**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[al7noona]

بنات اليوم ضايق خلقي على ولدي بدا يلعب ويناغي وابوه ولا سال فيه ولا يدري عنه
ويقطع قلبي لما الناس تسالني ها ابوه يشوفه واقول لا يقولون واعليا يكسر الخاطر له الله
حسبي الله على ابوه واهله كلهم لاحول ولا قوة الا بالله العلي العظيم
لما اروح لاي مكان واشوف ابو ماسك ولده او يسولف معاه اتحسر على ولدي
واللي يقهرني اكثر ان عنده اخوان ابوهم مدللهم دلال ولما امهم زعلت شهر كان كل يوم يمر ياخذهم عنده حتى عماته ويدته يمرونهم كل يوم
وهالمسيجين له الله كفيله يتكفل بكل صغيره وكبيره ويدبر له ويسخر قلوبهم له ويملكه قلوبهم
يارب هالوليد حبيبك احفظه يارب

ياعمري يابحر ليش شفيج وين ابوه ؟؟؟ والله يعينج ويصبرج يارب والله يهدي ريلج انشالله

الحنونه
زيت اللوز والجلسرين ولا الجلوسوليد<< جنه اسمه جذي اللي علبته حمره

بنات حق الامساك عطوهم ماي التمر وايد زين يسهل ويعطي طاقه ويخلي الياهل بصحه


وحق التهاب البامبرز
في مثل بودره حمره بالحواي وايد زينه اختي كانت تستعملها حق بنتها
او كريم ماركت موستيلا بس موجوده بالصيدليه

لا الجلوسوليد غير
انا استخدم زيت اللوز المر والجلسرين اييون بطل وداخله مثل زيت شفاف ثقيل انا افرغهم كلهم بعلبه زجاج واتدهن فيه

 

[al7noona]

نيلفار شلونج حبيبتي
والله حنونه شخبارها اشتقنالها
وحتن بحر الغموض اليوم مو مبينه[/quote]
ام الصبيان ياعمري تشتاقلج العافيه بس كنت بالشاليه علشان جذي قطيت عنكم

هلا والله ام الصبياان وانا اقول ليش التجمع منور
شخبارج يالغاليه

ايي والله اشتقنا حق الحنونه وايد

كلكم شلوونكم

انا اليوم امي ردت بالسلامه من فرنساا ,, وعطاها الدكتور موعد بعد 4 شهور

تشتاقلج العافيه ياعمري وحمدالله على سلامه امج والله يشافيها يارب

 

[Beverly Hills]

السلام عليكم بنات ..
شلونكم .. توني اشوفكم ..
بنات انا ولدي تكرمون يرجع بلغم والدوا مايشرب منه الا شوي..
ابي شي من الحواي او شي طبيعي احطه بالمميه واشربه ..
لاني مرات اسم الله عليه احسه يخنق منه واخاف احطه على ظهره ..؟؟

 

[استبرق أم علاوي]

قوة شلونكم

مشكورين حبايبي


قمت كل نومه اغير راسه بس للحين يا يمين يا يسار مو قادره اخلي راسه سيده بس بسوي نفي بحور بلف فوطتين بحط وحده يمين ووحده يسار يمكن جذي يثبت ويخلي راسه سيده



انزين بنات انا ولدي للحين كله مجفس ريوله ما يسمتهم لمن ينام عادي هالشي ؟؟ وعلى فكره ترى اهو ما يحب يتمهد من احط المهاد عليه يموت من البجي وما يسكت الا لمن افجه

ليش ما طلعين ايده لمن اتمهدينه؟

اهلييييييييييين بام حسووون


تصدقين حبيت ولدج لان سمي ولدي


لازم على يوم نخلي عيالنا يشوفون بعض ويصيرووون ربع


بالنسبه للخشم

عندج ( اوشن سبريه ) ترشينه بخشمه بعدين تاخذين عود الاذون تنظفينه او شفاط خاص للخشم

لااااا الشفاط مو زين

 

[بحر الغموض]

صبحكم الله بالخير
عساكم طيبين مع بيبياتكم الحلوين

الحنونه انا منفصله عن ابوه من وقت حملي

بيفرلي هيلز
حاولي تعطينه الدوا وانتي رافعه راسه اشوي واشوي اشوي عطيه الدوا مو مره وحده تصبينه ولما تبين اتحطينه خلي النباله او القفشه على زوايه الحلج مو بنص الحلج علشان لا يغص او يشرق بالدوا

وعمره شهرين توه حبيبي بس الظاهر ياخذ برد ولدج حاولي تدفينه واذا كنتي تسبحينه قللي السبوح يمكن ياخذ برد وما ينقل
انا بصراحه امي لها يومين تقولي خليني اسبحه لان قبل لا تروح الشاليه ماسبحته قلت لها لالالالالالالالا
وامس ردت قالتلي تقولي ولدج بيحمض قلت لها عادي اشحلات ريحته مخلله
الزم ماعلي صحته انا الحين اعطيه علاجه ومابي شي يزيد عليه صدره اسم الله عليه
الحمدلله رقبته وابطه وايدينه اغسلهم وانظفهم بالفوطه والماي

بس تعالوا انا بط جبدي بسالفه ايدينه بحلجه وكل بمصمصهم يستانس وايدينه تتبلل وتصير بارده
حتى لو لبسته ادسوس ماكو فايده يحط الدس بحلجه من قبل كنت كله اشيل ايده وهاوشتني امس قالت حرام خليه يبي يلعب وشي طبيعي
ولما قريت وسالت الطبيب قالي حرام خليه يبي يتعرف على ايده وحلجه ويحس بسعاده انه صار يدل حلجه وين لان بعد فتره بيصير الاحساس اكثر شي بحلجه لما يبدا يمسك الاشياء على طول يحط بالحلج
فالحين اخليه على راحته ويستانس بس شسوي لو بردت ايدينه؟ مالحق على غسيل القلافز الدسوس

 

[Beverly Hills]

حبيبتي والله ايه ياحلو بوريحه لوول الله يخليه لج ان شاءالله
.. ولدي دش الشهر صدره تعب والدوا بالمميه بس مايشرب كلش ..
وللحين ادور شي يريحه .. وعلى البرد .. انظفه مسح مو سبوح لان خفت من السره مالته
طاحت قمت اسبحه كل يوم ع اساس انه يريحه ..
ومالي احد يعلمني او يمي بالاصح وقاعده اسوي سيرج بقوقل بس ماطلعت بنتيجه عاد شفت تجمعكم قلت انتوا ادرى

وعلى المص .. تدرين اني استاااااااااانس اذا شفته يلعب ويرفع بريووله لوول ..
وغير التشمخ بعد ... يهبلون الله يخليهم ..

 

[بحر الغموض]

ياقلبييييييييييييييي عليه ربي يحفظه

لما تغيرين له البامرز غطيه لاياخذ برد اوكي

وروحي لدكتور خالد حمادي بمستشفى المواساة هذا دكتور ولدي

 

[Beverly Hills]

اذا نظفته لازم اخلي فري شوي لول
يعني مالبسه ع طول اخليه يتهوا شوي لانها محمره شوي ومانفع معاه كريم مذركير للحفايظ
وماخليت دكتور مارحت له لانه بجري ربي يخليه لي .. مغص امساك اسهال ترجيع اوديه من الخوف وماعرف اتصرف
لووول
يالله الله يسهل علينا ويقدرنا على صلاحهم ان شاءالله ...

الا صج . اذا احد مزكم عادي يقرب صوبه ؟ الحمدلله ماسكر خشم ولدي للحين..

 

[بحر الغموض]

اذا خليتيه يتهوى حطي عليه كفر دفيه عادي حتى لو وصخه فدوة

 

[تمر حنا]

صباااح الخير شخباركم
بحر ولدج جنه ولدي كله ايده بحلجه والثنتين مع بعض مو وحده مرات يغص بعد
بس شكله يونس واهو يمصمص

 

[om_3adoOol]

السلااااااااااااااااااااام عليـــــــــــــــــــــــــــكم

شلونكم وشخباركم

وشلووون البيبات الحلوين ؟؟

الحنونه حبيبتي لج وحشة انشالله استانسي وشلون البنات ؟؟

بحر حبيبتي شلونج اليوم انشالله احسن ؟؟

تموره ها بشري شلونكم اليوم انتي ووليدج الله يحفظكم انشالله احسن ؟؟

عاد اتصدقون انا ولدي نفس وليدكم كله يمص صبعه وانا اكلمه جنه صج :dddds: اقوله لا مامي الصبيان الحلوين لازم مايمصون صبعهم ويضحك ويعطيني طااااااااف :krkrkr:

ولا ساعات اشيل صبعه واعطيه المصاصه ماكو فايدة يشلها ويحط صبعه .

 

[al7noona]

اهلين بنات ام عدول ياقلبي انتي بعد لج وحشه ماقمتي اتدشين وايد

بحر وتمور اي حتى انا بنتي نفس عيالكم كله ايدها بحلجها ومرات ايدينها الثنتين لوووول ومرات تقص وااي تهبل وحتى لو لبستها دسوس هم تمص ايدها

 

[al7noona]

ايي تذكرت بعد بنتي قامت تعفط بحلجها اتفل لووووووووووووووووووول شيطووونه

 

[fatma]

السلام عليكم .... اشلونكم ؟؟؟

 

[بحر الغموض]

هاي بنات
هلا ام عدول وحنونه وتمووووره وكلكم عساكم بخير

انا توني قعدت من النوم حسيت بتعب اليوم

وولدي لقيته مسبحينه وقاصين شعره وانا نايمه ولا حاسه فيه كلش

قبل لا انام كنت اسولف مع وحده من البنات فدشينا بسوالف الولاده

اسالتني انتي والده طبيعي قلت لها :لا صناعي

متنا ضحك وقالتلي روحي نامي شكلج فصلتي قلت اي والله دايخه


يالله انا بروح اخذ شووووووووور خل اصحصح عدل

 

[om_3azoz]

السلام عليكم شخبااركم ؟
هلاوالله بالحنونه حمدالله على السلامه

ويي كل اليهال يحطون ايدهم بحلجهم لوول انا عزوز خوو ايدينه الثنتين .. اشيل ايده احط المصاصه مايبي يقطها ويرد يحط ايده

وطبعا سالفه التشمخ يسوي خرايط معنه اقرض الظافره ومايكون عنده اظافر بس هم يشمخ صايره اقمطه بليل بس عشان لايشمخ

 

[بحر الغموض]

اي التشمخ هذه دارجه عندهم

واعليا شكله يضحك شامخ نفسه عند خشمه وعند عينه بعد

حتى لو قصيت اظافره فابسه الدس عشان لا يشمخ

اقول ترى يستانسون ويكيفون لو حط ايدينهم بحلجهم عندهم انه اكتشااااااااااااف عظيم

وبعدين بدا يسوي حركه هاليوم واهو يرضع بعد مايشبع اشوي يعض عالحلمه اشوي وييره لين بره ويهدها ويقعد يطالعني وبعدين يدور عليها ويرضع ويرجع مره ثانيه ايعضها واييره لبره واهو لاف وييه ويهدها وبعدين يقعط يطالعني كانه يتحرش ينطرني اهاوشه ويضحك

عاد لو مصخها ناديت خدامته وقلت لها هذا يبي يلعب اخذيه وييقعد يصيح ههههههههه

 

[نيلفار]

عندنا وعندكم خير انا حسووون كله ايدينه بحلجه والمشكله اظافره طويله بس اخاف اقرضهم

 

[om_3azoz]

قوه بنات شخباااركم ؟؟

 

[Beverly Hills]

هلا حبيبتي الله يقويج عني انا بخير
انتي شلونج وشلون عزوز ؟