تجربتي مع القراااااء ... اتمنى انها تنال رضاكم ...

[غنوة ستايل]

السلام عليكم ورحمه الله وبركاته
اهنئكم على اقامه هذا القسم في المنتدى صراحه وااايد استانست لما شفته ..
وحبيت اقول لكم تجربتي مع القراءه ...

طبعا وانا صغيرة كانت الوالده الله يرحمها مدرسه اولى .. وكانت كله تصلح الامتحانات .. او تراجع شغل الابلات اللي بالقسم .. وكنا نساعدها باننا ندبس لها اغراضها .. طبعا كنت وااايد صغيره للحين ما دشيت المدارس وارسم والعب ...

بعدين صرت اشوف الوالده الله يرحمها .. تقرا .. تقرا كثير .. فكانت تعطينا انا وخواتي قصص الاطفال عشان نقعد نقراها .. وشوي شوي صرت اقرا ...

بداياتي الصجيه في المرحله المتوسطه ... بديت مع قصص البوليسيه ..

ادهم صبري رجل المستحيل !
الملفات السريه ..

بعدين توجهت حق القصص الاجنبية المترجمه ... خاصه البوليسيه شارلوت هولمز .. والمفتش بواروا ..

وبعد فترة صرت اقرا روايات عبير طبعا كنت وصلت للمرحله الثانويه .. واحتفظ بمكتبه زااااااخره من الروايات القديمه ودائما احب اني احصل على هذه الروايات خاصه القديم منها ..

الخيط الرفيع .. اصابعنا التي تحترق .. هل تخطأ الانامل ... فك قيدي ... وغيرها وغيرها .. طبعا بعد زواجي .. اهتميت بالمكتبه اكثر .. و اخذت كل كتبي معاااي وسويت لنفسي مكتبه ..

تعرفون .. اللي يحبون الكتب يخافون عليها .. فما كنت كلش اتحمل احد ياخذ كتبي .. لان ما يكون محافظ عليها مثل راعيتها فاهمين قصدي طبعا ..

لما وصلت العشرين .. بديت توجه غريب لقراءه القصص المصريه !
مع اني كنت اكره القصص هذه

وكانت البدايه مع رحله حول العالم .. مع انيس منصور !!

فصرت من عشاق نجيب محفوظ . احسان عبد القدوس . يوسف السباعي ..

وحاولت كثر مااقدر اني احصل على اكبر كميه من الكتب الصادره من هذيل الكتاب العمالقه ...

واذكر بين القصرين لنجيب محفوظ .. والسكريه .. غيرها وغيرها ...

سبحان الله .. من اول ما طلعت كتب براون .. صرت احب المغامرات ..والخيال اللي يرتبط بمعرفه اكثر كميه من معالم الدول الاخرى ... فقريت ملائكه وشياطين .. و شفره ديفنشي !!

عقبها صار عندي توجه لقصص عالميه ... والحين اخذت لي كتاب اسمه مائه عام من العزله .. وكتاب ثاني اسمه الحب في زمن الكوليرا حق الكاتب العالمي غابرييل ماركيز ..

حبيت اقول لكم تجربتي مع القراااءه .. واللي كان الفضل الكبير لها للوالده الله يرحمها .. لانها دائما كانت تشجعني على القرااااءه وعلى المطالعه .. بدتها عشان تفتك من حنتنا و من لعبنا في اوراقها .. والحمد الله .. كملت القرااااءه لعشقي لها ...

عشان جذي نصيحه .. لو بديتي القراءه لا توقفين ابد لانج بتعرفين معلومات واشياء عمرج ما فكرتي فيها ولا عرفتيها من قبل ..

اذكر مقوله تقول ..
عند قراءه كتاب جديد فاني ألتقي بصديق جديد علي .. وعلى قراءه كتاب قديم لي .. فإني ألتقي بصديق سبق لي معرفته

 

[ملآمح شوؤق]

يعطيج الف عااافيه و الله يرحم واالدتج ..

فعلا الكتب علمتني اشيااء ما كنت اعرفهااا ...

 

[نيولوفر]

يثلمووووووووو

 

[عهود الحب]

صاجة
وخوش قصة والله
الله يخليلكم الوالدة
وانا امنيتي بناتي يحبون القراءة مثل ما انا احبها
بس مشكلتي الوقت مو بصالحي دايمن

اتذكر مرة حضرت ندوة لدكتورة كويتية


قالت لازم الواحدة فينا تخصص لروحها ساعة يوميا
لنفسها مو لأي شخص ثاني
تقرا تتأمل
كيفها المهم محد يزعجها حتى زوجها يحترم خصوصيتها بذيك الساعة


انا ودي على يوم يكون عندي ساعة قراءة ثابتة يوميا ً


شاكرة لج حبيبتي هالموضووع الحلو

 

[Q8_QT]

تسلمين حبيبتي على ذكر تجربتج وآنا هم مثلج أمي حببتني بالقراءة وهم أبوي من عرف اني أحب القراية قام يوديني المكتبة ويخليني أشتري على راحتي وأتمنى إني أنقل حب القراءة لعيالي لمايكبرون إن شاءالله

 

[غنوة ستايل]

تسلمين حبيبتي على ذكر تجربتج وآنا هم مثلج أمي حببتني بالقراءة وهم أبوي من عرف اني أحب القراية قام يوديني المكتبة ويخليني أشتري على راحتي وأتمنى إني أنقل حب القراءة لعيالي لمايكبرون إن شاءالله

صدقيني ياقلبي لو تميتي وراااهم بيحبونها بس المهم انج تختارين القصص الصغيرة السهله .. وترغبينهم

 

[.]

ماشاءالله الاهل ياثرون ع الياهل بشكل كبير بس الاهم تكون موجوده عنده الميول ..

والله يخليج امج يارب..

مشكوره..

ودي اقرا لادباء الكبار المصريين شنو اكثر شي حبيت لهم؟؟

 

[غيدآء]

ماشالله عليج

وعسى الله يرحم الوالده واموات المسلمين

 

[نيــلــوفــر]

عسى الله يرحم امج

ما شاء الله والله حتى انا ودي عيالي يكون عندهم حب القراءة مثلي و ودي يتثقفون

انزين عندج روايتين حق الكاتب غابرييل جارسيا اللي اهمه مئة عام من العزلة اللي فازت بجائزة نوبل و الثانية الحب في زمن الكوليرا صح

انا وايد سمعت عن الرواية الاولى يقولون انه فيها شوي خيال عن السحر و اللعنات او شي جذي مادري ما تشجعت

والثانية اول مرة اسمع فيها بس اكيد رومنسية على ما اعتقد من اسمها ,, قارية وحدة فيهم ؟

ممكن اذا خلصتي من اي وحدة فيهم تقولين لي عن شنو الرواية و هل اسلوبها يشدج و احداثها بليز ؟