[HearT ChocolaTe]

اللهم آمين ..

 

[الصابرة المحتسبة]

ناطرين تكملة المشوار يالغالية.

 

[مرمر]

انا دريت عن مرمر ثاني يوم الصبح طبعا انا كاتبة من قبل شلون دريت
المهم بدي مشواري معاها من اول يوم
انصدمت وقعدت طول اليوم افكر وساكته شلون اتعامل معاها وشلون اتواصل معاها شنو احتياجاتها وشلون وشلون
انا ولدت قيصرية
سويت استقبالي ثالث ورابع يوم طلعت بليل
اول مادخلت غرفتي خذيت الاب توب وقمت اقري
الصبح قلت حق ريلي الحين نروح للدكتورة عفاف الرومي بسالها وتفحصها لي
قال انتي تعبانه وجرحج توه رفضت طبعا وانا لي حطيت شي براسي اسويه
رحت وحطيت موعد العصر حق ريم قنواتي
سادس يوم من الولادة رحت مركز الوراثة سجلتها وفحصوها وسوت التحاليل
سابع يوم سجلتها بالتدخل المبكر بالسرة وقالوا وايد صغيره صبري شوي لان لازم تسوين اوراق المجلس الاعلي للمعاقين علشان نسجلها
وبدا مشواري
مافي احد للاسف يشرح شلون تقدرين تساعدين ضناج كلهم يفحصون وبس
بديت اسوي وادور واجرب بخبرتي حتي القلب قالوا لي ثقب صغير وما يؤثر وما كنت مقتنعه لانها كانت وايد تنام ودايخة ووديتها امريكا وفعلا طلع 5 ثقوب كبار ومافي انسجة بالقلب حطوا الشبك وبالونات بالقلب
مالت العلاج الطبيعي بالتدخل المبكر لما اودي مرمر اشوفها تتعب وتقول احسن كويس دي حتتاوي وتبئي كويسة
انا وقفتها ولما سالت دكتورها بامريكا قال احسن شي انج وقفتي لان قلبي ما يتحمل
طبعا اتعامل معاها جدا طبيعي بس من الصغر كل شي اقولها عنه مثلا انا البسها اقول لها الحين نلبس ملابس حلوة علشان نطلع يالله ون تو ثري دخلي ايدج وين ايدج كاهي واوريها ايدها يالله نحطها داخل
ون تو ثري داخل طبعا اصفق لها لانها دخلت ايدها
شنو تعلمت
عرفت ايدها
عرفت داخل
تعرفت علي الارقام ون تو ثري
لازم نبدل للطلعة والطلعة يعني نركب سيارة ديد

مثلا اول ما تدخل مكان تسلم بيدها وتقول سلام وتبوسهم

اكتسب كذا شغلة من التبديل
وقيسوا عليها
والحين ولله الحمد مستواها وايد زين وما تروح مكان الا لها لمستها والعيون عليها

ماكو شي سهل ولا في شي ايي بدون ما تتعبين عليه
ولا تتعمدين علي خدامة
حتي اكلها علشان تعرفين تغذيتها شلونها

 

[مباركيه]

بارك الله فيج يا أم مرمر والله يخليج لها ومن احسن الى الأحسن بإذن الله

 

[HearT ChocolaTe]

اللهم آمين يا مباركيه .. عسى الله يبلغج فيها يا مرمر
واااااا فديتهااااااا أنا
مرمر صغيرة على الخرافي حسافه .. شي عجيب يا أم مرمر هناك وايد داون
يا حلاتهم وتحسين تفاعلهم حلووو باللعب إن شاء الله لا كبرت دخليها هناك لا تخلين

 

[HearT ChocolaTe]

بارك الله فيج يا أم مرمر والله يخليج لها ومن احسن الى الأحسن بإذن الله

وبارك الله فيج لعيون عيالج يا الغاليه .. يا ريت تعلمينا مشوارج فديتج
بأي جانب من الجوانب ولج الحريه في إختياره
مشواري في الحياة والعمل ... مشواري في الدراسه .. ..... .. الخ

:ggdw: :ggdw: :ggdw:

 

[الرهيييفه]

بسم الله
مشواري مع رهف
حملت فيها بعد زواجي بثلاث شهور كنت فرحانه حيل بالحمل وكنت حريصة على مراجعة الدكتورة بكل الأمور " سبحان الله "
جت حزة الولادة ورحت المستشفى وقعدت 3 أيام وانا اتولد وصار تعسر بالولادة وتعبت حيل بشي موطبيعي وطلعت رهف بدون صوت ولونها غريب اخترعت عبالي ماتت ولما سألتهم قلولي بالانعاش
خفت وبكيت وماكنت أعرف شنو أسوي حاولت أروح لها جناح الأطفال ماقدرت كنت تعبانه حيل والجرح مو قادرة اتحرك منه
جاني دكتور الأطفال وقالي المفاجأة " بكل بساطة بنتك ماراح تكون نفس الأطفال الطبيعيين 0
سلمت أمري لله قعدت رهف في غرفة الافاقة شهر كانت تنتقل من الحالة الشديدة الى الأخف والحمد لله

كنت يوميا اوديلها حليب من صدري وكانت من أروع اللحظات عندي
قبل لاتطلع طلب مني دكتورها الحضور 3أيام متتالية للتدريب على وضع التيوب في فمها علشان تشرب الحليب عن طريق الابرة
تعلمت وانا قلبي يتقطع عليها شلون أدخل في فمها التيوب العملية كانت تحتاج قوة قلب
طلعت معاي البيت وفرحت فيها مجرد وجودها بقربي عطاني قوة وصبر
بعدها بشهر علمتها تشرب الحليب عن طريق الرضاعة والحمدلله
بدأ مشواري من ذاك اليوم مع المستشفيات والعلاج الطبيعي ورزقني ربي باخصائيات علاج نبهوني على كثير من الأمور

وللمشوار تكملة

تكملة المشوار""2""
كانت تصيبها بعض التشجنات فديتها والله يعينها على الألم وكانت تبكي بشكل متواصل خاصة فترة الليل
وأستمريت بالعلاج الطبيعي ثلاث مرات بالاسبوع وراجعنا فيها الطب التطوري والوطني والنطق والعلاج بالعمل والخدج
وحاولت أوديها للخارج بس رفضوا لأنها صغيرة
وبعد تقريبا سنتين بدت تستجيب للعلاج وتظهر بعض التحسن وبدأت تظهر مواهبها وكل مكان كنت أروحله كنت أخذها " الجمعيةو الأماكن الترفيهية و البحر " ولحد الأن أحب اطلع معاها من بد اخوانها
لما صار عمرها اربع سنوات دخلتها المدرسة وكانت تحبي على ركبتها ورحنا التشيك ثلاث مرات والمرة الأخيرة سوت أربع عمليات والنتيجة بفضل الله بدت تخطي بس بدون توازن وكانت تطيح بشكل موطبيعي " الله يعينها "

كبرت رهف والعلاج مستمر والتحسن بفضل الله مستمر بس لازال معاها مشكلة البلع وعدم الاتزان وعدم القدرة على اخراج الحروف

وهذي من المشاكل اللي مضايقتها لأنها تتكلم مرات ومحد يفهمها فتتعب من الاستمرار بس انا اعطيها الوقت الكافي علشان تفهمني وأقولها تعطيني كلمات ثانية مشابه وقريبة من المعنى اللي تبيه وتنجح العملية معاها

تعلمت من رهف طول مشوار الثمان سنوات انه ماأستعجل بالنتيجة لأن في أمور تحتاج الى صبر
تعلمت الكفاح والمواصلة

ولازلت مع رهف نتواصل مع بعض في مشوارنا
"كلمة شكر " لأبوها له الفضل الكبير بعد الله في استمرار المشوار

لكل أم صابرة "كل الشكر لك لأنك متفاعلة مع ابنك أو ابنتك وتأكدي انهم نعمة من الله ولك الأجر عند الله "

 

[الصابرة المحتسبة]

ابداع في ابداع مشواركم ياحبايبي عسى ربي لايضيع الأجر.

 

[HearT ChocolaTe]

الحمد لله يا أم رهف ومشكووورة فديت قلبج على مشاركتج وناطرين باقي المشوار

وأنتي معانا يأجرج ويأجرنا فديتج

 

[مشاعل الشمري]

الله يجزاج الف خير
ويشفيها لج يا رب

 

[HearT ChocolaTe]

بالبداية كنت أظن أن الحوض مخلوع عندك وكنت أحسب أن اللي قالوه الأطبه صادقين فيه
وتميت في البامبرزين شهر ولا تغير شي فيك .. كنت ألاحظ أمور بس أتجاهلها على أنها عادي ومو
كل طفل نفس الثاني .. كنت واثقه أن لو فيك شي بعلموني إياه اللي أمنة نفسي بين أدينهم ..لكن مثل ما قلت لك يا يمه
خشوا الأمر عني ونامت عيوني فيك لكن عيون ربي ورحمته أبد ما نامت وكانت تمد الصبر فيك وفيني .. أخذني قلبي
لدكتور العظام ورحت وهو اللي قالي يومها أن عظامك سليمه .. واللي حصلك هو إختناق وقت الولادة

وقتها لفت فيني الدنيا وقلت شنو يعني !! ما فهمت !! علمني وشفيه ولدي !! قال ولادتج متعسره قلت لا!!
قال هذا الطفل الطبيعي وأخذ طفله يشبها بطفلي ؟؟؟ آآآآآه يا يمه قلبي تقطع وهو يقولي شوفي ولدج ...؟؟
مرتخي ما يشد معاي ؟؟ الطفل الطبيعي هذا ويلفف فيها عسى الله يخليها لأميمتها
وقتها مثل السجين ضرب قلبي .. مثل الفأس غرس قلبي .. حسيت وقتها ليش يقولون الطبيب لازم يكون بدون قلب
أخذتك بحضني ودموعي غرقتني وأنا أتداركها .. الله يا قوي قلبك يا يمه تحملت بدون ما يحطونك بالشيشه
تحملت ما يحطونك بأكسجين الحياة .. صج سبحانه (( يحي العظام وهي رميم ))
قال تحويل لطبيب الأطفال ويعلمكم بالإجراءات .. طلعت وانا اتذكر ولادتي فيك شلون ربي جعلها من أحلى الولادات
لكن الطب موسهل يا يمه ..كل شي بيدهم بعد أمر الخالق ونعم بالله الذي لا إله إلا هو سبحانه
الحي القيوم ... قعدت تضغط على بطني السستر ويكون تساعدني وانا وأنت مخنوقين بين ايدها
حسبي عليها ربي .. يا يمه .. ما ينساك اللي خلقك يا يمه

 

[الرهيييفه]

أم عزوزي
عسى الله يشافي لك ولدك
وتشوفينه من أفضل الناس

والله اني كرهت المستشفى اللي ولدت فيها حسبس الله عليهم هملوني ليما تعب الطفل وصارمعاه نقص أكسجين

 

[مشاعل الشمري]

عفيه امهات التحدي والصبر والاراده
ولا زلت اتعلم منكم
الله يثبتكم