مفسرة احلام كويتية جديدة

[زلابية]

هلا ومرحبا امل
ممكن تفسرين لي
من رجعت من الحج وانا كل يوم والثاني احلم اني قاعده اصلي
ومن يومين حلمت ان في مثل الضباب بشقتي وولدي استغل الفرصة وراح المطبخ علشان يطل بالجدر اللي على الجوله وفجأة راح الضباب ولحقت على ولدي قبل ما يحرقه الجدر.
اما حلمي الاخير والله يعينج عليي لاني انام وايد هههههه عمتي كانت داقة عليي وقالت لي عندي لج بشاره قبلوج في وزارة التربيه وللعلم اهيا بالحقيقة وكيلة في مدرسة ..
يلا همتج يا حبيبتي ومشكورة مقدما

 

[^ليلاس^]

هلا والله حبوبة

يعطيج العافيه

انا اختي مو متزوجه ودايما يتكرر معاها هالحلم: انها رايحه البحر وتيمع الأصداف ولونها عجيب وغريب يعني الوانها حلووة وموطبيعيه والبحر يكون ازرق وصاااافي تقول صارلها سنة وهالحلم يتكرر معاها بالاسبوع مرتين او ثلاث

وتسلمين

 

[طماشه]

السلام عليكم ؟؟


قوه أموله حبيبتي بغيتج تفسرين حلم خالتي

تقول إنها حلمانه أن جدامها سحارة طماط واهي قاعده إتنقي الطماط الاحمر الحلووو

شنو تفسيره ؟؟


يزاج الله خير حبيبتي ​

 

[amal6666]

مدعوجة الاعيان الحلم الاول يدل على انه مرت حماج قاعدة تظهر بصوة غير صورتها الحقيقية اما الحلم الثاني فهو يدل على انج راح تنذكرين بصيت حلو وتنمدحين والله اعلم.

 

[amal6666]

فرحتي يتيمة الحلم الاول يدل على عمل خير انت مسويته او بتسوينه للمرحوم ان شاء الله بيثقل من ميزان اعماله ويدل على انه الوالد الله يرحمه مرتاح منج اما الحلم الثاني يدل على انج شايله هم بس الله راح يفرجه لج والهم هذاانت اللي جايبته لنفسج والحمد لله وراه فرح وفرج والله اعلم

 

[{مدعوج الاعيان }]

جزاج الله خير ما قصرتى:eh_s(6):

 

[توته]

السلام عليكم انا توني امس حالمه انه حولي عناكب واحاول امسكها وتنزلق مني وتهد خيوطها علي
ياليت تفسرين لي حلمي الحين ناطرتج وجزاج الله خير يارب

 

[amal6666]

هلا ومرحبا امل
ممكن تفسرين لي
من رجعت من الحج وانا كل يوم والثاني احلم اني قاعده اصلي
ومن يومين حلمت ان في مثل الضباب بشقتي وولدي استغل الفرصة وراح المطبخ علشان يطل بالجدر اللي على الجوله وفجأة راح الضباب ولحقت على ولدي قبل ما يحرقه الجدر.
اما حلمي الاخير والله يعينج عليي لاني انام وايد هههههه عمتي كانت داقة عليي وقالت لي عندي لج بشاره قبلوج في وزارة التربيه وللعلم اهيا بالحقيقة وكيلة في مدرسة ..
يلا همتج يا حبيبتي ومشكورة مقدما

أحلامج تبشر على قبول حجتج ان شاء الله تعالى،والحلم الأول يدل على قربج من الله سبحانه وتعالى أما الحلم الثاني فهو يدل على أنج داعية حق ولدج دعوة وأن شاء الله مستجابة وإن الله سبحانه وتعالى راح يحفظه لج بوجودج أو بغيابج عنه أما الحلم الثالث فهو يدل على دعوة بالتحقق لج وبشارة أنتي ناطرتها من زمان والله أعلم

 

[amal6666]

هلا والله حبوبة

يعطيج العافيه

انا اختي مو متزوجه ودايما يتكرر معاها هالحلم: انها رايحه البحر وتيمع الأصداف ولونها عجيب وغريب يعني الوانها حلووة وموطبيعيه والبحر يكون ازرق وصاااافي تقول صارلها سنة وهالحلم يتكرر معاها بالاسبوع مرتين او ثلاث

وتسلمين

الحلم يدل على خير أن شاء الله ينتظر أختج بس أهي لازم تسعى له والله اعلم

 

[amal6666]

السلام عليكم ؟؟


قوه أموله حبيبتي بغيتج تفسرين حلم خالتي

تقول إنها حلمانه أن جدامها سحارة طماط واهي قاعده إتنقي الطماط الاحمر الحلووو

شنو تفسيره ؟؟


يزاج الله خير حبيبتي ​

الحلم يدل على أنه خالتج في بالها أختيار شيئ معين تبيه بس اهي شويه مترددة وتحاول تدقق بختيارها مع انه كل شيئ جدامها زين واضح وماله داعي تردد في أي قرار ناويه تقرره والله اعلم

 

[amal6666]

السلام عليكم انا توني امس حالمه انه حولي عناكب واحاول امسكها وتنزلق مني وتهد خيوطها علي
ياليت تفسرين لي حلمي الحين ناطرتج وجزاج الله خير يارب

الحلم يدل على وجود أشخاص حوالينج يحاولون أنهم يضرونج أما بالعين والحسد أو المشاكل مع هذا أنتي اتعرفينهم أو قريبه منهم والله اعلم

 

[^ليلاس^]

حبيبتي انتي
مشكورة على سرعة الرد ويعطيج العافيه

 

[هامورة]

اختي شنو يعني اذا حلمت بلبس لونه بنفسجي؟

وشنو يعني اذا كنت على قطيعه مع شخص بس احلم فيه وااااااااايد وكله انه
قاعد يتكلم معاي بتلفون ؟؟؟ وعلى فكرة الشخص هذا مايمر على بالي كلش
بس مادري ليش احلم فيه

 

[ghalaty]

اهلا فيج اختي أنا مرتين أحلم ان شخصيه كبير ه وااايد يعني مرموقه تزورنا البيت ممكن تفسرين اي معنى الحلم هذا... وأبي اعرف شنو معناة الحلم لمن يجي ميت من العايله ويبي ياخذ أحد معاه

 

[طير الحب]

هلا والله فيج بالمنتدى وحياج الله بينا حبيبتي

 

[Amory]

حلمت حلم غريب متضايقه منه والله يكافينا شره

حلمت ان آنا واخوي قاعدين بالصاله في بيتنا ويوم طالعت السقف والا مليان ازهيويه وحشرات اشكال وانواع عاد آنا شنو اشمئز منهم ويصير فيني قشعريره وكان اخوي عنده جلب ابيض اصغير كان كلما نمت يندعس عندي بالفراش وآنا اوخره واهو يرجع ومو قادره اتفكك منه وبعد كان عند اخوي حيوان اصغير كلش ابحجم الحشره لكن شكله غريب وعنده ايدين وكان ماسكه اخوي ابإيده وكان يطيع اخوي باللي يقوله ويحارب الحشرات كلهم.

والله حلمي يفشل بس ماني عارفه ليش حلمت هالحلم

 

[عاليا]

السلام عليكم ورحمة الله وبركاته
ممكن اختي تفسريلي حلم من اسبوع تقريبا
حلمت اني انا واخواتي رايحين حق جمعه وحده صديقه امي من زمان وهي معروفه باخلاقها ودينها وقامت تصلي وقمت علشان اصلي معاها بس ما لقيت سجاده وقتلها لازم اصلي على سجاده وهي استغربت من طلبي فقالت حق وحده من قريبتها انها تجيب سجادات لي ولاخواتي بس انا مانطرتها ورحت غرفه من غرف البيت واخذت السجاده والقران وكان لون السجاده كحلي بازرق وكانت من نوع القديم الصغير والقران كان لونه اخضر وقديم وفرشت بجانبها السجاده وقلت حق اخواتي صلوا معاي واختي شافت القران وسالتني اني وايد تقرين قران استغربت من سؤالها وقتلها اي ليش تسالين قالت لان القران في اثار اصابع وايد من كثر القراءه قتلها بس هذا القران مو لي في البيت هذا لهم وشوي وقريبت الحرمه جابت السجادات وكانو كبار وجديدين ولونهم احمر حلوين ومعاهم اجزاء من القران فرشو اخواتي السجاد واخذت كل وحده جزاء وقالولي اخذي سجاده جديده وجزا من القران احسن من السجاده القديمه والقران الكامل قلتلهم لا انا بصلي على هذي السجاده والقران الي في يدي وقريبة الحرمه ظلت تردد وتقول وتلح حيل انها تبي الجزا الي فيه صورة القصاص قمت وصليت انا وصديقة امي واحنا نقرامن القران ونسمع الصلاة من التلفزيون وكان القاري يقرا صوره غير الي انا اقراها من القران ( ما اذكرها )وعقب خلصنا الصلاة لقينا ان القناة التلفزيون غير قنات الكويت يعني الفارق في التوقيت وكانت الساعه 11 قتلهم عادي الصلاة صحيحه لانها نفس توقيتنا واحنا قرينا الايات من الكتاب مو من ورى القارئ وكانت صلاة الظهر( معلومات انا انسه واخواتي وحده متزوجه والثانيه ملجه )في الحلم سمعنا الاذان والاقامه والصلاة مشكوره مقدما

 

[amal6666]

هامورة الحلم باللون بالبنفسجي بشكل عام يدل على الكآبة بس ساعات يتغير التفسير على حسب الحلم اما الحلم الثاني فهو يدل انه الشخص اللي قاعد يذكرج بحسب المكالمة اقصد اذا كان اسلوبه حلو كان يذكرج بسيرة حلوة والله اعلم.

 

[BaiTotia]

هلا فيج أختي وعساج عالقوة

عندي حلم غريب وخايفه منه
حلمت 3 مرات تقريبا بحريم من العايلة متوفين من فترة
أحلم إنهم حيين للحين وما ماتوا يعني بالحلم أدري إنهم ميتين بس كنا غلطانين للحين عايشين

عاد لووول عسى وصلت المعلومة؟

 

[ملااااااك]

السلام عليكم
عندي حلمين الاول
حلمت اني توني والده ويبت صبي وحاطته بحضني قاعده ارضعه للعلم انا متزوجه وماعندي عيال

الحلم الثاني

حلمت بزوجي يبجي ويقولي بس اغاني ذبحتينا حطي قرأن مو كلا اغاني مع العلم انا مووايد اسمع اغاني