{ونـــــــــــــــاستنا في رشــــــــــــاقتنا }(تمديد الى 17-7)

[Loving Stella]

أنا باااااااااااااك :eh_s(6):


رحت يبت إختي الصغيره من النادي ورحت الجمعيه يبتلي كورن فليكس فتنس وكرنيشن لايت علشان باجر إن شاء الله بسوي رجيم الكورن فليكس بس راح آكل وياه كيوي وعصير أناناس KDD <<< يعني مو بس كورن فليكس لأن أنا أحط كرنيشن وياه والكرنيشن فيه كالوري أكثر من الحليب فا ماراح أقدر آكله 3 مرات أو أكثر باليوم

و و و و الصراحه خذيتلي برد توكس وحلاو واحد وكاكاو بو قواقع حق اليوم

وختمتها بماكدونالدز


و و و و و أحس ولهت عالكليه معني توني معطله ما صارلي وايد :eh_s(2):... خذيت إختي من ناديها ببيان ورحت مشرف مريت يم كليتي.. أبي أرد أداوم :eh_s(2):

وريتها الطياره إلي بكليتي... تقولي الله حلوه كبيره بس لو لونها وردي وبنفسجي تصير أحلى <<<< صج ياهل لوووووووووول :dddds:

اهلا ياحلاتي :eh_s(6):شلووونج ؟؟؟
لوووووووووول خربتي الرجيم امس شكلج .. بالعافيه و موفقه برجيم الكورن فليكس :ggdw::ggdw: بس والله ياحلاتي لو تسوين رجيم عادي فيه كل الاصناف افيدلج من انواع معينه تاكلينها عشان ما تملين يعني مثلا اكلي الكيوي و الاناناس و مشويات و جذي :ggdw: موفقه ان شاء تنزلين بصحه و عافيه يارب .. ابي طيارة ورديه لوووووووول_03BA:

 

[Loving Stella]

بعد عمري ام فجر والله حاسة انج حاسة فيني ...

و مشكورة علةى الصور ...بس والله مالي خلق أفتح موضوع السفر علشان لا تصير هوشة اليوم

الله لا يقوله... أعرفه يتنرفز من السفر سواء بالطيارة او السيارة

و مثل هالمواضيع ما في مجال افتحها معاه ...عموما ... بنات أترككم ألحين

ودي أطالع التلفزين شوي جود أحصل لي فلم أومسلسل حلو

أشوفكم جريب

ستيلا لا تحترين دوسة ريلج ..المهم لقيتي بدلة اعتبريها من ضمن السعر

يا حلاتي ...سوالفج ما تنمل ربي يعطيج اللي في بالج

انشاء الله مارح احتر خيرة سبحان الله تسلمين حبيبتي جست و ان شاء الله تتعوض :0bee2e8d89:

 

[Loving Stella]

عليج بالعافيه ستيلا ...

أم فجور أنا وقت الدوره زوجي ينحاش من البيت من كثر طناقري و أقعد كل شوي ابجي بدون سبب ههههههههههه

الله يعافيج مهمها :eh_s(6): شخبارج؟ و شلون طلعت الكيكه _03BA: بالعافيييه

 

[Loving Stella]

مساااااااااااااااااااااااء الخير

أنا بأسوأ حالاتي النفسية ادعوا ربي يفرج همي

افاااا ليش عسى ماشر حبيبتي
الله يفرج همج و يفتح لج دربج يارب و الله يشافى ولدج ان شاء الله كلشي ينفرج باذن الله

 

[ضحى الكويت]

هاهاهاهاهاهاهاهاهاهاهاهاهاهاهاهاهاهاهاهاهاهاهاهاها



الله يسلمج صاااااافيه

وييييييييي عاد آنا ماشفت اللي كتبتيه و بصراااااحه....... كليت ... بس قطعه ضغيرونه :tomato2:


و إن شاء الله أصورها ليسويت مره ثانيه <<< ناويه على التخربط هالبنت
:68_asmilies-com:

دوم هالضحكه يا مها ... هذا شى طبيعى احنا ما يصير نسوى شى ما ناكل منها .... عليج بالعافيه .... ويا معوده ما ابى الصوره ولا ابيج تسوينها مره ثانيه كل هذا علشان ما تاكلين منها

صباااااااااااااح الخيرررررررررررر

شلونكم بنات شخباركم..اعذروني مااطل عليكم الا الفير شسوي مشغوله بالنهار والمنتدى بعد الـ 11 بالليل معلق..مااقدر ادش..

صافيه... بعد عمري يالغاليه ولهت عليج العافية انا كاني اهني بس شسوي بالمنتدى مو راضي يبطل معاي بالليل

يومياتي:

الريوق: 2 توست اسمر و2جبن سلايس لايت وخس بالشواية +زيتون اخضر 8 حبات + حليب جاي كوب

الغدا: 4 لقمات عيش وشوية سلطة

العشا: خربتها ببيت اهلي.. لوووول..لليوم الثاني ان شاء الله مااعيدها..

صبحج الله بالنور ... بخير الله يسلمج .... معذوره وان شاء الله دوم يارب معانا ... ما نستغنى عن طلاتج الحلوه وكلامج المعسول ..... اى والله امس انا بدش الفير وما قدرت كله مسكر المنتدى انا داريا يا قلبى .... وبالعافيه عليج وان شاء الله ما تعيدينها .... وان شاء الله ما يعلق اليوم الفير

 

[ضحى الكويت]

السلام عليكم ورحمه الله وبركاته


اشلونكم شخباركم مع الدايت ؟


من من ...... يا قلبى مأجوره وبدعيلج من كل قلبى ربى يفرج همج ان شاء الله ... وما بعد شده الا فرح ان شاء الله ....والله ان قلبى معاج يا حياتى ...


يومياتى ...




الريوق ... ماكووو الان قعدت متأخر


والغدا ... مسوين مجبوس دياى ... ان شاء الله ... ناويه آكل دياي مع سلطه .... ولبن فقط ان شاء الله احاول ما اكل عيش واذا كليت آكل 3 قفاش عيش بس


والعشى ... اتمنى يكون خفيف يارب




وسلامتكم .............​

 

[~ MhMh ~]

السلام عليكم


شلونكم؟؟؟


اليوم قعدت الضحى تريقت قهوه تركيه << عاقبت نفسي عشان تخربط توالي الليل



تغديت غدا الريجيم ( 5 قفاش معكرونيا + لحم تكا مشوي + سلطه )




أنا ما احاتي إلا تخربط بعد المغرب لووووووووووووول

 

[~ MhMh ~]

بنااااااات لوسمحتوا بسألكم

اذا صارلي تقريبا شهر و شي مو رايحه عند ((( طالب الشمري ))

جم لازم ادفعله ؟ ولاأني جني مضيعه الكرت شسوي ؟

بليييييز اللي تعرف تفيدني

راح تدفعين 10 دنانير
و عادي يطلعلج رقم ملفج من سجل الزياره
<<< ترا ني ياما ضيعت كروتي عنده :dddds:

 

[~ MhMh ~]

دوم هالضحكه يا مها ... هذا شى طبيعى احنا ما يصير نسوى شى ما ناكل منها .... عليج بالعافيه .... ويا معوده ما ابى الصوره ولا ابيج تسوينها مره ثانيه كل هذا علشان ما تاكلين منها

الله يعافيج و يخليج لعين ترجيج


أفا عليج التخربط ياصافيه فينا فينا ... وإلا شلون بنعيش؟؟؟؟:dddds:

 

[~ MhMh ~]

صباااااااااااااح الخيرررررررررررر

شلونكم بنات شخباركم..اعذروني مااطل عليكم الا الفير شسوي مشغوله بالنهار والمنتدى بعد الـ 11 بالليل معلق..مااقدر ادش..

أهلين مس يو
احنا بخير و لله الحمد
فقدنا السوالف معاج:gathering:

صاجه ياعمري المنتدى بليل يزهق و يملل ... معلق و إن فتح صفحه علق معاج بالثانيه:0bee2e8d89:

 

[Loving Stella]

هاااااااااي بنات شخباركم

 

[~ MhMh ~]

أهلين ستيلا
شلونج؟؟
أنا بخير و لله الحمد ... توني ماكله معكرونيا <<< حدي مستانسه

 

[Loving Stella]

هلا و غلا مهما انا بخير الله يسلمج و عوااااااااافي حبيبتي انا عاد ولهانه عالباستاااااااااااات

 

[Ya7aLaTi]

Hiiii :eh_s(6):


شلووووونكم ؟


تريقت قلاصين ماي وعقبه كليت كورن فليكس... وليلحين ما تغديت..

وزنت عقب التخربط أمس... طلعت نازله 300 جرام... شلوون نازله ما أدري :080402ask_prv:

واليوم ما رحت الجم.. لأن صليت الفير ونمت وما قدرت أقوم مبجر

وبطني يعورني من الدوره توها يت.. يصير باجر أروح النادي ولا مو زين ؟ :eh_s(1):

 

[~ MhMh ~]

ستيلا أي و الله وناسه تآكلين باستا بالريجيم ... كلهم خمس قفاش بس أحس ردو روحي لوووووول



ياحلاتي : أنتي لو ماتناقزين من ريجيم لريجيم جان شفتي شلون وزنج ينزل <<< شتبين مناشبه البنوته ؟
و النادي أول 3 أيام روحي امشي فيه بس كرياضة و ايروبكس و ووو ... تروالي موزين <<< قامت تفتي لوووووووووول

 

[Ya7aLaTi]

ياحلاتي : أنتي لو ماتناقزين من ريجيم لريجيم جان شفتي شلون وزنج ينزل <<< شتبين مناشبه البنوته ؟
و النادي أول 3 أيام روحي امشي فيه بس كرياضة و ايروبكس و ووو ... تروالي موزين <<< قامت تفتي لوووووووووول

فدييتوووووووج مهمهااااا :*

اي والله مادري ليش من رجيم لي رجيم.. كل يوم لي رجيم غير :0bee2e8d89:

وحتى إرادتي أحس مو مثل قبل .... قبل لو شنو جدامي ما آكل.. بس الحين على أي شي أخربط.. مادري ليش :0bee2e8d89:... يمكن لأن وزني مو راضي ينزل عن الـ 74.500..... يزيد بس ما ينزل :0bee2e8d89:


إن شاء الله.. عيل باجر بس بروح أمشي وأرد..

 

[~ MhMh ~]

ياعمري عادي التخربط فينا فينا
بس و الله لو كل وحده حطت هدف لوزن معين بمده معينه و عندها اراده بتوصل للهدف بسرعه


و المشي زين وقت الدوره

 

[Ya7aLaTi]

ياعمري عادي التخربط فينا فينا
بس و الله لو كل وحده حطت هدف لوزن معين بمده معينه و عندها اراده بتوصل للهدف بسرعه


و المشي زين وقت الدوره

أبي أوصل 69... حتى لو 69.900... بس عالأقل أكون دشيت الستينات... مادري متى بوصلها :0bee2e8d89:


فديتج.. إن شاء الله كلنا نوصل حق أهدافنا بصحه وعافيه يااااااااااااااا رب :yaaaaaarb:


وين باجي البنات ؟

 

[just-me]

سلام بنات شلونكم

يصير أتعشى نفيش بوكراميل .... توني كتبت بالديواني اني

بروح عب لسينما و خايفة أطب بالماكينة و أكل من الجدر تخيلو شكلي

و الفلبيني يطلعني و الناس صافة طابور لووووووووول

 

[~ MhMh ~]

أهلين جسوووت
شوفي ليرحتي السينما تعوذي من ابليس و اشتريلج بس (( ماي و علج ))
لووووووووووووول



و الله راح تندمجين بالفلم و تنسين الاكل و ليطلعتي بتستانسين أنج مسكتي نفسج عن الاكل