التجمع الثاني .. مسافرات امريكا 2009 ... حياكم

[rawona]

ويي راونا ليش جذي
غريبه عاد يووم رحنا التسيز كيك يهبل ومعاملتهم ماكو احلى منها سولفت معانا وتضحك

والله مادري .. احنا حدنا استغربنا .. يعني الويتر المليق اللي بالملينيا مول طلع عند هذي ملااااااااااك لوووول


اللي في اورلاندو وايد احلى ومعاملتهم احلى واحلى .. هذيل مادري اشفيهم !!

رحنا تشيليز فوقهم اشوه المطعم انظف ومعاملتهم زينه وتلاعب اليهال .. مع اني ما احب تشيليز وايد بس اعجبتني معاملتهم..


اذا انتوا للحين بميامي .. روحوا الدولفين مول Dolphine mall اهوا اوت لت ترى وفيه الاوت لت حق نيمان ماركوس و سيكس فيفث افينيو .. ووايد محلات وفيه اولد نيفي ومارشالز .. ما لحقنا نفتر فيه كله بصراحه لانه وصلنا متأخر اشوي .. بس فيه فوق سينيما وصالة بولينغ

وهم فيه مطاعم وكافيهات


T.G.I. Fridays

Texas De Brazile << عندهم شاورما لحم ودياي انا هالمره خفت اكل لحم ودياي واكتفيت بالباستات والبيتزا "خضراوات" والسي فود .. بس اللي معانا جربوه حيل يمدحونه وعندهم بعد تبوله وسوالف العرب لووول يقولون اكله وايد لذيذ اذا اتحبون اتجربونه

وبعد لا يطوفكم مول Bal Harbor وايد حلو وحيل عجبني حسيته راقي والناس اللي فيه كلاس

فيه ماركات LV, GICCI, CHANEL, FERRAGAMO, CELINE, CARTIER, TORY BURCH وهم محلات Neiman Marcus, Sakes 5th Avenue مسوين تنزيلات حلوه وعندهم بدلات نايس ..


انا شريت من Tory Burch جنطة ثانيه غير اللي خذيتها من اورلاندو صارت بالسيل 318$ يعني سعرها ناسبني وتمشي مع بدلتي العيد لووول << هالسنه الميزانيه مو خوش


ومرت حماي خذت من شانيل جنطه حلوه بعد عليها بالعافيه اطلعت عليها ب ستميه وشي دينار .. بس والله وايد حبيته وحيل هادي و نظامه وايد عجبني ..


تدرون عاد .. عندي اخبار مو حلوه من يومين بس ماحبيت اضيق خلقكم << انا وريلي وبناتي حاشتنا العدوه من حماي ومرته وصرنا كلنا امرضه بلشت مع ريلي وعيالي بالمضاد الحيوي وانا للحين صامده مابي اخذه!! :eh_s(1):


علشان جذي ريلي كنسل رحلة باجر حق FT. Laudrdal وقرر نرجع اورلاندو علشان انرد الكويت عقب باجر!! صج ولهت على الكويت بس احس ما شبعت للحبن لوول << حمدي ربج سافرتي


يالله اخليكم والقاكم نكست تايم ان شاءالله :ada:
​

مرحبا بنااااااااات ... احنا الحمدالله خلصنا جولتنا و حاليا في بافالو انشالله باجر بنروح نياجرا و الي عقبه اورلاندو ... تعودنا عل برراااااااااااااااااااااااااااااااااد

عروس استانسي كثر ما تقدرين ... عاد تدرين انا ماحبيت ميامي وايد .. احس ناسها غير .. اورلاندو انظف واونس عندي .. واهني شفنا وايد هوملس وطرارين ..

مادري حبيت اورلاندو اكثر


روحي اللينكولن رود مول احنا كلينا في مطعم اسمه SIBELIA شي جذي ايطالي بس اكله عجيب والباستا لذيذه .. NAWNAW قالتلي على مطعم اهناك بس نست اسمه مادري اذا اهوا والا لا .. عقبه بمحل في محل ايس كريم حلو بعد .. ان شاءالله يعجبكم ..

زهم اعجبتني المينيو في مطعم nEXXT بنفس الشارع ماجربته بس حسيت شكل الاكل لذيذ لووول جربوه قولولنا :ggdw:

​

 

[واصله]

هااااي بنات شلونكم
اليوم رحت الملنيا مول والبريمير اوت لت وشفت وااايد كويتيين منو كانت هناك اكيد وحدة منكم

 

[بدردر2007]

:eh_s(6):

هاي بنات

ألي راح شيزكيك فاكتري ....... شنو طلبتو....... وشلون أسعارهم

باجر بروح حق القاردن ووك وقلنا بنتغدافيه


يعني يسوا ولا عادي ​

 

[dream_q8]

هااااي بنات شلونكم
اليوم رحت الملنيا مول والبريمير اوت لت وشفت وااايد كويتيين منو كانت هناك اكيد وحدة منكم

انا كنت هناك واصله وبعدها رحنا فلوريدا مول
ياحليلكم يا كويتيات غازين اورلاندو :dddds::dddds::dddds:

 

[اغلى من الغلا]

[هااااااااااااااااااااااااااااااااااي بنات انا رديت الكويت بعد عناء طوييييييييييييييييييييييييييييييييييييييييييييييييييييييييييل واخيرا وصلنا الكويت,كلينا هوى على ماوصلنا مومصدقة انا بالكويت واخر مرة اسافر على دلتا تووووووووووووووووووووووووووووووووووووووووبة,تدرون شنو صار فينا كانت رحلتنا 12/7 س 1 و5 الظهر من سان دييغو لي اتلانتا ومن اتلانتا لي دبي لي الكويت تخيلوا شنو صار طرنا من سان دييغو وصارت عاصفة وهبطنا هبوط اضطراري مادري شسم المطار اللي طبينا في وقعدنا ساعتين وبعدين ركبنا الطيارة عشان نطير ونروح اتلانتا ويقعدونا بالطيارة ساعة وبعدين نزلنا مرة ثانية وقلنا لهم رحلتنا راحت علينا اللي باتلانتا شلون قالولنا مادري خنشوف لكم ردة وطبعا تعاملهم اكثر من زفت وتخيلوا قالولنا خلاص دورولكم فندق باجر راح تسافرون من اتلانتا لي فرنسا ومن فرنسا لي دبي ومن دبي لي الكويت وطبعا تنرفزنا منهم نكلمهم موعاجبهم موراضين يغرون الرحلة وعقب عناء طويل طارت الطيارة ورحنا اتلانتا وقعدنا بالمطار لي س 4 الفير على مالقينا رحلة احسن من اللي طافت وصارت رحلتنا اتلانتا امستردام ومن امستردام لي الكويت وطبعا نمنا بفندق هوليدي ان دفعنا نص السعر ودلتا النص الثاني وجناطنا ماعطونا اياها قالولنا اذا تبونهم نطروا 5 ساعات امبي بهذلونا,طيرااااااااااااااااان فاشل هذا غير دقتهم اللي قبل لانسافر كانت رحلتنا دايركت من اتلانتا لي الكويت وحزة الحزة قالولنا ماكو انلغت الرحلات اللي دايركت لي الكويت اختاروا يا دبي يا امستردام امبي شي مو طبيعي خلاص انا من ناحيتي حطيييييييييييييييييييييييييييييييييييييييييييييييييييييت اكس كبير على دلتا.]

 

[dream_q8]

الحمد لله على السلامه يا غلا

 

[أم غايب]

عروس
حبيبتي بما اتج رايحه جوله كنتي مخططه من الكويت و حاجزه فنادق من الكويت و لا من هناك حجزتي عن طريق النت

 

[ضي]

السلااااااااام

بنات ريلي بيسافر امريكا قبلي عشان دراسته وانا بلحقه عقب شهرين..

سؤالي

مطار نيويورك صعب؟؟ اللي اقصده اني اول مرة اسافر بروحي هل هالشي صعب؟؟ واللا بس انزل من الطيارة واشوف الناس شتسوي وانا وراهم؟؟ ولا صعببببببببببه ومطارهم يدوده؟؟

اللي رايحين بليز عطوني فكر هل هالشي صعب واللا مايبيله شي؟

 

[عروس الدنيا]

أغلا من الغلا الحمدالله عل سلامه ... و صج الواحد يسافر على طيران مضمون و الدلتا سمعت سوت سوالف بوايد ناس ..

ام غايب انا طايره منالكويت و حاجزه كل الرحله الا الاسبوعين الي بنتنقل فيهم ... بس عقب اول ليله و دفعنا فيها 200 دولار بفندق عادي
حجزت الاسبوعين كلهم و على اساسهم مشينا ...



ضي ... لا تخافين مطار نيويورك حاله حال المطار العادي و انتي مره يعني ما بيسون لج و يساعدونج و يعلمونج و كل شي اوكي

 

[nawnaw]

هلا روانا
شلونج
شفتي شلون ..يوم قلتلج ميامي ما تسوي ..تخرع ولويه وكلها هوملس
والناس اللي فيها ودرييين ..
غير اورلاندو
في اوتلت وايد حلو اسمه سوجراس في نابلس عند حدود ميامي...وهالاوتلت فيه مدينه العاب يهال اسمها wanna do city
وايد انصح فيها اذا عندج يهال فوق ال5 سنين
وايد مفيده وتعليميه

 

[اشراقة الحياة]

صباااااااااااح الخيرااات عندنــــــــــــــــــــــا ...........


اشلونكم.......شخباركم ...............؟؟؟؟


بنـــــــــــــــــــــــات الي ما للحين ما راحو امريكا .....لا تنسون تسون انشورنس .........؟؟؟؟


ترى انا حدي توهقت رحت الطبيب يتني انفلونزا ........خذوا من ريلي 500 دولار ...لان ما عندي انشورنس ....


بس الصراحه يستااااااااااااهلووون والله معاملتهم ...تخليج تنسين المرض ....لووول


ريونا

وي وي ...بعد عمري ريلج وعيالج ....الله يعينج ..
مااا تشوفووون شر ان شاء الله
بس ريونا لازم تروحين الطبيب بعدين راح يتعادون منج.......
والله انا رحت الطبيب خفت على عيالي ...ولا انا انسي اروح الطبيب ..بس رعب انفلونزا الخنازير وداني ..لووول

 

[واصله]

انا كنت هناك واصله وبعدها رحنا فلوريدا مول
ياحليلكم يا كويتيات غازين اورلاندو :dddds::dddds::dddds:

ههههههههههههههههه
مو قلتلكم اكيد وحدة منكم حاس قلبي
حسافة لو ندري جان سلمنا على بعض

 

[ام _خلودي]

هلا فيج واصلة


وين في هالكشكات بالضبط؟؟ ويبيعون تذاكر ديزني ويونيفيرسال وبوش قاردن؟؟؟


يعني ارخص من السايت؟؟

يم الشيرتوان اكو سوبر ماركات صغير ويمه بيتزا هت حاط كشك صغيرون

مغربي

مادرى بس انا احس السالفه فيها مغامره لان ساعات بالحدائق ياخذون بصمتج بدخول

العام بالييونيفيرسال سوى فينى جذى ويسجلون اسمج على تذكره مادرى ماابي اخوفج

بس ابي احطج بالصوره

 

[ام _خلودي]

رونه ماتشوفين شر

وميامي حلوه بس البشر الااهناك يخرعون

انا كنت ساكنه بقولف ماريوت وانبااقت جنطتى

علشان جذى الا بتروح ميامي لاوم تكون حريصه

لانه اهناك المكسيكنا يخرعوون بس حلوه ميامى

الدولفين موول عجييب بس مايبلها اكثر من 3 او4 ليالى

 

[أم غايب]

بنات ابي أسألكم عن شروط الطيران الداخلي جم وزن الجنطه المسموح فيه؟
و جم جنطه لج؟
و اذا الجنطه فوق الوزن المسموح فيه شلون؟

 

[white**angel]

هلا وايت
شصار عليج مو قلتي نص 7 بطيرين ؟؟

هلا والله مرت ريلها
لووول والي يقولج طلع الي مأخر السفره كلها انااا:krkrkr:

 

[منورة الكويتية]

قووووووووووووة

اني بدي ذير؟

 

[عروس الدنيا]

هلا منوره .. شلونج و شلون اوريغون ؟

 

[عروس الدنيا]

بنات ابي أسألكم عن شروط الطيران الداخلي جم وزن الجنطه المسموح فيه؟
و جم جنطه لج؟
و اذا الجنطه فوق الوزن المسموح فيه شلون؟

على حسب الطيران حبيبتي ؟؟ انتي حاجزه تبع اي شركه بالضبط ؟؟ دشي سايتهم بالنت و شوفي قوانينهم لان تختلف

 

[مهفة]

سماسم انا حماتي راحت قبل سنتين مع ام زوجها علاج ونسيت المنطقه الي راحتلها كانت تقول انها تعيسه
الي يروح علاج غير السياحه اكيد




سوسو اشلونج غيرتي جو عقب الدراسه ها



من الحين قبل لا اروح دعيتلج :eh_s(6):
قصدج Bahamas Breez يقولون حلو اكله وحتى قعدته

أيوااااااااااا يبتي التايهة :eh_s(6):

بعد قلبي والله ماتقصرين....

انا ألحين في سان فرانسيسكو.......

برد موووووووووووووووووووت بالليل.... ثوبته لكم