شاليهات الخيران على 3900 دك .... قريتوا الاعلان ؟!؟!

[كيوت_25]

السلام عليكم و رحمه الله و بركاته







شلونكم خواتي شخباركم

ذاك اليوم قريت اعلان بجريده الوطن من شركه عقاريه تعلن عن بيع شاليهات بمشروع الخيران اليديد

ابتداء من 3900 دك

و كنت باخذ رقمهم و استفسر بس نسيت

فيا ليت الي قرت هالاعلان او تعرف على الاقل اسم الشركه العقاريه تقولنا

و يزاكم الله خير مقدما​

 

[زهرااا]

معقوله ؟
ررفع

 

[shather]

استحااااااااااالة

 

[كيوت_25]

ليش يا قلبي استحاله

اهي مو شاليهات جاهزه بتدفعين الحين و تاخذينها ... لا اهو مشروع تدفعين و راح تاخذين بعدها بفتره بس جم ما ادري من جذي كنت بستفسر

و بالنسبه للسعر قالو ( إبتداء من ) 3900 دك يعني مو كلهم هالسعر فتلقين الي بهالسعر الظاهر و الله اعلم حسب تخيلي انه ما يكون على البحر مباشر و يكون نظام استديو دور واحد (نفس شاليهات الكمبنيسكي لما تحجزون دور واحد مو فيلا )

فمن جذي ابي رقمهم عشان اعرف التفاصيل يعني مثلا الي على البحر دايركت و يكون فيلا مو دور بجم يطلع علي و هل في تسهيلات بالدفع؟


فبنات تكفون شوفولنا الاعلان تري ان ذبح عمره قبل اسبوعين مو اكثر بس المشكله احنا قاطين الجرايد

 

[<<لمار>>]

ماشفت الاعلان بس اذا جذية حلو سعرة

 

[سبائك]

اخاف ناسيه صفر؟؟

 

[كيوت_25]

ههههههههههههههههه

لا لاتخافين مو ناسيه صفر

أصلا انا عيني تطيح اول شي على الاصفار لوووووووووووول

 

[سحيله_الحلوه]

اي هاذا اعتقد نفس التايم شير يعني ايام محدد بالسنه
عاد شوفي جم سنه!

 

[ريماس303]

اتوقع دفعه اولى 3900 وبعدين تقعدين تدفعيلهم اقساط كل شهر ولج اسبوع بالسنه يعني اتوقع جذي والله واعلم

 

[dectora 7elwa]

فعلا اهو تايم شير والحين لهم معرض بالرايه لحقي عليهم

 

[No0oNh]

اذا تايم شير مو شي ,, مشكوره

 

[الـــريـــم]

الخيران المشروع اليديد وايد بعيد عن البحر

صايره جنها منطقه بروحها

 

[البنفسج]

والله مايسوى !!!.............

 

[كيوت_25]

لا بنات ما ذكروا بالاعلان انه تايم شير قالوا ملك

 

[كيوت_25]

فعلا اهو تايم شير والحين لهم معرض بالرايه لحقي عليهم

مشكورة حبيبتي

بس متى اخر يوم المعرض ؟!؟! اخاف خلص

و بليز ما تعرفين شسم الشركه عشان ادق عليهم ؟؟؟

 

[kuwaitya_zoGaa]

للرفع

 

[nice-girl]

حبيبتي ريلي دق عليهم لوول على طول
وقالولي انه تتملكينه لمده 20 سنه فقط!!!!!
ولج بالشهر اسبوع تقعدين فيه جنه

 

[++The DuchesS++]

طلع ما يسوا

 

[MJ_LoVeR]

زين اذا 20 سنه بـ3900 بس.. لوول

 

[مثقفة متواضعة]

انتوا فاهمين غلط هذا يسمونه صك انتفاع يعني مثل ماقالت الاخت راح يصير لج لمده عشرين سنه بس انتي ما تديرينه ولج حق بس اسبوع بالسنه اي وقت تبينه وليس كل شهر يعني تبين تأجرينه او تبين انتي تسكنين فيه هالمده ...
بحسبه بسيط لو كل اسبوع من سنه تأجرينه نقول 500 دينار لو تضربينها ب 20 سنه
يعني 500*20=10000 دينار وانتي دافعه 3900 فقط.
هذا يسمونه استثمار طويل الامد.