تجـــــمع المسافرات للنمسا وألمانيا (تم دمج المواضيع)

[الحـــلوه]

احنا نبي النمسا وميونيخ؟؟

 

[شنووفه]

انا مثلج يا الحلوه انشالله مقررين انا وزوجي انروح اول شهر 10 لنمسا وميوونيخ بس ليلحين ماحجزت وبس الحين قاعد اجمع معلومات عن المناطق الي بالنمسا والفنادق ماادري اشكثر راح تكلفنه السفره وانشالله راح تكون سفرتنا عله طيران الاماراتييه ياريت البنات يقدرووون يفيدوونه ومشكوريين ويعطيكم الف عااافيه :>

 

[$$مذهلة$$]

بنات حبيباتي عيزت لي جم يوم اكتب الردود ماتوصل

الف شكر لكل اللي ردوا علي قبل اركب الطيارة والحين ولدي الحمدلله احسن

بنات انا طلعت من ميونخ والحين بسالزبرغ اليوم ثالث يوم لنا بسالزبرغ ماطلعنا جبال من يينا مطر قوي واحنا نفتر حوالين الفندق مابعدنا وايد وباجر ماشين لزلمسي يارب يتعدل الجو علشان نحلل فليساتنا خخخخ عيالي كانوا يبون الكهف الجليدي بس ماحبيت اجازف بهالجو الغيوم واصلة لي عندنا

الجو رهيب بصراحه والناس يطالعونا انا وعيالي نتمشى تحت المطر من فقر المطر اللي فينا الله يرزقه للكويت وحبايبها

اللي تصورنا بالملابس الشعبية مالتهم تدعي تقول ياليت اتيينا شمسكم اسبوع ونعطيكم جونا انا وعيالي بصوت واحد آآآآآآآمين خخخ

المهم ترى الجو مرة بارد ومرة عادي اللي بتسافر لازم تاخذ جاكيتات لها ولعيالها آنا للاسف يبت لولدي واحد ولما طلعنا نقع من المطر ولما بغيت اطلع معاه بالليل توهقت لانه مازال رطب

والشمسية ضرورية لج ولعيالج الفنادق يعطون طبعا وانا عيالي معاهم شماسي اي وترى ماينهب هني غير التكاسي انا ركبت مرة الاندر قراوند وصرت جني ضايعة عقبها مااروح الا بالتاكسي آمن لي بصراحة ولا أحب التشحطط وترى وين ماتروحين تلاقين ناس تتكلم عربي اتراك واكراد ومغاربة وتوانسه فيهم الزين اللي ينصح وفيهم الشين انا علشان اطلع من ميونخ بالتاكسي مافي احد ماسالته عن السعر لين طحت بواحد يخاف الله عسى باجر القى نفسه هني يودينا لزلمسي

والبنات اللي حجزوا بالنت انتبهوا لبطاقاتكم ترى فندقنا اللي بميونخ ساحب من بطاقتي ولا معطيني خبر لما ارجع ميونخ بشيك عليهم وانتوا تاكدوا ولاتعطونهم الرقم السري للماستر كارد انا عطيتهم الله يغربلهم ولعبوا لعب وصفروا بطاقتي من غير مايقولون لي حق شنو

وبس جني طولت السالفة اخليكم بحفظ الله والله يبعد عني وعنكم عيال الحرام

 

[شنووفه]

الله يردج بالسلالامه حبيبتي ومتابعييينج بس حبيت اسألج اشلون الجو عندهم بشهر 10 برد ولا الجو حلو ومشكووووره

 

[3e6er alwrd]

نوفه المانيا انا رحت لها قبل العام باخر ثمانيه كان برد ومطر اتوقع شهر 10 زمهرير بس وناسه انشاءالله تروحون وتستانسون بس اخذي ثقيييييييييييييل

 

[$$مذهلة$$]

الحين برد تقريبا... أتوقع 10 البرد الصجي

 

[أم@الحلوين]

مذهله عليج بألف عافيه يعني فينا وزيلامسي وميونخ برد جم درجة الحراره ؟؟


انا انشالله الخميس سفرتي طمنينا شلون الاجواء عندج وشلون انفلونزا الخنازير عندكم؟؟


شنو المطاعم الحلال في ميونخ وفينا وزيلامسي ؟؟

 

[Pretty Amoola]

بنات حبيباتي عيزت لي جم يوم اكتب الردود ماتوصل

الف شكر لكل اللي ردوا علي قبل اركب الطيارة والحين ولدي الحمدلله احسن

بنات انا طلعت من ميونخ والحين بسالزبرغ اليوم ثالث يوم لنا بسالزبرغ ماطلعنا جبال من يينا مطر قوي واحنا نفتر حوالين الفندق مابعدنا وايد وباجر ماشين لزلمسي يارب يتعدل الجو علشان نحلل فليساتنا خخخخ عيالي كانوا يبون الكهف الجليدي بس ماحبيت اجازف بهالجو الغيوم واصلة لي عندنا

الجو رهيب بصراحه والناس يطالعونا انا وعيالي نتمشى تحت المطر من فقر المطر اللي فينا الله يرزقه للكويت وحبايبها

اللي تصورنا بالملابس الشعبية مالتهم تدعي تقول ياليت اتيينا شمسكم اسبوع ونعطيكم جونا انا وعيالي بصوت واحد آآآآآآآمين خخخ

المهم ترى الجو مرة بارد ومرة عادي اللي بتسافر لازم تاخذ جاكيتات لها ولعيالها آنا للاسف يبت لولدي واحد ولما طلعنا نقع من المطر ولما بغيت اطلع معاه بالليل توهقت لانه مازال رطب

والشمسية ضرورية لج ولعيالج الفنادق يعطون طبعا وانا عيالي معاهم شماسي اي وترى ماينهب هني غير التكاسي انا ركبت مرة الاندر قراوند وصرت جني ضايعة عقبها مااروح الا بالتاكسي آمن لي بصراحة ولا أحب التشحطط وترى وين ماتروحين تلاقين ناس تتكلم عربي اتراك واكراد ومغاربة وتوانسه فيهم الزين اللي ينصح وفيهم الشين انا علشان اطلع من ميونخ بالتاكسي مافي احد ماسالته عن السعر لين طحت بواحد يخاف الله عسى باجر القى نفسه هني يودينا لزلمسي

والبنات اللي حجزوا بالنت انتبهوا لبطاقاتكم ترى فندقنا اللي بميونخ ساحب من بطاقتي ولا معطيني خبر لما ارجع ميونخ بشيك عليهم وانتوا تاكدوا ولاتعطونهم الرقم السري للماستر كارد انا عطيتهم الله يغربلهم ولعبوا لعب وصفروا بطاقتي من غير مايقولون لي حق شنو

وبس جني طولت السالفة اخليكم بحفظ الله والله يبعد عني وعنكم عيال الحرام

الحمد لله على السلامة وعلى سلامة وليدج ، كنت أحاتيه يحليله

وعليكم بالعافية الجو الممطر، استانسوا قد ما تقدرون لأنكم راح تولهون

على جوهم ليرديتوا الديرة.

حبيبتي انا حطيت ملابس صيفية بالجناط وسفرتي بعد باجر! من رايج آخذ

لهم شتوي ولا ربيعي ولا شنو بالضبط؟ ما عليه استحمليني شوي وكله بيكون

في ميزان حسناتج قولي لي بالتفصيل شاخذ معاي من ملابس.

وتروحون وتردون بالسلامة​

 

[3e6er alwrd]

حبايبي لا تاخذون شتوي وايد اخذاو صيفي وجاكيتين و تريننغات لان الشتوي ياخذ مساحه بالجناط

 

[كل الفوز]

اشدعوة بنات ولا واحدة عبرتنني افااااااااااااااااا من يومين ولا احد رد علي؟

"بنات ضروري ابي اعرف رايكم
أهلي بيروحون ميلانو وزيورخ وفيهم منقبات عاادي ولا في مشكلة عليهم
وسؤاال "كنوز"اشفيه الفندق هوليدي السنتر بالمانيا انا حاجزة فيه ضاق خلقي من اللي قلتيه
لا يكون دون المستوى؟؟؟؟؟؟؟؟؟؟؟؟؟

 

[3e6er alwrd]

اشدعوة بنات ولا واحدة عبرتنني افااااااااااااااااا من يومين ولا احد رد علي؟

"بنات ضروري ابي اعرف رايكم
أهلي بيروحون ميلانو وزيورخ وفيهم منقبات عاادي ولا في مشكلة عليهم
وسؤاال "كنوز"اشفيه الفندق هوليدي السنتر بالمانيا انا حاجزة فيه ضاق خلقي من اللي قلتيه
لا يكون دون المستوى؟؟؟؟؟؟؟؟؟؟؟؟؟

حبيبتي حده عادي الحين خلاص تعودوا بكل مكان في عرب وانتي رايحه اماكن مشاء الله الخليجين ما خليها فلا تحاتين

 

[L A T T E]

بس حبيت اعرف من اللي راحوا للنمسا على أي خطوط احسن بالنسبه للسعر انا زوجي يقول لي انه رفيجه حاجز اهو وزوجته كل تذاكرهم طلعت ب900 مادري فيه سفريات اقل من هالمبلغ؟؟

وجم ميزانية نحط لها اذا انا وزوجي بس؟؟؟

احسن الخطوط : الهولندية - القطرية.. واحنا ماخذينها عالمصرية

هذول الارخص والافضل

اما من ناحية الميزانية ما اضمنلج لسبب واحد :

الاسعار تتغير و تصعد على فترة الصيف

لاتحجزوووووون من سفريات النت احسن او شركة الطيران نفسها..

 

[L A T T E]

اشدعوة بنات ولا واحدة عبرتنني افااااااااااااااااا من يومين ولا احد رد علي؟

"بنات ضروري ابي اعرف رايكم
أهلي بيروحون ميلانو وزيورخ وفيهم منقبات عاادي ولا في مشكلة عليهم

لا طبعا ماكو اي مشاكل

بس اكيد في ناس بيستغربون بس طنشوا ..

 

[كنوز78]

السلام عليكم.... شلونكم بنات؟..... سامحوني عالتأخير بس والله من جيت من السفر وانا بلويه....سلمكم الله بكتب لكم تقرير مبسط عن سفرتي و اتمنى انكم تستفيدون منه....سافرنا انا و زوجي عالخطوط الهولنديه كويت امستردام برلين...قعدنا ببرلين يومين ... جوها حلو ممطر و بارد بس اكثرها مباني و مافيها طبيعه و بحيرات و هالسوالف.. بالنسبه للمطاعم في مطاعم عربيه بشارع العرب اللي اسمه سونانيللي حلوة المطااعم فيه... بالنسبه لسوقها عجبني سوق وايد حلو لسمه الكادي وي ... مميز بس شوى غالي....وعندهم شارع تسوق وايد حلو اسمه الكودام.و في مجمع وايد حلو اسمه غروبيوس ساباجا... بعدين خذينا طيران داخلي و رحنا ميونخ .. اسم الطيران جيرمان وينغ و طلع التذكرة الوحدة ب 45 د.ك تقريبا و المده ساعه تقريبا... وصلنا ميونخ و سكنا بالهوليدى ان ستي سنتر ... بس ما عجبني ... الرسيشن معاملتهم مو شى.. و الجناط احخنا ننوقل فيهم ليش ماكو فراش يشيل الجنط.. و االغرفه تكييفها خربان و يا كثر ما دقيت ولا احد عبرنا!!.... ميزة الفندق تحته محطه اندرغراوند... و يمه سوبر ماركت حليو .... بالنسبه للتنقل بالندرغراوند انا حبيته وايد ... خاصه للي ما معاهم يهال.... اوفر و اسرع من التكاسي كنا نحجز تذكرة العايله مالت اليوم الكامل نفتر كل مكان بتسعه يورو بس ...يعنى تقريبا 3.5 دينار..... بالنسبه لميونخ اول يوم كان برد و مطر و جو خيال بس ما قدرنا نبعد عن الفندق... رحنا مطعم تركي يم الفندق تعشينا و ردينا.... ثاني يوم رحنا المارين بلاتز .... و عقب رحنا الحديقه الاولمبيه و السوق الاولومبي .... عجبني السوق الاولومبي و فيه كافي اسمه غينو عنده ايس كريم عجيب لا تطوفونه.....ردينا الفندق ريحنا و عقب ردينا المارين بلاتز و تمشينا لي الليل و كان فيه عروض فنيه و مضحكه عجبتنا وايد.... ثالث يوم رحنا بحيرة شاتبيرغ ... تهبل.... البط يلعب يم ريولنا و الجو خيال و القعدة وايد رومانسيه...... وعقب رحنا الكارل بلاتز و شارع الماركات.... قبل لا نرد الفندق مرينا محطة القطارات حجزنا تذاكر لزلامسي حق ثانى يوم طلعت التذاكر رايح راد حق شخصين ب 120 يورو تقريبا يعني 50 دينار.... ثاني يوم رحنا زالامسي ... بالقطار تبعد عن ميونخ ساعتين و 45 دقيقه .. زالامسي تهبل ...طببيعه روعه و براد و ونيسه بس حدها 5 ايام ... احنا قعدنا 3 ايام .... طلعنا منها رحله لقمة الثلج بكابرون تهبل ... و رحنا شلالات كريمل وناسه اما الزحليقيه الصيفيه كانت مسكره حسافه ليش كان في مطر... سوقها حليو للصوايغ... بالنسبه للمطاعم.. فيها مطعم عربي حلو و كله خليجيين اسمه علي بابا... و في مطعم تركي حلو بس والله نسيت اسمه و في مطعم باكستاني اسمه بسمتي و القعدة بزلامسي تينن خاصة يم فندق الغراند و بالسنتر صج تهبل..... ردينا ميونخ و قضينا ثلاث ايام ثانيين... قضيناها بالتسوق والتمشي بالمارين بلاتز و مجمع حلو اسمه الريم اركادا .... بالنسبه لمطاعم ميونخ في مطعم عربي حلو اسمه الدريا قريب من محطة القطارات ....ميونخ حلوه بس من اول سبعه صارت حارة فرق عن زلامسي.... السفرة كانت حيل حلوة و استمتعت فيها وايد و صورت وايد بس والله ما اعرف انزل صور ....ز اتمنى اني فدتكم و اي استفسار انا حاضرة

 

[كنوز78]

السلام عليكم.... شلونكم بنات؟..... سامحوني عالتأخير بس والله من جيت من السفر وانا بلويه....سلمكم الله بكتب لكم تقرير مبسط عن سفرتي و اتمنى انكم تستفيدون منه....سافرنا انا و زوجي عالخطوط الهولنديه كويت امستردام برلين...قعدنا ببرلين يومين ... جوها حلو ممطر و بارد بس اكثرها مباني و مافيها طبيعه و بحيرات و هالسوالف.. بالنسبه للمطاعم في مطاعم عربيه بشارع العرب اللي اسمه سونانيللي حلوة المطااعم فيه... بالنسبه لسوقها عجبني سوق وايد حلو لسمه الكادي وي ... مميز بس شوى غالي....وعندهم شارع تسوق وايد حلو اسمه الكودام.و في مجمع وايد حلو اسمه غروبيوس ساباجا... بعدين خذينا طيران داخلي و رحنا ميونخ .. اسم الطيران جيرمان وينغ و طلع التذكرة الوحدة ب 45 د.ك تقريبا و المده ساعه تقريبا... وصلنا ميونخ و سكنا بالهوليدى ان ستي سنتر ... بس ما عجبني ... الرسيشن معاملتهم مو شى.. و الجناط احخنا ننوقل فيهم ليش ماكو فراش يشيل الجنط.. و االغرفه تكييفها خربان و يا كثر ما دقيت ولا احد عبرنا!!.... ميزة الفندق تحته محطه اندرغراوند... و يمه سوبر ماركت حليو .... بالنسبه للتنقل بالندرغراوند انا حبيته وايد ... خاصه للي ما معاهم يهال.... اوفر و اسرع من التكاسي كنا نحجز تذكرة العايله مالت اليوم الكامل نفتر كل مكان بتسعه يورو بس ...يعنى تقريبا 3.5 دينار..... بالنسبه لميونخ اول يوم كان برد و مطر و جو خيال بس ما قدرنا نبعد عن الفندق... رحنا مطعم تركي يم الفندق تعشينا و ردينا.... ثاني يوم رحنا المارين بلاتز .... و عقب رحنا الحديقه الاولمبيه و السوق الاولومبي .... عجبني السوق الاولومبي و فيه كافي اسمه غينو عنده ايس كريم عجيب لا تطوفونه.....ردينا الفندق ريحنا و عقب ردينا المارين بلاتز و تمشينا لي الليل و كان فيه عروض فنيه و مضحكه عجبتنا وايد.... ثالث يوم رحنا بحيرة شاتبيرغ ... تهبل.... البط يلعب يم ريولنا و الجو خيال و القعدة وايد رومانسيه...... وعقب رحنا الكارل بلاتز و شارع الماركات.... قبل لا نرد الفندق مرينا محطة القطارات حجزنا تذاكر لزلامسي حق ثانى يوم طلعت التذاكر رايح راد حق شخصين ب 120 يورو تقريبا يعني 50 دينار.... ثاني يوم رحنا زالامسي ... بالقطار تبعد عن ميونخ ساعتين و 45 دقيقه .. زالامسي تهبل ...طببيعه روعه و براد و ونيسه بس حدها 5 ايام ... احنا قعدنا 3 ايام .... طلعنا منها رحله لقمة الثلج بكابرون تهبل ... و رحنا شلالات كريمل وناسه اما الزحليقيه الصيفيه كانت مسكره حسافه ليش كان في مطر... سوقها حليو للصوايغ... بالنسبه للمطاعم.. فيها مطعم عربي حلو و كله خليجيين اسمه علي بابا... و في مطعم تركي حلو بس والله نسيت اسمه و في مطعم باكستاني اسمه بسمتي و القعدة بزلامسي تينن خاصة يم فندق الغراند و بالسنتر صج تهبل..... ردينا ميونخ و قضينا ثلاث ايام ثانيين... قضيناها بالتسوق والتمشي بالمارين بلاتز و مجمع حلو اسمه الريم اركادا .... بالنسبه لمطاعم ميونخ في مطعم عربي حلو اسمه الدريا قريب من محطة القطارات ....ميونخ حلوه بس من اول سبعه صارت حارة فرق عن زلامسي.... السفرة كانت حيل حلوة و استمتعت فيها وايد و صورت وايد بس والله ما اعرف انزل صور ....ز اتمنى اني فدتكم و اي استفسار انا حاضرة

 

[احلى من الحلى]

يسلمو حبيبتى وحمدالله على سلامتج

بغيت اسالج شنو اجراءات المطار اول مارجعتى ؟؟؟

والفندق الى بميونج نظيف ولا لا يعنى جم تعطينه من 10

لانى مسافره مع قروب واهم حاجزينه وبصراحه اهم شى عندى النظافه

 

[$$مذهلة$$]

مذهله عليج بألف عافيه يعني فينا وزيلامسي وميونخ برد جم درجة الحراره ؟؟


انا انشالله الخميس سفرتي طمنينا شلون الاجواء عندج وشلون انفلونزا الخنازير عندكم؟؟


شنو المطاعم الحلال في ميونخ وفينا وزيلامسي ؟؟

سوري على التاخير

الجو مطر مايوقف احنا الحين بزلمسي .. بسالزبرغ ماطلعنا وايد من المطر حتى لما قعدنا بكافيه ياب الطلب ومعاه الفاتورة علشان بيشيل الطالولات عن المطر خخخ بالله آكل واشرب واقفة !! الجو بصراحة بارد تقريبا بس هاتي صيفي وجاكيتين ولاتكثرين ملابس اغلب ملابسي مالبستها ابدل بالجينزات بس لان الوضع مايستاهل بدل وعلى الاقل هاتي جاكيتين آنا اخذت واحد لي ولكل واحد من عيالي وتوهقنا لما امطرت نقعنا وماعندنا جاكيت ثاني بس يقولون من باجر بيرجع يتعدل الجو إن شاءالله نبي نصعد الجبل

ومافي لاانفلونزا ولاهم يحزنون أمة محمد كلها هني ​

 

[$$مذهلة$$]

الحمد لله على السلامة وعلى سلامة وليدج ، كنت أحاتيه يحليله

وعليكم بالعافية الجو الممطر، استانسوا قد ما تقدرون لأنكم راح تولهون

على جوهم ليرديتوا الديرة.

حبيبتي انا حطيت ملابس صيفية بالجناط وسفرتي بعد باجر! من رايج آخذ

لهم شتوي ولا ربيعي ولا شنو بالضبط؟ ما عليه استحمليني شوي وكله بيكون

في ميزان حسناتج قولي لي بالتفصيل شاخذ معاي من ملابس.

وتروحون وتردون بالسلامة​

عادي ياقلبي اخذي راحتج

والله بصراحة لاطلعنا نتمشى برد حتى بنتي المسكينة كل ملابسها خفيفة وشوي تتعب لما نطلع من البرد بس لاتكثرين ولا تاخذين حيل ثقيل بس بلايز جم طويل وترينقات ربيعية واذا استبردوا لبسيهم تحتها بلايز بالنسبة لي بصراحة نبرد لما نطلع لان الجو مطر وهوا قوي امس بزلمسي ماوقف المطر ماشاءالله وطلعت شوي عند البحيرة والجو بارد وهوا قوي ورديت تدرين معاي يهال مااقدر اجازف فيهم بس يقولون الجو اليومين اليايين بيكون احسن والله اعلم بس بالليل برد صج خصوصا احنا كله نمشي أهم شي الجاكيتات كل واحد 2 اذا نقع من المطر معاج بديل وتوصلين بالسلامة ان شاءالله​

 

[$$مذهلة$$]

اشدعوة بنات ولا واحدة عبرتنني افااااااااااااااااا من يومين ولا احد رد علي؟

"بنات ضروري ابي اعرف رايكم
أهلي بيروحون ميلانو وزيورخ وفيهم منقبات عاادي ولا في مشكلة عليهم
وسؤاال "كنوز"اشفيه الفندق هوليدي السنتر بالمانيا انا حاجزة فيه ضاق خلقي من اللي قلتيه
لا يكون دون المستوى؟؟؟؟؟؟؟؟؟؟؟؟؟

عاااااادي

وين ماامشي القى منقبات وعبي بكل مكان الوضع طبيعي جدا جدا ​

 

[كنوز78]

هلا حبيبتي ...بالنسبه للاجراءات بالمطار عادى ماكو شى... واحنا رادين بالطيارة وزعوا علينا اوراق نعبي بياناتنا و نتعهد ان نزور اقرب مركز صحى خلال ثلاث ايام.... و بالمطار لا وقفونا ولا شى... ولما ردينا الديرة راح زوجي قبلي المستوصف و هناك قالوا له ماله داعي تجي لأنه نزل قرار جديد ما يروح لهم الا اللي يكون تعبان او يشكى من اي اعراض ... و بالنسبه للهوليدى ان ما عجبنى كلش النظافه اعطيها 7 من 10 و اذا تبين نصيحتي غيروا الفندق و عليك بألف عافيه