نادي الكتاب لشهر يوليو(قوة عقلك الباطن)مترجم

[ناتشوو]

عندي تعليق بسيط على كلامج يالغالية

ساعات لما امر بالموقف اللي انتي كاتبته اني ادعي وادعي واحس ان لساني بصوب وقلبي بصوب ثاني مو مستشعرة الدعاء اللي قاعدة اقوله او لما ادعي وادعي واكون حاضرة بقلبي وعقلي بس ما يستجاب دعائي، على طوووول اقول بيني وبين نفسي انا شنو الذنب اللي سويته اللي انحرمت بسببه من لذة الدعاء او لذة استجابة الدعاء واكتشف ان الذنب ساعات يكوووون حييييييل صغير ومو مهم بالنسبة لي بس طبعا كبيير عند الله سبحانه

هذا تعليق بسيط على كلامج وسوري طلعت برا الموضوع

حي الله نوارة
فعلا ذنوبنا سبب تأخر الرزق

 

[ناتشوو]

كلامج 1000000000? صح

المشكلة مو بس على شغل البيت المشكلة احنا قاعدين نزرع في عيالنا التفكير السلبي من واهما صغار، مثال:
لما الام تقول ولدي عصبي ولدي كله مأذيني ولدي كله يسب، اهيا قاعدة تزرع فيه هالصفات وتثبتها في شخصيته واهيا ما تدري لان خلاص زرعت هالتفكير السلبي في راسه

لما الولد يقعد يتخيل ويقول انا لكبرت بسوي وبسوي البعض يستهزأ والبعض يكفتي بقولة "اي ان شاء الله تسوي كل اللي تبيه" وين التحفيز؟ وين زرع روح الابتكار في الياهل، لازم نمشيه على هالدرب من واهوا صغير نحاول نشجعه نغير اهتماماته من تلفزيون واكل وسينما الى اشياء مفيدة، نقعد نتناقش معاه نفكر معاه شلون يحقق احلامه

مرة قريت عن قصة امراة عيوز عمرها فوق السبعين، دخلت دورة محو امية لانها ما تعرف تقرا ولا تكتب وبهمتها العالية قالت لعيالها انا بحفظ القرآن وان شاء الله باقدر، طبعا الكل بنهم وبين نفسهم مو مصجقين انها تقدر، بدت بالسور الصغيرة وكانت تسنع شريط علشان يساعدها في الحفظ وتخلي احفادها الصغار يسمعون لها، وباصرارها حفظت من الجزء الثلاثين الى جزء بالعشرينات ماني ذاكرة بالضبط او يمكن فوق ال15 جزء والكل كان مبهور فيها ومو مصدق من ارادتها اللي ماحد قدر يوقفها الا الموت رحمة الله عليها

الله ردج مؤثر
لازم نتغير علشان نربي عيالنا صح
اسلوب الطنازة الدارج
لازم نوقفه

 

[ناتشوو]

صح نواره الواحد لمن يحط في باله شي و يعزم يسويه ويفكر فيه 24 ساعه بإذن الله يصير ..

بنات وين وصلتوا ؟ آنا خلصت الفصل السابع ولاحت شغله إن المؤلف وايد مركز على المرض والعلاج و شلون يطيب الانسان لمن يبرمج نفسه عندي خالتي فيها المرض الخبيث اللي منتشر هالايام بشكل مو طبيعي حاولت أنقلها فكره الكتاب و شلون تحاول قبل لا تنام تفكر انها تخلصت من المرض و رجعت صحتها وبشرتها وشعرها نفس الأول >> يا الله يا رب تشافيها وتشافي كل مريض مبتلى بهذا المرض

أنصح اللي عندها مريض يحب يقرا تهديه الكتاب أو توصله الفكره ، وايد ناس استمرضوا من كثر ما يوسوسون بالمرض ويفكرون فيه .

آنا قاعده أحاول أطبق الفيلم المصور اللي تتخيلينه قبل النوم اللي تكلم عنها الكاتب ، قاعده أتخيل نفسي دكتوره وأدرس بالجامعه ) وناسه هههه

هذا حلمي وانتو و كيفكم حلمو اللي تبونه و انشالله ربي يسخرلنا ووفقنا نحقق كل أحلامنا

ان شاء الله يتحقق حلمج وطموحج
الله يشفي خالتج وجميع مرضى المسلمين

 

[ناتشوو]

انا رحت بشتريه واقراه معاكم
لقيت جرير فيها كتاب ثاني بس بعنوان مقارب له
والكاتب شخص ثاني
فهونت

ماعرف اقرا من الملف الي انتي منزلته
بس قريت اول جم صفحة وحيل عجبني ونويت اشتريه

ممكن اعرف وين احصله؟؟

هلا والله
عهود الحب

بصراحة انا عندي النسخة القديمة يمكن من 5سنين عندي
فما ادري وين ممكن يكون ف غير مكتبة جرير:eh_s(1):

 

[غاده]

صبااااااااااحو يا حلوين اشلونكم شخباركم
ماشاءالله عليكم استمتع بمناقشاتكم......جدا بس ودي اسال متا راح تبدون بالكتاب اليديد...
وسؤال برمضان اذا الله احيانا ان شاءالله............راح انكمل ولا راح يوقف الموضوع

 

[لي مشاعر]

يعطيكم العافيه

ومنكم نستفيد ان شاء الله

 

[KittyCat]

بنات وين وصلتوا ...اى فصل؟؟!!

 

[q8sweeta]

انا قاريته الكتاب كله ومرتين بعد واستفدت منه وايد وطبقت
بس الكتاب وحده مو كافي لازم دورات ولازم تقرون كتاب مكمل له
طبعا يعتبر كتاب قوة العقل الباطن اهو الكتاب الاول في قانون الجذب ومن الكتب اللي قريتها ويعتبر مكمل ويجاوب على كل الاسئله كتاب ثاني حق مؤلفه روسيه من افضل الكتب اللي لقيتها من بعد كتاب قوة العقل الباطن
اذا خلصتوا هالكتاب وسكرتوا الموضوع:gathering: بعطكيم اسم الكتاب والمؤلفه اشتروه واقروه واراح تفهمون شغلات زياده من بعد كتاب قوه العقل الباطن

 

[KittyCat]

انا قاريته الكتاب كله ومرتين بعد واستفدت منه وايد وطبقت
بس الكتاب وحده مو كافي لازم دورات ولازم تقرون كتاب مكمل له
طبعا يعتبر كتاب قوة العقل الباطن اهو الكتاب الاول في قانون الجذب ومن الكتب اللي قريتها ويعتبر مكمل ويجاوب على كل الاسئله كتاب ثاني حق مؤلفه روسيه من افضل الكتب اللي لقيتها من بعد كتاب قوة العقل الباطن
اذا خلصتوا هالكتاب وسكرتوا الموضوع:gathering: بعطكيم اسم الكتاب والمؤلفه اشتروه واقروه واراح تفهمون شغلات زياده من بعد كتاب قوه العقل الباطن

صج شوقتينى!! شنو اسم الكتاب لوسمحتى؟؟ انا احب هالنوعيه من الكتب

 

[KittyCat]

ناتشو حبيبتى المفروض باى باب نوصل الحين.؟
انا خلصت الباب الثانى عشر...عباره عن قصص لعلماء...وايد عجبنى الفصل الثامن
و فى شغاله مو فهمتها ياريت لتفهمنى
7 - العضوة التي ستفتتح الموضوع ستطرح سؤال في نهاية كل كتاب سيتم الاعلان عن موعد طرحه بعد مناقشة الكتاب واول من تجيب عليه من بقية اعضاء النادي ستعطى لها شهادة تقدير وتكون هي من تفتتح الموضوع الذي يليه.

شنو قصدج؟؟ مشكوره و يعطيج العافيه جد ساعدتينى انى اقره هالكتاب وايد كا ن بخاطرى الحين احس فينى حماس اقرى بس بسبت النادى

 

[Shiny Star]

انا قاريته الكتاب كله ومرتين بعد واستفدت منه وايد وطبقت
بس الكتاب وحده مو كافي لازم دورات ولازم تقرون كتاب مكمل له
طبعا يعتبر كتاب قوة العقل الباطن اهو الكتاب الاول في قانون الجذب ومن الكتب اللي قريتها ويعتبر مكمل ويجاوب على كل الاسئله كتاب ثاني حق مؤلفه روسيه من افضل الكتب اللي لقيتها من بعد كتاب قوة العقل الباطن
اذا خلصتوا هالكتاب وسكرتوا الموضوع:gathering: بعطكيم اسم الكتاب والمؤلفه اشتروه واقروه واراح تفهمون شغلات زياده من بعد كتاب قوه العقل الباطن

أنا بعد شوقتيني شنو اسم الكتاب :klhfl:

 

[Shiny Star]

بنات وينوصلتوا ؟؟؟؟؟؟

أنا قريت لين الفصل الخامس عشر ... الكتاب روعة روعة شوية عليه بس فيه تكرار شوي لنفس النقاط لكن الأمثلة اللي كاتبها المؤلف جداحلوة وتوصل المعنى عدل

وايد أثرت فيني جملة مكتوبة بصفحة 164 " إن مستقبل بلد يوجد في العقل الباطن الجماعي لسكان هذا البلد "

فعلا أحس الكويت الحين تغيرت من تغير نفوس الناس ... وهذا اللي يحز بالخاطر

الفصل الحادي عشر :عقلك الباطن كشريك في نجاحك - هذا الفصل فيه ملخص جميل جدا لخطوات النجاح الثلاث

" إن النجاح هو الالتام بالمثل العليا أكثر من مجرد جمع لثروات " كلام صحيح 100 %

 

[q8sweeta]

راح اعطيكم اسم الكتاب بس ركزوا بالعقل بالباطن واقروه قولوا شنو استفدتوا وراح اشارككم

 

[ام حلومي]

يعطيج العافيه عجبني وايد وانا اموت علي جذي

 

[KittyCat]

راح اعطيكم اسم الكتاب بس ركزوا بالعقل بالباطن واقروه قولوا شنو استفدتوا وراح اشارككم

تبين تحمسينا
انا الحين بالفصل الخامس عشر...وايد عطنى راحه و تفائل هالكيتاب..انشاءالله بخالصه و بقره كتابج السرى جدا هاهاها

 

[ناتشوو]

صبااااااااااحو يا حلوين اشلونكم شخباركم
ماشاءالله عليكم استمتع بمناقشاتكم......جدا بس ودي اسال متا راح تبدون بالكتاب اليديد...
وسؤال برمضان اذا الله احيانا ان شاءالله............راح انكمل ولا راح يوقف الموضوع

تدرين ماطرى علي رمضان
لأنه اول رمضان بعد افتتاح النادي
ممكن نوقفه وممكن نختار كتاب يتناسب مع روحانية الشهرالفضيل

 

[ناتشوو]

يعطيكم العافيه

ومنكم نستفيد ان شاء الله

حياج :eh_s(6):

 

[ناتشوو]

ناتشو حبيبتى المفروض باى باب نوصل الحين.؟
انا خلصت الباب الثانى عشر...عباره عن قصص لعلماء...وايد عجبنى الفصل الثامن
و فى شغاله مو فهمتها ياريت لتفهمنى
7 - العضوة التي ستفتتح الموضوع ستطرح سؤال في نهاية كل كتاب سيتم الاعلان عن موعد طرحه بعد مناقشة الكتاب واول من تجيب عليه من بقية اعضاء النادي ستعطى لها شهادة تقدير وتكون هي من تفتتح الموضوع الذي يليه.

شنو قصدج؟؟ مشكوره و يعطيج العافيه جد ساعدتينى انى اقره هالكتاب وايد كا ن بخاطرى الحين احس فينى حماس اقرى بس بسبت النادى

ماشاء الله على حماسج ونشاطج بالنادي

بالنسبة للعبارة:

العضوة التي ستفتتح الموضوع ستطرح سؤال في نهاية كل كتاب

اللي هي انا هالشهر

اطرح سؤال متعلق بالكتاب واسرع وحدة بالاجابة
راح تكون مسؤولة النادي الشهر الجاي

ومو شرط بالسؤال ممكن اللي ودها تمسك النادي تتقدم وتقول وعساها عالقوة

( اشرايج تمسكين النادي الشهر الجاي؟
اول شي تفتحين موضوع لاختيار الكتاب
وعقبه تفتتحين النادي)

ناطرة ردج

 

[ناتشوو]

يعطيج العافيه عجبني وايد وانا اموت علي جذي

حياج الله

راح اعطيكم اسم الكتاب بس ركزوا بالعقل بالباطن واقروه قولوا شنو استفدتوا وراح اشارككم

وانا بعد ناطرة اسم الكتاب:eh_s(1):

 

[ناتشوو]

لي عودة مع تحليل بعض ماجاء بالكتاب
ان شاء الله

عقب اسبوع
المفروض افتتاح نادي شهر اغسطس مع الكتاب الجديد اللي بنختاره