رحلتي الساحره للبلاد الساحره(تركيا2009)متجدد

[كندريه حلوه]

هلا حبيبتي تسلمين ياقلبي وانا حاطه صوره الحديقه المائيه

 

[دلة قهوة]

مشكوره حبيبتي على الصور الاكثر من رائعة0000

واكيد طبعا مجهودج وتعبج ماراح على الفاضي لانه روعه ويستحق التقديروالتثبيت000000
وانا على كثر مارحت بورصة الا اني ماتمشيت في مدانيا حدي فيها المجمع كوروبارك
صراحة شوقتينا على السمج والبرد يااااااااااااي​

الله يعطيج العافية كملي امتابعينج

لايوقف:ggdw:لايوقف:ggdw:لايوقف:ggdw:​

 

[دلة قهوة]

حبيبتي جنى انا كان ودي ي ي ي ي حيل اسافر مصر بس الله سبحانه شاء نروح لتركيا صدقيني مثل مانتي متشوقه لتركيا الله يكرمج وتروحين لها انامثلج بس خاطري في مصر بس اعيالى مايبونها

زيتونه عليكم بالعافية0000 تقاريرج اتونس وانشالله توصلون الكويت بالسلامه ولاتعرظون لمواقف

سجى الله يسهلج سفرتج ووتستانسون

ابله عليكم بالعافية 0000000000ودي الحين اطير0000يلا فات الكثير مابآش الا الأليل (بالمصري)

 

[أبلة كويتية]

هلا حبيبتي نورت بورصه بوجودج عاد اهلي كانو اهناك بس انا مو رايحه شفتي هشام ههههههههه اكيد بيعرفنه عدل عاد اسعاره حلوعه ورجل خدوم وايد وزليخه بعد كانت موجوده بالبارك ترى قاعده مع امي وخالاتي لان نعرفها عدل بس شققها دوم فل مشالله وعيبهم ان مو عالشارع احنه عالشارع مباشره يس زليخه والله خوش مره تساعد وكل شي تبينه تييبلج حتى جدر عزايم اتييبه لج

حبيبتي والله ...بورصة منورة فيكم :ggdw:

يعني شققكم أحسن نبي على الشارع

ومشكورة على الصور الروعة للمجمع

بس بسألج وين الحديقة إللي حاطة صورها شكلها حلوة وين مكانها ؟؟؟؟

 

[كندريه حلوه]

مشكورين ياقلبي وماقصرتووووو وانشالله راح اتحفكم بالصور الحلوه
ويا ابلتي الحديقه ببورصه يم ايكيا تقريبا بين المزارع وانا حاطه اسمها بس صج حلوه

 

[أبلة كويتية]

مشكورين ياقلبي وماقصرتووووو وانشالله راح اتحفكم بالصور الحلوه
ويا ابلتي الحديقه ببورصه يم ايكيا تقريبا بين المزارع وانا حاطه اسمها بس صج حلوه

توني انتبه للإسم هو إللي محطوط بالصورة الأولى

أوووكي جووووووك تشكر يالغالية

والله يتمم عليح بالوناسة

وناطرين إبداعاتج يا كندرية

نبي نستفيد قبل لا نرجع للكوبت

يا خبيرة تركيا

لا يوقف :ggdw: لايوقف :ggdw: لايوقف :ggdw:

 

[أحبج يالكويت]

كملي ننطرج

 

[almodaressa]

كندريه حلوه الله يعطيج العافية
ابي اسالج عن الاذان ينسمع ولا اسوي برنت لمواقيت الصلاة
و مشكووووووووووووورة و ما تقصرين يالغاليه​

 

[كندريه حلوه]

تسلمون ياقلبي وحبيبتي اللي تسال عن الصلاة الحمدلله دوم صوت الاذان عندج مايحتاج برنت

 

[البيداء_77]

متااااااااااااااااابعة

 

[كندريه حلوه]

فديتج يالبيداء انشالله باجر انزل لكم رحله يديده

 

[جنى q8]

دله عليكم بالعافيه

احلى شي تركيا اصلا بس الله كريم الله يرزقنا بسفره لتركيا

مصر لها حلاوتها سبحان الله وتركيا بعد لها حلاوتها

متااااااااااااااااااااااابعه انا يا كندريه

 

[Om_Ksha]

thnnnnnnnnnnx

 

[لانـــا]

كندرية حلوة

عندي كم سؤال محيرني عن تركيا , ياريت القى عندج الاجابة

الحين تركيا فيها الاسيوية والاوروبية
زين شنو المناطق اللي بتركيا الاسيوية والاوروبية

وبورصة تكون وين بين هالاثنين وكم المسافة بينها وبين اسطنبول ؟

واي احسن فندق يعني خمس نجوم في اسطنبول ويكون سعره معقول يعني بحدود 45 دينار

استحمليني واستحملي اسالتي :eh_s(6):

... ناطرتج

 

[وسايم القصيم]

يعطيكي العافيه بس احس ان الردود كثيرة والصور قليله

 

[دلة قهوة]

كملي كندريه شوقتييييييييييييييييينا ناطرينج

 

[كندريه حلوه]

كندرية حلوة

عندي كم سؤال محيرني عن تركيا , ياريت القى عندج الاجابة

الحين تركيا فيها الاسيوية والاوروبية
زين شنو المناطق اللي بتركيا الاسيوية والاوروبية

وبورصة تكون وين بين هالاثنين وكم المسافة بينها وبين اسطنبول ؟
هلا حبيبتي المناطق الاوربيه جزء من اسطنبول اما بورصه فتعتبر من الجزء الاسيوي وبين بورصه واسطنبول تقريبا من 3 الى 5 ساعات على حسب نوع العباره
واي احسن فندق يعني خمس نجوم في اسطنبول ويكون سعره معقول يعني بحدود 45 دينار
واحسن فندق معروف تقريبا كراون بلازا بمنطقة السلطان احمد
استحمليني واستحملي اسالتي :eh_s(6):

... ناطرتج

اتمنى اني افدتج ياحلوه وشاكره مرورج الحلو

 

[كندريه حلوه]

هايووووووووووو يالله مع بعض نروح شاطىء قوملا وهو قريب من مدانيا ويبعد عن بورصه حوالي ساعه بالسياره اهوه يحتوي على كرنيش فيه مطاعم ومحلات وملاهي صغير للاطفال ويقصده الزوار للسباحه اخليكم مع الصور

يتبع

 

[كندريه حلوه]

نكمل مع بعض صور بحر قوملا

اشرايكم بالبحر؟ ترى حلو ويونس وخاصه من المغرب وايد وناسه والجو حلو وهالبوضه مني لكم هديه من بحر قوملا ونطروني برحلتي اليايه

 

[كندريه حلوه]

بما ان السيرفر اوكي الحين بنزل لكم صور مطعم يهبببببببببببل بنات لا يطوفكم جد جد جد مطعم ملا بسوق هيكل اهوه معلم تاريخي ورمموه وسوه مطعم ومن ابرز معالم هالمعلم التاريخي انها كانت مدرسه ومن طلابها محمد الفاتح وكل صف مسوينه قعده واسعاره معقوله ومناسبه ويصير تدقون عليهم واييكم باص المطعم وياخذكم من الشقه او الفندق اخليكم مع الصور

هذا اسم المطعم ورقم التلفون

محل باول المطعم لبيع الملابس والاشياء التراثيه

محمد الفاتح كان يدرس بهالفصل بس حسافه صورته مو واضحه

بما ان احنه عايلتين زهبو لنا طاوله كبيره طبعا بالهواء الطلق الجو عجيب وايد حلو وعندهم قعدات بره وداخل تابعوني خل اوريكم صور الاكل