مفسرة احلام كويتية جديدة

[amal6666]

مرحبااااا

حياج لله اختي المفسره عندنا في المنتدى وجزاج لله الف خير

حلمت اني انا وخواتي قاعدين بالدار ودشت مرت اخوي علينا تبي تسلم على اختي بس اختي قامت وطلعت وبعدين اقعدت معانا بنفس الغرفه وطلع خبر بالتلفزيون ان في ضبان متوحشه وفجأه طلعو الضبان من ورا مكان مرت اخوي اكثر من7 ضبا ن متوحشين وكلو اصابع رجولي كلها وقمت اناقز لين وصلت المطبخ......""مع العلم انا بينا خلاف معها """

الحلم الثاني
حلمت اخوي يوزع علينال طرف فيه فلوس كانا بعيد وعطاني قلاده ذهب وكنت ابي اشكره بس ماكنت عارفه اشلون وكنت وايد مستانسه
ومشكورة ويعطيج العافيه

سامحيني عالتاخير لانه جهازي كان يعلق والحلم الاول يبين استمرار الخلاف بينكم وبين مت اخوكم بس للاسف انه الناس عارفة بالخلاف وانه الضرر راح يزيد وهي احتمال تحاول تتدخل بحياتج بشي يضرج اما الحلم الثاني فيدل على انه اخوج راح ييكم من وراه خير بس معاه مشاكل وعيون وانت راح تنظرين شوي بس الله راح يفرجها لج والله اعلم

 

[amal6666]

شنو تفسير الجواتي وانت بكرامه بالحلم

اختي حلمانه فيني البس جوتي جديد

الحلم بالجوتي له اكثر من رمز ممكن يكون دربج بالحياة او انتقال اوزواج والله اعلم

 

[أهات القهر]

هلا بمفسرة الاحلام شلونج حياتي الله يعينج بعد منو ياكثر ماحلم بس ابيج تفسرينه عدل وبوضوح لاني انا ماافهم بسرعه ’’’’’’’’’’’’’’’’’’’’’ انا دايم احلم اني اولد ولد يتكلم شنو معناة ويعطيج العافيه بعد عمري

 

[amal6666]

أختي الغالية

عندي حلم وأتمنى تفسرينه

إني كنت في مكان جنه شاليهات
وكان جدامي البحر وكان الجو بالحلم موحار ولابارد
بس كان جو عجيييييب حييييل السما صافيه وزرقه والشمس
موحاره والبحر لونه أزرق أينن ..
وكانت أختي واقفه عند الشاطئ والماي لي فوق كعبها
وإلا أيي آنا وأنام على جنبي ويت مايه غطتني كلي وكان الماي
بارد بس برودته حلوه ..

أختي متزوجه وأكبر مني وآنا مو متزوجه

سامحيني عالتاخير لانه جهازي كان يعلق المهم الحلم يدل على حياة حلوة بانتظارج وراحة بال والله اعلم

 

[supermarket]

اختي امل الف شكر لج للتفسير عبر الخاص

والله يعطيج العافية وكل ماتتمنين

 

[الفيحاء]

حياج الله حبيبتي
6سنوات من تزوجت في أول سنه حجيت وبعدها حلمت بعد الره من الحج بايام أني والده بولد وكان عمره 6شهور وأسمه منصوروكنت فرحانه بس مستغربه من عمره وكان في الحلم طبيعي وحلو
الحلم الثاني والدي متوفي رحمه الله وقبل أشهر حلمت فيه وكان جالس في مكان أعرفه من قبل واناكنت في المطبخ قاعده أشتغل واحاول أخلص بسرعه عشان اروح أقعد معه المهم خلصت والا أشوفه قام بيمشي قمت مسكت أيده وقعدت أتعذر منه أني كنت مشغوله فقالي أنتي تاخرتي علي وينج من اليوم أنطرج وبعدين قعدته وجبت القهوه وجلسنا

 

[حامله القنديل]

يعطيج العافيه اختي ياليت تجيكين على الخاص وسامحينا على لازعاج

 

[قمر ضاوي33]

حبيبتي امولة ...
الله يعافيك يا ريت تفسرين حلم اختي ...
حلمانة بقطوة شيرازية حلوة بغرفة نومها حامل وولدت في الغرفة ويابت قطوة وحدة حلوة مثلها ...

وقام زوجها عطى القطوة حليب في صحن ....


علما بأن اختي في الحقيقة حامل ...

جزاك الله الف خير ...

 

[السكوت مشكلتى]

السلام عليكم
شلونج حبيبتى الله يسلمج ابى تفسير هذا الحلم ضرورى لانه مسبب لى ارق
الله يسلمج حلمت كانى فى مكان شغلى ومديرتى جنبى فى غرفه شبه فاضيه بس فيها كم كرتون فاضى ومديرتى كانها احرقت الكراتين الى فى الغرفه وانا اتفرج عليها وكنت اقولها لا تحرقينهم يمكن نحتاجهم وهى اتقول لا ابى انظف المكان

 

[amal6666]

حياج الله حبيبتي
6سنوات من تزوجت في أول سنه حجيت وبعدها حلمت بعد الره من الحج بايام أني والده بولد وكان عمره 6شهور وأسمه منصوروكنت فرحانه بس مستغربه من عمره وكان في الحلم طبيعي وحلو
الحلم الثاني والدي متوفي رحمه الله وقبل أشهر حلمت فيه وكان جالس في مكان أعرفه من قبل واناكنت في المطبخ قاعده أشتغل واحاول أخلص بسرعه عشان اروح أقعد معه المهم خلصت والا أشوفه قام بيمشي قمت مسكت أيده وقعدت أتعذر منه أني كنت مشغوله فقالي أنتي تاخرتي علي وينج من اليوم أنطرج وبعدين قعدته وجبت القهوه وجلسنا

اول شي باعرف اذا كان عندج اولاد اولا وبالنسبة للحلم الثاني فيدل على انه الوالد الله يرحمه فاقد الدعاء والصدقة منج له والله اعلم

 

[amal6666]

حبيبتي امولة ...
الله يعافيك يا ريت تفسرين حلم اختي ...
حلمانة بقطوة شيرازية حلوة بغرفة نومها حامل وولدت في الغرفة ويابت قطوة وحدة حلوة مثلها ...

وقام زوجها عطى القطوة حليب في صحن ....


علما بأن اختي في الحقيقة حامل ...

جزاك الله الف خير ...

الحلم بالقطوة موزين للاسف خلي اختج تدير بالها على نفسها وعلى زوجها بعد وتكثر من سماع وقراءة القران الكريم والله اعلم

 

[amal6666]

السلام عليكم
شلونج حبيبتى الله يسلمج ابى تفسير هذا الحلم ضرورى لانه مسبب لى ارق
الله يسلمج حلمت كانى فى مكان شغلى ومديرتى جنبى فى غرفه شبه فاضيه بس فيها كم كرتون فاضى ومديرتى كانها احرقت الكراتين الى فى الغرفه وانا اتفرج عليها وكنت اقولها لا تحرقينهم يمكن نحتاجهم وهى اتقول لا ابى انظف المكان

الحلم يدل على انه مديرتج راح تثير مشكلة وفتنة من ولاشي وانت عارفة انها غلطانة بس ماراح تقدرين تمنعينها والله اعلم

 

[sKyLiTeGirL]

جزاج الله خير حبيبتى على تفسير حلمى اللى كان شاغلنى

لا خلا ولاعدم منج بهالمنتدى

 

[الفيحاء]

مشكوره حبيبتي بس أنا نسيت أقولج ماعندي أولاد؟؟؟؟؟؟؟؟؟؟؟؟؟؟؟؟

 

[سـود العيـون]

السلام عليكم

اتمنى تكونون بخير

اختي حلمت بالملك عبدالله وسلطان (ملك السعوديه) كأنهم داخلين في مكان لنا بس المكان مو معروف بس اجتماع اهلنا فيه حست انه لنا وكانوا فيه اهلنا (جماعتنا بس عايشين في قطر ) وهي استقبلته وبعدها طلبت الملك فلوس عقب ما عطاها بال (وجه ههههههه ) ودخل هو واخوه سلطان بعدين عمتي قالت له عطها دينار هي تضايقت وطلعت من القاعه وبعدين هي في داخل قلبها تقول عيب اطلع واخليهم وردت وقامت تعاتب بنت عمتي على تصرف امها وسلامتج

حلمها يضحك هههههه

 

[تووت]

اموووله لازلت انتظر الرد على حلمي في الخاص!!

 

[عبير العبورة]

تحلمت كنا طالعين انا وامي واخوي وكنا قاعدين السيارة لي الحين ما حركنة السيارة
ولا مشينة ولا تجي وحدة بسيارة بيضة ولا تقول لامي انتي منو امي ردت ولا تقولها
انا امهم ولا تقول ادري انج امهم ولا ادش هي وسيارتها داخل بيتنا ولا تنزل تدش
صالتنا وكانت اختي قاعدة على التلفزيون والمرة قدامها وتتكلم وية اختي وبدينها مسدس انا دشيت من برة وفتحت باب الصالة
لقيتها ماسكة المسدس ولا تقولي بس اخلصها امسكج ولا اطلع برة واروح عند سيارتنا وافتح شنطتي واطلع تلفوني
وادق على 777ويطلعلي مشغول ودشيت مرة ثانية البيت ولقيتها ماسكة اختي الثانية وقعدت من النوم
ارج التفسير

يعطيج الف عافية

 

[مزيونه وشقره]

حلمت في وحده اعرفها جنها مفصخه بس لابسه حجاب وظهرها كله حبوب كبار وصغار

ومكان عورتها ( المنطقه الحساسه) مافيها ولاااشعره ونظيفه وباجي ريولها وفخوذها كلهم شعر

اذا الحلم خصوصي اتمنى يكون عالخاااص وعسى اللهع يوفقج ويعطيج اللي في بالج يااارب


مع تحياتي يا حياتي

مزيونه وشقره​

 

[QUMAR]

حبيبتي أنا ناطره منج تفسير حلمي اللي دزيته لج علي الخاص من قبل فتره

وابي منج تفسرين لي هالحلم :ان شعري أسود وطويل وكثيف وأنا مستانسه فيه ومو مصدقه وقاعده أقول بيني وبين نفسي شلون طال شعر بهالسرعه
ملاحظه:انا شعري قصير في الحقيقه
عساج عالقوه حبيبتي
يزاج الله خير

 

[بنوته ادرايه]

السلام عليكم ومشكوره حبيبتي على ه>ا الجهد ويعطيج العافيه
ه>ا حلم امي وارجو التفسير
كانت حلمانه انها رايحه عرس ويه وقت البوفيه خ>ت من البوفيه شي بس ما تدري شنو ولما طلعت طاح منها خاتمها ويوم يت بتاخ>ه الا وحده من البنات خ>ته وحط لها خاتم ثاني مال البنت نفسها وامي قالت لها عطيني خاتمي قالت لها اصلا ه>ا خاتمي عن خاتم امي وياه واحد جان يقول حق امي شفيج خالتي قالتله ان ه>ي البنت خ>ت خاتمي فا البنت ما رضت تعطي امي خاتمها وامي تهاوشت مع البنت وامي خ>ت خاتم البنت وكان في فص لونه ازرق وكان ثقيل وامي وهي تمشي قالت مالت عليها عل باالها >هب اصلي " عن خاتم امي" وامي قالت حق الولد خلها تولي انا بردت قلبي فيها لان تهاوشت معاها...


واسفه طولت