عندى عمليه سيليكون لتكبير الصدر اريد تجاربكم

[اكسر الخاطر]

ملوكه حمدلله على سلامتج ولو انها متأخره بس بسئلج

وين سويتيها وبجم بخاطري اسويها مليت وانا اشرب حليب الصويا

الف حمد لله ع السلااااامه اختي فاطمه ولو انها متأخره حيل :tek:

اختي قطوه يعني انتي شربتي حليب الصويا وما كبر صدرج يعني الحين املي بحليب الصويا قالو ان يكبر الصدر والبنات اللي جربوووه مستانسين وصلوووه للسما شوقوني بس انتي صارلج اشكثر تشربيه وااااي مو خوش خبر انا اخاف من العمليه وبنفس الوقت صدري مضيق خلقي ومعقدني حيل :0bee2e8d89:

 

[وسايم القصيم]

ترى اللي تسويها ينعدم عندها الاحساس الانثوي من الزوج فهمتوا ولاتحطون شي او تقطعون شي او تركبون شي الا من تصريح شرعي الله يجزاكم خير وادا سمح لكم الشرع عابلوابنفسكم نسال الله لنا ولكم العافيه

 

[Desert-Girl]

حمدلله على السلامة

 

[Ftame uae]

الحمد لله النتيجة مرضية للغاية نفسيا تحسين نفسج مرتاحة والحمد لله العمليه الحمد لله اوكى والالم ما شي طبعا الكلام الى سمعته عن عمليه تكبير الصدر قبل ما اسويها بصراحة مبالغ فيه اكيد شي الم بس الالم الى تتحمله اى وحده يعن الحين اذا جلعتى ضرسج بتحسين بالم بس مب لدرجة الموت الى تحب اتجرب وبالتوفيق عمليه ابسط مما تتصورون طبعا هالكلام للبنات الى حابين يسوون هالعمليه واتمنى الى تشارك ما تفتى بشى اذا ما مسوتنها زوسلامتكم

 

[سراب الدمع 123]

الحمد لله على السلامه .... مبروك حبيبتي وعقبالي ياررررررررررررب ( اتوقع مالي امل ابد ) اف

 

[Ftame uae]

الله يسلم الجميع ، سراب الدمع توكلى على الله وسويها والحافظ الله.

 

[النويره]

امس شفت مي عز الدين تهبل تبارك الرحمن صج مسويه صدرها وخشمها بصراحه شوقتني اسوي صدري خلااااااااااااااااااااااااااص كل ما يزيد الحر وتزيد ستيانات الاسنفج اكرهه نفسي من الحر لله الحمد والشكر
بس صج صايره مي امس بقناه الراي تبارك الرحمن عسي ربي يحفظها من العين ويكفيها من كل شر

 

[النويره]

يارب في حل غير العمليه ولو اني فاقده الامل الا بالله سبحانه انه اكو شي غيرررررررررررررررر العمليه...

 

[Ftame uae]

صباح الخير يا النويره شحالج فديتج مب قلنا توكلى على الله والله يا اختى سويها وصدقينى بترتاحين وبتحسين انج انثى .

 

[النويره]

بعد قلبي يا فطومه زعلانه منج ما تردين علي رسايلي الخاصه .....
اتغشمر معاج ...كلشي ولا فطومه نور الامارات
لا تقطعين عنا تري نحب نسمع عنج كل خير والله ادعي لج دايم بالخير والصحه والعافيه
وان شاء الله نبشرج بنجاح عمليتنا مثل ما بشرتنا بنجاح عمليتج امين يارب

 

[سراب الدمع 123]

هلا اختي فطوم لو انا عندي الميزانيه الكافيه كان ما ستنيت ولا دقيقه على طول رايحه للعمليه

 

[Ftame uae]

افا يا النويره لا خلا ولا عدم حبيبتى والله ما توصلنى رسايلج غير الى رديت فيهن عليج قبل وبعد عمليتى بس هالفترة ما اشوف توصلنى رسايل من اى حد والا والله انج في البال وما يحلى موضوعي الى بمشاركاتج .
شكرا على مرورج يا سراب الدمع انشاء تسمح امكانياتج وتسوينها وتبشرينا بالنتيجة

 

[المملكة الخضراء]

اولا الحمدالله على السلامه000000000 وجزاك الله خير رفعتي معنوياتى يا صاحبة الموضوع لاني اعاني لان صدري بالمره صغيرلدرجةاني ماالبس ستيان الا الاسفنج اذا طلعت على قولت الدكتورة لما كانت تبي تكشف علي خدعه وانا رحت كوزمسيرج عندالدكتوره الالمانيه الزائره وشرحتلي كل شيء عن العمليه لكن المشكله اهلي مومقتنعين خايفين علي من العمليه وياليت يسمعون كلامك ويقتنعون وياليت يابنات اللي تعرف عن الدكتوره هذى شيء او احد سوى عندها لاتبخل علي لان اهلى لويقتنعون مستحيل يرضون عند دكتور0

 

[Ftame uae]

اختى المملكة الخضراء توكلى على الله وسويها بس طبعا بعد موافقه اهلج .

 

[الشمائل المحمدي]

اختى المملكة الخضراء توكلى على الله وسويها بس طبعا بعد موافقه اهلج .

عجب !!!!!!!!!!!!!
شلون تقوليلها توكلي على الله والأمر هذا الله سبحانه عن افعال العباد المحرمة محرمة بل لعن فاعلة
والله مادري شلون نفلح مع اللعن

سبحان الله
على فكرة معنى سبحان الله اي تنزهين الله
اقول صج سبحان الله

 

[(مزاجية)]

الحمدلله عالسلامه

كم حجم حطيتي .. يعني كم كان و كم صااار

 

[Ftame uae]

الشمائل المحمدى شكرا على مرورج ووفري نصيحتج ويوم تعرفين انه حرام شو خلاج تدخلين على هالموضوع بس سبحان الله حرام وحرام وداخلات ليش ما ادري
اختى مزاجية حجم السيلكون 350 بس ما شاء الله لا حول ولا قوة الا بالله حلو

 

[(مزاجية)]

مشكورة عالرد السريع

بس عندي سؤال

زوجج درا عن صدرج؟

لاني قريت قبل ماكنتي تبينه يعرف

وشو كنت ردة فعله؟


انا مو متزوجه و ابا اسويها بس اخاف بعدين محد يتزوجني و اذا قلت ما بخبر زوجي اكيد بيعرف وبيقول خدعتيني >>>> اللي يسمع الخطاطيب طابوور لوول

 

[الشمائل المحمدي]

في حديث يقول ان الله امر الملائكة يخسفون بقرية بالي فيها فقالت الملائكة يالله إن فيها عبدك فلان رجل صالح فقال الله فابدأو به فإنه لم يتعكر وجهه في سبيلي

وفي حديث ثاني يقول ( بما بعناه ) ان المجتمع مثل سفينه طابقين فقال اللي بالطابق السفلي سوف نخرق خرقه بالسفينه فا إذا اللي فوق تركوهم غرقوا جميعا وإذا منعوهم نجو جميعا خليته بالعاميه عشان ينفهم وهذا مثل انكار المنكر فهو واجب علينا

قال الرسول صلى الله عليه وسلم الدين النصيحة قلنا لمن يارسول الله قال لله ولكتابه ولرسوله ولأئمة المسلمين وعامتهم


_________________________________________

اعد الله لعباده المتقين في الجنه مالاعين رأت ولااذن سمعت ولاخطر على قلب بشر

اللهم اني اسألك الهدى والتقى والعفاف الغنى

وشكرا نأسف على الازعاج

 

[Ftame uae]

مزاجية حبيبتى انا مب متذوجة للحين انا ما كتبت انى متذوجة