هل لديكم طفل يعاني من التوحد- خلونا نتجمع

[الصابرة المحتسبة]

هلا امونه عسى ربي يحرسج ويحفظ لج اعييلج اللهم آمين

 

[Emanova]

شخباركم ولهانه عليكم وايد

شنو اخر مستجداتكم مع التوحد انشالله خير يارب
انا هالسنه باخذ ولدي وبسافر فيه وقاعده احاتي شويه اخاف ياذيني بالسفره من اللحين اعطيه مقدمات اشوف شنو ردت فعله مع الطياره
كل مااقوله بوديك طياره وناااسه يقولي ماابي طياره ابي هليوكبتر لوووووووووول عسى مايتنحر علي

اهم شيء انج تفحصين اذنه قبل السفر علشان الله لا يقوله لا يكون فيها التهاب او احتقان و تعوره و تاخذين دوا من الطبيب علشان يدوخه اشويه اذا السفره طويله

2- الالعاب و الالوان او اي شيء يحبه علشان تقضي الوقت على كيفه بدون مشاكل

3- اذا قدرتي تقعدينه يم الدريشه علشان تسولفين له ان مع السلامه كريت و هالسوالف

4- اذا ولدج حركي و يفتلت لا تنسين الحزام اللي تربطينه علشان تقدرين تتحكمين فيه بالمطار

و تروحين و تيين بالسلامه و ان شاء الله سفره سعيده

 

[Emanova]

هلا امونه عسى ربي يحرسج ويحفظ لج اعييلج اللهم آمين

بعد عمري تسلمين و يخلي لج اعيالج يا رب و يشافي اعيالنا و عيال المسلمين يا رب

 

[ناني سيكرتس]

مبرووووووك ما ياكم أمونه ويتربون بعزكم عسى الله يحفظهم ويصبر حمودي على الغيرة
ناني حمدلله على السلامة بشري شلون الوالد؟
عسى ربي يشافيه ويعافيه ويرده لديرته سالم معافى من كل مرض

الحمد لله يا وضوح ابوي قاعد يتحسن من ناحية المرض
بس نفسيته زفت ويبي يرد الديره...

 

[ناني سيكرتس]

هلا ناني .. شلونج حبيبتي ان شاء الله بخير .. بشريني عن صحة الوالد الحين ان شاء الله أحسن ؟؟

هلا امون
ولهنا عليج والله
ابوي حالته احسن من قبل, بس مصيبته انه يبي يرد الدريه لان مل ولاعت جبده من الغربه ....

 

[& الذاهبه &]

الله يشافيلج الوالد وتردووون للكويت بالسلامة والعاافيه ....

 

[Emanova]

السلام عليكم بنوتات

من زمان ما ادري عنكم ادري ان الدنيا تلاهي بس الحمدالله

في احد جرب علاج بالاكسجين اول امس شفت في قناه العربيع ان موجود بالاردن بس ما لحقت على الموضوع فاللي عندها خبر تقولي

 

[مشاعل الشمري]

السلام عليكم بنوتات

من زمان ما ادري عنكم ادري ان الدنيا تلاهي بس الحمدالله

في احد جرب علاج بالاكسجين اول امس شفت في قناه العربيع ان موجود بالاردن بس ما لحقت على الموضوع فاللي عندها خبر تقولي

السلام عليكم شلونكم حياتي وهم بعد انا سمعت قبل فتره وما دري تم طرحه من قبل عضوة معانا
يقلبي ان سمعتي او عرفت شي بلغينا

 

[مشاعل الشمري]

يقلبي ناني الله يردكم بالسلامه ان شاء الله

 

[سنع ومنع]

أمونة شوفي اللينك :
http://q8yat.net/showthread.php?t=395376&highlight=%C7%E1%C3%D1%CF%E4

 

[ترانيم العود]

بختصار عندي بنتي قالو ان فيها من تصرفات التوحد بس مو متأكدين

شلون أتأكد؟؟؟

وهي اعاقتها تأخر تطوري شامل دائمة وشديده

 

[Emanova]

يعتمد جم عمرها انا ولدي اولشيء قالوا تأخر تطوري شامل بعدين قالوا لي توحد

 

[ترانيم العود]

عمرها سنة وسبع شهور

 

[Emanova]

نا ولدي كان نفس عمرها لما قالوا لي تأخر تطوري شامل و على عمر السنتين و نص ثبت ان صفات توحد

لا تحاتين ان شاء الله ماكو الا العافيه و كل شيء بالتدريب و التعليم بس يبيلها قوه منج و من الابو

 

[& الذاهبه &]

السلام عليكم

بنااات الدكتورة عبير شخصت بنتي ان فيهاا صفات توحد بسيط واهي عندهاا تطعيم سنه ونص ماطعمتهااا يووم سالت الدكتورة قلتلهاا بنت طاف على تطعيمهاا شهرين وماطعمتهاا جان تقولي روحي ال برووح المستوصف واكتبتلي ورقه ان كل تطعيم تاخذه برووح يعني انفلونزا برووح وشلل اطفال بروووح وبعد في شغله ثانيه ..الحكوومه تجمع كل التطعيماات بابرة وحدة

رحت للمستوصف قاالو نطري دكتوره الصحة الوقائية باجر تجي رحت من ثاني يوووم جان تقولي بحولج على مستوصف ثاني احناا عمرناا مافججنا الإبرة طول عمرنا نعطيها بإبرة وحده...
رحت مستوصف ثاني جاان اقول للدكتور حالة بنتي جان يقولي ماله علاقة التطعيم بالتوحد ؟؟؟؟؟؟

دقيت على الدكتورة عبير والا مسااافرة

شسوي بناات طايف على تطعيم بنتي شهرين

 

[Emanova]

حبوبه شوفي الاخت سنع و منع اهي فرقت التطعيمات و انا الحين بروح اشوف دكتور الصحه الوقائيه قبل لا اطعم اعيالي

و ليش الدكتور مو راضي قولي له اوكل ماله علاقه بس علشان انا نفسيتي ترتاح ابي افرقهم ما راح تمنعين الياهل من التطعيم انتي

 

[& الذاهبه &]

يالله ياسنووعه فيديناا وين طعمتي ولدج وشنوو قلتي للدكتور بالضبط لأن رحت مستوصفين ومستشفى وكلن يحذفني على الثاني لاذمه ولا ظمير بهالحر اطلع ببنتي....

هي كاتبتلي ورقه بس محد مقتنع فيهاااا

والمصيبة سستر مصريه تقولي اذا انتي خايفه ماله داعي تطعمينهااا هذي كلهاا ابر منشطه موطعم بس بيني وبينج ....بغيت اهفهااا بجنطتي

 

[مشاعل الشمري]

والله يا ام خالد لو هافتها جان برد قلبج على الاقل
والله وبالله انا منج وربي اشتكي عند امين المستوصف وله اكبر راس
شنو لعبه احنا وعييلنا عندهم

 

[Emanova]

ام خالد جان دخلتي على رئيسه المسنوصف مو الامين و قلتي لها علشان ما يصير جذيه

 

[& الذاهبه &]

الله كريم .... مشاعل والله يووم طلعت من المستوصف قعدت الوووم نفسي ليش ما اشتكيت عليهااا بس مو مني من الحر رااسي قام يطبخ شلوون بنتي....

ايمانوفاااا قلتلج الحر عامل عمايله

يااسنووعه الحلوة وين مختفيه فيدينااا بموضوع التطعيم...