{ ...الدكتورة رشا الصفي تجيب على استفسارتكم ..} استضافة اسبوعية

[ام ناصر 2009]

السلام عليكم دكتوره
جزاج الله ألف خير
دكتوره عندي استفسار ولدي فيه حساسيه بصدر قاالي الدكتور غيري حليبه عطيه نان اتش ايه انا اعطيه سميلاك ادفانس فأخذت
سميلاك اتش ايه طبعا موعاجبه مايبيه بحسره يرضعه انا ارضعه طبيعي مومعتمده عليه كثير بس لما اطلع او اكون تعبانه مساعده يعني
عطيه احيانا بس انا ودي ارجع لسميلاك العادي في خطوره عليه واذا لأ متى اقدر ارجعله
وحساسيه هذي بتم لمتى؟
لأن احس صدر ولدي الحين طبعا من رضاعه الطبيعيه اعتماد كلي من تعب بس شلون ابي مساعده افيديني

 

[د. رشــا الصفــي]

السلام عليكم
يعطيج العافية دكتورة
ولدي ناقص حديد و كالسيوم مع انه يرضع طبيعي الحين عمره سنه قالي الدكتور ان جسمي ناقصه كالسيوم علشان جذي ناقص كالسيوم+ان ما يتعرض للشمس
بغيت تنصحيني في برنامج اكل حقه وحقي
واذا احسن اقطع الرضاعة الطبيعي عنه؟
وعساج عالقوة ما تقصرين

اول شي التعرض المباشر للشمس

يعني مو من ورا الدريشة

ثاني شي منتجات الألبان كلها

لا تقطعين الرضاعة عنه بس ممكن تدخلين له حليب اطفال رضعة او ثنتين باليوم ما فيها شي و تكملين الرضاعة

و تهتمين بالأكل اكثر من ناحية الجبن و الروب و المحلبية و البيض و اللحوم

السلام عليكم
يعطيج العافية
دكتورة ولدي عمره سنه وشهرين متعود ينام عندي عالسرير
حتى لما ينام بفراشه يقوم نص الليل يبجي و من احطه بسريري ينااااام
وذا حقرته يبجي يبجي ويسوي روحه يبي يرجع لما صج يرجع فأنجبر اشيله!!
مادري اشلون اتعامل معاه

ما يضره اذا بجى شوية حتى لو رجع عادي ما يصير شي

اهو يسوي جذي متعمد علشان ينام عندج يدري تضعفين عند هالنقطة فيسويها

لما يقوم بالليل يصيح روحي يمه و دبخيه لما يرد ينام بدون ما تكلمينه ولا كلمة علشان ما يصحصح على الصوت

مرة على مرة راح يعرف ان ماكو فايدة من هالطريقة و ينام بروحه بفراشه

جزاج الله خير يادكتوره ..والله يطمنج .

وياج حبيبتي ما قصرتي

السلام عليكم ورحمة الله وبركاته
شلونج دكتوره ان شاءالله بخير
بنتي عمرها تقريب 7شهور ونص من اهيا صغيره عسره في شرب الحليب تبكي على ما تخلص وجبتها وما تشربها كلها
والحين لما بديت اوكلها من عمر6شهور ما تاكل تبكي وتصيح وما تكمل اي اكل اسويه لها
احس ما لها شهية في الأكل بس اسم الله عليها عاديه حركتها حلوه وتحب اللعب اكثر من الأكل وما تشرب حليب الا اذا جاعت حيل
شنو احس طريقه اتعامل معاه؟ وهل اعطيها فيتامينات؟ وشنو احسن بساكيت؟ او اكل جاهز للأطفال؟
وجزاااااج الله الف خير

اول شي يمكن انتي تسوين لها كمية اكبر من حاجتها علشان جذي تتعسر و ما تبي تكمل اكلها او حليبتها

اذا وزنها في المعدل الطبيعي معناته ماخذة كفايتها و ما تحتاج زيادة علشان جذي تبكي

ما تحتاجين طريقة تتعاملين فيها معاها

وكليها اذا جاعت و من تبدى تتعسر خلاص وقفي و ردي عقب ساعة عطيها كمية قليلة بالتدريج

و ما تحتاج فيتامينات ولا شي

الأكل الجاهز و البساكيت كلها نفس الشي

شخصيا افضل اكل البيت على الجاهز حتى لطلعات سويله الأكل و حطي بعلبة بلاستيك خاصة لحفظ اكل البيبي تلاقينها

بكل مكان و دي الأكل معاج وين ما تروحين و بس

السلام عليكم

دكتوره انا ولدي عمره 10 ايام وطالعلة طبقة بيضه على شفايفه ومتقشره بعرف هالشي طبيعي ولا احتاج اروح الطبيب

لا ما يحتاج طبيب عادي هذي من الرضاعة

طبيعي حبيبتي

بس انتي لا تقشرينها خليها بروحها تروح

السلام عليكم دكتورتنا العزيزه 000ولدي عمره 7 اشهر ومبلش بالثامن من يوم ولادته ياخذ صناعي حليب ابتاميل بوصفه من الدكتور بس صار عليه ثقيل وصار مايخرج الا كل ثلاث او اربع ايام مرة وحده فنصحني الدكتور باستخدام ابتاميل كومفرت(للمغص والامساك) وكان زين عليه لحد ماعدى الست اشهر الاولى وعطيته ابتاميل كومفورت2 من 6-12 وصار معاه اسهال على طول لدرجه انه يبلل ملابسه ويوصل لحد ظهره المهم راجعت الدكتور قال رديه على ابتاميل العادي رقم2 ورديته وصار عنده امساك شديد بالمرة لدرجه انه يبكي منه وهو ماكمل سبع اشهر ورجعته على كومفرت مع انه يسبب له اسهال فسؤالي شنو اسوي هل استمر على كومفرت او اقطعه وشنو الحليب الانسب له مع العلم انه فيه حكه في جسمه واحمرار بفخوذه وساقه وتطلع احيانا بقع خفيفه لونها احمر ويرجع لاتفه الاسباب



وشكرا اتمنى الرد بسرعه

غيري ابتاميل بكبره

عطيه نوع ثاني

ولدج مبين ان جسمه وايد حساس

السلام عليكم و رحمة الله و بركاته
إبني عمرة 4 سنوات
يوم الجمعه نام الساعه 9.30 مساءً و إستمر بالنوم إلى الساعه 11 ضحى يوم السبت!
يعني فوق 12 ساعه
طبعا قعد بالغصب، و لاحظت عليه خمول شديد و وجه أصفر، ماله نفس يأكل!!
العصر أخذته للطبيب فحص لا يوجد حرارة ولا ترجيع ولا إسهال و لا إلتهاب!!
نصحني أن يأخذ بندول و زيرتك و ينام و يرتاح بالبيت!!
اليوم الحمدلله أحسن نشيط و أكل وجبة الفطور؟
بي إلي صار أمس خوفني؟
شنو تنصحيني أسوي؟!
جزاك الله خيرا​

ولا شي

ما تحتاجين تسوين شي الحين ما دام رجع طبيعي

ممكن يكون عنده ارهاق او بداية برد و راحت

بس تابعي الموضوع اذا تكرر راجعي فيه طبيب الأطفال

يعطيج الف عافية دكتورة ما قصرتي لا خلا و لا عدم

حياج يا قلبي

يعطيج العافية دكتورة
دكتورة انا ولدي عمره 5 اشهر واعطيه حليب نوفولاك للمغص بس صارله فتره وايد يرجع وعلى طول يرجع وماادري شسوي معاه؟!!

ودي الطبيب اول يفحصه و يقيم حالته

اذا مافيه شي شوفي الكمية اخاف زايدتها عليه و مو متحملها

و اذا استمر و كنتي تعطينه نفس الكمية القديمة غيري الحليب الى النوفولاك العادي

 

[د. رشــا الصفــي]

السلام عليكم الله يعطيج العافية دكتورتنا ولاحرمك الاجر....عندي سؤال لو سمحتي,,بنتي عمرهاتقريباسنتين وثمان شهور للاسف ماقطعت عنها الرضاعة<الممية<لاني كنت حامل وتعبت بحمالي شوي بس الحين الحمدلله صارلي شهرين والدة...ماادري اشلون افطمها؟؟سمعت عن دواء بالصيدلية ماادري اشرايج فيه؟؟؟وجزاج الله خير

لالالا ما تحتاج دوا ولا شي

جذي تكره الحليب مرة وحدة

قللي عدد الرضعات بالتدريج لغاية ما توصلين الى رضعة بالليل بس و عقب قللي كمية الحليب برضعة الليل لغاية ما توقفين مرة وحدة

راح تصيح لها جم ليلة و عقب تنسى

طبعا الموضوع راح يصير اصعب بوجود البيبي

يعني ما راح تنسى شكل الممية بسهولة

شخبارج دكتورتي حبيبتي والله

الحين بنوتي كملت 10 شهور اقدر اعطيها سمج والا بعد؟


بالنسبة للمحلبية اللي نسويها بالبيت من حليب التموين اعطيهاااا؟

اقدر اعطيها مكسرات بعد ما اطحنه؟
اقدر اعطيها قيمر وعسل
توست وجبن احط عليه شوي حليب العادي مو من حليبها؟

بالنسبة للسمك عطيها شوية ممكن بس لاحظي اي تغييرات فيها مثل الترجيع او الطفح الجلدي

اذا ماصار شي كملي

بس ديري بالج من الشوك

المحلبية الحين تقدرين تعطينها مالت حليب التموين عادي

المكسرات و القيمر و العسل و الربيان بعد السنة

التوست و الجبن مع حليب عادي مو حليبها ما فيه شي تقدرين تعطينها

دكتورة الله يعافيج حبيت اخذ رايج بموضوع:
انا حابه اسافر بس ولدي عمره ثمانية شهور وارضعه رضاعة طبيعية بخليه................
المشكلة اني خايفة اتعب من صدري(عند انقطاع الرضاعة) وامرض منه!!!!!!!!!!
شنو الحل ؟؟؟؟؟؟شنو تنصحيني اسوي عشان ما اتعب؟؟؟؟؟؟

حاولى تشفطين الحليب من صدرج باستمرار علشان ما تتعبين

و اذا مو ناوية ترجعين ترضعين مرة ثانية شربي مرامية و شاي اخضر ينشف الحليب

اما اذا كنت تبين تردين ترضعين لما ترجعين من السفر استمرى بالشفط علشان يتجدد الحليب و لا تشربين الاعشاب اللي تنشف الحليب

دكتورة انا عندي ولد عمرة 3سنوات ونص له فترة مايشتي ياكل وعلى طول يشتكي من عوار بالبطن
سويت له تحليل صار فيه فطريات ببطنه وشنو العلاج اللي اسويه مع العلم اني ماوديته الطبيب لي الحين وعنده تطعيم اطعمه او انطر بعد العلاج؟

لا اول عاجي الفطريات و عقب فترة من انتهاء العلاج طعميه

قووة دكتووره .. شلوونج

ولدي عمره سنه وشهرين مايرضا ياخذ بيبي فيت اقدر اخلطه مع حليبته ؟؟

لا ما يصير ينخلط مع الحليب

خلطيه مع عصير طعمه قوي مثل المانجا و عطيه

بغيت استفسر

ولدي عمري 6 شهور ونص بس لما اسويله جزر مفيوح او بطاط و اهرسه عدللل بس لما اعطيه يسوي روحه غاص و يقطه شنو الحل ؟؟

يبيله وقت علما يتعود عليه

عادي اول فترة الأكل يسوي جذي اليهال ما يعرف يبلع عدل

انتي اول شي سوي الأكل تقريبا سائل و ابدي بالتدريج ثقليه

قوووة مره ثانيه دكتوره

مثل ماقلت قبل ولدي عمره سنه وشهرين وماشالله وايد يتحرك ويلعب وكله يطيح على راسه فشلون اعرف اذا الطيحه خطره وله عاديه ؟؟
هل في علامات اتبين او اتخليني اعرف انه الطيحه خطره او اني لازم اوديه الدكتور ؟؟

الطيحة الخطرة يصاحبها استفراغ و دوخة او بكاء مستمر غير اللي متعود عليه الياهل

السلام عليكم ...لحقت قبل لا يصير يوم الجمعه عشان تلحقين تجاوبين علي

بنتي عمرها 3 اشهر ونص..ولدتها بالاسبوع 36 (الثامن )قالولي كل شي أخريه عنها شهر ( الاكل - القعدة ...كل شي) هل صحيح هالحجي؟

انا والدة بمستشفى خاص ومسوين لها تحليل عن 30 مرض اللي يطرشونه برة الكويت وكان التحليل طبيعي (normal) .... هل هذا التحليل اعرف فيه اذا كان فيها داون اول لأ؟ ابوها وايد موسوس يقول عيونها مو طبيعيه ولسانها كل برة...انا بالنسبة لي البنت طبيعيه بس الابو شككني شلون اتأكد؟ ومتى تبين اذا كان صج داون؟ ( اسم الله على بنتي وبنات المسلمين)

36 اسبوع مو وايد مبجر

تقدرين تعتبرينها طبيعيو مثلها مثل اي بيبي مولود بالموعد

منو اللي قال لج اخريها بكل شي ؟ الأهل و لا الطبيب

بالنسبة للتحليل ما يبين الداون

الداون يبين بالفحص و نتأكد منه بتحليل الكروموسومات بقسم الوراثة بمستشفى الولادة

اذا تبون تتأكدون ودوها طبيب أطفال بفحصها و يسوي لها التحليل

شلونج دكتورة عندي استفسار انا توني مطهرة ولدي وبصراحة مأذيني ما ينام من العوار شنو تنصحيني اسوي

عطيه ادول

السلام عليكم دكتوره
جزاج الله ألف خير
دكتوره عندي استفسار ولدي فيه حساسيه بصدر قاالي الدكتور غيري حليبه عطيه نان اتش ايه انا اعطيه سميلاك ادفانس فأخذت
سميلاك اتش ايه طبعا موعاجبه مايبيه بحسره يرضعه انا ارضعه طبيعي مومعتمده عليه كثير بس لما اطلع او اكون تعبانه مساعده يعني
عطيه احيانا بس انا ودي ارجع لسميلاك العادي في خطوره عليه واذا لأ متى اقدر ارجعله
وحساسيه هذي بتم لمتى؟
لأن احس صدر ولدي الحين طبعا من رضاعه الطبيعيه اعتماد كلي من تعب بس شلون ابي مساعده افيديني

اول شي ولدج جم عمره ؟

شنو نوع الحساسية ؟

ياخذ ادوية للحساسية ؟

ابي اعرف هالمعلومات علشان اقدر ارد على اسئلتج حبيبتي

بس عموما الحليب المضاد للتحسس طعمه مو شي

و دام يرضع طبيعي ماكو فايدة كبيرة من الحليب المضاد للتحسس

مو مثل لام يكون ياخذ هالحليب بشكل كامل

 

[Cute mama]

دكتوره ليش مايصير اخلط البيبي فيت مع الحليب ؟؟ @@

 

[@الياسمين@]

يعطيج العافيه دكتوره وعساج عالقوه

انا بنتي بـ 26/7 تكمل سنه ،،، متى اقدر اعطيها البيض بالضبط ؟؟ وكذلك العسل ؟؟؟

 

[جبنة بيضة]

يعطيج العافية دكتورة

ولدي عمره سنة و شهر و يرضع رضاعة طبيعية وزنة تقريبا 10 كيلوات و اكله قليل مو ذاك الزود ممكن اعطي نيدو ون بلس من 1 الى 3 سنوات عادي و حليب كددي عادي اعطيه الحين مثلا العصر
هل الشاي الاخضر اذا شرب يضره

و يخفف من حليبي بعد ؟

 

[**نبض المحبه**]

مساء الخير دكتورة
دكتورة بنتي عمرها 11 شهر وأبسألك شو افضل زيت ينحط على شعر بنتي ؟؟
س: ينفع اخلط الحليب بسيلايلك (الارز) + حليب بروميد2

 

[المجره]

مشكوووووووووووووووووره دكتوره على الرد الله يعطيج الف عافيه

 

[الزين زين]

دكتورة انا طفلي عمره 8اشهر وانا كنت اخذ حبوب منع الحمل ونشف عندي الحليب وصار لي شهرين موقفه الحبوب لاني ركبت لولب واكتشفت ان الحليب قاعد يزيد يوم عن يوم عندي هل اشفط الحليب واعطيه الطفل بالرضاعه ؟او شنو اسوي ابي نصيحه اذا الطفل راح يستفيد منه او لا

 

[om MaRyooM]

يعطيج العافية دكتورة ..


انا بنتي عمرها 3اشهر ونص .. والحمدلله صحتها أحسن من اول لأنها كانت صغيرونة وظعيفة حزة الولادة . .
والحين اعطيها سيميلاك ادفانس .. بس بعض المرات يحوشها تكرمين أمساك وتظل مسكينة تتعصر وتبجي ! شنو اسوي
غيرتلها الحليب حسيتها تمت تحن جان أرد على سيميلاك ... قالولي شربيها ماي بتتحسن .. وفعلا حسيت بشوية تحسن

وفي ناس يقولون اعطيها عصير برتقال مخفف ..


وسؤالي الثاني . .
متى أبلش اوكلها سوالف خظار مهروسة او فاكهة ؟؟

 

[الجود90]

هلا دكتورة... فديتج بغيت اسألج: بنتي الحينه بتكمل السنه وثلاث شهور

والحمدلله تمشي ووزنها بين 10 و11
بس هي ماعندها الا ثلاث ضروس ثنين تحت وواحد فوق.. وضروسها طالعين بشكل غريب يعني الثنين اللي تحت ش بالنص تماما والضرس اللي طلع لها فوق بعد مش بالنص.. جي على جنب.. غريبة صح؟؟

وسؤال ثاني فديتج... صارلها فتره كل فيها امسالك.. يعني في خروج بس على شكل كور يابسة..تكرمين... وتيلس تتعصر ومرات تصيح يوم تسيوها.. حليبها غين بلس... وعن الأكل والعصير.. ماتاكل الا بالعافية وعالمزاج..

ماعرف شو اسوي دكتورة... عادي اعطيها ملين ولا تحايل بس بين فترة وفترة مش دايما يعني.. عسب ترتاح بس

وتسلمين الغالية

 

[جود 2006]

بنتي عمرها 4 سنوات وفيها عنقز شنو مرهم زين علشان ما يصير له أثر على جسمها وعلى فكرة أنا حامل بنص الشهر الرابع شنو الإجراءات الصحية والوقائية علشان أحمي جنيني ؟ وأنا جاني العنقز وأنا صغيرة هل إحتمال يجيني مرة ثانية ويعطيج العافية دكتورة وأسفين عالإزعاج

 

[ام ناصر 2009]

السلام عليكم دكتوره
جزاج الله ألف خير
دكتوره عندي استفسار ولدي فيه حساسيه بصدر قاالي الدكتور غيري حليبه عطيه نان اتش ايه انا اعطيه سميلاك ادفانس فأخذت
سميلاك اتش ايه طبعا موعاجبه مايبيه بحسره يرضعه انا ارضعه طبيعي مومعتمده عليه كثير بس لما اطلع او اكون تعبانه مساعده يعني
عطيه احيانا بس انا ودي ارجع لسميلاك العادي في خطوره عليه واذا لأ متى اقدر ارجعله
وحساسيه هذي بتم لمتى؟
لأن احس صدر ولدي الحين طبعا من رضاعه الطبيعيه اعتماد كلي من تعب بس شلون ابي مساعده افيديني

ولدي يخلص اربع شهور بعد اسبوع شريتله بسكويت ميلوبا الي يذوب بالحليب مكتوب عليه من اربع شهور يصير احطله جم مره باليوم او بالاسبوع لأن أنطر ردج عشان أعطيه على فكره يشرب اربع ارقام شكثر الكميه نص البسكوت والا كامله لأن البسكوت صغير
ولدي الحين بدى يتقبل سميلاك العادي ويرضع مني طبيعي بس بسأل عن شاي الأعشاب مال ميلوبا والبابونج أعطيه عادي مكتوب بعد اربع شهور شكثر الكميه
متى ابلش أوكل ولدي؟
بعدعمري دكتوره أعذريني عل أسألتي الكثيره اول طفل لي ماعندي فكره ساعديني الله يخليج
ام ناصر

 

[د. رشــا الصفــي]

دكتوره ليش مايصير اخلط البيبي فيت مع الحليب ؟؟ @@

معروف حبيبتي الحليب يحرب الفيتامينات و الحديد

يخلي الطفل ما يستفيد منهم

ما يضرونه و لكن ما ينفعونه

يعطيج العافيه دكتوره وعساج عالقوه

انا بنتي بـ 26/7 تكمل سنه ،،، متى اقدر اعطيها البيض بالضبط ؟؟ وكذلك العسل ؟؟؟

اول ما تكمل سنة

يعطيج العافية دكتورة

ولدي عمره سنة و شهر و يرضع رضاعة طبيعية وزنة تقريبا 10 كيلوات و اكله قليل مو ذاك الزود ممكن اعطي نيدو ون بلس من 1 الى 3 سنوات عادي و حليب كددي عادي اعطيه الحين مثلا العصر
هل الشاي الاخضر اذا شرب يضره

و يخفف من حليبي بعد ؟

اذا الحديد عنده زين تقدرين تعطينه اللي تبين بعد السنة مو مشكلة

و الشاي الأخضر ما ننصح فيه للأطفال تحت 4 سنوات

و الشاي الأخضر ينشف حليب الصدر

مساء الخير دكتورة
دكتورة بنتي عمرها 11 شهر وأبسألك شو افضل زيت ينحط على شعر بنتي ؟؟
س: ينفع اخلط الحليب بسيلايلك (الارز) + حليب بروميد2

ما عندي خبرة بزيوت الشعر للأمانة

مو مجال تخصصي ولا شغلي

الحليب ما يصير ينخلط بأس شي غير الماي

مشكوووووووووووووووووره دكتوره على الرد الله يعطيج الف عافيه

الله يعافيج

حياج الله

دكتورة انا طفلي عمره 8اشهر وانا كنت اخذ حبوب منع الحمل ونشف عندي الحليب وصار لي شهرين موقفه الحبوب لاني ركبت لولب واكتشفت ان الحليب قاعد يزيد يوم عن يوم عندي هل اشفط الحليب واعطيه الطفل بالرضاعه ؟او شنو اسوي ابي نصيحه اذا الطفل راح يستفيد منه او لا

بصراحة مادري

سألي دكتورة النسا و الولادة عن طبيعة هالحليب اللي بصدرج

بعض احيانا يرتفع هرمون الحليب عند بعض النساء و يسبب وجود الحليب بالثدي

اعتقد لازم تراجعين دكتورة النسا بهالخصوص و ما تعطين الحليب للبيبي ما اعتقد راح يتسفيد منه الحين

يعطيج العافية دكتورة ..


انا بنتي عمرها 3اشهر ونص .. والحمدلله صحتها أحسن من اول لأنها كانت صغيرونة وظعيفة حزة الولادة . .
والحين اعطيها سيميلاك ادفانس .. بس بعض المرات يحوشها تكرمين أمساك وتظل مسكينة تتعصر وتبجي ! شنو اسوي
غيرتلها الحليب حسيتها تمت تحن جان أرد على سيميلاك ... قالولي شربيها ماي بتتحسن .. وفعلا حسيت بشوية تحسن

وفي ناس يقولون اعطيها عصير برتقال مخفف ..


وسؤالي الثاني . .
متى أبلش اوكلها سوالف خظار مهروسة او فاكهة ؟؟

سيميلاك يسبب امساك بس من ناحية ثانية زين و يسمن البيبي و طعمه حلو

اذا متأذية وايد من الامساك تقدرين تغيرين الحليب

ممكن تعطينها منقوع التمر يفيد حق الامساك

عصير البرتقال ما ننصح فيه الا بعد الشهر السادس

بالنسبة للأكل تقدرين تذوقينها الخضار بس الحين الفواكه لأ

يعني مجرد تذوق مو اكثر علشان تتتعود على احساس الملعقة و ان اكو شي بالدنيا غير الحليب فما تستنكر

بس الوجبات الكاملة تاخذها بعد الشهر السادس

و تاخذ الخضار بالأول و لما تاكل الخضار وايد زين تبدين بالفواكه

بنتي عمرها 4 سنوات وفيها عنقز شنو مرهم زين علشان ما يصير له أثر على جسمها وعلى فكرة أنا حامل بنص الشهر الرابع شنو الإجراءات الصحية والوقائية علشان أحمي جنيني ؟ وأنا جاني العنقز وأنا صغيرة هل إحتمال يجيني مرة ثانية ويعطيج العافية دكتورة وأسفين عالإزعاج

ميبو يمنع اثر الجروح عادة بس بالنسبة للعنقز ما عندي فكرة اذا يفيد ولا لأ

جربي ما تخسرين شي

بالنسبة لج انتي اذا يايج العنقز من قبل صعب جدا جدا انه يحوشج مرة ثانية و هم البيبي يكون بأمان

ماكو اجراءات وقائية تسوينها الا انج تروحين مستشفى الأمراض السارية يسوون لج تحليل يبين منعاتج للعنقز بالوقت الحالي

و اذا كانت قليلة و عندج فرصة للإصابة يعطونج اجسام مضادة و بس

ولدي يخلص اربع شهور بعد اسبوع شريتله بسكويت ميلوبا الي يذوب بالحليب مكتوب عليه من اربع شهور يصير احطله جم مره باليوم او بالاسبوع لأن أنطر ردج عشان أعطيه على فكره يشرب اربع ارقام شكثر الكميه نص البسكوت والا كامله لأن البسكوت صغير
ولدي الحين بدى يتقبل سميلاك العادي ويرضع مني طبيعي بس بسأل عن شاي الأعشاب مال ميلوبا والبابونج أعطيه عادي مكتوب بعد اربع شهور شكثر الكميه
متى ابلش أوكل ولدي؟
بعدعمري دكتوره أعذريني عل أسألتي الكثيره اول طفل لي ماعندي فكره ساعديني الله يخليج
ام ناصر

الحليب بالممية ما نخلطه مع شي الا الماي

ما نخلط البسكوت بالممية مو زين

شركات البسكوت تقرول عادي علشان المبيعات بس تركيبة الحليب تختلف و تركيزه يتأثر بوجود البسكوت داخله

شاي الميلوبا ما منه فايدة اساسا

رضعيه من صدرج و شربيه حليب احسن و افيد له من الميلوبا

الأكل تبلشين لما يكمل 6 شهور

راجعي اول الردود ماتل اليوم راح تلاقين طريقة بداية الأكل

 

[قلبي ابيض]

مشكورة دكتورتنا

ويعطيج العافية

 

[الدنيا حلوة]

سلام دكتوره حبيبتى اول شي حبيت اشكرج وثاني شي بسالج انا بنتى خدج ولدتها 30 اسبوع قعدت بالشيشه شهرين وزن الولادة كيلو وميتين عطاني الدكتور حليب سيميلاك نيو شور بس كلش ما تقبلته وقعدت ترجع الحين عطيتها نو فلاك للامسام بس بنتى مشكلتها بالمساك ما تخرج الا بتحاميل وثالث شي شلون احسب عمر بنتى من تاريخ ولادتها ولا من يوم طلعتها من المستشفى اهيا الحين ثلاث شهور ونص وقصب قصب تشرب درجتين متى اقدر اضيف الاكل لها

 

[Cute mama]

مشكوره دكتوره عالرد ماقصرتي حبيبتي

 

[كولوراديه]

ولدي يحب الفواكه يعني اهرسها له وياكلها و يعرف يبلع بس الخضار ما ياكله يسوي روحه غاص

و بستفسر منج شغله ..
خالتي تعطي ولدي نوتيلا ( الكاكاو السائل ) كامل الدسم و مرات قيمر و حلاو مصاص و فطاير و فيه سمسم و أي شي موجود

و ولدي 6 شهور ونص ولما اقولها تقولي عادي خل ياكل مو صغير ..

حتى البطاط المقلي تقول عادي
والسؤال يقول .. هل صحيح نوع الاغذيه إلي تعطيها ولدي ولا مو زينه ؟؟

وانا لما اعطيه من الخضار كلشي مفيوح و نوع من الفاكهه فمرات اقول يمكن لانه تأسس على الكاكاو و الحلويات فقام يكره الخضار لأنها مو حاليه

اتمنى الرد على رسالتي و شكراً .

 

[^^بـقـايـا طـفـلـه^^]

السلام عليكم..شلونج دكتورة يعطيج العافية على التعب معانا...انا بنتي عمرها شهر وترجع بشكل كبير مع اني ارضعها طبيعي..بعض الأحيان ترجع الرضعة كاملة مرة او مرتين باليوم؟؟؟بصراحة خايفة عليها

 

[البيداء_77]

السلام عليكم

ولدي عمره 8 سنوات من بدا الصيف واهوه سهر ولعب بي اس بي ومن فتره اشتكى من عيونة تحره وقال الطبيب انه التهاب وعطانا قطرات ومرهم واليوم يشكي من دوره براسة هل العرضين لهم علاقة مع بعض مع العلم انه الكل يقول انه ضعفان حيل