بليز افضل الاماكن بالكويت؟

[منار الرياض]

مرحبا

ان شاء الله بزور الكويت قريب ولاول مرة ياليت تعطوني افضل المجمعات عندكم وخصصا ابي لبس بنوتات عمر 9سنوات ويكون ماركة كويسة وين ممكن احصلة؟ والمطاعم الكويسة وافضل اماكن ازورها تكون من معالم الكويت لاني مو مطولة يمكن اسبوع بس؟

 

[حناينq8]

حياج الله حبيبتي
ويليت تزورين الكويت مره ثانيه بعد بس بالشتا الجو يكون وايد احلى

عموما للتسوق كتبي عندج

سوق شرق
الرايه
المباركيه
الفنار
البستان
ليلى جاليري
مارينا مول
الافنيوز
مول 360
الكوت
المهلب
كويت ماجيك
سوق السالميه


المطاعم الله ما كثرها واغلبها على البحر او بالمولات (بالمارينا والافنيوز وشرق)

لينوتر
الابراج منها معلم سياحي ومنها مطعم
فرايديز
روبي تيوزدي
برج الحمام
ميس الغانم
فش ماركيت
مطاعم الفنادق وايد حلوه بعد
مطاعم النوخذه وساكورا وشبستان تلقينهم يم حديقه الشعب
في مطاعم عاديه تيك اوي ومنها
كوردو تلقينه بالسالميه جربي الشاورما مالته والجكن فاهيتا

وانشالله اذا تذكرت راح ارد اكتب لج

 

[منار الرياض]

حناين ماقصرتي حبيبتي بس ياليت تقولين لي ابي لبس لبنتي كشخة وماركة وين ممكن اللقيه عمر9سنوات ؟

 

[*miss_sos*]

هلا و الله باهل السعودية
والله بالنسبة لي انا بالمنطقة العاشرة واحلى الاماكن
مجمع الكوت و اجيال و المنشر بالفحيحيل ومجمع كويت ماجيك في ابو حليفة اما المطاعم اللهم زيد و بارك بكل مكان و الملابس حق بنوتتج تلاقينهم بالمحلات اللي بالمجمعات مليانين و اكثر شي في بروي بالافينيوز وااايد حلو حبيبتي اما اذا تبين اسواق شعبية عندج المباركية و الفحيحيل بالفحيحيل في كرز و الراية و الشاهبندر و الجوهرة و قصر الامارات و مستورة و مسرورة و بازار اما الاماكن الترفيهية حق الصغار في كويت ماجيك و مرح لاند و الشعب والمدينة الترفيهية و اما المعالم عندج الابراج و المركز العلمي و في مجمع للصغار اسمه ديسكفري اتمنى انج اتزورينهم

 

[حناينq8]

عندج حبيبتي بالمهلب تحت في محل اسمه كل لحظه فيه ملابس ماركات لليهال

وفي مجمع مريم بالسالميه تحت بالسرداب كله محلات ملابس ماركات

ومجمع بلازا هم بالسالميه مقابل مجمع مريم فيه محلات ماركات

وفي محل اسمه مخزن الطفل انشالله تقدرين توصلين له لانه صاير بداعوس احاول ادليج
اهو بالسالميه بالقيصريه مو اللي فيها الجواتي لا اللي يمها اللي فيها الحواي طبعا يصيرون مقابل مارك اند سبنسر

ولأي استفسار انا حاظره وانشالله مواضيع هالقسم تفيدج

 

[منار الرياض]

عندج حبيبتي بالمهلب تحت في محل اسمه كل لحظه فيه ملابس ماركات لليهال

وفي مجمع مريم بالسالميه تحت بالسرداب كله محلات ملابس ماركات

ومجمع بلازا هم بالسالميه مقابل مجمع مريم فيه محلات ماركات

وفي محل اسمه مخزن الطفل انشالله تقدرين توصلين له لانه صاير بداعوس احاول ادليج
اهو بالسالميه بالقيصريه مو اللي فيها الجواتي لا اللي يمها اللي فيها الحواي طبعا يصيرون مقابل مارك اند سبنسر

ولأي استفسار انا حاظره وانشالله مواضيع هالقسم تفيدج

ماقصرتي اختي اللحين هالمجمعات اللي قلتي اللقي فيها بربري وجيرجو ارماني وديور للاطفال؟

 

[حناينq8]

ماقصرتي اختي اللحين هالمجمعات اللي قلتي اللقي فيها بربري وجيرجو ارماني وديور للاطفال؟

اي حبيبتي كل لحظه اللي بالمهلب انا اشتري منه حق بنتي من ماركة بربري وبيبي ديور

محل بربري عموما تلقينه بالرايه بعد


ولا تنسين تمرين الصالحيه اذا تبين ماركات حقج انتي بعد

 

[منار الرياض]

اي حبيبتي كل لحظه اللي بالمهلب انا اشتري منه حق بنتي من ماركة بربري وبيبي ديور

محل بربري عموما تلقينه بالرايه بعد


ولا تنسين تمرين الصالحيه اذا تبين ماركات حقج انتي بعد

يعطيك العافية وبيض الله وجهك
ودي اطلب طلب ثاني :tongue22:

ياليت تساعديني عندنا مناسبه بالكويت وابي كوافيرة كويسة وشغلها مضبوط وبكم اسعار التسريحات عندكم والمكياج؟

 

[امار80]

مراحب اختي العزيزه
بالنسبه للصالونات انتي وحسب مزانيتج؟؟
بالنسبه للغالي عندج حنان دشتي في فندق سفير بستكي بالديره بالقرب من فندق كونتنتال
وبعد عندج صالون برجيت بفندق المارينا على البحر بالسالميه وعندج صالون رشا شيك بمنتجع شيك بالسالميه
واسعارهم شوي غاليه وعندج صالون موس بالجابريه للشعر يهبل وسعره زين وعندج صالون مس فرساي بالجابريه للمكياج سعره زين والشعر شوي اغلى بس روعه وعندج صالون كاجال بالسره للشعر يهبل واذا تبين صالون للمكياج سعره رخيص وشغله روعه بخيطان اسمه سوسن ماجيك بس مكياج شغل الشعر مو شي وعندج صالون رنيم بخيطان للمكياج حلو وهم رخيص وعندج صالون الشرقيه للمكياج شغله حلو ورخيص



وبالنسبه للاسواق لايطوفج سوق العربيد القديم بالفروانيه خلف جمعيه الفروانيه للدراريع حلو تاخذين منه وبعد ادخلي مول كويتيات وتابعي معارض الحريم واخذي العنواين وروحي لها بعد بتحصلين فناتق الكويت وبعد روحي للمركز العلمي هم حلو
وسوق الصفاه بالديره روحي للتراث الهندي ومحلات الكلف والاكسورات فيها شغلات حلوه تحصلين اشياء اكيد بتعجبج

وانشالله اقامه طيبه لج بالكويت بلدج الثاني.....

​

 

[al7anona]

ليلى هارموني مكانها بالشعب والفرع الثاني بالفنطاس

تسريحاتها ومكياجها حلو بس اسعارها والله غاليه
مكياجها45 بدون رموش ولاكريم جسم تسريحاتها يمكن 35وفوق

هذا موقع ليلى هارموني

http://www.laylaharmony.com/





وردة الجابرية بمنطقة الجابرية وغيرو اسمه وصار وردة الياسمين تسريحاتهم وايد حلوه واسعارهم مناسبه يعني التسريحه كاملة ابتداء من 15
ومكياجهم هم حلوو على الطلب ناعم ولاثقيل مكياج ورموش ب20

وهذا رقمهم قبل مادري اذا تغير
25327995




وصالون مس فرساي تابع للشيراتون
مكياجهم وتسريحاتهم حلوه واسعارهم اتوقع مثل ليلى هارموني

هذا موقعهم بس للأسف قريبا ينفتح
http://www.mv-salon.com/

الجابرية
رقمهم: 25321282.​

 

[al7anona]

واذا انتي اول مر تزورين الكويت روحي السالمية شارع سالم المبارك

روحي الفنار والمرينا مول ومجمع زهره والبستان وليلى جاليري .....الخ كلهم يم بعض عشان تكسبين وقت

وروحي ابراج الكويت تريقي هناك واستمتعتي

وروحي المركز العلمي بعد هالاماكن تصلح الحين بهالجو مسكره

وروحي الافنيوز كل شي موجود فيه مطاعم يديده وحلوه ومحلات هدوم يهال وكبار وصغار وكل شي وسينما والعاب [/


خل اسويلج جدول

اول يوم روحي ابراج الكويت الصبح تريقي وقعدي فيه ساعه افتري وشوفي الكويت من داخله

بعدها الظهر روحي المركز العلمي تغدي ببيتزاهت ودشي الاكواريوم

من يصير المغرب روحي السالمية يم المركز العلمي وبعد ماتخلصين من المركز العلمي روحي المرينا مول تسوقي وتعشي بمرينا كريسنت داخل مطاعم وايد

ثاني يوم روحي الافنيوز تغدي هناك وتسوقي واذا معاج يهال في العاب شكبره خليهم يلعبون واذا ودج تدشين سينما دشي بعد يعني الافنيوز يبيله يوم كامل

ثالث يوم روحي المهلب تسوقي وتعشي او تغدي في مطاعم والعاب ومحلات وكل شي

رابع يوم روحي سوق شرق فيه سينمات ومطاعم ومحلات وايد والعاب

خامس يوم تغدي بفريج صويلح بالسالمية صوب المرينا اينن اكل كويتي وبعده روحي اي مجمع من المجمعات اللي صوبه

وعاد مادري جم بتقعدين​

 

[منار الرياض]

والله ماقصرتوا كفيتو وفيتوا.

اسعار الكوفيرات كثير عندكم التسريحات عندنا 150ريال
والمكياج برضوا 150 ياليت تعطوني كوفيرات بالسعر هاذا؟

 

[مزيونة الهيلا]

اول شي حياج الله ,,,,,,,,,, واذا تبين صالونات بالاسعار هذي روحي صالونات الرقعي روحي الجوهرة بالاس او ليدي شيك حلو ورخيص

 

[روى سكر]

أهم شي لاتنسي مطاعم البحر وأيضا لاتفوتك السينما

http://www.danakw.com/AxCMSwebLive/index.cms

 

[*miss_sos*]

حبيبتي الصالونات الرخيصة عندج طريج الفحيحيل مليان صالونات عندج الين تركية و لمسة البدورمكياج و رموش وكريم جسم و شعر =30دينار
او شادية شعر و مكياج و كريم جسم ورموش =28 دينار اما في صالونه تجي البيت مكياجها روعة اسمها ليلى الشمري اذا تبين رقمها قوليلي
اما الصالونات الغالية و حلوة عندج حنان دشتي مكياجهم روعة =60 او 65و عندج ساس مكياجهم يمكن =40 و شعرهم على حسب الطول مثلا اذا كان شعرج طويل وتبين تسريحة الفوم =45 و اي شي انا حاضر حبيبتي

 

[منار الرياض]

للرفععععععع

 

[زهرااا]

الافنيوز

 

[doooora]

الكويت كلههههههههههههههههههههههههههههههها حلوة من شمالها لجنوبها ومن شرقها لغربها ،،،، شسوي وطنيتي زايدة

 

[منار الرياض]

الكويت كلههههههههههههههههههههههههههههههها حلوة من شمالها لجنوبها ومن شرقها لغربها ،،،، شسوي وطنيتي زايدة

هههههههههههه :dddds:بس ابي الاماك الافضل لان مامعي وقت اللف الكويت يمكن 6 ايام بس؟

 

[~ دلع و سنع ~]

اب اب