شنو تلبس خدامتج

[Arosha]

قوووة كويتيات
باخذ رايكم بشغله وايد ناس لما ياخذون خدمهم معاهم بره مجمع والا مطعم تكون باليونيفورم مالها الي تلبسه بالبيت حق الشغل
وفي ناس تشتري حق الخدامه جم قطعة من الرخيص بس مرتب وتطلع فيهم اذا طلعت معاهم بره البيت ؟

بما انه خادمتي يايه بالطريج شتنصحوني وشنو تسسون انتا مع خدمكم ابي استفيد

 

[ANoOoNA]

والله يا اختي ..
احنا مانقصر عنهم البونوفورم نشتري احسن واحد ..

بس مالوت البيت غير عن ملوت الطلعه ..

وصراحه استر لهم .. واحسن لهم .
بدال لا نخليهم يلبسون جينزات وبلايز
وخوو اهيا بتقوم وتقعد .. ماكو رياييل باليت مو حلوه ..

حتى بالطلعه .. اليونوفروم احسن لهم ..

 

[قطوه شريره]

بصراحه انصحج باليونيفورم انضف وارتب باجر تصيرلج مثل المدام اللي عندي اشترلها تروح تسولي تركيبات عجيبه مامرت علي
اخضر مع ازرق وبلاوي سوده ولمااقولها مايعجبها تطنقر علي لاني جرحت ذوقها
والله تفشلي لاطلعت معاها خلج على اليونيفورم

 

[بشه المنفشه]

اليونيفورم وايد أحسن وأحلى وأرتب

وإخذيلها اللي يكونون بنطرونات أستر سواء حق داخل البيت أو برة لأن مو حلوة سيقانها طالعة

 

[العروس الضايعه]

حبيتي اليونيفورم أحسن خلي للبيت الرخيص إذا تبين للطلعه غيرعندج بمجمع بيروت بحولي محل لملابس خدم حلوه وذربه موذاكره والله بس ب5 أعتقد في أسعار ثانيه علميها بس للطلعه

 

[.. مـــلاكـ ..]

يونيفوورم

 

[Arosha]

المشكلة انه اهلي كلهم خدمهم يشروولهم غير اليوينيفورم للطلعه ومابي احسس الخدامه انها اقل منهم باجر تحط علي مع انه اهل ريلي عادي والله تطلع بنفس اليونيفيروم الي كارفه فيه طول اليم ومحتاره خصوصا اني طالبه اندنيسيه على ما توصل وهالجنسيه احس فيهم شوي حقد يعنيي انا بخلي بنتي عندها اخاف تسوي شي حق بنتي ومحتاره انا افضل اليونيفيروم بس شسوي علموني

ومااااااااااااا قصرتم على هالردود الطيبه فديتكم

 

[@ام ضاري@]

البونوفورم مادري شعندهم مايبلبسونه مع اني انا شهري اشتريه على حسابي
بي بالبيت تلبس عادي من ها الملابس احيانن اعطيها انا من ملابسي اللي مابيهاا
بس مفهتهاا اذا طالعنا تلبسين البس المعرووف عشان منظرها ماحب الخدامه لبسه تنوره وقميص وطالعه والا دشادشه

 

[منى قلبها ابيض]

يونيفوورم ــــــــــ

 

[pama girl]

اشتريلها ينفورمات وبنجابي ...


خصصيلها شغلات تلبسها للبيت والباجي للطلعه يكونون مرتبين و مو مستهلكين بالشغل

 

[eman12]

شوفي حبيبتى في بنجابيات الوان او اخذي لها من الاسواق الشعبية قمصان طويله وبنطلون ساده وخلي الالوان متقاربه بحيث لو خبصت يكون راااكب على بعض ولاتكثرين ترا عن تجربه الاندنوسيه تلاقينها تعلق بشئ 1 مو مثل الفلبن وبس خليها تلبس ولاتدققين واايد معاها علشان على قولتج الاندنوسيه فيها حقد حقريها

 

[كما تدين تدان]

اليونفورمات بالسوق شحلاتهم أحلى وكشخه ليش اطنقر 000عوديها من أول شي0000

 

[ام دودو المزيونه]

حياتي انا اول كنت اصر علي الخدامه انها تلبس اليونيفورم افضل بس يتلي خدامه اشويه متينه كان اليونيفورم ما يطول عليها الا مشقوق خاصة البنطلون فقمت افصل لها ويطلع علي ضعف سعر الجاهز وبعدين يتلي الخدامه الثانيه ضعيفه وطويله وانا استانسه علي ضعفها بس يوم اشتري لها اليونوفيرم يطلع امقصمل عليها والله بلشه غير خدامة امي يننتني متييينه وعريضه يعني ضخمه هم كنت افصل لها ( ابتلشت فيهم ) المهم والا ذاك اليوم اشوف علي خدامتي الأولي بنجابي الوانه روعه وحلو عليها هذي المتينه وساترها لأنه يوصل لتحت الركبه بس العياره تضيج من عند الصدر ( ميخالف صدرها اصغير ) حده كان حلو ومرتب عليها واسالها من وين جان تقول في وحده تبيعهم علي 3 وتشكيله منوعه وخامتهم تتحمل الكراف واقوم امدح فيها ( تراها 3 اسنين عندي ومربيه ولدي المعاق تستاهل ) ويعجبني الموضوع واقوم اشتري للشمحوطه نفسها و يطلع هم حلو ومضبوط عليها وسعره 2.500 من النقره الشمالي تحت

 

[سلايل*عبس]

والله يا اختي ..
احنا مانقصر عنهم البونوفورم نشتري احسن واحد ..

بس مالوت البيت غير عن ملوت الطلعه ..

وصراحه استر لهم .. واحسن لهم .
بدال لا نخليهم يلبسون جينزات وبلايز
وخوو اهيا بتقوم وتقعد .. ماكو رياييل باليت مو حلوه ..

حتى بالطلعه .. اليونوفروم احسن لهم ..

انا من رااااااااااااايج وفعلا هذا اللي اسويه انا واهلي كلنا .. ولمن سافرت قلت عن نفسها يمكن تبي تلبس بدله
الاخت ماكو لبست هالجنز صج عليه قميص طويل بس الصدر كان اللهم ياكافي بينشق القميص من الضيق وماعجبني شكلها حتى مومرتب صاير وتعرفونهم يبدعون بروحهم يعني ماااااااااااااااارتحت كلش
اليونوفورم اااااااااااااااريح واحسسسسسسسسسسسسسسسسسسسسسن واستررررررررررر

 

[سلايل*عبس]

وبعطيج نصيحه اتمنى تفيدج لاااااااااااااااااااااااا تعطينهاا اي شي من ملاااابسج اللي ماتبينها لانعول ولاملابس ولا اي شي

في اسباب كثيره منها انج لاتخلين شي في ريحتج عندها ولو مغسول ماله علاقه .. غيره انتي جذي تخلينه تشوف اللبس عليج وتشتهي وتحط حالها من حالج .. وفي بعض الخدم تخرب لمعزبتها الشغله عساس تعطيها لها لانها تعودت على جذي بقعة كلوركس مومبينه خيط منسول شغلاتهم وخزعبلاتهم عاااااد - انا مامرت علي اللي تسوي جذي لانه هذي عادت امي من الاول وتمينه عليه مانعطيهم اغراااضنا لو شنو - بس هالسوالف لمن اقول لرفيجاتي لاتعطونهم يقولون اي والله بعض المرات يخربون شغلاتنا ويستوعبون انه عشان جذيه واتمنى اكون افدتج وسوري على الاطاله

 

[الحراير]

يونفورم ارتب

 

[reem1020]

ياخيتي بأقولك شيء لبسيها لبس ما يلفت نظر زوجك لها لأنه راح يشوفها أحسن ثم يتركك هذه أهم نصيحة أقدمها لك يا خيتي
مرة من المرات كنت في الدانوب وكانت خادمة تدف العربية والرجل أمامها من الجهة الثانية والمرأة الدبية جالسة تعبي نواشف وما دايره على اللي يسير قدامها والشغالة تسوي حركات بعيونها لسيدها وهو قدامها واقف ذايب على عيونها وقفت عند الحرمة وقلت لها وكأني أخذ قشطة هذه تبعك قالت إيه قلت لها راقبيها ورحت وقامت تصايح بأعلى صوت وش شفيها الشغالة تعالي أنتي والسوق والزوج والشغالة كلهم سمعوا
لبسيها لباس التقوى وأنا أختك

 

[حكاية شهرزاد]

يونوفورم وبسسسسسسسسسسس

الآ بالليل واهما بدارهم .. عادي يلبسون جلابيات .. ولا شلحات كيفهم ..

وبالعيد .. ناخذ لهم تنورة طويله ويا بلوز وحجاب .. عن خاطرهم .. هذول المتحجبات ..

اما الموب متحجبات .. بنطلون جينز .. او بنطلون قماش مع بلوز قطن خفيفه .. هم بركه العيد عن خاطرهم ..

 

[برونزية رشيقة]

قوووة كويتيات
باخذ رايكم بشغله وايد ناس لما ياخذون خدمهم معاهم بره مجمع والا مطعم تكون باليونيفورم مالها الي تلبسه بالبيت حق الشغل
وفي ناس تشتري حق الخدامه جم قطعة من الرخيص بس مرتب وتطلع فيهم اذا طلعت معاهم بره البيت ؟

بما انه خادمتي يايه بالطريج شتنصحوني وشنو تسسون انتا مع خدمكم ابي استفيد

شوفي حبيبتي أنا أول خدامة يبتها جذي .. تلبس يونيفورم بالبيت وبالطلعة شارية لها

تنانير وبلايز وقمصان وبديات .. لاه ونفنوف جينز تلبس تحته بديات نص جم .. مرة أحمر ومرة وردي ومرة أصفر ..

لحد ما الأخت تطورت وقامت تصبغ الأظافر بالأحمر .. و24 ساعة الكحلة بالعين ..

وكانت تطلع كل أحد .. وسببت لي مشاكل واكتشفت إنها راعية تلفونات وخرابيط ..

الخدم الثانيين كانوا محترمات وخلليتهم .. بالبيت يونيفورم وبرة بلايز وقمصان على تنانير ..

لمن ياتني وحدة فصععععععععععععععععععععععععععة من ديرتها يايبة الجينزات الضيقة .. والتنانير أللي بتنبط ..
وبديات ضيقة ضيقة حيل .. وسكتت وما تدخلت خلليت تلبس على كيفها لأن إعيالي تحت إيدها وأنا بالدوام ..
وعشتوو اليونيفورمات ما تلبسهم إلا وقت ما تدش المطبخ .. حتى بالبيت كاشخة .. بجينزات وبديات ..
لمن آخرتها اكتشفت إنها .......




راعية رياييل ومنووووووووووووو تكلم ؟؟؟؟

كله كويتيين لأن شكلها يغري بالمجمعات وبالمطاعم وبالألعاب .. لمن آخذها معاي بمشي إعيالي .. جينز ضيق وبديات وهي أصلا جسمها حلو .. واكتشفت آخرتها إنها تواعدهم وتروح لهم .. الله يستر على بناتنا ....

فتبت لأني انقرصت من هذي أم الجينزات .. وأخذت درس !!!!!!!!!!!!!! :0bee2e8d89:

من ياتني اليديدة صرت شديدة .. كله يونيفورمات 24 ساعة ..

إلا وقت النوم .. تلبس دراعة قطن مالت النوم .. ومحذرتها تتمشى لي بدراعة النوم .. من تقوم الصبح تغير دراعة النوم .. وتلبس اليونيفورم ..

صدقيني من تجربتي مع الخدامات :
كل ما خليتي الخدامة على كيفها باللبس .. أو إنتي كشختيها .. آخرتها ترافج رياييل وتصير راعية تلفونات وخرابيط ومغازل .. خلليها عاليونيفورم لا تبطلين عينها .. عاللبس .

 

[كازو ترف]

:68_asmilies-com:


في البيت طبعا ينيفورم
يس الطلعه حرام
تلبس بانطلون وبلوزه طويله
هي إنسانه تشتهي تلبس مثل الناس